Morgunblaðið - 28.05.2005, Page 6

6 LAUGARDAGUR 28. MAÍ 2005 MORGUNBLAÐIÐ
FRÉTTIR
ÁHÖFN TF-SYN, flugvélar Land-
helgisgæslunnar, sá sjö svokallaða
sjóræningjatogara að karfaveiðum
við 200 sjómílna lögsögumörkin suð-
vestur af Reykjanesi, og náði á
mynd þegar flutningaskip tók við
fiski úr einum togaranna. Varðskip
verður sent á vettvang til að elta
flutningaskipið til að sjá hvar það
landar.
Sjóræningjatogararnir, sem ekki
hafa leyfi til veiða á fiskveiðistjórn-
unarsvæði Norðaustur-Atlantshafs-
fiskveiðiráðsins, voru þar að veiðum
í hópi 60 erlendra úthafskarfatogara
þegar vél Landhelgisgæslunnar
flaug yfir. Skipin eru skráð á eyj-
unni Dómíníku eða öðrum eyjum í
Karíbahafinu, en þar sem þau voru
utan við íslenska lögsögu er Land-
helgisgæslunni ekki heimilt að taka
skipin, segir Georg Kr. Lárusson,
forstjóri Landhelgisgæslunnar.
Evrópusambandið, Noregur, Pól-
land, Rússland, Eistland, Grænland
og Færeyjar eru aðilar að Norð-
austur-Atlantshafsfiskveiðiráðinu
auk Íslands. Samkvæmt samþykkt-
um ráðsins eru viðbrögð við því þeg-
ar veitt er án heimildar þær að skip-
um sem uppvís verða að því er
neitað um alla fyrirgreiðslu í aðild-
arlöndunum að neyðaraðstoð und-
anskilinni.
Georg segir að sjóræningjaveiðar
af þessu tagi hafi tíðkast undanfarin
ár, og hafi þær hafist í apríl í ár eins
og undanfarin ár. Nú sé leyfislausu
skipunum hinsvegar farið að fjölga
hratt, snemma í apríl voru þau þrjú,
en eru sjö núna. Flugvél Landhelg-
isgæslunnar hefur flogið nokkrum
sinnum í viku yfir skipaflotann, en
nú hefur í fyrsta skipti sést til þegar
fiskur er fluttur milli skipa í flutn-
ingaskip.
Verður því varðskip sent á vett-
vang til að fylgja flutningaskipinu
eftir til þar til ljóst er hvar það mun
reyna að landa, og verður Landhelg-
isgæslan í samvinnu við eftirlitsskip
annarra þjóða sem aðild eiga að
Norðaustur-Atlantshafsfiskveiði-
ráðinu. Þegar ljóst er hvar skipið
ætlar að landa verður haft samband
við yfirvöld í því landi og óskað eftir
því að gripið verði til aðgerða, svo
sem að selja skipinu ekki olíu, leyfa
því ekki að landa, og neita þeim al-
mennt um alla þjónustu aðra en
neyðarþjónustu.
Sjóræningjaveiðar halda áfram á karfamiðum við landhelgismörkin
Varðskip sent til að fylgja
flutningaskipi eftir
Flutningaskipið Sunny Jane frá Belís náðist á mynd í gær þar sem það tók
við fiski frá togaranum Okhotino, sem skráð er á eyjunni Dómíníku.
Eftir Brján Jónasson
brjann@mbl.is
MENNTASKÓLANUM í Reykja-
vík var slitið í gær í 159. sinn. Alls
voru brautskráðir 160 stúdentar,
m.a. einn sem hlaut hæstu einkunn í
sögu skólans, Höskuldur Pétur
Halldórsson, sem fékk 9,90.
Í skólaslitaræðu sinni vék Yngvi
Pétursson, rektor MR, m.a. að hug-
myndum um styttingu náms til
stúdentsprófs, eins og þær voru
kynntar í skýrslu menntamálaráðu-
neytisins. Yngvi sagði að innan MR
væri mikil andstaða við þessar hug-
myndir.
„Ég óttast að þessar hugmyndir
leiði til mikillar miðstýringar í
skólakerfinu með því að steypa
flesta skóla í svipað mót og afmá þar
með sérkenni þeirra. Skólar hafa í
vaxandi mæli aukið sérhæfingu sína
til að höfða til breiðs hóps nemenda.
Ég hef sérstakar áhyggjur af því
hvað verði um þá sérhæfingu náms,
sem hefur þróast í hinum ýmsu
framhaldsskólum eins og er t.d. í
Menntaskólanum í Reykjavík. Ég
tel að undirbúningur nemenda undir
háskólanám verði verri nái tillög-
urnar fram að ganga,“ sagði Yngvi.
Hann fjallaði einnig um húsnæð-
ismál MR og sagði þau hafa komist
á hreyfingu eftir að hann lýsti
ófremdarástandi við skólaslitin í
fyrra. Menntamálaráðherra hefði í
kjölfarið lýst vilja til að standa við
samkomulag um uppbyggingu skól-
ans. „Það eru vissulega gleðileg
tímamót að nú loksins skuli hilla
undir lausn á húsnæðismálum skól-
ans. Það er einlæg von mín að rík-
isvaldið tryggi að nægilegt fjármagn
verði ætlað til verksins og að reynt
verði að stytta framkvæmdatímann
eins og kostur er,“ sagði Yngvi enn-
fremur.
