Morgunblaðið - 28.08.2005, Side 6

6 SUNNUDAGUR 28. ÁGÚST 2005 MORGUNBLAÐIÐ
FRÉTTIR
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
L
YF
2
91
02

08
/2
00
5
www.lyfja.is
- Lifið heil
FRESHMINT
105 STK. 2 MG
FRESHMINT
105 STK. 4 MG
Nicorette
Ágústtilboð
10% afsláttur
FÆST ÁN LYFSEÐILS
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd - Selfossi - Laugarási
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr
reykingum. Til að ná sem bestum árangri skal ávallt fylgja leiðbeiningum í fylgiseðli. Skammtar eru einstaklings-
bundnir eftir því hve mikið er reykt, hvort hætta á reykingum eða draga úr þeim. Því ber að kynna sér upplýsingar
um notkun í fylgiseðli. Í fylgiseðlinum eru upplýsingar um: verkun og notkun, varúðarreglur, mikilvægar upplýsingar
sem nauðsynlegt er að lesa áður en lyfin eru notuð, hugsanlegar aukaverkanir og aðrar upplýsingar. Leitið til læknis
eða lyfjafræðings ef þörf er á frekari upplýsingumumlyfin. Þeir sem fengið hafa ofnæmi fyrir nikótíni eða öðrum
innihaldsefnum lyfsins, nýlegt hjartaáfall, óstöðuga versnandi hjartaöng, alvarleg hjartsláttarglöp eða nýlegt
heilablóðfall eiga ekki að nota Nicorette nikótínlyf. Börn yngri en 15 ára, þungaðar konur og konur með barn á
brjósti eiga ekki að nota Nicorette nikótínlyf nema að ráði læknis. Lesið allan fylgiseðilinn vandlega áður en byrjað
er að nota lyfið. Geymið fylgiseðilinn. Nauðsynlegt getur verið að lesa hann síðar.
„TVÖ a…eins og kaffið,“ segir
Nanna hlæjandi þegar blaðamaður
spyr hana hvernig hún stafsetur
nafnið sitt. Nanna hefur hlýlega
nærveru og oftar en ekki fylgir
svörum hennar dillandi hlátur.
Nanna er 87 ára en tók þó að sér
fararstjórn í ferð Útivistar í Bása.
„Þetta er ferð í tilefni af þrjátíu
ára afmæli félagsins,“ segir Nanna.
„Það verður stórhátíð í Básum í
dag, með gönguferðum og trakter-
ingum. Héðan fer hópur og svo er
fullt af fólki innfrá í tilefni dagsins.
Ég vonast til að það verði heil-
mikið að gerast og mikið fjör.“
Nanna hefur verið í Útivist frá
upphafi og var ein af 55 stofn-
endum félagsins.
„Það sem hefur haldið mér svona
vel er að vera í gönguferðum og
útivist,“ segir hún og blaðamaður
spyr hana hvort hún eigi sér uppá-
haldsstað. „Ég held ég verði að
svara eins og gamli formaðurinn
okkar [Jóhanna Boeskov] og segja
að uppáhaldsstaðurinn sé auðvitað
inni í Básum. Annars er ekki hægt
að gera upp á milli staða hérna á
Íslandi því það er alls staðar svo
fallegt. Það er alls staðar eitthvað
að finna, jafnvel þótt það sé ekki
nema urð og grjót.“
Nanna segir marga standa í
þeirri trú að Básar séu í Þórsmörk
en svo sé ekki.
„Við erum lukkuleg með að
sleppa við að fara yfir ána
[Krossá], því hún getur stundum
verið svo ansi varasöm,“ segir
Nanna. „Ég hef nú ekki komið
þarna inn eftir í tvö ár svo ég veit
ekki alveg hvernig vegurinn er
núna. En við erum á móti því að
hafa hann of góðan, það tekur svo
af sjarmanum.“
Sögur af draugum og álfum
Nanna segist ekki vera góð til
gangs lengur, enda hafi hún brotn-
að á hné og fengið nýja mjöðm.
„Annars tel ég mig ógurlega
heppna því ég er við svo góða
heilsu,“ segir hún. „Heyrnin er dá-
lítið farin að dofna en ég sé af-
skaplega vel ennþá og það þykir
mér mikill kostur. Ég vil heldur
vera heyrnarlaus en sjónlaus,“
bætir hún við hlæjandi.
