Morgunblaðið - 28.05.2005, Side 47

MORGUNBLAÐIÐ LAUGARDAGUR 28. MAÍ 2005 47
UMRÆÐAN
ÞAÐ hefur vart farið framhjá
áhugafólki um rokktónlist að Iron
Maiden spilar í Egilshöll 7. júní
næstkomandi. Það er mikill fengur
fyrir unnendur melódísks þunga-
rokks, ekki sízt fyrir þá sök að Bruce
Dickinson og félagar eru í afar góðu
formi um þessar mundir og hafa
sjaldan ef nokkurn tíma þótt jafn
góðir á sviði. Sveitin fékk nafn sitt af
aldagömlu pyndingatæki og hefur
fyrir löngu skipað sér sess sem ein
frægasta og langlífasta rokksveit
heims. Á þremur áratugum hefur
hún selt yfir 50 milljónir skífna.
Hljómsveitin sem stofnuð var af
bassaleikaranum Steve Harris árið
1976 hefur tekið miklum manna-
breytingum. Hún hóf að leika á
litlum börum í London við góðar
undirtektir, en fyrsta plata hljóm-
sveitarinnar kom ekki út fyrr en
fjórum árum síðar, árið 1980. Platan
var samnefnd hljómsveitinni, Iron
Maiden, og var vel tekið. Lögin Iron
Maiden og Running Free nutu mik-
illa vinsælda. Sveitin var flokkuð
sem „New Wave Of British Heavy
Metal“, með Black Sabbath og fleir-
um.
Með skífunni Killers, sem seldist
vel, fjölgaði aðdáendum og vinsældir
jukust. Þá gekk nýr söngvari til liðs
við Iron Maiden, Bruce Dickinson,
sem nýlokið hafði sagnfræðinámi
sem hann nýtir óspart við textasmíð.
Vinsældir jukust enn, rödd hans og
sviðsframkoma var einstök, hann er
góður sviðsmaður og foringi. Frum-
raun Bruce, The Number Of The
Beast, 1982, þykir eitt hið bezta frá
sveitinni og skipaði Iron Maiden í
fremstu röð. Enn urðu mannabreyt-
ingar. Árið 1984 kom fimmta skífan,
Powerslave. Ekki var miklar breyt-
ingar að merkja í lagasmíð. Power-
slave sló í gegn eins og fyrri plötur,
en að loknu tónleikaferðalagi sem
fylgdi í kjölfarið tók sveitin sér
ársfrí frá lagasmíð.
Árið 1986 kom svo Somewhere In
Time út. Þar mátti mátti greina nýj-
an og melódískari tón og hún seldist
í nokkrum milljónum eintaka. Í
stuttu máli verður sagan ekki rakin
öll, en eftir útkomu Seventh Son Of
A Seventh Son, tveimur árum síðar
spruttu upp sögur um endalok Iron
Maiden með útgáfu sólóplötu Bruce,
Tattooed Millionaire. Árið 1990 kom
áttunda hljóðversskífan, No Prayer
For The Dying. Gamli stíllinn virk-
aði og lagið Bring Your Doughter …
To The Slaughter náði fyrsta sæti
brezka vinsældalistans en var kosið
lélegasta lag ársins af breskri sjón-
varpsstöð.
Árið 1992, kom Fear Of The Dark
út og varð vinsæl. Lagið Be Quick
Or Be Dead náði öðru sæti breska
listans. Titillagið, Fear Of The Dark,
er eitt af þeirra beztu lögum og ein-
stök upplifun að heyra það á tón-
leikum. Að lokinni samnefndri
hljómleikaferð yfirgaf Bruce Dick-
inson Iron Maiden. Arftaki Bruce
var Blaze Bayley, sem reyndist góð-
ur söngvari á tveimur skífum, sem
ekki náðu vinsældum. Bruce gekk til
liðs við sveitina á ný í febrúar 1999,
ásamt Adrian Smith, og gítarleik-
arar urðu þrír í sveitinni, Dave
Murray, Janick Gers og Adrian
Smith.
Brave New World kom út árið
2000 og reyndist góð, en ekki frá-
brugðin fyrri tveimur plötunum,
nema nú heyrðist samleikur þriggja
gítara og hin eina sanna rödd Iron
Maiden. Samnefnd hljómleikaferð
var umsvifamikil og lék sveitin fyrir
250.000 áheyrendur á tónleikum í
Rio í Brasilíu Rock in Rio sem gefnir
voru út á bæði disk og DVD. Iron
Maiden leggur sig ávallt fram um að
halda glæsilega tónleika með góðri
sviðsumgjörð og ljósadýrð, sem
minnir á Rolling Stones, að
ógleymdri skemmtilegri sviðs-
framkomu þeirra félaga, sem þykja í
fremstu röð hljóðfæraleikara.
Dance Of Death, nýjasta hljóð-
versskífan leit dagsins ljós fyrir
tveimur árum og þykir hrárri en
Brave New World en góð. Ekki er að
sjá nein þreytumerki á félögunum
og góðs að vænta í Egilshöll 7. júní.
