Morgunblaðið - 31.12.2005, Qupperneq 4

4 LAUGARDAGUR 31. DESEMBER 2005 MORGUNBLAÐIÐ
FRÉTTIR
Afgrei›slutími
Sparisjó›sins
um áramótin
Heimabanki og hra›bankar
Sparisjó›sins eru alltaf a›gengilegir
2. janúar 2006 – loka›
3. janúar 2006 – hef›bundinn afgrei›slutími
www.spar.is
RÍKISSTJÓRNIN hyggst leggja
fram á Alþingi, er það kemur saman
að nýju hinn 17. janúar nk., frumvarp
um að laun embættismanna og þjóð-
kjörinna fulltrúa, sem heyra undir
Kjaradóm, hækki um 2,5% frá og
með 1. febrúar nk. Jafnframt því
verði úrskurði Kjaradóms frá 19.
desember sl. hnekkt. Þó er gert ráð
fyrir því að úrskurður Kjaradóms
gildi í einn mánuð, sem þýðir að
launahækkanir dómsins verða
greiddar út fyrir þann mánuð.
Fram að þeim tíma er þing kemur
saman á að starfa starfshópur undir
forystu Jóns Sigurðssonar, fyrrver-
andi ráðherra, sem ætlað er það hlut-
verk að undirbúa endurskoðun laga
um Kjaradóm og kjaranefnd. Eftir
samþykkt umrædds frumvarps er
ætlunin að skipa formlega nefnd, sem
skipuð verður fulltrúum stjórnar og
stjórnarandstöðu, og á hún að halda
áfram því verkefni að endurskoða
fyrirkomulag Kjaradóms og kjara-
nefndar. Jón á, skv. upplýsingum
blaðamanns, einnig að stýra þeirri
nefnd.
Halldór Ásgrímsson forsætisráð-
herra greindi efnislega frá þessari
niðurstöðu eftir fund formanna
stjórnarflokkanna og formanna
stjórnarandstöðuflokkanna í Ráð-
herrabústaðnum um hádegisbil í
gær. Forystumenn stjórnarandstöð-
unnar sögðust ósáttir við niðurstöð-
una. Þeir vildu fremur að þing yrði
kallað saman fyrir áramót svo hægt
yrði með lögum að fresta gildistöku
úrskurðar Kjaradóms. Þar með hefði
engin hækkun verið greidd út í jan-
úar. Steingrímur J. Sigfússon, for-
maður Vinstrihreyfingarinnar –
græns framboðs, segir að til að
mynda hefði verið hægt að fresta
gildistökunni um tvo mánuði og end-
urskoða lög og samþykkja breyting-
ar á Kjaradómi á þeim tíma. Í kjölfar
þess hefði Kjaradómur fengið tæki-
færi til að kveða upp nýjan úrskurð.
Þegar blaðamaður hafði samband
við Garðar Garðarsson, formann
Kjaradóms, skömmu eftir þessi tíð-
indi í Ráðherrabústaðnum í gær
sagði hann það eitt að Kjaradómur
hefði aldrei litið á sig sem pólitíska
stofnun og að ákvarðanir hans hefðu
ekki byggt á slíku mati.
Enginn kostur góður
Ríkisstjórnin fundaði í Ráð-
herrabústaðnum í gærmorgun, þar
sem umræddur úrskurður Kjara-
dóms var m.a. ræddur. Eftir fundinn
funduðu formenn stjórnarflokkanna
og formenn stjórnarandstöðu. Fund-
ur þeirra stóð yfir í um það bil eina og
hálfa klukkustund.
Í kjölfar hans greindi Halldór Ás-
grímsson fréttamönnum frá niður-
stöðunni. Inntur eftir því hvort hún
fæli í sér vantraust á Kjaradóm,
sagði hann: „Við skulum orða það
þannig að enginn kostur er góður í
þessari stöðu. Það er alveg ljóst að
þessi hækkun hefur valdið miklum
óróa í þjóðfélaginu og nauðsynlegt er
að launahækkanir miðist við getu
þjóðfélagins og atvinnuveganna á
næstunni. Þess vegna verður að
grípa hér inn í. Engum er ljúft að
gera það. En við teljum þetta bestu
leiðina, að gera þetta með þessum
mildari hætti, þ.e. að afnema þetta
[launahækkanirnar] ekki með öllu
heldur gera þetta þannig að frá og
með 1. febrúar gangi 2,5% hækkun
fram til þessara aðila, eins og til ann-
arra í þjóðfélaginu. Síðan er það