Nanna segist því ekki leiða
gönguferðir lengur, enda sé hún
orðin of gömul til að hafa við hóp-
um sem hlaupi af stað og gangi
kannski tíu til fimmtán kílómetra í
einu.
„Mitt hlutverk er aðallega að
segja frá á leiðinni og vera með
leiðsögn um staðina sem farið er
framhjá,“ segir hún, en hún hefur
viðað að sér miklum fróðleik úr
ýmsum áttum. „Ég fer mikið í sög-
una. Svo vitnar maður í alla skap-
aða hluti og segir draugasögur og
álfasögur. Við eigum okkur álfa
þarna innfrá,“ segir hún svo og
blaðamaður veltir fyrir sér hvort
hún sjái í gegnum holt og hæðir.
Nanna er farin að stunda far-
arstjórnina lítið og segist ekkert
skilja í að hún sé látin standa fyrir
þessu.
„Ég var bara beðin um þetta, en
ég skil ekkert í að það sé látið
mæða svona mikið á mér, gamalli
konunni,“ segir hún en útskýrir að
þrátt fyrir að hún geti lítið gengið
sé allt í lagi að fara í Bása því þar
geti maður bara staðið á hlaðinu
sér til ánægju.
Skondin uppákoma
á ferðalagi
Margrét Björnsdóttir, vinkona
Nönnu og samstarfskona til
margra ára, segir blaðamanni að
enginn hafi verið hissa á því að
Nanna hafi verið beðin um þetta
nema hún sjálf.
„Hún er svo mikill hafsjór af
fróðleik að undrum sætir,“ segir
Margrét. „Hún les mikið og veit
alla skapaða hluti. Hún var komin
yfir fimmtugt þegar hún byrjaði að
ganga en hún hefur farið út um allt
og gengið á öll fjöll. Nanna er
flaggskip okkar og frábær í svona
afmælisferðum.“
Þegar Nanna er innt eftir
skemmtilegri sögu úr ferðalög-
unum kemur hik á hana.
„Þetta hefur allt gengið svo af-
skaplega vel og við höfum aldrei
orðið fyrir neinum áföllum í ferð-
um,“ segir hún en samsinnir því þó
að stundum sé starfið erfitt. „Það
hefur oft verið púl og sérstaklega í
vondum veðrum. Við höfum verið
að á öllum tímum ársins.“
Nönnu rekur þó minni til eins
ferðalags sem hún segir hafa verið
dálítið bjánalegt. Þá lá leiðin til
Drangeyjar og var hún með hóp á
ferð fyrir norðan.
„Ég átti að vera fararstjóri en
hafði aldrei farið leiðina áður. Mað-
ur var iðulega sendur á staði sem
maður hafði aldrei komið á áður og
þá kostaði það auðvitað ógurlegan
undirbúning,“ segir hún. „Ég sat
því heima með kortið og þræddi
veginn með fingrinum. Ég leit á öll
fjöll og alla bæi á kortinu og leitaði
að einhverju til að segja frá og það
var nú ýmislegt. Svo komum við á
staðinn og ég rausa einhver ósköp
en eftir nokkra stund lítur bílstjór-
inn hlæjandi á mig og segir:
„Heyrðu, ég held að þú sért alveg
að ruglast. Þú ert að fara gamla
veginn, en við erum á nýja veg-
inum.““
Les og syndir alla daga
Nanna hætti að vinna sjötug en
hafði þá unnið í 30 ár á skrifstofu
danska sendiráðsins. Aðspurð um
önnur áhugamál segist hún fara á
hverjum morgni í sundlaugarnar
og þangað sé um kílómetra gangur
heiman frá henni.
„Þar syndi ég og fer í pottana og
tilheyrandi. Maður reynir að halda
sér gangandi með því,“ segir hún.
„Ég les líka lifandis ósköp og hef
afskaplega gaman af því. Ég bý ein
og er vön því að hafa hljótt í kring-
um mig. Mér finnst það allt í lagi. Í
versta falli get ég talað við sjálfa
mig eða skammað þá í sjónvarpinu,
það kemur fyrir.“
Blaðamaður hefði gjarnan viljað
heyra fleiri sögur af ferðum Nönnu
en rútan bíður full af ferðalöngum
sem fá að súpa af sagnabrunni
hennar. Sólin skín og dagurinn lof-
ar góðu.
