Morgunblaðið - 31.12.2005, Blaðsíða 37

MORGUNBLAÐIÐ LAUGARDAGUR 31. DESEMBER 2005 37
Vinstrihreyfingin – græntframboð getur glaðst yfirmörgum áföngum í starfiflokksins á árinu 2005.
Hæst ber landsfundinn sem haldinn
var 21.–23. október sl. og tókst með
miklum ágætum. Fundurinn var
hinn stærsti í sögu flokksins hingað
til og voru á fjórða hundrað fulltrúar
skráðir til þátttöku. Velheppnað
málþing um kvenfrelsi var einn af
hápunktunum og sérstakur kafli um
kvenfrelsi eða feminisma var flétt-
aður inn í stefnuyfirlýsingu flokks-
ins. Einnig nýjar áherslur um fé-
lagsleg sjónarmið og
umhverfisviðhorf í alþjóðamálum.
Landsfundurinn afgreiddi nýja og
heildstæða menntastefnu þar sem
áherslur okkar eru útfærðar fyrir öll
skólastig, fullorðins- og starfs-
fræðslu og símenntun.
Sem fyrr setti ungt fólk sterkan
svip á fundinn og hefur sú sveit aldr-
ei verið fjölmennari og kraftmeiri en
einmitt nú. Ört vaxandi fjöldi ungs
fólks stendur fyrir verulegan hluta
af fjölgun félaga í flokknum. Skráðir
félagar í Vinstrihreyfingunni –
grænu framboði eru nú komnir hátt
á sautjánda hundrað og lætur nærri
að félagatalið hafi fjórfaldast frá
stofnfundi flokksins.
Verkefnin framundan
Framundan eru spennandi tímar,
sveitarstjórnarkosningar í vor og al-
þingiskosningar í síðasta lagi ári síð-
ar. Í báðum tilvikum hefur Vinstri-
hreyfingin – grænt framboð fullan
hug á því að sækja fram og til þess
höfum við nú bæði meiri burði og
vænlegri stöðu en áður. Vinstri-
hreyfingin – grænt framboð hefur
mikilvægu hlutverki að gegna og ber
fram sjónarmið sem þurfa að eiga
sér öflugan málsvara í íslenskum
stjórnmálum. Öfugt við aðra flokka
gerum við ekki tilkall til að blanda
okkur í vaxandi þrengsli inni á miðju
stjórnmálanna.
Við erum skýr valkostur til vinstri
í íslenskum stjórnmálum, sá eini.
Baráttan gegn nýfrjálshyggjunni
með tilheyrandi markaðs- og einka-
væðingu almannaþjónustunnar og
varðstaðan um velferðarkerfið er
eitt af höfuðviðfangsefnum okkar.
Við erum eini flokkurinn sem skil-
greinir sig sem umhverfisvernd-
arflokk, grænan flokk.
Við erum eini íslenski stjórn-
málaflokkurinn sem hefur gert
kvenfrelsi að meginatriði í stefnu-
skrá sinni, eini flokkurinn sem skil-
greinir sig óhikað á forsendum kven-
frelsis eða feminisma.
Við höfum skerpt á sérstöðu okk-
ar og dýpkað og breikkað áherslur í
utanríkis- og alþjóðamálum. Við
andæfum hvers kyns hern-
aðarhyggju en viljum efla fyr-
irbyggjandi og borgaralegt starf í
friðarmálum og við krefjumst þess
að félagsleg sjónarmið og umhverf-
ishyggja fái sitt vægi á tímum hnatt-
rænna breytinga.
Við stöndum fyrir skýra sérstöðu í
málaflokkum sem varða framtíðina
og ungt fólk miklu, á vettvangi um-
hverfismála, með baráttu fyrir fé-
lagslegu réttlæti og mannréttindum.
Þar höfum við t.d. rutt brautina í
baráttunni gegn klámvæðingu sam-
félagsins, vændi og mansali. Við höf-
um flutt róttækar tillögur um áfram-
haldandi þróun okkar
velferðarsamfélags svo sem með
gjaldfrjálsum leikskóla, áherslu á
styttingu vinnuvikunnar og fjöl-
skylduvænt samfélag.
Loks höfum við teflt fram fjöl-
breytni í atvinnulífi og stuðningi við
lítil og meðalstór fyrirtæki og
áherslu á nýsköpun sem valkosti við
hina blindu og óheftu stóriðjustefnu,
svo aðeins fátt eitt sé nefnt.
