Morgunblaðið - 28.09.2005, Side 27

MORGUNBLAÐIÐ MIÐVIKUDAGUR 28. SEPTEMBER 2005 27
UMRÆÐAN
Sími 437 2323, fax 437 2321. Netfang fv@fv.is
2006
Að þessu sinni bjóðum við tvær 11 daga golfferðir til Túnis, þar sem ekkert er til sparað til að
gera ánægjulega og eftirminnilega ferð. Búið er við kjöraðstæður á fyrsta flokks
strandhótelum og golfið leikið á góðum og fallegum golfvöllum.
Brottfarir eru 24. febrúar og 7. apríl (páskaferð)
Verð í brottför 24. febrúar er kr. 149.500 á mann í tvíbýli.
Verð í brottför 7. apríl er kr. 163.700 á mann í tvíbýli.
Aukagjald fyrir eins manns herbergi er kr. 19.000.
Fararstjóri er Sigurður Pétursson, golfkennari.
Innifalið í verði er flug, flugvallarskattar, fararstjórn, akstur, gisting á fyrsta flokks hótelum
í 10 nætur með morgunverði og kvöldverði, 9 vallargjöld.
Golfferðir Ferðaskrifstofu Vesturlands til Túnis hafa áunnið sér
fastan sess í vitund íslenskra golfara, því auk góðra golfvalla og
þægilegs loftslags við Miðjarðarhafsströndina, býður Túnis
upp á margbrotna sögu og menningu
Bókanir og nánari upplýsingar hjá
Ferðaskrifstofu Vesturlands í síma 437 2323
eða með netpósti til fv@fv.is
5.000 kr. afsláttur
ef bókað og staðfest er
fyrir 1. október.
SEGJA má að kostnaður og
ágóði af umhverfisstarfi byggist á
þremur grunnþáttum; siðfræði,
hagfræði og vistfræði. Þróuð hafa
verið og innleidd í fyrirtæki og
stofnanir, stöðluð gæða- og um-
hverfisstjórn-
unarkerfi sem byggj-
ast á einum eða fleiri
þessara þátta. Staðl-
arnir eru einskonar
uppskrift að góðum
og ábyrgum stjórn-
unarháttum. Meðal
þessara staðla má
nefna ISO-9000
gæðastjórnunarkerfi,
ISO-14000 umhverf-
isstjórnunarkerfi og
ISO-14031 staðalinn
þar sem fyrirtæki
geta markvisst skjal-
fest aðgerðir sínar til umhverf-
isbóta. Fyrirtæki innleiða staðlana
af fúsum og frjálsum vilja, vitandi
um kostnað og fyrirheit um ágóða.
Fyrirtækjum í ákveðnum atvinnu-
greinum sem náð hafa tiltekinni
stærð, er skylt samkvæmt íslensk-
um lögum að færa grænt bókhald.
Auk þess innihalda ársskýrslur
fyrirtækja í vaxandi mæli upplýs-
ingar um umhverfis-, jafnréttis-
og samfélagsmál.
Samverkandi þættir
Siðfræðiþátturinn byggist m.a. á
vestrænni hugmyndafræði, sem
með öðru á rætur í kristinni sið-
fræði, svo sem þeim rétti manna
að nýta auðlindir jarðar sér til
hagsbóta en einnig þeirri hug-
myndafræði að menn hafi jörðina
einungis að láni frá börnum sín-
um. Innan siðfræðinnar blómstrar
pólitíkin og það hlutverk stjórn-
málamanna að móta lög og leik-
reglur sem hafa samfélagsleg
áhrif, jafnt á ríkidæmi og fátækt
sem og á þróun sjúkdóma á borð
við HIV, svo eitthvað sé nefnt.
Hagfræðiþátturinn lýtur m.a. að
þeim rétti einstaklinga, og reynd-
ar lagalegri skyldu margra fyr-
irtækja og samfélaga, að ávaxta
sitt pund á sem hagkvæmastan
hátt í þágu umbjóðenda sinna.
Krafa um arðsemi í rekstri fyr-
irtækja situr að sjálfsögðu í fyr-
irrúmi, en aðrir rekstrarþættir
vega minna.
Vistfræðiþátturinn
setur svo málefni
náttúrunnar í öndvegi
með það að markmiði
að nýta náttúrulegar
auðlindir á sjálfbæran
hátt, með heildarhags-
muni og langtímasjón-
armið í huga.
Af hverju
umhverfisstarf?
Ástæður fyrir um-
hverfisstarfi í fyr-
irtækjum, stofnunum
og sveitarfélögum eru margar, s.s.
alþjóðlegir samningar, ný og
breytt lög og reglur, þrýstingur
frá íbúum og hluthöfum og þrýst-
ingur frá viðskiptavinum og neyt-
endum. Auk þess hafa fyrirtæki
séð sér leik á borði að bæta orð-
spor sitt og ímynd með umbóta-
starfi á sviði umhverfismála. Und-
irliggjandi drifkraftur fyrir
innleiðingu gæða- og umhverf-
isstjórnunarkerfis í fyrirtæki er sá
að bæta fjárhagsafkomu fyrirtæk-
isins. Aukaafurðin, ef litið er á
málið frá þessum sjónarhóli, verð-
ur betri nýting auðlinda og hrá-
efnis, betra umhverfi, ánægðari
starfsmenn, betri ímynd fyr-
irtækis og hækkað gengi hluta-
bréfa.
