Morgunblaðið - 10.10.2005, Qupperneq 37

Fréttir í tölvupósti
MORGUNBLAÐIÐ MÁNUDAGUR 10. OKTÓBER 2005 37
DAGBÓK
MT-stofan, Síðumúla 37, býður upp á hóptíma í æfingasal stofunnar.
Einstaklingsmiðuð þjálfun.
Fáir í hverjum tíma.
Sértæk styrktarþjálfun sem eykur stöðugleika liða
í mjóbaki og/eða hálsi.
Fyrir langvarandi vandamál í mjóbaki og/eða hálsi s.s:
❏ Fyrir viðkvæma ofhreyfanlega liði.
❏ Eftir tognanir.
❏ Eftir brjósklosaðgerðir.
❏ Eftir brjósklos- eða brjóskþófaröskun.
❏ Við slitgigt.
7 vikna þjálfun - Hádegis- og eftirmiðdagstímar.
Æft tvisvar sinnum í viku - Skráning í vikunni.
Leiðbeinandi: Oddný Sigsteinsdóttir, sjúkraþjálfari og sérfræðingur í
greiningu og meðferð á hrygg.
Upplýsingar og skráning á MT-stofunni í símum 568 3660 og 568 3748.
Netfang: mtstofan@mmedia.is
Bakþjálfun
Hálsþjálfun
Þjálfun stöðugleika mjóbaks og/eða háls
Lavinthal.
Norður
♠K6
♥D10865
♦1042
♣DG10
Vestur Austur
♠Á109732 ♠G854
♥-- ♥2
♦987 ♦K65
♣8652 ♣Á9743
Suður
♠D
♥ÁKG9743
♦ÁDG3
♣K
Árið 1934 skrifaði bridskennarinn
Hy Lavinthal (1894–1972) áhrifamikla
grein í franska tímaritið Le Monde
Du Bridge, þar sem hann kynnti til
sögunnar varnarreglu, sem allar götur
síðan hefur verið við hann kennd –
Lavinthal-hliðarkallið.
Vestur Norður Austur Suður
-- -- -- 1 hjarta
1 spaði 2 hjörtu 2 spaðar 6 hjörtu !
Pass Pass Pass
Nokkrum árum áður hafði kunningi
Lavinthals, Easley Blackwood, skrifað
aðra fræga grein í The Bridge World
um ásaspurninguna fjögur grönd, en
suður hafði greinilega ekki tileinkað
sér þau vísindi.
Vestur tekur á spaðaásinn í byrjun
og verður svo að skipta yfir í lauf í
öðrum slag. En því skyldi hann spila
laufi frekar en tígli?
Spilarar nútímans kunna svarið við
því: Austur fylgir lit með fjarkanum –
lægsta spilinu – sem er hliðarkall í
lægri litnum, eða laufi. Með tígulásinn
hefði austur sett spaðagosann – hæsta
spilið. Regla Lavinthals er þessi: Þeg-
ar augljóslega er fráleitt að kalla í út-
spilslitnum (eða gefa talningu), sýnir
makker áhuga á litunum til hliðar –
hátt spil fyrir hærri lit, lágt fyrir
lægri.
Einfalt nú til dags, en svo var ekki í
bernsku bridsins.
BRIDS
Guðmundur Páll Arnarson | dagbok@mbl.is
Loftslagsbatinn
FYRIR nokkrum þúsundum ára var
hlýindaskeiðið mikla á norðurhveli.
Enginn hafís, engir jöklar, birkið
myndaði svera trjáboli (í mýrum nú),
stærri skelfiskur en nú, risa þorskur
við Suðurland (heimildir ýmsar m.a.
Guðmundur Kjartansson). Greinilega
hefur lífríki heimskautasvæðanna lif-
að þetta af.
Þjóðarleiðtogar, vísindamenn,
Landvernd, Vinstri grænir og fram-
leiðendur náttúrulífsmynda rembast
eins og rjúpan við staurinn að hafa af
okkur loftslagsbatann. Með engum
árangri.
Epla-, tómata- og vínberjaupp-
skera á Íslandi. Cannabis Salvia
sömuleiðis. Hver er sökudólgurinn?
Tayata Inti, faðir sól, blessuð sólin.
Það hefur nefnilega líka hlýnað á
Mars!
Bjarni Valdimarsson,
Njálsgötu 102.
Enn um bílastæði
við Leifsstöð
Í VELVAKANDA 1. október sl.
skrifar Hulda um bílastæðisvanda-
mál við Leifsstöð. Ég vil taka undir
það sem Hulda skrifar. Ég hef lent í
miklum vandræðum þarna, kom ný-
lega frá útlöndum seint að kvöldi í
roki og rigningu, og mátti þá standa
berskjaldaður úti við tækið til að
borga. Eins og Hulda lenti ég í vand-
ræðum með að borga með kortinu
mínu, tækið vildi ekki samþykkja
það, og var það ekki fyrr en ég renndi
4 kortinu inn að tækið samþykkti það.
