Morgunblaðið - 31.12.2005, Qupperneq 10

DÆMI eru um að nemendur einka-
rekinna tónlistarskóla í Reykjavík
hafi flutt lögheimili sín til Reykja-
víkur vegna þess að þeirra sveitarfé-
lag telur sig ekki eiga að bera kostn-
að af námi þeirra við skólana. Þeir
skólar sem um ræðir eru Tónlistar-
skóli FÍH, Tónlistarskólinn í
Reykjavík og Söngskólinn í Reykja-
vík.
Fram til haustsins 2003 greiddi
Reykjavíkurborg kennslukostnað
allra nemenda í þessum skólum en
þá var ákveðið að styrkja aðeins þá
nemendur sem lögheimili hafa í
Reykjavík. Sveitarfélögin hafa sum
hver staðið undir þessum kostnaði
fyrir nemendur sína en sum þeirra
halda því fram að ríkið eigi að
standa undir kostnaðinum, enda sé
um nám á framhaldsskólastigi að
ræða. Í dag styrkir ríkið eingöngu
háskólastig tónlistarskólanna.
Tónlistarskóli FÍH hefur sent 55
nemendum skólans bréf þar sem
þeim er tilkynnt uppsögn þeirra úr
skólanum, sem tekur gildi 1. mars
næstkomandi, vegna þess að
greiðsla frá því sveitarfélagi sem
þeir eiga lögheimili í dugar ekki fyr-
ir launakostnaði kennara skólans.
Vandinn tvíþættur
Ásrún Davíðsdóttir, aðstoðar-
skólastjóri Söngskólans í Reykjavík,
segir ástandið í raun það sama í
þeim skóla en stjórnendur hafi ekki
viljað, enn sem komið er, tilkynna
nemendum um uppsögn. Segir hún
að nemendur í þessari stöðu séu á
milli 50 og 60 talsins.
Ásrún segir að á síðasta skólaári
hafi verið í gildi samkomulag milli
ríkis og sveitarfélaga um að ríkið
styddi við þá nemendur sem fá
kennsluna metna í framhaldsskól-
um. Þetta samkomulag hafi ekki
verið endurnýjað fyrir þetta skóla-
ár.
„Samkvæmt núgildandi lögum
eiga sveitarfélögin að greiða
kennslukostnaðinn og þau hljóta að
greiða hann eins og hann raunveru-
lega er. Sveitarfélögin á höfuðborg-
arsvæðinu hafa samt sem áður
ákveðið þessa upphæð sjálf og sú
upphæð dugar ekki fyrir þeim
kostnaði sem skólarnir þurfa að
leggja út fyrir vegna kennslunnar,“
segir Ásrún en Reykjavíkurborg
greiðir fyrir sína nemendur sam-
kvæmt eigin gjaldskrá og er hún
ekki sú sama og sú sem sveitarstjór-
ar sveitarfélaganna á höfuðborgar-
svæðinu samþykktu í haust.
Hún segir vandann í raun tvíþætt-
an, annars vegar að ekki hafi verið
skrifað undir nýtt samkomulag milli
ríkis og sveitarfélaga og hins vegar
að sveitarfélögin vilji ekki greiða
það sem kennslan raunverulega
kosti.
„Það segir sig því sjálft að við
verðum að segja þessum nemendum
upp ef þetta leysist ekki því það er
ekki mögulegt fyrir okkur að standa
undir kostnaðinum. Og þá verður
einnig að segja upp einhverjum af
kennurum skólans,“ segir Ásrún.
Kjartan Óskarsson, skólastjóri
Tónlistarskólans í Reykjavík, tekur
í sama streng og Ásrún. Hann segir
um 50 nemendur skólans eiga á
hættu að geta ekki stundað þar nám
leysist þessi vandi ekki.
Málin stranda hjá ríkinu
Lúðvík Geirsson, bæjarstjóri í
Hafnarfirði, segir að ríki og sveit-
arfélög hafi verið að togast á um tón-
listarnám á framhaldsskólastigi og
hver eigi að standa straum af kostn-
aðinum. Sveitarfélögin vilji meina að
ríki eigi að sjá um nám á framhalds-
skólastigi og því sé um millibils-
ástand að ræða varðandi þennan
eldri hóp nemenda í tónlistarnámi.
„Við gengum út frá því að sam-
komulagið við ríkið frá fyrra skóla-
ári yrði framlengt eins og segir til
um í samkomulaginu. Síðan hefur
komið á daginn að það eru óljós svör
frá ríkinu varðandi samkomulagið.
