Fréttablaðið - 02.11.2002, Blaðsíða 16
2. nóvember 2002 LAUGARDAGUR
SUNNUDAGURINN
3. NÓVEMBER
LEIKHÚS Í kvöld verða frumsýndir
tveir einþáttungar í Loftkastal-
anum, annars vegar Herpingur
eftir Auði Haralds og hins vegar
Hinn fullkomni maður eftir Mik-
ael Torfason. Herpingur fjallar
um einhleypa konu á fertugs-
aldri, Önnu, sem langar að eign-
ast mann og börn. Anna nennir
ekki að hanga á börunum í leit að
heppilegri bráð þannig að hún
hellir sér út í tómstundir, eins og
kórstarf og badminton, þar sem
hún reiknar með að finna „heil-
brigðan“ karlmann.
„Anna er gjörsamlega dóm-
greindarlaus kona,“ segir Auður
Haralds, höfundur einþáttungs-
ins. „Hún er ekki að leita sér að
sálufélaga heldur bara einhverj-
um karlmanni, sem hún ætlar
svo að svínbeygja. Mín kenning
er sú að karlmenn sem eru væfl-
ur laðist að konum sem hrifsa þá.
Enda hefur Anna ekki heppnina
með sér.“
Auður bjó í mörg ár á Ítalíu
og segir samdrátt kynjanna allt
öðruvísi þar en á Íslandi. „Þar
getur fólk tekið hvert annað á
löpp hvar sem er. Það er svo mik-
ið af „feramónum“ í loftinu að
allir eru tilkippilegir allstaðar. Á
Íslandi eru þar til gerðir kjöt-
markaðir, sem eru dimmir barir
og dauðadrukkið fólk. Það segir
sig sjálft að þú dettur ekki um
eitthvað bitastætt þar,“ segir
Auður, sem er þekkt fyrir flest
annað en að taka á viðfangsefn-
um sínum með silkihönskum og
óhætt að segja að í Herpingi sé
hárbeittur húmorinn allsráðandi.
Hinn fullkomni maður eftir
Mikael Torfason segir frá manni
sem er að hefja áfengismeðferð.
Leikurinn hefst þar sem hann
stendur upp og tjáir sig í fyrsta
sinn á fundi. Hann segir frá lífi
sínu frá eigin bæjardyrum séð.
„Hann hefur alltaf verið vel
meinandi, hugsað um aðra og
hjálpað öllum í kringum sig. En
til hvers? Hann hefur ekki
kynnst neinum í lífinu sem er
ekki fífl eða fuglahræða.“
Leikari í Herpingi er Margrét
Pétursdóttir og leikstjóri Gunn-
ar Gunnsteinsson. Leikari í Hin-
um fullkomna manni er Gunnar
Gunnsteinsson. Andrea Gylfa-
dóttir velur tónlistina og flytur
hana og leikstjóri er Hilmir
Snær Guðnason.
edda@frettabladid.is
Fávís kona og
fullkominn alki
Eru heilbrigðu karlarnir í kórstarfi eða badminton? Er alkinn alki
af því allir í kringum hann eru fífl og fuglahræður? Svörin fást hugs-
anlega í Loftkastalanum, í tveimur einþáttungum eftir Auði Har-
alds og Mikael Torfason.
TVEIR EINÞÁTTUNGAR Í LOFTKASTALANUM
Herpingur eftir Auði Haralds og Hinn fullkomni maður eftir Mikael Torfason
MESSUR
11.00 Allra sálna messa verður í Dóm-
kirkjunni. Messan er helguð
minningu látinna.
20.00 Ellen Kristjánsdóttir og Kristján
Kristjánsson spila í léttmessu
Árbæjarkirkju.
TÓNLEIKAR
14.00 Tónlistadagskrá verður
í Fossvogskirkju í
minningu látinna ást-
vina. Pavel Manásek
leikur á orgel, tónlist-
artvíeykið Gunnar
Gunnarsson og Sig-
urður Flosason á orgel og saxafón
og Hljómkórinn og félagar úr kór
Bústaðakirkju syngja við undirleik
Jónasar Þóris Þórissonar.
15.30 Sönghópurinn Hljómeyki og
Kammerkórinn á Ísafirði halda
tónleika í Ísafjarðarkirkju. Á Tón-
leikunum verða frumflutt tvö ný
kórverk.
20.00 Tónleikar og ljóðalestur verða í
Hafnarborg, Hafnarfirði. Flytjendur
eru Arnar Jónsson leikari og tón-
listarhópurinn Contrasti. Á efnis-
skránni er endurreisnar- og nú-
tímatónlist ásamt ljóðalestri.
LEIKHÚS
14.00 Jón Oddur og Jón Bjarni eru
sýndir á Stóra sviði Þjóðleikhúss-
ins.
