Morgunblaðið - 31.12.2005, Blaðsíða 6

6 LAUGARDAGUR 31. DESEMBER 2005 MORGUNBLAÐIÐ
FRÉTTIR
HÉRAÐSDÓMUR Reykjavíkur
komst að þeirri niðurstöðu í gær að
ákvörðun Landspítala – háskóla-
sjúkrahúss um að færa Tómas Zoëga
úr stöðu yfirlæknis í stöðu sérfræði-
læknis hefði verið ólögmæt og var
hún felld úr gildi.
Með ákvörðun LSH var starfshlut-
fall Tómasar minnkað úr 100% í 80%
og hann færður niður um launaflokk
þar sem hann féllst ekki á að ganga að
samkomulagi við LSH um að hætta
rekstri sjálfstæðrar læknastofu.
Tómas hefur rekið eigin læknastofu
samhliða störfum á spítalanum frá
árinu 1982. Hann var skipaður yfir-
læknir geðsviðs Landspítalans 1991.
Hætti ekki rekstri læknastofu
Með samþykkt stjórnar LSH frá
því í desember 2001 var ákveðið að
starfandi yfirmenn myndu gegna
störfum hjá sjúkrahúsinu sem svör-
uðu til 100% starfshlutfalls. Einnig að
þeir sinntu ekki störfum utan sjúkra-
hússins, nema háskólakennslu og setu
í nefndum og ráðum á vegum hins op-
inbera.
Tómas hætti þó ekki rekstri sinnar
stofu og var leitað skýringa á því af
hálfu spítalans. Nokkur bréfaskipti
urðu milli Tómasar og stjórnar spít-
alans af þessum sökum. Í bréfi 1.
október 2003 sagði Tómas m.a. að öll
meðferð á hans máli væri lögleysa. Af
hálfu spítalans var þessu bréfi svarað
15 mánuðum síðar og í kjölfarið var
tekin ákvörðun um að færa Tómas til í
starfi og höfðaði hann mál til ógild-
ingar ákvörðuninni.
Átti að áminna fyrst
Dómurinn komst að þeirri niður-
stöðu að ákvörðun spítalans um
breytingar á starfssviði Tómasar
hefði verið viðbrögð við ákvörðun
hans um að neita að hlíta stefnu um
aukastörf yfirlækna en fyrir lá að
hann hafði ekki vanrækt starfsskyld-
ur sínar sem yfirlæknir.
Sú ákvörðun að færa hann til í
starfi rúmaðist að mati dómsins ekki
innan 19. gr. laga um opinbera starfs-
menn, enda hefði spítalinn átt að
áminna Tómas og fylgja viðeigandi
málsmeðferðarreglum ef LSH hefði
talið hann hafa brotið gegn skyldum
sínum sem yfirlæknir.
Ákvarðanataka LSH samrýmdist
því ekki þeirri meginreglu stjórn-
sýsluréttarins að undirbúningur og
úrlausn máls miði að því að komast
hjá að fylgja lögboðinni málsmeðferð
sem ætlað er að tryggja réttaröryggi
starfsmanns. Því var bersýnilega um
brot á rétti starfsmanns að ræða, að
því er fram kemur í dómnum.
Krafa Tómasar um ógildingu
ákvörðunarinnar tekin til greina og
féllu réttaráhrif hennar niður.
LSH var dæmt til að greiða máls-
kostnað Tómasar, 950.000 krónur.
Karl Axelsson hrl. flutti málið fyrir
hönd Tómasar en Anton Björn Mark-
ússon fyrir LSH. Skúli Magnússon
kvað upp dóminn.
Héraðsdómur Reykjavíkur dæmir Tómasi Zoëga geð-
lækni í hag gegn Landspítala – háskólasjúkrahúsi
Ákvörðun um nýja
stöðu felld úr gildi
„ÉG ER mjög
ánægður með
þessa niðurstöðu,
þetta er ítarlegur
og að því er mér
finnst mjög vel
rökstuddur dóm-
ur. Dómurinn
kemst að þeirri
niðurstöðu að
ákvörðun spítalastjórnarinnar frá
27. apríl er ógild, sem voru okkar
ýtrustu kröfur,“ sagði Tómas
Zoëga læknir í gær eftir að nið-
urstaða héraðsdóms var ljós.