Nálgast ní-
rætt en stund-
ar ennþá
fararstjórn
Nanna Kaaber er engin venjuleg kona og 87
ára gömul stundar hún ennþá fararstjórn fyrir
ferðafélagið Útivist. Hrund Þórsdóttir hitti
hana á Umferðarmiðstöðinni árla dags í blíð-
viðrinu í gær.
Morgunblaðið/Kristinn
Nanna var ánægð með veðrið við upphaf ferðar í gærmorgun og vonaðist eftir lífi og fjöri í Básum.
hrund@mbl.is
FULLTRÚAR Félags gæslukvenna
í Reykjavík munu funda með Birgi
Birni Sigurjónssyni, sviðsstjóra
stjórnsýslu- og starfsmannasviðs
Reykjavíkurborgar, á mánudag,
vegna stöðu þeirra gæslukvenna
sem sagt hefur verið upp störfum
frá og með næstu mánaðamótum.
Karólína Snorradóttir, formaður
Félags gæslukvenna, sagði í samtali
við blaðamann Morgunblaðsins að
þær litu enn svo á að þeim hefði ekki
verið boðið neitt umfram það sem
segði í kjarasamningum. Þeim hefði
verið boðið að fá laun út uppsagn-
arfrestinn, án þess að skila vinnu á
móti. Eðli málsins samkvæmt gætu
þær ekki skilað vinnu á móti, því
verið væri að leggja niður gæsluvelli
borgarinnar. Það væri því ekki verið
að bjóða þeim neina starfslokasamn-
inga eins og þeim hefði verið lofað,
skv. samþykkt menntaráðs. Hún
segir að þær séu í raun ekki að fara
fram á mikið. „Við förum fram á að
gæslukonurnar fái þrjá mánuði á
launum umfram áunnin réttindi,“
segir hún.
Karólína bendir á að gæslukon-
urnar hafi nýlega fengið sendan lista
frá Reykjavíkurborg um þau
umönnunarstörf sem laus séu hjá
borginni, m.a. störf í leikskólum og
grunnskólum borgarinnar. Að öðru
leyti hefðu þær ekki fengið aðstoð
við að fá annað starf. Hún bendir
hins vegar á að af þeim 22 gæslu-
konum, sem sagt hefur verið upp
störfum, sé um helmingur um og yf-
ir sextugt. Á listanum séu því störf
sem þær treysti sér ekki allar til að
sinna.
Funda með fulltrúa starfs-
mannasviðs eftir helgi
STJÓRN Landverndar hefur sent
stjórnarskrárnefnd tillögu að stjórn-
arskrárákvæði sem taki á rétti Ís-
lendinga til að búa við náttúru og um-
hverfi sem varðveitt er eða nýtt er
með sjálfbærum hætti. Á vef Land-
verndar, landvernd.is, kemur fram að
tillagan fjalli bæði um rétt og skyldur
almennings og stjórnvalda.
Á vefnum segir að stjórn Land-
verndar telji að sú skoðun sé ríkjandi
meðal þjóðarinnar að allir þegnar
landsins eigi rétt á að lifa í heilnæmu
umhverfi sem sé laust við hættulega
mengun sem spillt geti lífsgæðum og
heilsu. „Þá ríkir almenn sátt um að-
gengi almennings að náttúrunni og
gæðum hennar og rétt einstaklinga til
að njóta friðsældar og útivistar.“
Stjórn Landverndar vill því að nýtt
stjórnarskrárákvæði hljóði á eftirfar-
andi hátt: „Heilnæmt vatn og loft,
náttúran og fjölbreytni hennar, lands-
lag, annað umhverfi og aðgengi að
náttúru eru gæði sem allir bera
ábyrgð á að nýtt séu með sjálfbærum
hætti. Jafnframt skulu borgarar
landsins sýna aðgát þannig að nátt-
úru landsins og auðlindum sé ekki
spillt. Stjórnvöldum ber að leggja sig
fram um að tryggja öllum rétt til heil-
næms vatns, lofts og annars umhverf-
is og aðgengis að náttúru. Allir skulu
hafa aðgengi að upplýsingum og
ákvörðunum er varða þessa þætti.“
Fólk eigi rétt á að búa í
heilnæmu umhverfi
TENGLAR
.....................................................
www.landvernd.is