Morgunblaðið - 11.03.2005, Page 8
8 B FÖSTUDAGUR 11. MARS 2005 MORGUNBLAÐIÐ
bílar
KIA-verksmiðjurnar í Kóreu selja á
erlendum markaði um 70 til 75%
framleiðslunnar eða um 900 þúsund
bíla af 1,2 milljóna bíla framleiðslu.
Evrópuforstjóri Kia, Frakkinn Jean-
Charles Lievens, segir að Kia stefni
hátt í bílaframleiðslu heimsins á
næstu árum. Hann segir fyrirtækið
hafa náð góðri stöðu í Bandaríkjun-
um, með fleiri Kía-bíla selda en bíla
frá Volkswagen og BMW.
„Þetta stafar af því að Kia stendur
á gömlum merg í heimalandinu og
býður vandaða framleiðslu. Við ætl-
um að vera áfram með sterka hlut-
deild í Asíu. Næsta skref er að ná
betri stöðu á Evrópumarkaði,“ segir
Lievens í samtali við Morgunblaðið.
„Ameríka er eitt land en Evrópa er
mun flóknari þar sem lög og reglu-
gerðir geta verið mismunandi frá
einu landi til annars og þar eru margs
konar þröskuldar eins tungumál,
skattar og síðast en ekki síst margir
evrópskir bílaframleiðendur sem eru
harðir keppinautar.“
Lievens nefnir sem dæmi um sókn
á Evrópulönd nýja rannsóknar- og
þróunarmiðstöð Kia í Rüsselsheim í
Þýskalandi og að á miðju næsta ári
verði opnuð verksmiðja í Slóvakíu þar
sem framleiða á um 300 þúsund bíla
og veita um 2.800 heimamönnum
störf. Er það fjárfesting uppá 1,1
milljarð evra. Ekki er enn ákveðið
hvaða tegundir verða framleiddar í
þessari verksmiðju en líklega verða
þær tvær eða þrjár.
Þá segir hann að á síðasta ári hafi
verið seldir um 180 þúsund Kia-bílar í
Vestur-Evrópu og ætlunin sé að auka
söluna í um 280 þúsund bíla á næstu
árum. Árið 2002 voru seldir 80 þús-
und bílar frá Kia í Evrópu. „Við
stefnum svo ákveðið á Evrópu af því
að við bjóðum bíla sem hæfa Evrópu-
mönnum hvað varðar aðbúnað, tækni
og liti og þeir bera líka þægileg nöfn.
Þá höfum við boðið dísilvélar í öllum
gerðum og það er mikil eftirspurn
eftir þeim í mörgum löndum Evrópu.
Þar stöndum við líka vel að vígi því
Kórea er mikið dísil-land ólíkt því
sem er í Japan sem hefur mjög litla
markaðshlutdeild dísilbíla.“
Kia stefnir hátt á
bílamarkaði Evrópu
Morgunblaðið/jt
Kia Rio er nýr fólksbíll sem Kia kynnti í Genf.
Evrópuforstjóri Kia er Frakkinn Jean-Charles Lievens og tók hann nýlega við.
TÉKKNESKI bílaframleiðandinn
Skoda fagnar í ár 100 ára afmæli
bílaframleiðslu sinnar en fyrirtækið
er þó 10 árum eldra og hóf starfsemi
sína með reiðhjólaframleiðslu. Ald-
arafmæli bílaframleiðslunnar er m.a.
minnst með því að setja á markað
sérsniðnar afmælisútgáfur, Edition
100, af gerðunum Octavia, Fabia og
Superb, en í þeim er meiri búnaður
en vanalega.
Á Genfar-sýningunni mátti sjá
hugmyndabílinn Yeti á bás Skoda en
það er eins konar sportbíll sem fram-
leiðandinn segir að marka muni
nokkuð stefnuna. Þetta verður fjöl-
hæfur ferðabíll með framdrifi og í
raun frekar lítill og segja talsmenn
Skoda að það ekki þurfi alltaf stóra
jeppa eða aldrif til að geta ferðast
um erfiðar slóðir. Tæknimönnum
Skoda var falið að setja fram hug-
myndir um smáan og knáan ferðabíl
sem hugsanlega færi í framleiðslu
innan fárra ára. Þetta er gert í fram-
haldi af góðum móttökum hug-
skyggnast frekar inní framtíð Skoda
hjá Vahland. Hann sagði langmestan
hluta sölunnar vera í Evrópu og sé
stefnt að því að auka markaðshlut-
deild þar úr 1,7% í 2% meðal annars
með landvinningum í austurhluta
Evrópu.
Þá horfir Skoda meira til Asíu en
þegar er fyrir hendi verksmiðja í
Indlandi. Til athugunar er að hefja
framleiðslu í Kína og segir Vahland
það lykilatriði til markaðssóknar í
Asíu að reka verksmiðjur í álfunni.
