Morgunblaðið - 24.07.2005, Side 4

4 SUNNUDAGUR 24. JÚLÍ 2005 MORGUNBLAÐIÐ
FRÉTTIR
LÍÐAN mannanna sem slösuðust á
föstudag í tveimur slysum er eftir
atvikum góð, en betur fór en á
horfðist í fyrstu hjá þeim báðum
að sögn læknis í Fossvogi.
Í öðru tilfellinu rann maður á
fertugsaldri um 150 metra niður
skriðu við Hvalvatnsfjörð á Norð-
urlandi þar sem hann var á göngu
ásamt hópi fólks. Þyrla Landhelg-
isgæslunnar flutti hann til Ak-
ureyrar og þaðan var hann fluttur
með sjúkraflugi til Reykavíkur og
hlúð að honum á slysadeild í Foss-
vogi. Hann fékk andlistáverka sem
og skrámur en er ekki í lífshættu.
Í hinu tilfellinu slasaðist maður
á sextugsaldri er lítil grafa féll á
hann þegar verið var að flytja
hana af kerru í Skorradal í fyrra-
völd. Hluti kerrunnar gaf sig með
þeim afleiðingum að grafan féll á
hliðina og á manninn. Maðurinn
hlaut höfuðáverka og marðist
nokkuð. Að sögn læknis slapp
hann ótrúlega vel og er ekki í lífs-
hættu.
Reyndust ekki
lífshættulega
slasaðir
Fáskrúðsfjörður | Fimm Fá-
skrúðsfirðingar luku hjólreiðaferð
sinni frá Reykjavík til Fáskrúðs-
fjarðar fyrir helgina en franskir
dagar standa nú yfir þar í bæ.
Yngsti hjólareiðagarpurinn er að-
eins ellefu ára gamall en hann
hjólaði samtals fjögur hundruð
kílómetra en fjórmenningarnir
hjóluðu alla leið. Hópurinn hjólaði
að meðaltali um níutíu kílómetra á
dag en með þeim var níu manna
fylgdarlið sem sá um að hafa til
mat og slá upp tjöldum. Ferðin
gekk vel þrátt fyrir rok og rign-
ingu á Hvolsvelli. Þrír Frakkar
slógust svo í för með hópnum í
Breiðdalsvík svo og nokkrir hjól-
reiðagarpar til viðbótar á Stöðv-
arfirði.
Franskir dagar hófust með
brekkusöng og varðeldi. Eitt at-
riðanna sem er fastur liður á dag-
skrá er að Bergþór Pálsson söngv-
ari haldi tónleika í
Fáskrúðsfjarðarkirkju.ásamt fleir-
um. Nú voru með honum Ragnar
Bjarnason og Þorgeir Ástvalds-
son. Á dagskrá voru perlur ís-
lenskra og erlendra dægurlaga,
flest sem Ragnar hefur súngið á
sínum langa söngferli. Undirleik
annaðist Þorgeir ásamt því að
syngja með þeim. Kirkjan var
þéttsetin á tvennum tónleikum
þeirra og undirtektir gesta góðar.
Urðu þeir að syngja nokkur auka-
lög í lok tónleikanna.
Fransk-
ir dagar
í há-
marki
Morgunblaðið/Albert Kemp
Hjólagarparnir voru kátir þegar ljósmyndari Morgunblaðsins leit á þá.
Söngvararnir Ragnar Bjarnason og Bergþór Pálsson sungu af mikilli inn-
lifun á frönskum dögum sem nú standa sem hæst á Fáskrúðsfirði.
HÚSGAGNAHÖLLIN opnaði í
gær þriðju hæðina í verslun sinni
og er þar með orðin stærsta hús-
gagnaverslun á Íslandi. Verslunin
er alls tæplega 6.000 m2 og eru hús-
gögn á um 5.000 m2 og gjafavara á
um 1.000 m2.
