Morgunblaðið - 08.07.2005, Page 4

4 FÖSTUDAGUR 8. JÚLÍ 2005 MORGUNBLAÐIÐ
FRÉTTIR
HNATTREISAN
Ferðaklúbbur Ingólfs
HEIMSKRINGLA
Upplýsingar og pantanir
í síma 861 5602 - Fax: 581 4610
Skógarhlíð 18, sími 595 1000,
fax 595 1001 - www.heimsferdir.is
Munið Mastercard
ferðaávísunina
Söluumboð:
SKEMMTILEGASTA REYNSLA ÆVINNAR?
einstök á heimsvísu fyrir 1/3 verðs 1.-30. okt. 2005
seldist upp 15. apríl
NÚ 4 SÆTI LAUS - Gríptu tækifærið!
Frægustu/fegurstu staðir norðan miðbaugs:
INDLAND-THAILAND-KÍNA-JAPAN-HAWAAI-KALIFORNIA
UMSÆKJENDUR um sérleyfi til
Vegagerðarinnar áttu þess ekki kost
að nýta lögbundna kæruheimild til
samgönguráðuneytisins, vegna
ákvæðis reglugerðar um fólksflutn-
inga, að því er fram kemur í nýlegu
áliti umboðsmanns Alþingis.
Málið var tekið upp að frumkvæði
umboðsmanns í kjölfar þess að
kvörtun barst og í álitinu bendir
hann á að í 3. mgr. 9. gr. laga 73/
2001 um fólksflutninga, vöruflutn-
inga og efnisflutninga hér á landi sé
mælt fyrir um almenna heimild til
að kæra ákvarðanir Vegagerðarinn-
ar samkvæmt lögunum til sam-
gönguráðuneytisins. Í 10. gr. reglu-
gerðar nr. 528/2002 segi hins vegar
að Vegagerðin skuli leggja fram til-
lögu um gildandi sérleyfi hverju
sinni til staðfestingar ráðherra.
Umboðsmaður rakti þær breyt-
ingar sem urðu á skipulagi leyfis-
veitinga með lögum 13/1999 um
skipulag á fólksflutningum með hóp-
ferðabifreiðum og benti á að sam-
kvæmt lögskýringargögnum hefði
meginmarkmið með breytingunni
verið að auka réttaröryggi og færa
fyrirkomulag þessara mála til sam-
ræmis við meginreglu stjórnsýslu-
réttarins um rétt borgaranna til að
skjóta ákvörðunum lægra setts
stjórnvalds til endurskoðunar fyrir
æðra stjórnvaldi.
Getur takmarkað leyfi
Samkvæmt lögunum hefur Vega-
gerðin umsjón með skipulagi al-
menningssamgangna með bifreiðum
og getur ákveðið að takmarka fjölda
aðila í reglubundnum fólksflutning-
um á einstökum leiðum með því að
veita sérleyfi.
Ekki væri hins vegar kveðið á um
aðkomu samgönguráðherra í lögun-
um að öðru leyti en með setningu
reglugerða, m.a. um skilyrði leyfa.
Með því að staðfesta tillögu Vega-
gerðarinnar um sérleyfi hverju sinni
hefði samgönguráðherra haft slíka
aðkomu að umræddri ákvörðun að
girt væri fyrir að hann gæti fjallað
um sömu ákvörðun á kærustigi. Þeir
sem ættu aðild og hefðu tilefni til
stjórnsýslukæru vegna ákvarðana
Vegagerðarinnar um á hvaða leiðum
skyldu vera sérleyfi ekki kost á að
nýta sér kæruheimild sína.
Niðurstaða umboðsmanns var því
sú að 10. gr. reglugerðar 528/2002
væri ekki í samræmi við þann lög-
gjafarvilja sem byggt var á við setn-
ingu laga um flutning verkefna á
þessu sviði frá Vegagerðinni til sam-
gönguráðuneytisins og beindi hann
þeim tilmælum til samgönguráð-
herra að hann endurskoði fyrir-
komulag þessara mála.
Umboðsmaður Alþingis um ákvörðun Vegagerðarinnar
Umsækjendur gátu
ekki nýtt kæruheimild
KONRÁÐ Eggertsson, skipstjóri á
Halldóri Sigurðssyni ÍS, landaði
fyrstu hrefnu sumarsins á Ísafirði í
gærmorgun. Hrefnan var kvendýr
og 7,5 metrar að lengd. Konráð segir
að þeir hafi séð töluvert af hrefnu í
veiðiferðinni en erfitt hafi verið að
eiga við hana. „Þegar hún er hungr-
uð og í ætisleit þá er hún oft svona
stygg blessunin.“
Halldór fór aftur á veiðar í gær en
Konráð segir að túrinn verði senni-
lega stuttur í þetta skiptið. „Það er
ekki hægt að stunda þennan veiði-
skap nema í blíðu og það er vetraspá
fyrir helgina.“
Fagnað á bryggjunni
Þegar Halldór Sigurðsson ÍS kom
að landi í gær tók Halldór Þorvalds-
son á móti áhöfninni og bauð henni
upp á hrefnu-djörkí í tilefni dagsins.
Hrefnu-djörkí er nýjasta afurð
Bæjarstjórabita á Ísafirði. Halldór,
framleiðandi Bæjastjórabita, segir
að djörkí sé marínerað, reykt og svo
þurrkað kjöt.