Átti ég í mestu vandræðum með að
sjá til því þarna var engin lýsing og
ekkert skjól og var ég orðinn holdvot-
ur þegar ég loksins gat borgað.
Skora ég einnig á þá sem sjá um
þessi mál að athuga þetta greiðslu-
fyrirkomulag, eða a.m.k. hafa þarna
skýli fyrir veðri og vindum og gott
væri að hafa einhvern á staðnum sem
gæti liðsinnt fólki í vandræðum.
S.Ó.
Velvakandi
Svarað í síma 5691100 kl. 10–12
og 13–15 | velvakandi@mbl.is
Morgunblaðið/Ásdís
Landsþing Landssamtakanna Þroska-hjálpar verður haldið á Grand hótelidagana 13. til 15. október. HalldórGunnarsson er formaður Lands-
samtakanna: „Landsþing Landssamtakanna
Þroskahjálpar er hápunkturinn í starfi samtak-
anna. Þingin eru haldin á tveggja ára fresti og á
þeim er farið yfir stöðu mála: hvað hefur áunnist
og hver eru brýnustu verkefnin framundan. Setn-
ingin er á fimmtudagskvöld og öllum opin. Föstu-
deginum er varið í almenn aðalfundarstörf fyrir
kjörna fulltrúa samtakanna. Á laugardag er ráð-
stefna sem opin er öllum og aðgangur ókeypis en
yfirskrift Landsþingsins og efni ráðstefnunnar að
þessu sinni er „Aðskilnaður eða aðlögun – hvert
stefnir skólinn?““
Yfirskrift Landsþingsins endurspeglar hverju
sinni mat samtakanna á hvar mest þörf er á
markvissri umræðu og átaki. „Skólinn er mik-
ilvægur í lífi barna og ungmenna, hvort sem þau
eru fötluð eða ekki, og skiptir alla fjölskylduna
máli,“ segir Halldór. „Við viljum með ráðstefn-
unni stíga fyrsta skrefið að því að hefja samræðu
milli skólakerfisins og landssamtakanna um það
hvernig megi bæta úr málum svo að hinn almenni
grunnskóli verði í rauninni sjálfsagður og eft-
irsóknarverður valkostur foreldra barna með fötl-
un.“
Í tengslum við þetta verða á ráðstefnunni
kynntar niðurstöður rannsóknar sem KHÍ vann
um stöðu fatlaðra nemenda í skólakerfinu, allt frá
leikskóla og upp í framhaldsskóla. „Við vonum að
sú rannsókn varpi ljósi á hvar brýnast er að hefj-
ast handa,“ segir Halldór.
Á málþinginu verða m.a. fulltrúar fræðslu-
yfirvalda, frá ríki og borg, einnig kennarar, for-
eldrar og nemendur. „Þannig leyfum við röddum
sem flestra sem málið varðar að koma fram.“
Landssamtökin Þroskahjálp voru stofnuð 1976
en að stofnun landssamtakanna stóðu foreldra-
félög og fagfélög tengd fólki með þroskahömlun.
Síðar bættist við Átak, félag fólks með þroska-
hömlun. Samtökin hafa unnið að margs konar bót-
um í úrræðum þroskahamlaðra og aðstandenda
þeirra, s.s. setningu Laga um aðstoð við þroska-
hefta 1979 og sem síðar þróuðust í Lög um mál-
efni fatlaðra. „Þessi lög fólu í sér það markmið að
skapa fötluðum skilyrði til að lifa eðlilegu lífi í stað
stofnanavistar.“ Stefna Þroskahjálpar byggist á
11 atriðum sem hvert um sig hefur skírskotun í al-
þjóðlegum mannréttindasáttmálum. „Við lítum
fyrst og fremst á stefnu okkar og baráttu sem
mannréttindabaráttu. Við leggjum áherslu á að
þau réttindi, sem við berjumst fyrir fyrir okkar
fólk, eru ekkert umfram það sem aðrir þjóðfélags-
þegnar njóta nú þegar,“ segir Halldór að lokum.
Nánari uppplýsingar á www.throskahjalp.is.
Þing | Landsþing Landssamtakanna Þroskahjálpar 13. til 15. október
Aðskilnaður eða aðlögun?