Sígild amerísk húsgögn verða í
fyrirrúmi á þriðju hæðinni, á ann-
arri hæð verður áhersla lögð á stíl-
hrein nútímaleg húsgögn, m.a. frá
Danmörku, og gjafavara verður á
fyrstu hæð verslunarinnar, að því
er segir í fréttatilkynningu frá fyr-
irtækinu.
Ýmis tilboð verða á hæðunum
þremur í tilefni af stækkun versl-
unarinnar.
Morgunblaðið/Þorkell
Þriðja hæð Húsgagnahallarinnar var formlega opnuð í gær. F.v.: Birgir
Friðjónsson rekstrarstjóri, Ásdís Halla Bragadóttir, forstjóri BYKO,
Tom Zollar, framkvæmdastjóri sölusviðs La-Z-Boy, og Tom Broyhill,
framkvæmdastjóri sölusviðs Broyhill.
Stærri Húsgagnahöll
NÝTT leiðakerfi Strætó bs. var
tekið formlega í notkun í gær af
borgarstjóra og bæjarstjórum að-
ildarsveitarfélaga Strætó bs. Áður
en lagt var í hann í gærmorgun
hittust strætóbílstjórarnir og fóru
yfir leiðirnar yfir rjúkandi heitu
kaffi og nýbökuðum pönnukökum.
Að sögn Ásgeirs Eiríkssonar,
framkvæmdastjóra Strætó bs., fór
dagurinn vel af stað. „Það hafa all-
ir ekið allar leiðir og haldið áætlun.
Ég veit ekki hvað maður getur far-
ið fram á meira,“ segir Ásgeir og
bætir því við að hann hafi fundið
fyrir mikilli jákvæðni hjá strætó-
bílstjórum. Hann segir þá hafa
ákveðið að mæta þeim hnökrum
sem á veginum séu með bros á vör.
„Auðvitað hafa bílstjórarnir haft
áhyggjur og efasemdir [varðandi
leiðakerfið]. Það er eðlilegt og ég
geri ekki lítið úr því,“ segir Ásgeir
og bætir því við að allir hafi þó
lagst á eitt til að láta allt ganga
upp. Sömu sögu var að segja hjá
trúnaðarmanni strætóbílstjóra en
hann bætti því við að ekki færi að
reyna á leiðakerfið fyrr en eftir
helgi enda helgarnar með rólegra
móti.
Ásgeir segist hafa farið í gær-
morgun einn hring með leið 6, sem
er stofnleið sem fer frá Hlemmi
upp í Grafarvog, og þar hafi hann
mætt fjölda fólks sem hafi verið
byrjað að kynna sér leiðakerfið.
Við lok formlegrar dagskrár í
gær var listaverkið „Klyfjahest-
urinn“ eftir Sigurjón Ólafsson af-
hjúpað á Hlemmtorgi, en verkið
stóð áður við Sogamýri.
Reynir á leiðakerfið eftir helgi
Morgunblaðið/Golli
Strætóbílstjórar fóru yfir nýja leiðakerfið í gærmorgun.
HÉRAÐSDÓMUR Reykjavíkur hef-
ur sýknað Lyfjastofnun af kröfu
manns. Hann vildi fá viðurkennda
bótaskyldu vegna fjártjóns sem hann
taldi sig hafa orðið fyrir vegna ýmissa
ákvarðana stofnunarinnar í tengslum
við framleiðslu hans á vörum úr ís-
lenskum jurtum. Dómurinn taldi að
Lyfjastofnun hefði ekki haft laga-
heimild til að banna manninum að
selja tiltekna vöru eða breyta merk-
ingum á umbúðum, en taldi manninn
ekki hafa sýnt fram á fjártjón vegna
bannsins þar sem hann hélt sölunni
áfram og hunsaði tilmæli um breyt-
ingar á umbúðum.