Við, sveitarstjórar á höfuðborgar-
svæðinu, sendum bréf til mennta-
mála- og fjármálaráðuneytis og ósk-
uðum eftir svörum fyrir áramót sem
ekki hafa borist enn. Það veldur mér
auðvitað vonbrigðum að fá ekki skýr
svör upp á borðið því við þurfum að
fá þetta á hreint áður en hægt er að
halda lengra með málið,“ segir Lúð-
vík. Hvað nýja gjaldskrá sveitarfé-
laganna varðar segir Lúðvík að
fulltrúar fræðsluyfirvalda í sveitar-
félögunum hafi farið yfir þessi mál
og lagt fram tillögu að gjaldskrá
sem samþykkt var. Hann segir þá
gjaldskrá ekki í takt við gjaldskrá
Reykjavíkurborgar og því hafi sveit-
arstjórar á höfuðborgarsvæðinu lýst
yfir vilja til að endurskoða þau mál.
„En fyrst er að fá á hreint hvort
þetta samkomulag við ríkið standi,
við viljum fá það á hreint áður en
lengra er haldið. Þetta á við um
sveitarfélögin í landinu almennt þótt
þetta hvíli þyngst á okkur hér á höf-
uðborgarsvæðinu,“ segir Lúðvík.
Flytja lögheimili til að
komast í tónlistarnám
Eftir Sigurhönnu Kristinsdóttur
sigurhanna@mbl.is
10 LAUGARDAGUR 31. DESEMBER 2005 MORGUNBLAÐIÐ
FRÉTTIR
á mánudaginn
Tiger Woods
„Wie á eftir að
upplifa öfund og andúð
frá mótherjum sínum“
HEIÐRÚN Hámundardóttir er fyrr-
verandi nemandi Tónlistarskóla FÍH
og þurfti hún að hætta námi við skól-
ann haustið 2003 því Akranesbær,
hennar sveitarfélag, vildi ekki standa
undir kostnaði við skólagöngu henn-
ar. Heiðrún segist hafa reynt bók-
staflega allt til að ná sínu fram en að
lokum hafi hún þurft að lúta í lægra
haldi. „Ég er með fjölskyldu og mað-
ur flytur ekki lögheimili sitt svo auð-
veldlega. Ég meira að segja kannaði
það hvort við hjónin gætum haft lög-
heimili hvort á sínum staðnum en ég
fékk þau svör að það væri ekki hægt
nema með róttækari aðgerðum sem
við nýgift vorum nú ekki alveg tilbúin
til að fara út í,“ segir hún.
Heiðrún er tónmenntakennari að
mennt og vinnur hjá Akranesbæ við
tónlistarkennslu í Tónlistarskólanum
á Akranesi. Þá sér hún um skóla-
hljómsveit bæjarins og hefur gert síð-
astliðin 5 ár. Samt sem áður vildi
bærinn ekki standa undir kostnaði
við nám hennar við Tónlistarskóla
FÍH, slíkt þyrfti að vera á jafnrétt-
isgrundvelli.
Hún stundaði nám við skólann í
þrjú ár í söng og bóklegum djass-
fræðum og var í miðju námi þegar
hún þurfti að hætta. „Ég varð að
hætta mínu námi vegna búsetu minn-
ar og þar fannst mér stórlega á mér
brotið. Jafnrétti til náms er eitthvað
sem er ekki til í þessu samhengi.
Nám í djasstónlist er greinilega að-
eins ætlað Reykvíkingum og þeim
sem hafa mikla peninga á milli hand-
anna,“ segir Heiðrún.
Heiðrún segist hafa átt í bréfa-
skiptum við bæjaryfirvöld á Akranesi
á sínum tíma til að reyna að fá hlut-
unum breytt en án árangurs. „Þó
nokkuð er um að nemendur sveitarfé-
laganna í kring stundi nám við tón-
listarskólann hérna en samt sem áður
borga þessir nemendur ekki útsvar á
Akranesi. Það geri ég aftur á móti, en
samt sem áður vildi bærinn ekki
standa undir kostnaði við skólagöngu
mína. Hér á Akranesi er enginn skóli
sem kemur í staðinn fyrir FÍH og ég
þyrfti að fara erlendis til að finna
svipað nám. Ef ég myndi skrá mig í
klassískt nám við Tónlistarskólann á
Akranesi myndi bærinn borga kostn-
aðinn þó svo að hann sé svipaður á
hvern nemanda og gerist í FÍH. Ef
ég myndi skrá mig í klassískt nám við
Listaháskóla Íslands myndi ríkið
borga kostnaðinn“, segir Heiðrún.
„Það er mjög slæmt að þurfa að
hætta í miðju námi og mér finnst
mjög mikilvægt að nám af þessu tagi
heyri undir ríkið því það á að vera
jafnrétti til náms. Þetta nám er sér-
stakt og það eiga allir að eiga kost á
að stunda það. Ég skora á ríki og
sveitarfélög að hætta að benda hvort
á annað og gera eitthvað í málinu,
sem er búið að taka allt of langan
tíma,“ bætir hún við að lokum.