Kjaradóms að fjalla um málið í fram-
haldi af því.“
Geir H. Haarde utanríkisráðherra
sagðist aðspurður í samtali við blaða-
mann vera sáttur við niðurstöðuna
miðað við það hvernig málið hefði
þróast. Hann sagði að forysta ríkis-
stjórnarinnar treysti því að málið
gengi greiðlega í gegnum þingið.
Inntur eftir því hvort hækkanir
Kjaradóms yrðu greiddar út í janúar
sagði hann svo verða og að því yrði
ekki breytt. „Úrskurður Kjaradóms
mun þá gilda í einn mánuð og það er
sambærilegt við það sem gerðist árið
1992 þegar svona mál var uppi þá. Þá
var kveðinn upp úrskurður, sem var
hnekkt með bráðabirgðalögum, en
gilti eigi að síður í einn mánuð.“
Geir sagði alveg ljóst að of langt
væri gengið með úrskurði Kjara-
dóms miðað við almenna kjaraþróun í
þjóðfélaginu. „Það er verið að bregð-
ast við því uppnámi sem orðið hefur
og þetta er leiðin út úr því að okkar
dómi.“
Gæti skapað vandamál
Formenn stjórnarandstöðuflokk-
anna og formenn þingflokka þeirra
funduðu í húsakynnum Alþingis eftir
hádegi í gær. Þar voru þessi mál
rædd. Í fréttatilkynningu sem þeir
sendu fjölmiðlum að fundinum lokn-
um segir m.a. að það sé „óskiljanlegt
að ríkisstjórnin skuli ekki bera gæfu
til að þiggja boð stjórnarandstöðunn-
ar um að Alþingi komi saman og
fresti gildistöku úrskurðar Kjara-
dóms. Þar með hefði skapast svigrúm
til að skoða forsendur málsins og
ræða breytingar á skipan kjaramála
þeirra sem heyra undir Kjaradóm.“
Ingibjörg Sólrún Gísladóttir, for-
maður Samfylkingarinnar, ítrekaði í
samtali við fréttamenn í gær að
stjórnarandstaðan hefði viljað koma í
veg fyrir að þessi úrskurður tæki
gildi um áramótin því það væri alltaf
erfiðara að eiga við svona mál eftir að
þau hefðu tekið gildi. „Það hefur ekki
orðið og það hljóta að vera stóru von-
brigðin fyrir alla sem að þessu máli
koma.“ Steingrímur J. Sigfússon og
Guðjón A. Kristjánsson, formaður
Frjálslynda flokksins, tóku í sama
streng. Sá fyrrnefndi sagði m.a. að
það gæti skapað lagatæknileg vanda-
mál að fresta ekki gildistöku úr-
skurðarins. Það gæti m.ö.o. verið erf-
iðara að draga hækkanir til baka,
sem þegar hefðu gengið í gildi, en að
fresta gildistöku þeirra.
Fram kom í gær að stjórnarand-
staðan hefði ekki verið tilbúin til að
skipa fulltrúa í nefnd um endurskoð-
unar laga um Kjaradóm og kjara-
nefnd fyrr en eftir að Alþingi væri
búið að afnema úrskurð Kjaradóms.
Því var sú leið farin, að sögn Halldórs
Ásgrímssonar, að skipa nefndina
ekki formlega fyrr en að því loknu.
Þegar blaðamaður spurði forystu-
menn stjórnarandstöðunnar hvort
þeir hygðust greiða atkvæði með
boðuðu frumvarpi ríkisstjórnarinnar
varð Ingibjörg Sólrún fyrir svörum
og sagði að þau ættu eftir að taka efn-
islega afstöðu til þess. „Við eigum
fyrst eftir að sjá það koma fram og
hvernig það lítur út áður en við tök-
um afstöðu til þess.“
Forystumenn stjórnar og stjórnarandstöðu funduðu í Ráðherrabústaðnum í gær
Ríkisstjórnin
áformar að
hnekkja
úrskurðinum
Stjórnarandstaðan ósátt við að
gildistöku úrskurðar Kjaradóms
skuli ekki hafa verið frestað
Morgunblaðið/Golli
„Við skulum orða það þannig að enginn kostur er góður í þessari stöðu,“
sagði Halldór Ásgrímsson um ákvörðun ríkisstjórnarinnar í gær.
  !" " "
 "
#! "
$%" #"
& '(

) * 
)  !(
+!(
) , -
, -%"
+

%

+
"
+
 
! 
.

