Vikublaðið - 24.03.1994, Blaðsíða 5
VIKUBLAÐIÐ 24. MARS 1994
Borgarstjórnarkosningarnar
STEFNUYFIRLYSING REYKJAVIKURLISTANS
Glæsileg höfuðborg er stolt
hverrar þjóðar. Gæði hennar
felast ekki einungis í fallegu
yfirbragði, glæstum húsum og steypt-
um akbrautum, heldur fyrst og frernst
í aðltúnaði og líðan þeirra sem borg-
ina byggja. Þar eiga allir að vera jafh
réttháir, ungir og aldnir, konur og
karlar, sjúkir og heilbrigðir.
Reykjavík getur vissulega státað af
nýlegum glæsibyggingum sem sumar
hverjar hafa komið óþynnilega við
sameiginlega sjóði borgarbúa. A sama
tíma er atvinnuleysi í borginni meira
en nokkru sinni fyrr og félagsleg þjón-
usta hefur hvergi nærri undan. Ut-
gjöld borgarinnar vegna gæluverkefiia
Sjálfstæðisflokksins á liðnum árum
hafa farið vaxandi og skuldir hennar
aukist gríðarlega.
Við þessar sérstöku aðstæður hafa
fern stjórnmálasamtök í Reykjavík -
Alþýðubandalagið, Alþýðuflokkurinn,
Framsóknarflokkurinn og Kvennalist-
inn - gert ineð sér kosningabandalag
við borgarstjórnarkosningarnar vorið
1994. Kosningabandalagið mun leita
eftir stuðningi borgarbúa til þess að fá
meirihluta í kosningunum þannig að
unnt verði að vinna eftir nýjum á-
herslum í Reykjavík eftir nær sam-
fellda áratuga stjórn Sjálfstæðisflokks-
ins. í því skyni er boðinn fram sam-
einaður Reykjavíkurlisti fyrrnefndra
stjórnmálasamtaka og annars áhuga-
fólks um breytta stjórnarhætti í borg-
inni.
Reykjavíkurlistinn býður fram und-
ir kjörorðinu OPIN OG LÝÐRÆÐ-
ISLEG BORG - heimili - atvinna -
skóli, og vili með því leggja höfuðá-
herslu á þá grundvallarþætti sem öðr-
um fremur stuðla að velferð einstak-
linganna í nútímaborgarasamfélagi.
Það er stefita Reykjavíkurlistans að
styrkja þessa þætti með því að bæta úr
brýnni þörf fyrir betri og sveigjanlcgri
þjónustu við reykvískar fjölskyldur,
stuðla að aukinni atvinnu, vinsam-
legra umhverfi, opnara stjórnkerfi og
lýðræðislegri stjórnarháttuin.
I starfi sínu mun Reykjavíkurlistinn
leitast við að hafa hugmyndir félags-
hyggju, kvenfrelsis og umhverfis-
verndar að leiðarljósi og leggja
áherslu á eftirfarandi inarkmið:
Valddreifing og annað
viðmót
Það er markmið Reykjavíkurlistans
að auka valddreifingu í borginni
þannig að frumkvæði borgarbúa fái
notið sín. Stjórnkerfi borgarinnar
verði fært til nútímahorfs, gert lýð-
ræðislegra, ábyrgara og skilvirkara en
nú er.
Þessum markmiðum hyggst
Reykjavíkurlistinn ná með eftirfarandi
hætti:
♦ Með því að setja á stofn embætti
umboðsmanns borgarbúa.
♦ Með því að koma á skýrri hverfa-
skiptingu borgarinnar með það fyrir
augum að íbúarnir geti haft raunveru-
leg áhrif á nánasta umhverfi sitt og þá
þjónustu sem veitt er í hverfinu.
♦ Með því að auka rétt borgarbúa
til að greiða atkvæði um einstök borg-
armál.
♦ Með því að koma á meiri sam-
vinnu við félagasamtök og safnaðar-
starf í hverfunum.
♦ Með því að auka hlut kvenna í
embættismannakerfinu og vinna að
því að jafna stöðu kynjanna í fyrir-
tækjum og stofnunum borgarinnar.
♦ Með því að auka upplýsinga-
skyldu borgarstjórnar og stjórnkerfis
borgarinnar verulega frá því sem nú
er, með það fyrir augum að gera borg-
arfulltrúa og embættismenn ábyrgari
gagnvart borgarbúum.
Atvinna,já takk
Það er markmið Reykjavíkurlistans
að gera Reykjavík að miðstöð nýsköp-
unar og þróunar í atvinnumálum og
Qpin og lýðræðisleg borg
atvinna - skóli
stuðla þannig að fjölbreyttu atvinnu-
lífi í framtíðinni. Unnið verði mark-
visst að því að draga úr vanda þeirra
sem eru atvinnulausir.
