Morgunblaðið - 08.07.2005, Blaðsíða 24

24 FÖSTUDAGUR 8. JÚLÍ 2005 MORGUNBLAÐIÐ
MINNSTAÐUR
AKUREYRINGAR eru nokkuð
ánægðir með bæinn sinn, ef marka má
könnun IMG Gallup á lífskjörum íbúa á
Akureyri annars vegar og höfuð-
borgarsvæðinu hins vegar sem kynnt
var í gær. Íbúar á Akureyri eru ánægð-
ari með veðurfar og vegasamgöngur
innanbæjar en höfuðborgarbúar og
telja hættu vegna glæpa og ofbeldis
mun minni en á höfuðborgarsvæðinu.
Akureyringar telja auðvelt að fá pláss
fyrir börn á leikskólum og nokkuð auð-
velt að komast að hjá dagmæðrum.
Þeir eru sífellt ánægðari með gæði
grunn- og framhaldsskóla bæjarins og
meta stöðuna á húsnæðismarkaðnum
betri en íbúar höfuðborgarsvæðisins.
Þá eru Akureyringar ánægðari en
íbúar höfuðborgarsvæðisins með þjón-
ustu við aldraða og þjónustu heilsu-
gæslunnar. Þá hefur orðið jákvæð þró-
un varðandi aðstöðu til tómstunda- og
íþróttaiðkunar. Það er helst að höfuð-
borgin hafi vinninginn þegar kemur að
launakjörum, atvinnuöryggi, starfi við
hæfi, fjölbreytni í atvinnulífinu og hvað
varðar úrval menningarviðburða og
vöru og þjónustu.
Úrtakið í könnunni, sem unnin var
fyrir Akureyrarbæ, var handahófsvalið
úr þjóðskrá, 750 manns á Akureyri og
800 manns á höfuðborgarsvæðinu.
Svarhlutfall var 53,7% og sagði Sigríð-
ur Ólafsdóttir hjá IMG Gallup að það
svarhlutfall væri í lægri kantinum. Ár-
ið 2000 var gerð sambærileg könnun á
Akureyri og höfuðborgarsvæðinu og
árið 2002 voru sömu spurningar lagðar
fyrir íbúa á Akureyri. Könnunin nú var
gerð í mars sl.
Höfuðborgarsvæðið aðalsam-
keppnissvæði Akureyrar
Kristján Þór Júlíusson bæjarstjóri
sagði að könnunin sýndi að Akureyri
væri vænt bæjarfélag og að viðhorf
íbúa almennt til samfélagsins væri já-
kvætt. „Að mínu mati er mikil ánægja
meðal Akureyringa með það að búa
hérna en þessi niðurstaða þýðir þó ekki
að við höfum ekki einhver verk að
vinna til að bæta þetta samfélag enn
frekar. Ég tel að þessi könnun nýtist
okkur sem erum ráðin til að vinna fyrir
bæjarbúa og eða kjörin til að fara með
mál þeirra.“
Kristján Þór sagði að höfuðborgar-
svæðið væri aðal samkeppnissvæði
Akureyrar og því væri nauðsynlegt að
nýta grunn þessarar könnunar til að
styrkja samkeppnisstöðu bæjarins. Í
könnuninni nú kemur þó fram að mun
færri íbúar á Akureyri myndu flytja á
höfuðborgarsvæðið en fyrir 3 og 5 ár-
um. Áhugi á útlöndum og Austurlandi
hefur að sama skapi aukist.
Sigríður Stefánsdóttir, markaðs- og
kynningarstjóri bæjarins, sagði að nið-
urstöður könnunarinnar yrðu notaðar í
kynningarstarfi út á við og kynntar í
einstökum stofnunum og deildum bæj-
arins. Þær verði jafnframt nýttar til að
bæta enn þjónustu og ímynd bæjarins,
m.a. með það að markmiði að fjölga
íbúum. Bæjarstjóri gat þess að sam-
kvæmt tölum frá manntali bæjarins
hefði íbúum fjölgað um 180 manns það
sem af er ári og hann áætlar að bæjar-
búum fjölgi allavega um 250 manns á
árinu.
Um 10% Akureyringa ánægðir
með launakjör sín
Hlutfallsleg hækkun meðallauna á
Akureyri samkvæmt könnunum IMG
Gallup á tímabilinu mars 2000 til sama
mánaðar í ár er 47% en á sama tímabili
hefur launavísitalan hækkað um 38%.
Rúmlega 46% íbúa höfuðborgarsvæð-
isins sögðu launakjör sín vera góð en
aðeins 10,6% íbúa Akureyrar. Það er
þó hækkun um 7% í bænum frá mæl-
ingunni 2000. Í mars sl. voru meðallaun
á höfuðborgarsvæðinu 273 þúsund
krónur samkvæmt könnuninni en 236
þúsund á Akureyri.
