Vikublaðið


Vikublaðið - 08.04.1994, Blaðsíða 1

Vikublaðið - 08.04.1994, Blaðsíða 1
Kvenmynd fjöl- miðlanna Bert hold og tælandi stúlkur troðfylla hvern miðilinn á fætur öðrum en málefnaleg- um frétttaviðtölum við konur fjölgar lítið. Bls. 8-9 Val Jakobínu Rithöfundurinn, bóndakonan og sósíalistinn Jakobína Sig- urðardóttir skilur eftir djúp spor í íslenskum bókmenntum og baráttuhreyfingu vinstri- manna. Bls. 5 Utanríkismál og atvinnuleysið Á vinstrivængnum eru hefð- bundin baráttumál teldn til umræðu í ljósi breyttra tíma og ný vandamál kalla á róttæka stefnumótun. Bls. 12,13 og 14 13. tbl. 3. árg. 8. apríl 1994 Ritstjórn og afgreiðsla: sími 17500 250 kr. Ingibjörg Sólrún nýtur meira trausts en Árni Reykjavíkurlistinn er með 57,6 prósent samkvæmt könnun Hagvangs. 60,7 prósent treysta Ingibjörgu Sólrúnu Gísladóttur betur en Árna Sigfússyni. Skoðanakönnun sem Hag- vangur opinberaði í gær sýnir að væri gengið tíl borgar- stjórnarkosninga núna fengi Reykjavíkurlistinn 57,6 prósent at- kvæða en Sjálfstæðisflokkurinn 42,4 prósent. Þessi niðurstaða gef- ur Reykjavíkurlistanum níu borg- arfulltrúa, en miðað við skekkju- mörk er stutt í að þeir séu átta. Þá Ieiðir könnunin í ljós að 60,7 pró- sent treysta Ingibjörgu Sólrúnu Gísladóttur betur en Arna Sigfus- syni tíl að stjórna borginni, en 39,3 prósent treystu Arna betur. Niðurstöðurnar sýna að fylgi Reykjavíkurlistans gæfi honum nú níu manns í borgarstjóm en Sjálfstæðis- fiokkurinn fengi sex. Hér er miðað við þá sem afstöðu tóku í könnuninni, en 16,3 prósent tóku ekki afstöðu. Sam- kvæmt því væri Gunnar Gissurarson tæknifræðingur inni. Hins vegar ligg- ur fylgi Reykjavíkurlistans samkvæmt könnuninni mjög nálægt mörkum átt- unda og níunda manns og með hlið- sjón af nýlegri könnun Gallups, sem sýndi nokkra sókn Sjálfstæðisflokks- ins, virðist mega gera ráð fyrir því að fylgið sé heldur að síga niður á við hjá Reykjavíkurlistanum að óbreyttu. Bendir ýmislegt til þess að næstu vik- urnar verði baráttan um áttunda sæt- ið; um Ingibjörgu Sólrúnu Gísladótt- ur alþingismann hjá Reykjavíkurlist- anum og Þorberg Aðalsteinsson handboltaþjálfara hjá Sjálfstæðis- flokknum. Könnun Hagvangs var gerð í tveim lotum fyrir og eftir páskahátíðarnar. Náði úrtakið til 958 kjósenda á aldrin- um 18 til 75 ára, en svarhlutfall reynd- ist 70,9 prósent. - Sjá nánari umfjöllun um Reykjavíkurlistann á bls. 2 og baksíðu. Hrafninn floginn - óreiðan eftir Pétur Guðfútnsson hefur tekið við starfi sínu sem fram- kvæmdastjóri ríkissjónvarpsins á ný og Hrafh Gunnlaugsson farinn á annan vettvang. Samkvæmt heim- ildum Vikublaðsins maetir Pétri hár stafli af vandamálum eftir eins árs stjórnartíð Hrafhs. Má nefna að á fyrstu þrem mánuðum þessa árs var Hrafh búinn að eyða tæplega helmingnum af 31 milljón króna útgjaldaramma skrifstofu fram- kvæmdastióra og gera auk þess samninga til lengri tíma sem eftir er að greiða. Erfiðasta glíman á fyrstu vikum Péturs verður þó að leysa fjárhagsleg vandamál fréttastofu og íþróttadeildar sjónvarpsins. Að óbreyttu vantar al- gerlega fé til að standa straum af kostnaði vegna kosningasjónvarps og vegna sýninga leikja frá heimsmeist- aramótinu í knattspyrnu. Við mótun fjárhagsáætlunar þessa árs sýndi Hrafn íþróttadeildinni lítinn skilning og er alls óvíst að knattspyrnuunn- endur fái HM-leikina, þótt búið sé að greiða réttindin eða um helming af alls 13 milljón króna kostnaði. Annar kostur er sagður að skera niður inn- lent íþróttaefhi, nema til komi sérstök aukafjárveiting. I raun hefði staðan verið enn