Þessum markmiðum hyggst
Reykjavíkurlistinn ná með eftirfarandi
hætti:
♦ Með því að gera sóknaráætlun í
samvinnu við verkalýðsfélög og at-
vinnurekendur í Reykjavík um hvern-
ig örva megi hjól atvinnulífsins í borg-
inni, skapa störf fyrir þá sem eru at-
vinnulausir eða styrkja þá til náms
sem gæti bætt stöðu þeirra á vinnu-
markaði.
♦ Með því að örva nýsköpun í at-
vinnumálum, með samræmdu og
skipulögðu stuðningskerfi fyrir lítil og
meðalstór fyrirtæki.
♦ Með því að stofna atvinnuþróun-
arsjóð sem láni með hagstæðum kjör-
um til nýrra verkefna sem líklega eru
til að skapa störf til frambúðar.
♦ Með því að móta innkaupa- og
útboðsstefnu sem taki mið af inn-
lendri framleiðslu.
♦ Með því að skapa störf fyrir ungt
fólk svo að starfsorka þess og mennt-
un komi sem fyrst að notum í atvinnu-
lífinu.
♦ Með því að samhæfa krafta þeirra
sem vinna að ferðamálum í borginni
og gera borgina að gestgjafa á alþjóð-
legan mælikvarða.
♦ Með því að styrkja stöðu Reykja-
víkur og stuðla að sátt um hana sem
höfuðborg allra landsmanna, sem eflir
samvinnu þeirra en ekki sundrungu.
♦ Með því að stuðla að launajöfn-
uii milli karla og kvenna í þjónustu
borgarinnar, tii dæmis með því að
vinna að starfsmati í samvinnu við
samtök launafólks.
♦ Með því að leggja áherslu á virka
vinnumiðlun þar sem atvinnulaust
fólk nýtur athygli og umhyggju.
Börnin -fi-amtíð þjóðar-
innar
Það er markmið Reykjavíkurlistans
að búa vel að barnafólki og leggja sitt
af mörkum til að skapa öryggi og góð-
ar ytri aðstæður í daglegu lífi fjöl-
skyldnanna. Foreldrar fái stuðning til
að takast á við hlutverk sitt og skólan-
um verði sköpuð skilyrði til að sinna
því uppeidis- og fræðsluhlutverki sem
hann á að gegna í nútímaþjóðfélagi.
Þessum markmiðum hyggst
Reykjavíkurlistinn ná með eftirfarandi
hætti:
♦ Með því að vinna markvisst að
því að tryggja öllum börnum, sem á
þurfa að halda, aðgang að leikskóla
þann tíma dags sem foreldrar eru utan
heimilis. Möguleikar á mismunandi
rekstrarformi og dvalartíma verði
auknir.
♦ Með því að endurskoða fyrir-
komulag og eftirlit með dagvistun á
einkaheimilum með það fyrir augum
að gera hana öruggari og betri kost
fyrir þá sem það kjósa.
♦ Með því að vinna að einsetningu
allra grunnskóla í Reykjavík á næstu
4-6 árum og að skóladagurinn verði
samfelldur. Lengd viðvera og/eða
skóladagheimili standi þeim börnum
til boða, sem á þurfa að halda.
♦ Með því að skipta borginni upp í
nokkur skólahverfi með skólanefitd
skipaðri fulltrúum viðkomandi hverf-
is.
♦ Með því að byggja upp aðgengi-
lega íjölskylduráðgjöf þar sem sérstök
áhersla verði lögð á þjónustu við fjöl-
skyldur barna og ungmenna.
♦ Með því að koina á virku sam-
starfi allra þeirra sem vinna að málum
barna og unglinga með fyrirbyggjandi
starf í huga.
♦ Með því að borgaryfirvöld leggi
sitt af mörkum til markvissrar upp-
byggingar listnáms, starfs- og verk-
náms í framhaldsskólum borgarinnar.
Virðing á öllum ævi-
skeiðum
Það er markmið Reykjavíkurlistans
að stuðla að auknum jöfnuði í lífskjör-
um borgarbúa þannig að ytri aðstæð-
ur komi ekki í veg fyrir að þeir geti lif-
að með reisn. Aðstoð einstaklinga og
fjölskyldur miðist við að hjálpa þeim
til sjálfshjálpar.
Þessum markmiðum hyggst
Reykjavíkurlistinn ná með eftirfarandi
hætti:
♦ Með því að félagsleg þjónusta og
aðhlynning standi öldruðum til boða
þegar þörf er á.
♦ Með því að bæta úr brýnni þörf
fyrir þjónustu við aldraða hjúkrunar-
sjúklinga og leggja áherslu á uppbygg-
ingu hjúkrunarheimila.
♦ Með þvf að beita sér fyrir auknu
ffamboði á leiguíbúðum, kaupleiguí-
búðum og búseturéttaríbúðum í
borginni.
♦ Með því að taka upp náið sam-
starf við félög og samtök sem vinna að
húsnæðismálum í borginni.
♦ Með því að leggja áherslu á upp-
byggingu og aukningu forvarnarstarfs
í heilsugæslu og félagslegri þjónustu,
ekki síst með tilliti til þess að efla
varnir gegn vímuefnum.
♦ Með því að bæta þjónustu við
fatlaða og gera hana að eðlileguin
þætti í félagsþjónustu borgarinnar.
♦ Með því að gera áætlun um að-
gengi fatlaðra í samvinnu við samtök
fatlaðra.
Vistvæn höjuðborg
norðursins
Það er markmið Reykjavíkurlistans
að Reykjavíkurborg taki forystu í um-
hverfismálum hér á landi. Skipulag
mannvirkja, borgarhverfa og allrar
starfsemi taki mið af náttúrulegu um-
hverfi, virði sögu borgarinnar og
stuðli að umferðaröryggi og góðri
þjónustu í öiluni íbúðarhverfum.
Þessum markmiðum þyggst
Reykjavíkurlistinn ná með eftirfarandi
hætti:
♦ Með því að varðveita svæði þar
sem eru sérstæði náttúru- eða menn-
ingarverðmæti og auðvelda fólki að-
gang að þeim til gagns, ánægju og
vellíðunar.
♦ Með því að gefa öryggissjónar-
miðum meiri forgang en verið hefur
við hönnun umferðarmannvirkja og
stefna markvisst að því að fækka um-
ferðarslysum.
♦ Með því að leggja aukiia áherslu
á bættar aðstæður fyrir gangandi og
hjólandi vegfarendur og efla og end-
urbæta almenningssamgöngur.
♦ Með því að auka ræktun í borgar-
landinu og gera áætlun um umönnun
lands.
♦ Með því að endurskoða aðferðir
við sorp- og skólpförgun með það að
markmiði að auka endurnýtingu og
endurvinnslu og að nýta Iífrænan úr-
gang til landbóta.
Borgarlíf- menningarlíf
Það er markmið Reykjavíkurlistans
að efla list- og verkmenningu í borg-
inni og styrkja Reykjavík sem miðstöð
íslensks menningarlífs. Borgin á að
stuðla að nýsköpun í menningarmál-
um og styðja framtak og menningar-
viðleitni áhugamanna og hópa. Borg-
aruinhverfið á að hvetja fólk til þátt-
töku í menningarlífi og gera því kleift
að stunda íþróttir og útiveru sem eðli-
legan þátt í daglegu lífi.
Þessum markmiðuin hyggst
Reykjavíkurlistinn ná með eftirfarandi
hætti:
♦ Með því að búa öllum aldurshóp-
um aðstöðu til skapandi tómstunda-
starfs í hverfum borgarinnar.
♦ Með því að styrkja menningar-
hlutverk skólanna og koma á auknu
samstarfi milli þeirra og annarra
menningarstofnana borgarinnar.
♦ Með því að móta menningar-
stefnu í samráði við samtök lista-
manna.
♦ Með því að styrkja stöðu handíð-
ar og hönnunar í borginni, meðal
annars ineð því að auka veg listiðnað-
arnáms.
♦ Með því að efla almenningsí-
þróttir og stuðla að því að aðgangur
almennings að íþróttamannvirkjum í
Reykjavík verði greiðari en nú er.
♦ Með því að fela frjálsum félaga-
samtökum aukin verkefni á sviði í-
þrótta- og tómstundamála.
♦ Með því að fela unglingum aukna
ábyrgð á uppbyggingu og rekstri tóm-
stundastarfs í þágu þeirra.
♦
Abyrgð ífjármálum og
framkvæmdum
Það er inarkmið Reykjavíkurlistans
að stöðva bruðl og vanhugsaðar
skyndiákvarðanir í fjármálum borgar-
innar og hefja endurreisn borgarsjóðs.
Snúið verði af braut kostnaðarsamra
gæluverkefna en þess í stað verði
ákvarðanir um verklegar framkvæmd-
ir byggðar á þörfum borgarbúa fyrir
nýja eða bætta þjónustu.
Þessum markmiðum hyggst
Reykjavíkurlistinn ná með effirfarandi
hætti:
♦ Með því að standa vörð um
tekjustofna Reykjavíkur gegn síendur-
teknum árásum ríkisvaldsins og vinna
að auknii sjálfstæði sveitárfélaga til
tekjuöflunar.
♦ Með því að endurskoða rekstur
og stjórnkerfi borgarinnar með það
fyrir augum að gera það hvort tveggja
hagkvæmara og skilvirkara en nú er.
♦ Með því að setja skýrar reglur
um framkvæmdir á vegum borgarinn-
ar þar sem kveðið verði á um hvernig
staðið skuli að frumathugun, áædana-
gerð, verklegri framkvæmd og
skilamati.
♦ Með því að bjóða út allar ný-
ffamkvæmdir sem og allt viðhald þar
sem því verður við komið.
♦ Með því að stöðva einkavæðingu
þjónustufyrirtækja borgarinnar og
færa rekstur SVR í fyrra horf.