Hann sagði stjórn spítalans hafa
sótt málið af mikilli hörku og óbil-
girni. „Þeir eiga að hugsa alvarlega
um að segja af sér. Mér skilst að
þeir ætli að áfrýja dómnum til
Hæstaréttar og heilbrigð-
isráðherra getur leyst hana frá
störfum þangað til dómur í Hæsta-
rétti fellur. Mér fyndist það í sjálfu
sér ekki óeðlilegt,“ sagði hann.
Hjá LSH fengust þær upplýs-
ingar í gær að dómi Héraðsdóms
Reykjavíkur yrði áfrýjað en að for-
svarsmenn spítalans vildu ekki tjá
sig að öðru leyti um málið eða nið-
urstöðu dómsins.
Ekki óeðlilegt
að stjórn LSH
segði af sér
Tómas Zoëga
JÓNA Hrönn Bolladóttir, Bjarni
Karlsson, Hope Knútsson, og Kram-
húsið fengu viðurkenningar Alþjóða-
húss 2005 fyrir lofsverða frammi-
stöðu í málefnum innflytjenda og
fjölmenningarlegs samfélags á Ís-
landi. Forseti Íslands, Ólafur Ragnar
Grímsson, afhenti verðlaunin í gær.
Viðurkenningarnar, sem nú eru
veittar í þriðja skiptið, þjóna þeim til-
gangi að vekja athygli á jákvæðu
starfi sem unnið er hér á landi í mál-
efnum innflytjenda. Þeir sem við-
urkenninguna fá eru vel að henni
komnir enda unnið frumkvöðlastarf á
undanförnum árum í málefnum fjöl-
menningarlegs samfélags, segir í
fréttatilkynningu.
Séra Jóna Hrönn og séra Bjarni
eru samhent hjón sem hafa unnið
saman að því að bæta aðstæður inn-
flytjenda og hafa verið óþreytandi við
að leggja sitt af mörkum í því efni,
segir í rökstuðningi Alþjóðahússins.
Hjónin Jóna Hrönn og Bjarni hafa
saman lyft grettistaki í uppbyggingu
á unglingastarfi gegn fordómum, til
að mynda með verkefninu „Adrenalín
gegn rasisma“, sem Jóna Hrönn hef-
ur borið hitann og þungann af.
Hope Knútsson flutti til Íslands frá
Bandaríkjunum árið 1974. Hún hefur
allar götur síðan verið frumkvöðull á
mörgum sviðum félagsstarfs og kom-
ið mörgu til leiðar. Þá hefur Hope
komið fram opinberlega við ótalmörg
tækifæri til að fjalla um málefni inn-
flytjenda á Íslandi, gagnkvæma að-
lögun, fjölmenningarsamfélag og
aðra þætti sem skipta innflytjendur
máli.
Hafdís Árnadóttir eigandi og fram-
kvæmdastjóri Kramhússins og henn-
ar alþjóðlega starfslið hefur með
frumkvæði og krafti sett svip á fjöl-
menningarlíf í Reykjavík með
kennslu og kynningu á dansi, tónlist
og hreyfilist. Kramhúsið hefur dregið
að til kennslu fjölmarga erlenda lista-
menn sem hafa auðgað mannlíf og
skólalíf í borginni og víðar um landið
með menningu sinni. Starfs-
mannastefna Kramhússins byggist á
fjölbreytni og fjölmenningu og er öðr-
um fyrirtækjum til fyrirmyndar, seg-
ir í rökstuðningi Alþjóðahússins.
Morgunblaðið/Þorkell
Verðlaunuð fyrir
frammistöðu í mál-
efnum innflytjenda
UM áramótin hækka atvinnuleys-
isbætur um 2,5% og hækka dagpen-
ingar bótaþega sem eru með fullar bæt-
ur úr 4.219 krónum í 4.324 krónur.
Fullar atvinnuleysisbætur á mánuði
hækka því úr 91.429 krónum í 93.701
krónur.
Samkvæmt tölum Vinnumálastofn-
unar voru 2.683 atvinnulausir á landinu
öllu í gær, 1.159 karlar og 1.479 konur.
Flestir voru atvinnulausir á höfuðborg-
arsvæðinu eða 1.466, en minnst er at-
vinnuleysið á Vesturlandi þar sem 71
var í gær skráður atvinnulaus og Aust-
fjörðum þar sem 81 var á skrá án vinnu.
Atvinnuleysisbætur
hækka um 2,5%
Á ÞESSU ári hefur mannanafnanefnd
kveðið upp 119 úrskurði í álitamálum
um eiginnöfn, millinöfn og kenninöfn.