Í könnuninni kemur fram að hlutfall
íbúa á Akureyri sem eru ánægðir með
veðurfarið er um 95% á móti um 70%
íbúa höfuðborgarsvæðisins. Akureyr-
ingar meta möguleika sína á að eignast
hentugt húsnæði meiri en íbúar höfuð-
borgarsvæðisins, eða rúmlega 81% á
móti um 44% íbúa höfuðborgarsvæð-
isins.
Kynntar niðurstöður könnunar á lífskjörum á Akureyri og höfuðborgarsvæðinu
Akureyringar eru ánægðari með
veðrið og samgöngur innanbæjar
Bæjarstjórinn gerir ráð fyrir að íbúum bæjarins fjölgi um 250 manns á árinu
Eftir Kristján Kristjánsson
krkr@mbl.is
Morgunblaðið/Kristján
Lífskjarakönnun kynnt Sigríður Ólafsdóttir frá IMG Gallup, Sigríður Stef-
ánsdóttir markaðs- og kynningarstjóri Akureyrarbæjar, og Kristján Þór
Júlíusson bæjarstjóri á Akureyri kynntu niðurstöður lífskjarakönnunarinnar.
AKUREYRI
SUÐURNES
Gatnagerð | Þrír aðilar buðu
í umfangsmiklar framkvæmdir
í Naustahverfi III, gatnagerð
og lagnir, en tilboðin voru opn-
uð í vikunni. G. Hjálmarsson
hf. bauðst til að vinna verkið
fyrir rúma 121 milljón króna,
eða 99% af kostnaðaráætlun.
GV Gröfur ehf. buðu tæpar 125
milljónir króna, um 102%, og
Icefox ehf. bauð 187 milljónir
króna, eða tæplega 153%. GV
Gröfur sendu einnig inn frá-
vikstilboð og var það jafnframt
lægsta tilboðið, hljóðaði upp á
um 117,5 milljónir króna, eða
um 96% af kostnaðaráætlun,
sem hljóðaði upp á um 122,5
milljónir króna. Frávikstil-
boðið felst í því að Akureyrar-
bær leggi til fyllingarefni og
neðraburðarlagsefni úr nám-
um bæjarins, í innan við 6 km
fjarlægð frá verkstað, mælt
aðra leiðina.
Tónleikar | Funk-hljóm-
sveitin Mimoun frá Hollandi
verður með hádegistónleika í
Ketilhúsinu í dag kl. 12. Mimo-
un flytur litríka tónlistar-
blöndu sem samanstendur af
austurlenskri og lýrískri
balkantónlist og arabískum
sambarythma. Meðlimir
hljómsveitarinnar eru Saskja
Meijs, fiðla, Mark Tuinstra,
gítar, loops, cavaquinho, Mar-
cel Krömker, bassi og Sjahin
Düring, ýmis afríkönsk áslátt-
arhljóðfæri. Tónleikarnir taka
um 50 mínútur og er aðgangs-
eyrir kr. 1.000.
Útihraðskákmót | Skák-
félag Akureyrar heldur hrað-
skákmót í göngugötunni í dag,
föstudag, og hefst það kl. 15
við Bókabúð Jónasar, sem
veitir verðlaun til keppninnar,
en keppt er um farandbikar.
  
  
Reykjanesbraut | Skilti sem á stendur „820 íbúðir í bygg-
ingu“ hefur verið sett upp við Reykjanesbrautina til móts
við Tjarnahverfi í Innri Njarðvík þar sem mikil uppbygg-
ing fer nú fram. „Við viljum vekja athygli þeirra sem
eiga leið hjá á að þarna er fimmta stærsta sveitarfélag
landsins í stórsókn í byggingum,“ segir Viðar Már Aðal-
steinsson, framkvæmdastjóri umhverfis- og skipulags-
sviðs Reykjanesbæjar, um ástæður auglýsingarinnar.
Morgunblaðið/Helgi Bjarnason
Vekja athygli á uppbyggingunni
Reykjanesbær | Umhverfis- og
skipulagsráð Reykjanesbæjar hefur
samþykkt tillögur arkitekta að deili-
skipulagi nýs 500 íbúða hverfis í
framhaldi af Tjarnahverfi í Innri-
Njarðvík. Þar verður lögð áhersla á
að bjóða einbýlishúsalóðir enda er
fjöldi fólks á biðlista eftir slíkum lóð-
um.