* 
/%"% +0


/%"% +0


,-!%"
" !"!
1 "  
 







" "
" " " " "

"


" 
"  " "


"
" 
" " !"#$ 
"

"
     





    " 23 43562
657382
78939
764362
722368
722368
758377
758377
4 739 9
444395
437
959385
463792
842384
 
 

"%&

%'
%  
 





 
 
"&

(
)$%%



#



Eftir Örnu Schram
arna@mbl.is
SJÁLFSTÆTT starfandi hjarta-
læknar hafa sagt sig af samningi
við Tryggingastofnun ríkisins og
taka uppsagnirnar gildi frá og
með 1. apríl 2006. Karl Andersen,
sem sæti á í stjórn Félags sjálf-
stætt starfandi hjartalækna, segir
að náist ekki samningar fyrir
þann tíma verði sjúklingar að
greiða allan kostnað við komur til
hjartalækna, en fram að þessu
hefur TR greitt um þriðjug af
kostnaðinum.
Karl segir að hjartalæknar séu
búnir að standa í margra mánaða
viðræðum við heilbrigðisráðuneyt-
ið og samninganefnd Trygginga-
stofnunar án þess að niðurstaða
hafi fengist. Upp úr viðræðum
hafi slitnað fyrir einni viku og nýr
fundur sé ekki boðaður.
Í gildi er samningur milli TR
og sérfræðinga, en samkvæmt
honum gefa sérfræðilæknar viss-
an afslátt af þjónustu sinni þegar
þeir hafa fullnýtt kvóta sinn.
Kvótinn er í meginatriðum mið-
aður við kostnað eins og hann var
á árinu 2004 að viðbættum hækk-
unum sem rekja má til mannfjölg-
unar. Karl segir að hjartalæknar
hafi klárað sinn kvóta fyrstir eða í
október. Hann segir að við venju-
legar kringumstæður þurfi sér-
fræðingar að gefa 50% afslátt til
TR þegar þeir séu komnir yfir
kvótann. Vegna þess hvað hjarta-
læknar hafi klárað kvótann
snemma hafi TR ákveðið að nýta
sér ákvæði samningsins sem aldr-
ei hafi verið notað áður og gera
hjartalæknum að gefa 100% af-
slátt af hlut TR þessa síðustu
mánuði ársins. Hjartalæknar hafi
því einungis fengið greiddan hlut
sjúklinga, en hann dugi alls ekki
fyrir kostnaði við rekstur stof-
anna.
Sjúklingar verða að greiða
fullt gjald eftir 1. apríl
Karl segir að ýmsar ástæður
séu fyrir fyrir því að eftirspurn
eftir þjónustu hjartalækna hafi
aukist. Meðal annars hafi komið
fram nýjungar í rannsóknum og
meðferð hjartasjúkdóma sem
lengt hafi líf hjartasjúklinga.
Hópur þeirra, sem lifi með slíka
sjúkdóma og þurfi á þjónustu
hjartalækna að halda, fari því ört
vaxandi. Þá hafi meðalaldur þjóð-
arinnar hækkað og hjartasjúk-
dómar séu sjúkdómaflokkur sem
hrjái ekki síst þá sem eldri eru.
Loks hafi veruleg umræða um
hjartasjúkdóma og nauðsyn for-
varna gegn þeim verið í fjölmiðl-
um seint á árinu 2004. Þetta hafi
aukið árvekni fólks sem leiti í
auknum mæli eftir þjónustu
hjartalækna. Til viðbótar hafi nýir
læknar verið að koma heim frá
námi og við það hafi biðlisti styst.
Uppsögn samninga hjartalækna
við TR miðast við 1. apríl á næsta
ári. Karl segir að eftir þann tíma
muni hjartalæknar innheimta fullt
gjald af sjúklingum, en það er í
dag 5.671 króna fyrir komu til
sérfræðings og töku hjartalínu-
rits, en í dag borga sjúklingar
3.888 krónur fyrir þessa þjónustu.
Karl bendir á að sjúklingar séu
sjúkratryggðir og því ættu þeir að
geta farið og rukkað Trygginga-
stofnun um hlut stofnunarinnar.
Hjartalæknar segja
upp samningi við TR
Eftir Egil Ólafsson
egol@mbl.is