Hætti námi því bærinn vildi
ekki standa undir kostnaði
Morgunblaðið/Sigurður Elvar
Heiðrún Hámundardóttir þurfti að hætta námi við Tónlistarskóla FÍH því
sveitarfélag hennar vildi ekki standa undir kostnaði við námið.
MORGUNBLAÐINU hefur
borist eftirfarandi athugasemd frá
Skarphéðni Berg Steinarssyni,
stjórnarformanni FL Group og
framkvæmdastjóra hjá Baugi
Group.
„Það eru ekki lítilvægar sakir
sem bornar eru á forsvarsmenn
FL Group í Morgunblaðinu
fimmtudaginn 29. desember.
Nafnlaus Innherji í viðskiptakálfi
blaðsins telur að nú séu miklar
vangaveltur í viðskiptaheiminum
um hvernig skýra megi hækkun á
verði hlutabréfa í FL Group að
undanförnu. En Innherji hefur
svör á reiðum höndum. Verð bréf-
anna hafi verið hækkað með hand-
afli sem sé auðvelt á hinum litla ís-
lenska hlutabréfamarkaði. Verðið
hafi verið hækkað til þess að
styrkja FL Group í einhverjum
viðskiptum sem Morgunblaðið tel-
ur framundan með bréf í Íslands-
banka. Til að fá lestur á þessa vafa-
sömu söguskýringu, er
slúðurdálkurinn svo kórónaður
með tilvísun frá baksíðu Morgun-
blaðsins sama dag, rétt eins og um
stórfrétt og sannleik væri að ræða.
Gengi bréfa í FL Group hefur
hækkað mjög hina undanförnu
mánuði en það er líklega það eina
sem satt er í hinum hatursfullu
skrifum. Umframeftirspurn var
eftir bréfum í hlutafjárútboði fé-
lagsins í haust og undirstrikar það
að markaðurinn hefur mikla trú á
stefnu félagsins og þá jafnframt
framtíðarsýn þeirra sem því stýra.
Þá hafa uppgjör félagsins verið
umfram væntingar markaðarins.
Þess vegna hækkar gengi félags-
ins en slíkt skilja allir sem eiga við-
skipti með hlutabréf. Það er mark-
aðurinn sem ákveður verðið á
bréfunum og þegar vel gengur þá
eykst eftirspurn eftir bréfum. Það
er algjörlega ástæðulaust fyrir
nafnlausan dálkahöfund Morgun-
blaðsins að tala niður til hluta-
bréfamarkaðarins á Íslandi.
FL Group og stærstu hluthöfum
félagsins er gefið að sök að stunda
óheiðarleg viðskipti með bréf í fé-
laginu og blekkja þannig markað-
inn. Því er verið að saka þessa aðila
um lögbrot og siðleysi. Það er al-
varlegt mál að bera einhvern slík-
um sökum. Það væri meiri manns-
bragur af þeim sem skrifar slíkt að
hann kæmi fram undir nafni svo
hægt væri að ræða það við hann og
kalla eftir nánari rökstuðningi fyr-
ir þessum makalausu ásökunum.
Ítrekaður rógburður og gróu-
sögur í nafnlausum dálkum Morg-
unblaðsins um fyrirtæki sem eru
að fullu eða að hluta í eigu Baugs
eiga ekki við rök að styðjast. Slík
umfjöllun skaðar þessi fyrirtæki
og alla þá sem hafa hag af því að
þeim vegni vel. Kerfisbundinn
áróður af þessu tagi grefur undan
velgengni þessara fyrirtækja.
Varla vill Morgunblaðið bera
ábyrgð á því?
Reykjavík, 30. desember 2005.
Skarphéðinn Berg Steinars-
son.“
Gott gengi FL
Group og rógur
Morgunblaðsins
arinnar og Miðstöðvar heima-
hjúkrunar. Starfsmenn stofnunar-
innar eru alls um 600. Forstjóri
hennar er Guðmundur Einarsson.
Í fréttatilkynningu segir að eng-
ar breytingar verði á þjónustu
heilsugæslustöðvanna við samein-
inguna, en tvær nýjar heilsugæslu-
stöðvar verða opnaðar í janúar,
Heilsugæslan Fjörður í Hafnar-
firði og Heilsugæslan Glæsibæ í
Reykjavík.
HEILSUGÆSLAN á höfuðborg-
arsvæðinu sameinast nú um ára-
mótin í eina stofnun, sem ber nafn-
ið Heilsugæsla höfuðborgar-
svæðisins, sbr. reglugerð nr.
608/2005.
Innan hinnar nýju stofnunar
verða heilsugæslustöðvarnar í
Garðabæ, Hafnarfirði, Kópavogi,
Mosfellsbæ, Reykjavík og á Sel-
tjarnarnesi, alls 15 heilsugæslu-
stöðvar, auk Heilsuverndarstöðv-
Heilsugæslur sameinast