14.00 Karíus og Baktus eru sýndir á
Litla sviði Þjóðleikhússins.
14.00 Hunk! Ljóti Andarunginn er
sýndur á Stóra sviði Borgarleik-
hússins.
14.00 Benedikt Búálfur er sýndur í
Loftkastalanum.
14.00 Heiðarsnældan er sýnd í Mögu-
leikhúsinu.
14.00 Kardemommubærinn er sýndur
hjá Leikfélagi Hveragerðis.
16.00 Snuðra og Tuðra eru sýndar í
Möguleikhúsinu.
20.00 Viktoría og Georg eru sýnd á
Litla sviði Þjóðleikhússins.
20.00 Go.com air er sýnt hjá Leikfélagi
Mosfellssveitar í Bæjarleikhúsinu
við Þverholt.
20.00 Með fulla vasa af grjóti er sýnt á
Stóra sviði Þjóðleikhússins. Nokk-
ur sæti laus.
20.00 Herpingur og Hinn fullkomni
maður eru sýnd á 3. hæð Borgar-
leikhússins.
21.00 Kvetch er sýnt í Vesturporti.
21.00 Sellófon er sýnt í Hafnarfjarðar-
leikhúsinu. Uppselt.
SÝNINGAR
Í Ljósmyndasafni Reykjavíkur stendur
yfir sýning á portrettmyndum Augusts
Sanders. Sýningin er í Grófarsal, Grófar-
húsi, Tryggvagötu 15, 101 Reykjavík og
stendur til 1. desember 2002. Opnunar-
tími er 13-17 um helgar.
Ari Svavarsson listmálari og grafískur
hönnuður sýnir í Galleríi Sævars Karls.
Sýningin stendur til 14. nóvember.
Anna Þóra Karlsdóttir heldur sýning-
una Rjóður/Clear-cuts, í Listasafni ASÍ,
við Freyjugötu. Sýningin verður opin
daglega frá 14 - 18 nema mánudaga.
Í listasalnum Man heldur Jóhannesar
Geirs sýningu á verkum sínum. Sýningin
stendur til 16. nóvember.
Jón S. Auðarson sýnir í versluninni Japis
við Laugaveg. Verk Jóns Sæmundar nefn-
ist Íslenskt málbein. Sýningin er opin á
opnunartíma verslunarinnar
!
"
" #
" $%& '&%() *
*
+ " "' " , -. /
+(0"*-. /
1 "
" 23% "44(4554
6 789
: " *
"
: "
Málning
fyrir vandláta
Bindoplast 7 10 lítrar
TILBOÐ
kr. 5.900,-
LEIKHÚS Leikfélag Mosfellssveitar
frumsýndi í gær nýtt íslenskt leik-
rit, Beðið eftir Go.com air, eftir Ár-
mann Guðmundsson í leikstjórn
höfundar. Verkið segir frá hópi Ís-
lendinga sem eru strandaglópar í
erlendri flugstöð. Þetta er fjöl-
skrúðugur hópur sem á það eitt
sameiginlegt að vera að bíða eftir
flugi með lággjaldaflugfélaginu
Go.com air sem starfar eingöngu á
netinu. Þegar biðin dregst á langinn
ákveður hópurinn að grípa til að-
gerða en ekki er þó víst að þær dugi
til að koma fólkinu heim til Íslands.
Hugmyndin að verkinu kviknaði
hjá Ármanni eftir að hann hafi set-
ið fastur í London á um annan sólar-
hring þar sem þoka og vankunnátta
flugmanns hjá Go.com air tafði
brottförina. Félagar hans í leik-
hópnum tóku virkan þátt í sköpun-
arferlinu og lögðu til eigin reynslu-
sögur af utanlandsferðum. Leikrit-
ið fjallar því ekki beinlínis um
ferðalag Ármanns og tengingin við-
skiptin við Go.com eru ekki í for-
grunni. „Við erum að bara segja frá
hópi Íslendinga sem eru stranda-
glópar á óskilgreindum stað. Verkið
varð svo auðvitað að heita eitthvað
og þetta er það besta sem mér datt
í hug“, segir Ármann um titil verks-
ins.
Beðið eftir Go.com air er sýnt í
Bæjarleikhúsinu í Mosfellsbæ.
Beðið eftir Go.com:
Föst í þoku
netviðskipta
BEÐIÐ EFTIR GODOT COM
Leikurinn gerist í erlendri flugstöð þar sem hópur af Íslendingum bíður heimferðar. Þetta
er einkar litskrúðugur hópur sem á það eitt sameiginlegt að vilja komast heim til ættjarð-
arinnar. Þegar endalausar tafir verða á fluginu reynir mjög á þolinmæði, háttprýði og að-
lögunarhæfni þeirra.
16