Á síðasta fundi nefndarinnar fyrir jól
var þremur nöfnum hafnað en einu
synjað.
Þau sem voru samþykkt voru eig-
innöfnin Beníta og Súla og millinafnið
Þrastar. Beiðni um um millinafnið
Arnsted var hafnað.
119 úrskurðir hjá
mannanafnanefnd
TALSVERT var um útköll hjá Slökkvi-
liði höfuðborgarsvæðisins (SHS) í gær
vegna bruna en ekki var um alvarleg
tilvik að ræða. Þó eyðilagðist bíll í elds-
voða við Kirkjuteig en eldurinn var
slökktur á tæpum 10 mínútum. Nokkur
útköll komu vegna elds í blaðagámum í
borginni en engin alvarleg. Að sögn
SHS er talið að eldarnir hafi blossað
upp vegna fikts unglinga með púð-
urkerlingar sem þeir hafi sett í gám-
ana.
Þá var slökkviliðið kallað tvívegis að
heimahúsum vegna bruna í eldhúsi. Á
öðrum staðnum höfðu íbúar slökkt
sjálfir en reykkafari var sendur inn til
að staðfesta að eldurinn væri slökktur.
Annir hjá
slökkviliðinu
Á FUNDI Steinunnar Valdísar Óskarsdóttur
borgarstjóra með Björgu Bjarnadóttur, for-
manni Félags leikskólakennara, og Þresti
Brynjarssyni, varaformanni Félags leikskóla-
kennara, í Ráðhúsi Reykjavíkur í gær vegna
kjaramála leikskólakennara, var ákveðið að
fela hópi skipuðum fulltrúum Reykjavíkur-
borgar, Félags leikskólakennara, samráðs leik-
skólastjóra í Reykjavík auk fulltrúa frá launa-
nefnd sveitarfélaga, að móta hugmyndir sem
lagðar verða fyrir launamálaráðstefnu sveitar-
félaga sem haldin verður 20. janúar næstkom-
andi.
Steinunn Valdís sagðist hafa lagt fram þessa
tillögu um vinnuhópinn og að fundarmenn
hefðu orðið ásáttir um að gefa honum tíma til
að vinna í málinu.
„Við erum orðin ásátt um það að vinna þetta
verkefni sameiginlega því þetta eru sameig-
inlegir hagsmunir leikskólakennara, borgaryf-
irvalda og reyndar allra sveitarfélaga í landinu
að leysa þetta mál þannig að það sé hægt að
halda þjónustunni gangandi.“
Björg Bjarnadóttir taldi niðurstöðu fundar-
ins jákvæða í ljósi aðstæðna enda væri sú staða
sem upp væri komin afar flókin.
„Þetta er ákveðin leið sem hægt er að fara og
kannski eina færa leiðin til þess að gera eitt-
hvað strax. Þarna kemur fram ákveðin vilja-
yfirlýsing frá borginni um að hún vilji nú þegar
hefjast handa við að vinna í þessum málum.
Niðurstaðan verður hins vegar ekki ljós fyrr en
eftir launamálaráðstefnuna og þar eigum við
ekki fulltrúa. Í þessari nefnd er hins vegar aðili
frá launanefnd okkar en við getum ekki gert
annað en að vona að hugmyndir þessa hóps fái
jákvæða meðferð á launamálaráðstefnunni.“
Leikskólakennarar fjölmenntu
Leikskólakennarar fjölmenntu í Ráðhúsið í
gær til þess að sýna forystumönnum sínum
stuðning. Viðbrögð þeirra við niðurstöðu fund-
arins voru blendin en sumir þeirra kváðust
hafa vænst skýrari niðurstöðu. Þannig hefði
niðurstaðan ollið nokkrum vonbrigðum í ljósi
þess að þegar hefði legið fyrir að kjaramálin
yrðu endurskoðuð á launamálaráðstefnunni.
Fundarmenn beindu sameiginlega þeim til-
mælum til leikskólakennara, sem sagt hafa upp
störfum eða hafa ákveðið að segja upp, að end-
urskoða hug sinn og gefa vinnuhópnum kost á
að takast á við þá stöðu sem uppi er.
Morgunblaðið/Golli
Leikskólakennarar fjölmenntu í Ráðhúsið til að sýna samstöðu með sínum forystumönnum.
Starfshópur fjallar um
kjör leikskólakennara
Þeim tilmælum beint til
leikskólakennara sem
sagt hafa upp að endur-
skoða hug sinn