Yngvi Pétursson rektor sleit Menntaskólanum í Reykjavík í 159. sinn í gær
Lýsti andstöðu við styttingu
náms til stúdentsprófs
Morgunblaðið/Þorkell
160 útskriftarnemendur við Menntaskólann í Reykjavík settu upp hvítu húfurnar í gær.
HÉRAÐSDÓMUR Reykjaness
framlengdi í gær um eina viku
gæsluvarðhald fylgdarmanns fjög-
urra kínverskra ungmenna sem
voru stöðvuð með ólögleg vegabréf
á Keflavíkurflugvelli 17. maí sl.
Málið er enn í rannsókn og ung-
mennin fjögur eru enn á Íslandi en
löggæsluyfirvöld verjast frétta af
málinu.
Maðurinn, sem er á fimmtugs-
aldri, var handtekinn, grunaður um
að hafa átt að koma ungmennunum
fjórum ólöglega til Bandaríkjanna.
Ungmennin eru þrjár stúlkur á
aldrinum 15–17 ára og einn 21 árs
piltur. Þau voru öll með vegabréf
frá Singapúr sem ekki voru talin
þeirra eigin.
Fram hefur komið að sterkur
grunur leiki á að um skipulagða
glæpastarfsemi sé að ræða. Þau
komu hingað frá London og voru á
leið til Orlando.
Varðhald fylgdarmannsins
framlengt um eina viku
GUÐRÚN Jóna Jónsdóttir er
öryrki eftir líkamsárás sem
hún varð fyrir 15 ára gömul.
Hún var að útskrifaðist sem
stúdent og af því tilefni fal-
aðist Morgunblaðið eftir við-
tali við hana sem birtist í
blaðinu í gær. Þar sagði Guð-
rún Jóna m.a. að sig langaði
að læra spænsku við Háskóla
Íslands. Hún sagði og að sér
þættu skólagjöld upp á 45 þús-
und krónur nokkuð erfiður
hjalli.
Í gærmorgun hafði lesandi
blaðsins samband og sagði sig
og fjölskyldu sína langa til að
styrkja Guðrúnu Jónu sem
næmi skólagjöldunum. Vel-
gjörðarmaðurinn vildi ekki
láta nafns síns getið og sagði:
„Það er ekki ætlun okkar að
hefja okkur upp, heldur ein-
ungis að gera lítilræði til að
hjálpa henni til að láta drauma
sína verða að veruleika.“
Guðrún Jóna varð að vonum
glöð að fá þennan höfðinglega
stuðning og þakkaði kærlega
fyrir liðveisluna.
Morgunblaðið/Árni Torfason
Guðrún Jóna Jónsdóttir.
Fékk óvænt
styrk til há-
skólanáms
UTANRÍKISRÁÐHERRA hefur
skipað Helga Gíslason og Svein Á.
Björnsson sendiherra í utanríkis-
þjónustunni frá og með 1. júní nk.
Helgi var fyrst ráðinn til starfa
fyrir utanríkisþjónustuna árið 1970
og hefur síðan þá m.a. starfað í
sendiráðum Íslands í Kaupmanna-
höfn, Moskvu og París og setið í
fastaefndum gagnvart Sameinuðu
þjóðunum og Atlantshafsbandalag-
inu. Þá hefur hann starfað sem skrif-
stofustjóri upplýsinga- og menning-
arskrifstou í ráðuneytinu og sinnt
embætti aðalræðismanns í New
York.
Sveinn réðst til starfa í viðskipta-
ráðuneytinu árið 1970 og hefur m.a.
starfað sem viðskiptafulltrúi í París.
Þegar forsvar í utanríkisviðskiptum
var fært til utanríkisráðuneytisins
fluttist Sveinn til starfa þar og hefur
síðan starfað í fastanefnd Íslands
gagnvart Evrópuráðinu og í sendi-
ráðum Íslands í Washington og Par-
ís.
Nýir sendiherr-
ar í utanrík-
isþjónustunni
„SVONEFND launaleynd er ekki
heppileg starfsmannastefna og þjón-
ar hvorki hagsmunum eigenda,
stjórnenda né starfsmanna fyrir-
tækja.“ Þetta segir í ályktun sem
þátttakendur á ráðstefnunni Tengsl-
anet II samþykktu en henni lauk í
gær.
Hátt í tvö hundruð konur voru á
ráðstefnunni og í ályktun sinni skora
þær á atvinnurekendur að endur-
skoða launaleynd.
„Upplýsingar um laun og kjör á
vinnumarkaði auka gagnsæi mark-
aðarins og eru um leið forsenda þess
að unnt sé að vinna að sameiginlegu
hagsmunamáli allra á vinnumarkaði
– að útrýma kynbundnum launa-
mun,“ segir í ályktuninni þar sem
það er áréttað að launaleynd gangi
gegn markmiðum jafnréttislaga.
Atvinnurek-
endur end-
urskoði
launaleynd
♦♦♦