Í Tjarnahverfi eru rúmlega 500
íbúðir í byggingu og runnu allar lóð-
irnar fljótt út þegar þær voru aug-
lýstar. Framkvæmdir standa nú yfir
og er reiknað með að fyrstu íbúarnir
flytji inn í næstu viku. Í haust tekur
þar til starfa nýr grunnskóli, Akur-
skóli, og fyrir er leikskóli.
Tveir áfangar
Eftir að lóðunum í Tjarnahverfi
var úthlutað hélt eftirspurnin áfram,
sérstaklega eftir einbýlishúsalóðum,
að sögn Viðars Más Aðalsteinssonar,
framkvæmdastjóra umhverfis- og
skipulagssviðs Reykjanesbæjar, og
því var farið að huga að næsta hverfi.
Í aðalskipulagi er gert ráð fyrir að
byggðin færist smám saman að
Vogastapa, milli sjávar og Reykja-
nesbrautar. Hverfið sem nú hefur
verið skipulagt og sent til auglýsing-
ar gengur undir vinnuheitinu Dals-
hverfi vegna þess að hluti þess er í
Leirdal.
Að sögn Viðars er hverfinu skipt í
tvennt. Í fyrri hlutanum, sem er nær
Reykjanesbrautinni, verða um 300
íbúðir, mest í einbýlishúsum. Í seinni
hlutanum eru um 200 íbúðir til við-
bótar. Viðar Már segir að allt bendi
til að unnt verði að hefja úthlutun
lóða í lok ágúst.
Deiliskipulag Dalshverfis
með 500 íbúðum samþykkt
Keflavík | Mikill áhugi virðist
vera á því að taka þátt í gerð
kvikmyndarinnar Flags of our
Fathers en atriði í hana verða
tekin upp í Krýsuvík og Sand-
víkum á Suðurnesjum. Þörf er
á um 500 ungum karlmönnum
til að leika bandaríska hermenn
í myndinni og segir Andrea
Brabin hjá Eskimo, sem undir-
býr val á leikurunum fyrir
bandaríska kvikmyndaframleið-
andann, að aðsóknin sé svo
mikil að líkur séu á að fjöldinn
náist auðveldlega.
Tökur hefjast fyrir miðjan
næsta mánuð og standa viku af
september. Um 200 manna hóp-
ur þarf að vera allan þann tíma
við tökurnar og fær hann sér-
staka þjálfun en 300 til við-
bótar verða skemur.
Áheyrnarprufur hafa verið í
Keflavík og á Keflavíkur-
flugvelli og stöðugur straumur
er til Eskimo í Reykjavík. Þeg-
ar rætt var við Andreu voru
komin yfir 800 nöfn á blað.
Andrea segir að þörf sé á
ákveðnum hópi manna sem
þekki til hermennsku og vonast
hún til að fá 150 atvinnuher-
menn úr varnarliðinu til að
taka þátt. Þá þurfa að vera að
minnsta kosti 25 menn sem geti
leikið japanska hermenn. Er
því leitað sérstaklega að mönn-
um af asískum uppruna, bæði
hjá varnarliðinu og hér á landi.
Um fimmtán aukaleikarar
þurfa að segja eina eða fleiri
línur og hefur verið leitað til
íslenskra leikara í því sam-
bandi.
Leitað að japönskum
leikurum á Íslandi
Keflavík | Sjúklingum af Suður-
nesjum sem lagðir eru inn á Land-
spítala – háskólasjúkrahús í
Reykjavík hefur stöðugt fækkað
undanfarin ár. Á árinu 2002 voru
að meðaltali 46 sjúklingar á Land-
spítalanum á degi hverjum, árið
eftir voru þeir 30 og á síðasta ári
voru aðeins 18 sjúklingar af
Suðurnesjum inniliggjandi þar.
Heilbrigðisstofnun Suðurnesja
vekur í frétt á heimasíðu sinni at-
hygli á þessum upplýsingum. Þar
kemur fram að til skamms tíma
hafi verið fjölmennur hópur sjúk-
linga af Suðurnesjum á Landspít-
ala – háskólasjúkrahúsi á hverjum
degi. Í framtíðarsýn HSS hafi ver-
ið sett það markmið að breyta
þessu og auka nærþjónustu við
íbúa í heimabyggð. Góður árangur
hafi náðst í því eins og tölurnar
sýni.
„Það er jákvæð þróun og hag-
kvæm fyrir samfélagið að geta
veitt íbúum svæðisins almenna
sjúkrahúsþjónustu í heimabyggð, í
öruggum höndum starfsfólks Heil-
brigðisstofnun Suðurnesja,“ segir
á heimasíðunni.
Færri Suðurnesja-
menn á Landspítala