verri ef samþykktar hefðu verið róttækar niðurskurðartillögur sem Hrafn kynnti deildarstjórum í janúar, án undanfarandi samráðs. Efrir storma- sama fundi ákvað Heimir Steinsson útvarpsstjóri að leggja fram sínar til- lögur með hliðsjón af tillögum Hrafns og þar vantaði t.d. fé í kosningasjón- varp og HM. I tillögum Heimis var gert ráð fyrir endurskoðun þessara til- lagna um miðjan apríl. Formaður Framsóknarflokks- ins í opinbera rannsókn Skiptastjóri þrotabús útgáfufé- lags Tímans skrifar svarta skýrslu um ráðstafanir for- manns Framsóknarflokksins og vill láta reyna á þær fyrir dómsstólum. Samþykktar kröfur eru á bilinu 30 - 35 milljónir króna en peningaeign þrotabúsins er um 10 milljónir króna. Skiptastjóri þrotabús Mótvægis hf. sem gaf út dagblaðið Tímann til ára- móta lagði fram skýrslu á miðvikudag þar sem forsvarsmenn fyrirtækisins og Steingrímur Hermannsson formaður Framsóknarflokksins eru gagnrýndir fyrir aðgerðir sem þeir stóðu fyrir síð- ustu mánuðina sem Tíminn var á á- byrgð Framsóknarflokksins. Skiptastjórinn, Brynjólfur Kjart- ansson, segir í skýrslu sinni „að full ástæða er til þess að rannsaka gaum- gæfilega ýmsar aðgerðir forsvars- manna félagsins." Eigendur DV tóku við rekstri Tím- ans um áramót og Brynjólfur hefur eftir þeim að þeir hafi ekki keypt á- skrifendaskránna af Mótvægi hf. held- ur af Framsóknarflokknum. „Ef rétt er þá hefur Framsóknarflokkurinn selt sömu skrána tvisvar," skrifar Brynjólfur en flokkurinn hafði áður selt Mótvægi hf. sömu skrá. Mótvægi hf. tók við rekstri Tímans á síðasta ári þegar Framsóknarflokk- urinn reyndi að fa fleiri aðila til að taka þátt í útgáfunni. Eftir sem áður var flokkurinn stærsti eigandi blaðsins og Steingrímur Hermannsson sá maður sem hafði mest áhrif á stefnu útgáfufélagsins, bæði sem stjórnar- maður í Mótvægi og formaður Fram- sóknarflokksins. I skýrslu sinni skrifar skiptastjórinn að „formaður stjórnar Mótvægis hf., sem er formaður Framsóknarflokks- ins [samdi við] framkvæmdastjóra Framsóknarflokksins um endurgjald fyrir notkun á nafhinu „Tíminn" og skyldi endurgjaldið vera í því fólgið að flokkurinn fengi, án greiðslu, auglýs- ingar allt að fyrir kr. 250.000 á mán- uði miðað við gildandi auglýsinga- taxta án afsláttar. Sérstök ástæða er til þess að láta reyna á samning þennan fyrir dómstólum." Skiptastjóri hefur samþykkt kröfur að upphæð 30 milljónum króna. Þar af eru almennar kröfur um 23 milljón- ir. Forgangskröfur starfsmanna nema um 15 milljónum króna en af þeim herar skiptastjóri samþykkti 7 millj- ónir. Þessi upphæð gæti hækkað. Stærsti kröfuhafinn er Landsbank- inn með 10 milljóna króna kröfu. Prentsmiðjan Oddi hefur lýst kröfum upp á 8,5 milljónir og fengið þær sam- þykktar. Peningaeign Mótvægis er um 10 milljónir króna og því er ólíldegt að nokkuð fáist upp í almennar krörar. Stærsti kröfuhaíinn með forgangs- kröfur er Blaðamannafélag íslands og lífeyrissjóður félagsins með 1,3 millj- ónir króna. I skýrslu sldptastjóra koma fram al- varlegar athugasemdir um greiðslu Framsóknarflokksins á hlutafé og tal- að um að það hafi verið greitt með verðlitlum tækjum og viðskiptavild. Þá er efast um lögmæti hlutafjáraukn- ingar í félaginu og verður endurskoð- andi fenginn til að fara yfir þær ráð- stafanir. „Ljóst er að rekstri félagsins var haldið áfram löngu eftir að gefa átti félagið upp til gjaldþrotaskipta og án þess að nokkur leið út úr vandanum hafi verið í sjónmáli," segir í niðurlagi skýrslu skiptastjóra Mótvægis hf.

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.