„Þessi vinnsluaðferð er þekkt er-
lendis, sérstaklega í Suður-Afríku,
Ástralíu og á Nýja Sjálandi, en að
okkur vitandi er þetta í fyrsta sinn
sem svona kjöt er framleitt hér á
landi. Við erum búnir að vera að
þróa þetta í nokkurn tíma og núna er
fyrsta framleiðslan komin á mark-
að.“
Konráð skipstjóri lét vel af
hrefnu-djörkíinu. „Þetta er meiri-
háttar matur. Eftir því sem þú borð-
ar fleiri bita kemur eftirbragðið bet-
ur og betur í ljós og þetta hentar
alveg heiftarlega vel með bjór.
Þarna ertu að borða snakk sem er
fullt af omega-3 fitusýrum, fullt af
próteini og alveg laust við fitu. Það
sem meira er, hundarnir eru vitlaus-
ir í þetta líka,“ sagði Konráð sem var
á útstíminu þegar Morgunblaðið
náði tali af honum í gær.
Fyrstu hrefnunni var fagnað með hrefnu-djörkíi á bryggjunni á Ísafirði
Hrefnurnar eru hungraðar
og styggar í ákafri leit að æti
Ljósmynd/Halldór Sveinbjörnsson
Halldór Þorvaldsson, framleiðandi hjá Bæjarstjórabitum, afhenti Gunnlaugi Konráðssyni og Konráð Eggertssyni
fullunnið hrefnukjöt þegar þeir komu til Ísafjarðar í gærmorgun með fyrstu hrefnuna á þessari vertíð.
Eftir Kristján Torfa Einarsson
kte@mbl.is
AÐSTANDENDUR þeirra sem lét-
ust í flugslysinu í Skerjafirði árið
2000 ætla að reisa minnisvarða um
þá sex einstaklinga sem fórust,
þegar fimm ár verða liðin frá slys-
inu hinn 7. ágúst nk. Minnisvarð-
inn verður staðsettur til móts við
slysstaðinn, á syðsta enda Skelja-
ness.
Minnisvarðinn verður um
tveggja metra há stuðlabergssúla
með koparskildi, segir Friðrik Þ.
Guðmundsson, faðir eins þeirra
sem fórust í slysinu. Samþykkt var
að heimila uppsetningu minnis-
varðans í borgarráði í gær, og
mun Reykjavíkurborg sjá um upp-
setningu hans, en aðstandendur
greiða sjálfir fyrir minnisvarðann.
Minnisvarði um
flugslys settur
upp í Skerjafirði
HÉRAÐSDÓMUR Norðurlands
eystra dæmdi í gær karlmann í
fjögurra mánaða skilorðsbundið
fangelsi fyrir sérstaklega hættu-
lega árás á mann fyrir utan
skemmtistað á Húsavík í júní 2004,
en maðurinn sló hann með flösku í
höfuð svo hún brotnaði. Dómurinn
taldi sannað að ákærði hefði slegið
manninn af ásetningi með þeim af-
leiðingum að hann hlaut skurð á
höfði. Árásin var talin ófyrirleitin
og algerlega tilefnislaus. Var
ákærði dæmdur til að greiða brota-
þola 146 þúsund krónur í bætur auk
280 þúsund króna í málskostnað.
Freyr Ófeigsson dómstjóri
dæmdi málið. Verjandi var Gunnar
Sólnes hrl. og sækjandi Svavar
Pálsson sýslumannsfulltrúi.
Braut flösku
á höfði manns
ALLIR fjallvegir landsins að frátal-
inni Gæsavatnaleið eru nú greiðfær-
ir fjórhjóladrifnum bílum.
Að sögn Nicolai Jónassonar, deild-
arstjóra hjá Vegagerðinni, er opnun
fjallvega í ár um líkt leyti og í með-
alári en almennt nokkuð seinna á
ferðinni en undanfarin ár og er um
að kenna kuldakastinu í vor.
Að sögn Nicolai var klaki í jörðu á
flestum fjallvegum lengur þetta árið
en í fyrra. Gæsavatnaleið er sá fjall-
vegur sem venjulega er opnaður síð-
astur. Nicolai segir að enn sé fönn á
slóðanum en reiknar með að leiðin
verði opnuð í næstu eða þarnæstu
viku. Allar upplýsingar um færð á
vegum má nálgast á vef Vegagerð-
arinnar, www.vegagerdin.is, á texta-
varpi RÚV og í símum 1777 og 1779.
Nær allir fjallvegir orðnir færir
Morgunblaðið/Halldór Kolbeins
Ferðalangar á leið í Þórsmörk nýverið. Þó að fjallvegir séu flestir færir ber að fara að öllu með gát.
FÓLKSBÍLL ók á tvö lömb á Siglu-
fjarðarvegi við Hofsós í gærdag.
Lömbin drápust strax og bíllinn er
talsvert skemmdur.
Ökumaður tilkynnti lögreglu um
óhappið en hann var á löglegum
hraða er það gerðist. Segir lög-
reglan á Sauðárkróki að lömbin
hafi fyrirvaralaust komið inn á veg-
inn en þau liggja víða í vegköntum
á þessari leið.
Lögreglan segir að mjög algengt
sé að fé sé við Siglufjarðarveg og
óhöpp af þeim sökum verði í hverri
viku. Beinir hún því til bænda að
gæta þess að fé sé ekki laust á þess-
um slóðum og til ökumanna að sýna
fyllstu varúð enda getur stórtjón og
jafnvel slys á fólki hlotist af við
árekstur sem þennan.
Enn ekið á lömb á
Siglufjarðarvegi