Ójafnvægi í efnahagsmálum
Ruðningsáhrif stóriðjustefnunnar
blasa nú hvarvetna við. Afleiðingar
handaflsákvarðana ríkisstjórn-
arinnar um að keyra gríðarlegar
stórframkvæmdir inn í hagkerfið
bitna af fullum þunga á öðru at-
vinnulífi. Útflutnings- og samkeppn-
isgreinar bregðast við með nið-
urskurði, uppsögnum starfsfólks og
samdrætti. Framleiðslu- og sam-
keppnisiðnaður hverfur úr landi í æ
ríkari mæli. Nýjasta skriðan er með-
al hátæknifyrirtækjanna sem flýja
hvert á fætur öðru. Gríðarlegur við-
skiptahalli eykur enn á geigvæn-
legar erlendar skuldir þjóðarbúsins.
Viðbrögð ríkisstjórnarinnar eru
óbreytt. Fullkomin afneitun, í bland
við ómerkilega leit að sökudólgum
annars staðar, t.d. í Seðlabankanum.
Landsbyggðin er sérstakur þol-
andi þessa ástands þar sem undir-
stöðugreinum hennar, sjávarútvegi,
ferðaþjónustu og landbúnaði, eru
allar bjargir bannaðar. Ekki geta
þessar greinar leyst vanda sinn með
því að flýja úr landi. Eru forsvars-
menn hins almenna atvinnulífs í
landinu tilbúnir til að færa þá fórn á
altari áframhaldandi stóriðjutrúboðs
að standa að lokum í brunarústum
þess sem áður var dafnandi útflutn-
ings-, samkeppnis- og nýsköp-
unarstarfsemi, svo ekki sé nú minnst
á umhverfisfórnirnar?
Samstillt stjórnarandstaða?
Félagshyggjumeirihlutar í sveit-
arstjórnum og græn velferðarstjórn
að loknum næstu alþingiskosningum
er okkar markmið. Dæmið frá Nor-
egi og það sem þar tókst nú í haust á
að vera okkur hvatning. Á lands-
fundi Vinstrihreyfingarinnar –
græns framboðs ýtti ég úr vör end-
urnýjuðu tilboði til félaga okkar í
stjórnarandstöðunni, í Samfylking-
unni og Frjálslynda flokknum, um
slíkt samstarf. Því miður hafa við-
brögðin verið hikandi enn sem kom-
ið er af hálfu Samfylkingarinnar.
Krafan er sterk um að stjórn-
arandstaðan standi undir nafni og
veiti ríkisstjórninni ekki bara verð-
ugt aðhald, heldur bjóði hiklaust og
af fullu sjálfstrausti upp á sjálfa sig
sem valkost í hennar stað. Skoð-
anakannanir hafa að undanförnu
ítrekað sýnt fylkingarnar nokkurn
veginn jafnar. Það væri undarleg
stjórnarandstaða sem ekki tæki
slíkri áskorun fagnandi, að sjá
möguleikann á hreinum umskiptum
þannig innan seilingar.
Ísland, norrænt
velferðarsamfélag?
Við hér á Íslandi erum svo lánsöm
að tilheyra hinni norrænu fjölskyldu
þjóða, ríkja, sem vekja athygli um-
heimsins fyrir góðan árangur á
breytingatímum. Norræna velferð-
arsamfélagið hefur ekki aðeins yf-
irburði á flesta mælikvarða hvað
snertir jöfnuð, lífsgæði og almenna
velmegun. Það skarar líka fram úr
hvað samkeppnishæfni í atvinnulíf-
inu snertir og spjarar sig vel í þekk-
ingarsamfélaginu, jafnt í félagslegu,
menningarlegu, sem atvinnulegu til-
liti.
Hið norræna samábyrga velferð-
arsamfélag með öflugri opinberri
velferðarþjónustu og blönduðu hag-
kerfi virkar vel og er öðrum fyr-
irmynd. Það þýðir ekki að allt sé hér
í lukkunnar velstandi og mesta
áhyggjuefnið er að Ísland rekur nú
hratt í burtu frá hinum Norðurlönd-
unum, launamunur og misskipting
vex, velferðarkerfið veikist. Vinstri-
hreyfingin – grænt framboð hefur
frá byrjun lagt þunga áherslu á að
Ísland eigi að tilheyra hinni norrænu
fjölskyldu. Samábyrgt velferð-
arsamfélag í anda þess besta sem
þekkist að norrænni fyrirmynd er
okkar markmið.