Halldór Gunnarsson
fæddist í Hveragerði
1950. Hann varð stúd-
ent frá ML 1970 og lauk
prófi í félagsráðgjöf frá
HÍ 1987. Halldór hefur
starfað að málefnum
fatlaðra og fjölskyldna
þeirra um árabil. Hann
situr í Stjórnarnefnd
málefna fatlaðra og er
formaður svæðisráðs
málefna fatlaðra í Reykjavík. Halldór er vara-
formaður Mannréttindaskrifstofu Íslands.
Hann hefur m.a. fengist við tónlist og texta-
gerð og starfar nú hjá Argusi – markaðsstofu.
Halldór er kvæntur Jarþrúði Þórhallsdóttur.
PALLBORÐ helgað kvikmyndum
Alfred Hitchcocks verður haldið í
Norræna húsinu kl. 18.00 í kvöld í
tengslum við sýningu á kvikmynd-
inni „Leigjandinn“ (1927) eftir
Hitchcock í Háskólabíói við lifandi
tónlist Sinfóníuhljómsveitar Íslands
á miðvikudaginn.
Fyrirlesarar eru eftirtaldir: Ás-
grímur Sverrisson kvikmyndagerð-
armaður verður með erindi um kvik-
myndir Hitchcocks; Bjarni Randver
Sigurvinsson, guðfræðingur og einn
af stofnendum rannsóknarhópsins
Deus Ex Cinema fjallar um kvik-
mynd Hitchcocks Svima (Vertigo,
1958) og áhrif hennar á aðrar mynd-
ir; Frank Strobel, hljómsveitarstjóri
og tónskáld fjallar um kvikmynda-
tónlist og tónlistina við Leigjandann
og aðrar myndir Hitchcocks; Oddný
Sen, kvikmyndafræðingur og rithöf-
undur fjallar um trúarleg tákn í
kvikmyndum Hitchcocks og áhrif
mynda hans á frönsku nýbylgjuna;
Sigríður Pétursdóttir, kvikmynda-
fræðingur og þáttastjórnandi hjá
RÚV fjallar um konurnar í myndum
Hitchcocks.
Aðgangur er ókeypis.
Pallborð helgað
Alfred Hitchcock
Alfred Hitchcock leikstjóri.
Stjarnljóð er heiti ljóðabókar eftir
Helga frá Hlíð. Helgi er einkum þekktur
fyrir snjallar tækifærisvísur en sýnir í
þessari ljóðabók á
sér aðra hlið sem
færri kannast við.
Helgi Sigurður
Jónasson er fæddur
1932 og ólst upp til
fullorðinsára á bæn-
um Hlíð á Langa-
nesi. Helgi starfaði
um 40 ára skeið í
lögreglunni í Reykjavík en lét af störf-
um þar 1995. Hann er nú búsettur í
Hveragerði. Stjarnljóð er 46 blaðsíður,
með 35 ljóðum. Útgefandi er Hólar.
Ljóð
Í frostinu er heiti fyrstu skáldsögu Jóns
Atla Jónassonar en hann hefur getið
sér gott orð sem leikritahöfundur. Jón
Atli hlaut Grímuna,
íslensku leiklist-
arverðlaunin, árið
2004 og hefur skrif-
að smásögur og
kvikmyndahandrit.
Í frostinu er frum-
útgefin í kilju og er
það tilraun af hálfu
útgefandans, JPV, til
að bjóða lesendum „það ferskasta í
nýjum íslenskum skáldskap á hag-
stæðara verði en áður hefur þekkst“,
segir í tilkynningu frá JPV.
Um efni skáldsögunnar Í frostinu
segir útgefandinn eftirfarandi: „Drífa
lifir í klóm tilbreytingarlauss lífs og
þvælist milli skylduverka og skemmt-
ana án tilgangs og stefnu að því er virð-
ist. En öll yfirborðssýn breytist þegar
við erum skyndilega stödd í háskalegri
hversdagsveröld þar sem ekkert er
sem sýnist, þar sem óttinn magnast í
hverju skrefi og okkur grunar ekki hvar
leiðin endar; ef hún endar þá nokkurn
tíma.“
Leiðbeinandi verð er 1.790 kr.
Skáldsaga
Tryggvi V. Líndal hefur sent frá sér 9.
ljóðabók sína, Söguljóð og saga. Í til-
kynningu frá útgefanda segir: „Í þess-
ari ljóðabók leggur
höfundur aukna
áherslu á lengri ljóð
sem segja sögu;
svo sem um gríska
goðsögu, um dauða
frægra skálda í
borgarastríðum,
eða í vísnabálki sín-
um Ódysseifskviðu,
en fjallar einnig um stemmningu á
kaffihúsum og fl. Hann klykkir út með
raunsæislegri smásögu um reynslu
barnakennara í dreifbýli.“
Bókin er 59 bls. prentuð af Guten-
berg. Útgefandi er Valtýr.
Ljóð