Maðurinn taldi að stofnunin hefði
brotið gegn honum með ýmsum
hætti, svo sem að synja honum um
sölu á burnirót, banni við sölu hylkja
sem innihéldu túnfífil og ætihvönn, að
leggja fyrir hann að breyta texta á
túnfífilshylkiglösum þannig að þar
stæði „Notist ekki á meðgöngu“ og
með því að banna markaðssetningu
og sölu hylkja með mjaðjurt.
Í niðurstöðu sinni segir héraðs-
dómur m.a. að Lyfjastofnun sé falið
skv. lögum að skera úr um hvort ein-
stök efni eða efnasambönd teljist vera
lyf. Stofnunin hafi á þessum tíma talið
burnirót vera lyf en skilgreiningunni
var breytt árið 2004.
Fór offari í viðbrögðum sínum
Varðandi aðrar kröfur Lyfjastofn-
unar á hendur manninum segir hér-
aðsdómur að afskipti stofnunarinnar
af sölu og kynningu á túnfífli og æti-
hvönn geti ekki stuðst við aðrar heim-
ildir en þær greinar laga um stofn-
unina sem fjalla um lyf. Óumdeilt sé
að efnin séu ekki lyf og því komi
ákvæði laganna um lyf ekki til skoð-
unar. Tilvísun Lyfjastofnunar til þess
að efnin hafi verið til skoðunar þar og
gætu síðar flokkast sem lyf dugi ekki.
Hins vegar hafi komið fram fyrir
dómi að maðurinn hætti ekki sölu um-
ræddrar vöru þrátt fyrir bann Lyfja-
stofnunar og selji enn túnfífil, æti-
hvönn og mjaðjurt. Hann sagðist ekki
hafa aukið útbreiðsluna heldur haft
hana til sölu á sömu stöðum og áður.
Segir dómurinn að ekki sé forsenda til
að viðurkenna bótaskyldu vegna
banns sem maðurinn hafi að verulegu
leyti virt að vettugi.
Þá sagðist maðurinn ekki hafa
breytt áletrun á umbúðum. Segir hér-
aðsdómur að vegna þessa geti mað-
urinn ekki krafist viðurkenningar
bótaskyldu vegna kröfu um breytingu
á texta á glösum þar sem hann huns-
aði kröfu Lyfjastofnunar. Þá geti
hann ekki krafist viðurkenningar
bótaskyldu vegna þess að Lyfjastofn-
un krafðist þess að hann upplýsti um
magn efna í ætihvönn því hann sinnti
þeirri kröfu í engu.
Maðurinn þarf ekki að greiða máls-
kostnað því dómurinn taldi að Lyfja-
stofnun hefði sumpart farið offari í
viðbrögðum við því sem hún taldi að
væri brot á lyfjalögum.
Lyfjastofnun sýknuð
af bótakröfu SLÖKKVILIÐ og lögregla á Sel-fossi voru kölluð út vegna elds ííbúðarhúsi í gærmorgun. Maður
hafði eldað mat á eldavél en síðan
sofnað út frá eldamennskunni.
Hann var fluttur á sjúkrahúsið á
Selfossi með vott af reykeitrun.
Sofnaði út frá
eldamennskunni
DAGUR Arngrímsson er nú með tvo
og hálfan vinning eftir fjórðu um-
ferð heimsmeistaramóts ungmenna
sem haldið er í Belfort í Frakklandi.
Degi gengur best íslensku keppend-
anna en hann teflir í flokki átján ára
og yngri. Elsa Þorfinnsdóttir gerði
jafntefli í fjórðu umferðinni og er nú
með einn vinning en Daði Ómarsson
og Sverrir Þorgeirsson unnu sínar
skákir. Sverrir er með tvo vinninga
en Daði með einn og hálfan.
Hinir íslensku keppendurnir töp-
uðu skákum sínum í fjórðu umferð-
inni.
Dagur með 2½
vinning á heims-
meistaramótinu