Fyrir skemmstu kom út viðamikil
úttekt fræðimannanna Stefáns
Ólafssonar og Kolbeins Stef-
ánssonar undir heitinu „Hnattvæð-
ing og þekkingarþjóðfélag – Ísland í
breyttu þjóðfélagsumhverfi“. Mikill
fengur er að þessu riti og skapar
það, og margvíslegur annar sam-
anburður í skýrslum og fræðiritum,
vinstri mönnum gríðarleg sókn-
arfæri. Staðreyndir um árangur nor-
rænu velferðarsamfélaganna eru öfl-
ug vopn í höndum þeirra sem vilja
blása til sóknar og hugmynda-
fræðilegrar endurnýjunar í þágu
jafnréttis, félagslegs réttlætis og
umhverfisverndar.
Nýfrjálshyggjan kvödd
Nýfrjálshyggjan er nú loksins á
hröðu undanhaldi sem leiðandi hug-
myndafræði vestrænna stjórnmála.
Hægri flokkar eru víða að bregðast
við með því að sigla þegjandi og
hljóðalaust inn að miðjunni. Þeir
miðlægu flokkar, þar á meðal margir
vestrænir verkamanna- og sósíal-
demókrataflokkar, sem tóku
nýfrjálshyggju-markaðsvæðingar-
stefnuna upp, ýmist ómengaða eða
eilítið mildaða útgáfu, standa einnig
býsna ráðvilltir eftir. Rosknir
stjórnmálaskýrendur, einkum hægri
kratískir, rembast við að skrifa og
skilgreina út frá veröld sem var og
yfirsést þung róttæk undiralda með-
al ungs fólks á Vesturlöndum. Í þró-
unarríkjunum snýr hvert landið á
fætur öðru baki við hugmyndafræði
og leiðsögn hinna alþjóðlegu áróð-
ursstofnana nýfrjálshyggjunnar,
enda reynslan ekki féleg. Stórtæk-
astar eru breytingarnar um þessar
mundir í Mið- og Suður-Ameríku.
Spennandi tímar eru framundan,
jafnt í innlendum stjórnmálum sem
á alþjóðavettvangi.
Ég óska landsmönnum öllum
gleðilegra jóla og farsæls komandi
árs og þakka fyrir samfylgdina á
árinu.
Vorar eftir
nýfrjáls-
hyggjuna!
Morgunblaðið/Jim Smart
Stjórnarandstaðan á ekki aðeins að veita ríkisstjórninni aðhald heldur bjóða hiklaust og af fullu sjálfstrausti upp á
sjálfa sig sem valkost í hennar stað, segir Steingrímur J. Sigfússon.
Steingrímur J. Sigfússon, formaður Vinstrihreyfingarinnar – græns framboðs
Námskeiðið Súperform á fjórum vikum hjá Goran
Kristófer, íþróttafræðingi, er hannað til að koma þér af
stað á mjög árangursríkan og einfaldan hátt. Tilgangur
námskeiðsins er að koma þér á æðra stig hvað varðar
líkamlega og andlega heilsu eftir jólin. Ef þú vilt:
Léttast
Styrkjast
Efla ónæmiskerfið
Bæta meltinguna
Hormóna jafnvægið
Andlega vellíðan
Auka minni og einbeitinguna
Auka orkuna
Komast í form
Bæta heilbrigði
Þú kynnist nýjum möguleikum í matarvali, mat sem örvar
fitubrennslu, hvernig þú átt að glíma við matar -og
sykurþörfina, hvernig þú ferð a því að brenna meira
og léttast.
Fimm tímar í viku – Brennsla, styrking og liðleiki
Takmarkaður fjöldi
Vikulegar mælingar
Eigið prógramm í tækjasal
Persónuleg næringarráðgjöf
Ráðgjöf við matarinnkaup
Fræðsla og eftirfylgni – 2 fyrirlestrar
Slökun og herðanudd í pottum að æfingu lokinni
Hollustudrykkur eftir hverja æfingu
Karlar kl. 7.30
Konur kl. 6.30, 10.00, 16.30 eða 18.30
Nýtt námskeið hefst 11. janúar nk.
Skráning er hafin í síma 444 5090 eða
nordicaspa@nordicaspa.is. Námskeið greiðist við
skráningu – athugið síðast komust færri að en vildu.