Við sem erum komin á fertugs- og
fimmtugsaldurinn ættum ekki að
missa af þessu tækifæri að sjá þá á
sviði á Íslandi. Góða skemmtun með
Iron Maiden!
ÓLAFUR HELGI
KJARTANSSON,
áhugamaður um rokktónlist.
Iron Maiden á Íslandi
Frá Ólafi Helga Kjartanssyni
Góðs er að vænta af hljómsveitinni Iron Maiden í Egilshöll 7. júni, segir
greinarhöfundur.
Í DAG stendur undirbúningsnefnd á
vegum Íþrótta- og ólympíusambands
Íslands fyrir Stafgöngudegi víðs-
vegar um landið. Eins og nafnið
bendir til er stafganga ganga með
sérhannaða stafi og hentar hún fólki
á öllum aldri og óháð líkamlegu
ástandi. Markmiðið með staf-
göngudegi er að kynna íþróttina fyrir
almenningi og hvetja til aukinnar
hreyfingar og útiveru, sem um leið
eykur vellíðan líkama og sálar.
Stafganga (Nordic Walking) er
upprunnin í Finnlandi en um miðja
síðustu öld var byrjað að nota staf-
göngu sem þjálfunaraðferð fyrir
gönguskíðamenn þar í landi. Fólst
þjálfunin í því að ganga sumarlangt
með stafi til að halda sér í góðu lík-
amlegu formi á milli keppnistímabila.
Það var svo ekki fyrr en árið 1997
sem farið var að sérhanna staf-
göngustafi og kynna og markaðs-
setja stafgöngu í Finnlandi. Upp frá
því hefur hún farið sem eldur í sinu
um Norðurlöndin og norðanverða
Evrópu, auk þess sem hún hefur ver-
ið að ná fótfestu í Ameríku og Asíu.
Hér á landi er íþróttin ung en það eru
einungis rúm tvö ár frá því að staf-
ganga var fyrst kynnt hér og var það
gert í tengslum við kvennahlaupið í
Garðabæ. En eins og við var að búast
hafa Íslendingar tekið þessari
skemmtilegu íþrótt afar vel og hefur
hún átt síauknum vinsældum að
fagna hér á landi, enda áhrifarík að-
ferð til líkamsþjálfunar og brennslu.
Umfram venjulega göngu má lýsa
áhrifum stafgöngu á eftirfarandi
hátt.
 Virkjar og styrkir vöðva
efri hluta líkamans 40%
 Eykur brennslu um 20%
 Þjálfun mikilvægasta vöðva
líkamans, hjartans, eykur
hjartslátt um 16%
 Súrefnisupptaka eykst
um 46%
 Stafganga er notuð í end
urhæfingu fyrir fólk sem er að
ná sér eftir meiðsl og eins þykir
hún góð fyrir gigtar-, hjarta- og
lungnasjúklinga sem meðferð
arúrræði
 Góð fyrir einstaklinga yfir
kjörþyngd, stafirnir taka álagið
af stoðkerfi líkamans, s.s
mjöðmum, hnjám og ökklum
Af þessari upptalningu minni á
ágæti stafgöngu ætti að vera ljóst að
þessi íþrótt ætti að geta hentað vel
flestu fólki. Það er fjöldinn allur af
fólki sem ekki getur hugsað sér að
fara og stunda líkamsrækt innan
dyra. Stafganga er svarið fyrir það
fólk.
Það er vísindalega sannað að dag-
leg hreyfing í u.þ.b. fjörutíu mínútur
er fólki nauðsynleg til að halda sér í
formi og forðast offitu. Það er von
mín að næsta átak á vegum Íslands á
iði verði „gengið í vinnuna“.
Það er gleðilegt að Íþrótta- og ól-
ympíusamband Íslands skuli veita
þessari skemmtilegu íþrótt þá at-
hygli að halda stafgöngudag og bjóða
almenningi upp á ókeypis kynningu á
íþróttinni. Hvet ég alla sem eiga þess
kost að koma í Laugardalinn og
kynna sér stafgöngu í dag, laug-
ardaginn 28. maí.
Höfum gaman og göngum saman.
GUÐNÝ ARADÓTTIR,
stafgönguþjálfari og situr í
stafgöngunefnd Íþrótta- og
ólympíusambands Íslands.
Stafgöngudagurinn
er í dag
Frá Guðnýju Aradóttur
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
mbl.issmáauglýsingar
www.lyfja.is
- Lifið heil
arfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi - Hvammstanga - Skagaströnd
Taktu eitt skref í einu, hvert á eftir öðru, og finndu muninn sem verður þegar þú
hefur ákveðið að breyta um lífsstíl. Hver dagur býður upp á ótal tækifæri til að
auka hreyfinguna – og þar með vellíðan. Að hlaupa upp og niður stiga í stað
þess að taka lyftuna, ganga meira í stað þess að aka, hjóla, taka hálftíma
sundsprett. Það snýst ekki um kostnað að breyta lífi sínu til hins betra, heldur
fyrst og fremst að nýta tækifærin sem gefast á hverjum degi, og fylgja þeim
eftir. Að ganga í vinnuna er kannski bara spurning um að leggja aðeins fyrr af
stað – og lifa heil.