Skoda í 100 ár
Morgunblaðið/jt
Hugmyndabíllinn Yeti á að gefa nokkra mynd af bíl frá Skoda í mjög náinni framtíð.
Winfred Vahland er aðstoðarforstjóri Skoda.
myndabílsins Roomster sem Skoda
kynnti í Frankfurt fyrir nærri tveim-
ur árum.
„Skoda mun áfram leggja áherslu
á framleiðslu fólksbíla og við
stefnum að því að framleiða ekki
færri en 600 þúsund bíla kringum ár-
in 2008 eða 2009 en í dag framleiðum
við 450 þúsund bíla,“ segir Winfred
Vahland, aðstoðarforstjóri Skoda, í
samtali við Morgunblaðið. „Skoda-
verksmiðjurnar eru þó að þreifa fyr-
ir sér með fjölnotabílinn Roomster
sem kynntur var fyrst sem hug-
myndabíll árið 2003 og líklegt er að
bíll sem byggður er að miklu leyti á
þeirri hugmynd komist í framleiðslu
á næsta ári.“
Horft til Asíulanda
Vahland segir að Octavia hafi átt
mikilli velgengni að fagna og ekki
síður eftir að hann er nú fáanlegur
sem skutbíll. Verið er að undirbúa
næstu kynslóð af Fabia og þróa Sup-
erb áfram en ekki var unnt að
AÐALSTÖÐVAR hönnunardeildar Audi eru í Ingolstadt í
Þýskalandi og þar starfa um 150 manns í nokkrum deild-
um, ein sér um útlit, önnur um innréttingar, sú þriðja um
liti og svo mætti áfram telja. Yfirmaður útlitshönnunar er
Claus Potthoff og segir hann um þrjátíu manns starfa í
sinni deild og álíka marga við hönnun innréttinga. En
hvernig fer bílahönnun fram?
„Hún er mikil samvinna margra sérfræðinga og eru það
fyrst og fremst hönnuðir en einnig margs konar sérfræð-
ingar á sviði tækni og verkfræði og af þrjátíu manna
starfsliði við úthlitshönnun eru 22 sérfræðingar í hönnun
og útliti en hinir á tæknisviðinu,“ segir Claus Potthoff í
samtali við Morgunblaðið. Hægt er nú orðið að læra sér-
staklega bílahönnun og segir hann fólk sækja slíka mennt-
un í háskóla bæði í Evrópu og Bandaríkjunum. Áður fyrr
voru iðnhönnuðir ráðandi en í dag segir hann yngri hönn-
uði að mestu með sérfræðimenntun á sviði bílahönnunar.
Potthoff segir að ferillinn sé oft langur og ráðist stefnan
af ýmsum þáttum.
Allt að fimm ára meðgöngutími
„Frá því hugmynd kviknar eða er sett fram geta liðið
allt að fimm ár þar til framleiðsla hefst og þar af tekur
hönnunin sjálf um tvö ár þar til eiginleg lína er fundin.
Þetta kemur meðfram af innblæstri og síðan vinnu og próf-
unum eftir upplýsingum og rannsóknum á því að hverju
skal stefna með viðkomandi bíl. Oft eru fyrstu hugmyndir
um bíl mjög langt frá því sem verður ofan á, við tökum
gjarnan þrjár til fjórar hugmyndir sem við vinnum talsvert
með og síðan verður ein fyrir valinu og útfærð nánar.“
Claus Potthoff segir að eftir að línan sé fengin taki ekki
langan tíma að ganga frá henni til framleiðslu þar sem
tölvutæknin hafi mjög flýtt fyrir allri nákvæmnishönnun
og útfærslu. „En þessi undirbúningsferill er oft býsna
langur og hann verður að fá að hafa sinn tíma. Við gerum
kannski líkan úr leir snemma á ferlinum, látum það liggja í
daga eða vikur og komum svo að því aftur og sjáum að
hægt er að gera betur,“ segir hann. „Það má líkja þessu
við rauðvín, það batnar ef það fær nokkuð góða geymslu.“
Líkir hann starfi sínu við það að halda nokkur ár fram í
tímann þegar hann lokar sig inni á vinnustofunni – og í dag
er það kringum 2008 – en síðan hverfi hann eiginlega aftur
til fortíðar þegar hann fer heim. „Þá finnst okkur líka
stundum að nýjustu bílarnir séu orðnir nokkuð gamlir þeg-
ar þeir eru frumsýndir og eru splunkunýir fyrir öllum öðr-
um.“
Í framtíðinni í vinnunni en fortíðinni heima
Morgunblaðið/jt
Claus Potthoff er aðalhönnuður ytra útlits bílanna hjá Audi.