Fjárhagslegur ávinningur:
Lægri vextir?
Hærri tekjur en gjöld?
En er um að ræða fjárhags-
legan ávinning af umhverfisstarfi í
fyrirtækjum, stofnunum og sveit-
arfélögum? Fá fyrirtæki betri
vaxtakjör hjá bönkum vegna
minni útlánaáhættu? Eru iðgjöld
til tryggingafélaga hjá umhverf-
isvænum fyrirtækjum lægri en
annarra?
Almennt sagt er svarið við þess-
um þrem spurningum já. Það er
fjárhagslegur ávinningur af um-
hverfisstarfi í fyrirtækjum, stofn-
unum og sveitarfélögum. Það er í
vaxandi mæli tilhneiging til þess
að umhverfisvæn fyrirtæki njóti
betri lánakjara hjá bönkum en
önnur fyrirtæki. En þó sjást þess
enn þá lítt eða ekki merki að fyr-
irtæki sem innleitt hafa gæða- eða
umhverfisstjórnunarkerfi njóti
þess arna með lægri iðgjöldum
tryggingafélaga.
Í alþjóðlegri könnun sem gerð
var ekki alls fyrir löngu, meðal
5.000 fyrirtækja sem innleitt höfðu
ISO umhverfisstjórnunarkerfi,
kom fram að yfir 80% fyrirtækj-
anna töldu að innleiðing umhverf-
isstjórnunarkerfisins hefði haft
umtalsverðan sparnað í för með
sér. Talsmenn yfir 60% fyrirtækj-
anna staðhæfðu að kostnaðurinn
við innleiðingu umhverfisstjórn-
unarkerfisins hefði skilað sér aftur
innan árs. Þessi niðurstaða vekur
spurningar. Af hverju hafa ein-
ungis fimm íslensk fyrirtæki inn-
leitt vottað umhverfisstjórn-
unarkerfi? Er ágóðinn vanmetinn?
Eru íslenskir bankar jafnumhverf-
isvænir og bankar í nágrannalönd-
unum? Ættu lífeyrissjóðir að inn-
leiða umhverfismál og siðfræði í
fjárfestingastefnu sína? Eru „um-
hverfis- og siðfræðihlutabréfa-
sjóðir fjárfestingakostir framtíð-
arinnar? Þessum spurningum og
fleirum mun höfundur leitast við
að svara á ráðstefnunni á Grand
Hótel.
Kostnaður og gróði
af umhverfisstarfi
Steinn Kárason skrifar
um umhverfismál
Steinn Kárason
’Ráðstefna verður hald-in á Grand Hótel í dag,
sem ber yfirskriftina
„Hreinn ávinningur af
umhverfisstarfi fyr-
irtækja“.‘
Höfundur er háskólakennari
og ráðgjafi og er fulltrúi mennta-
málaráðuneytisins í umhverf-
isfræðsluráði.
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
ÉG HEF aldrei skilið vandræðagang
pólitíkusa varðandi Reykjavík-
urflugvöll. Ég sé ekki að hann sé fyr-
ir byggð, heldur finnst mér að byggð
sé fyrir honum. Ef flugþjónustan fer
og byggð verður þétt verulega í
Vatnsmýrinni og gamla bæjarhlut-
anum verður þetta svæði ófýsileg-
asta svæði borgarinnar til búsetu
vegna mengunar, því kyrrstöðuloft
myndast auðveldlega á þessu svæði.
Byggð á eftir að þenjast mikið í átt að
Mosfellssveit og á Kjalarnesi er kjör-
ið svæði fyrir þétta byggð vegna loft-
streymis sem samspil Hvalfjarðar,
Esju og Kollafjarðar myndar á því
svæði. Það liggur líka nokkuð ljóst
fyrir að byggð mun þéttast verulega
sitthvorumegin við Hvalfjörð á
næstu 10–15 árum og þá verður einn-
ig komin krafa um fjögurra akreina
brú yfir Hvalfjörð með hjólreiða-,
hesta- og göngustígum, eða lesta-
göng sem gætu flutt bæði fólk, bíla
og hesta yfir fjörðinn. Gamli bærinn,
inn að Rauðarárstíg, á að vera eins
og hann er.
Fari flugþjónustan á Keflavík-
urflugvöll munu skapast mörg
vandamál í Reykjavík. Það mun fljót-
lega koma í ljós að fyrirtæki og stofn-
anir sem landsbyggðin skiptir mest
við munu flytjast suður og Reykjavík
með árunum koðna niður í það að
verða annaðhvort úthverfi Akraness
eða millahverfi verðbréfabraskara
sem fæstum öðrum þætti fýsilegt að
vera í nábýli við.
Á Keflavíkurflugvelli vantar svo
alveg aðstöðu fyrir innanlandsflugið
því flugstöðin þar er þegar yfirfull og
stjórnsýsla bílastæða við Leifsstöð
ekki fýsileg fyrir fólk að flækjast í.
Þeir pólitíkusar sem ekki geta þol-
að Reykjavíkurflugvöll ættu bara að
flytja til Keflavíkur, það myndi bæta
verulega loftslagið í Reykjavík.
GUÐVARÐUR JÓNSSON,
Hamrabergi 5, Reykjavík.
Flugvöllurinn
hér eða þar
Frá Guðvarði Jónssyni: