Fréttablaðið - 20.11.2002, Blaðsíða 4

4 20. nóvember 2002 MIÐVIKUDAGUR
LÖGREGLUFRÉTTIRÚtvarp í Reykjavík:
Bylgjan leggur Rás 2
ÚTVARP Bylgjan er vinsælasta út-
varpsstöðin á höfuðborgarsvæð-
inu og hefur lagt Rás 2 að velli í
baráttunni um hlustendur.
Morgunútvarp Rásar 2 heldur
þó velli og hefur morgunsjón-
varpi Stöðvar 2, sem útvarpað
er á Bylgjunni, ekki tekist að
höggva það skarð i hlustenda-
hópinn sem búist var við ef
marka skal niðurstöður nýrrar
könnunar Gallup á útvarpshlust-
un.
Bylgjan einskorðar sig við að
ná til hlustenda á aldrinum 25-
49 ára og miðar dagskrá sína við
það á meðan markhópur Rásar 2
spannar stærra svið. Ljóst er af
könnun Gallup að það eru karl-
menn á aldrinum 35-60 ára sem
hlusta mest á Rás 2 á meðan
konur á aldrinum 25-49 halla sér
að Bylgjunni.
Útvarp Saga hefur ekki enn
náð þeim árangri í hlustun sem
stefnt er að: „Það tekur lengri
tíma en er allt á réttri leið,“ seg-
ir Jón Axel Ólafsson, fram-
kvæmdastjóri útvarpssviðs
Norðurljósa. 
EKIÐ Á ELDRI KONU Ekið var á 75
ára gamla konu við Vesturbæjar-
skóla í gærmorgun á mótum
Framnesvegar og Hringbrautar.
Konan axlarbrotnaði og var flutt
á slysadeild Landspítala -
Háskólasjúkrahúss. Þá varð harð-
ur árekstur á mótum Háaleitis-
brautar og Miklubrautar rétt fyr-
ir níu í gærmorgun. Ökumaður
og tveir farþegar voru fluttir á
slysadeild. Flytja varð báða bíl-
ana í burtu með kranabifreið.
BROTIST INN Í KAFFIHÚS Innbrot
var framið í kaffihúsið Deo við
Laugaveg í fyrrinótt. Þjófarnir
komust undan með 10 þúsund
krónur í peningum. Komust þeir
inn með því að spenna upp
glugga á bakhlið hússins. Málið
er í rannsókn.
EFNAHAGSMÁL Ríkisstjórnin hefur
ákveðið að verja 1,6 milljörðum
króna úr ríkissjóði á næsta ári í líf-
eyrismál aldraðra. Þessi upphæð
er óháð almennum umsömdum
launahækkunum um 3,2% í upphafi
næsta árs samkvæmt fjárlaga-
frumvarpi. Þá verður einum millj-
arði til viðbótar varið í sama mála-
flokk í byrjun árs 2004.
1. janúar 2003 hækkar tekju-
trygging um 3.038 krónur og tekju-
tryggingarauki um 2.225 krónur
og verður 18.000 krónur í stað
15.257 krónur. Tekjutryggingaauki
hjóna og sambýlisfólks hækkar um
sömu krónutölu og verður 14.066 í
stað 11.445 krónur. Þá lækkar
skerðingarhlutfall tekna gagnvart
tekjutryggingarauka úr 67% í
45%.
Hækkun þessi kemur í kjölfar
vinnu sem samráðshópur skipaður
af ríkisstjórninni með aðild Lands-
sambands eldri borgara skilaði af
sér og undirritaður var í gær.
Davíð Oddsson forsætisráðherra
sagði heildarkostnaðinn nema
fimm milljörðum. „Það er rétt að
taka það fram að þeir peningar
sem nefndir eru fara ekki ein-
göngu til aldraðra. Þarna er verið
að hækka bætur almannatrygg-
inga sem munu gagnast öðrum og
sérstaklega öryrkjum.“
Starfshópurinn lagði til að
heimaþjónusta við aldraða yrði
efld og stoðþjónusta í formi dag-
vistunar og hvíldarinnlagna aukin.
Þá var samið um flýtiframkvæmd-
ir á Vífilsstöðum. Er þess vænst að
hjúkrunarheimilið geti hafið starf-
semi í byrjun komandi árs, en unnt
verður að veita allt að 70 manns
þjónustu.
Hlutverki Framkvæmdasjóðs
aldraðra verður breytt þannig að
hann fær formlega það hlutverk að
greiða öldunarstofnunum húsnæð-
isframlag, leiguígildi sem stendur
undir viðhaldskostnaði og stærst-
um hluta af fjárfestingarkostnaði
nýrra hjúkrunarheimila. Er talið
nauðsynlegt að hjúkrunarrýmum
fjölgi um 150-200 á næstu 2-3
árum. Benedikt Davíðsson, for-
maður Landssambands eldri borg-
ara, sagði á fundinum þrjú hund-
ruð hjúkrunarrýma vanta til að
sinna brýnustu tilfellum.
Ólafur Ólafsson, formaður Fé-
lags eldri borgara, og Benedikt
voru sammála um að baráttunni
fyrir bættum kjörum aldraðra
væri á engan hátt lokið en samn-
ingur þessi væri skref í áttina.
kolbrun@frettabladid.is
Framtíðin flutt út:
Íslenskt lýðræði í Ungverjalandi
ÚTFLUTNINGUR Tveir starfsmenn fyr-
irtækisins Hugvits hf. eru nýkomn-
ir frá Ungverjalandi, þar sem þeir
kynntu nýjan hugbúnað sem gerir
þegnunum kleift að hafa rafrænt
samband við stjórnvöld. Búnaður-
inn, sem nefnist GoPro, hefur þegar
verið seldur til einnar borgar í Eist-
landi og er notaður sem tilrauna-
verkefni í Næstved í Danmörku.
Ólafur Daðason, framkvæmda-
stjóri hjá Hugviti hf., telur að raf-
ræn samskipti opinberra aðila og
einstaklinga séu framtíðin enda sé
kostnaður við stjórnsýslu víða að
sliga vestræn ríki. Löggjafir um
eiginhandarundirskrift hamli þó
því að ríki taki þessa tækni upp en
breytingar séu að verða í þeim efn-
um. Sóknarfærin séu hins vegar
hjá nýfrjálsum ríkjum sem eru
skammt á veg komin í lýðræðis-
þróun og eru því opnari fyrir þess-
ari hugmynd en hin sem eldri eru.
Sem dæmi má nefna að helmingur
Dana starfar nú hjá ríki eða sveit-
arfélögum með tilheyrandi kostn-
aði.
„Starfsmenn okkar hittu hátt-
setta menn í Ungverjalandi og
kynningin á búnaði okkar tókst vel.
Þetta skilar sér vonandi á næstu
misserum eða árum,“ segir Ólafur
Daðason, framkvæmdastjóri Hug-
vits hf., en hjá fyrirtækinu starfa
nú 70 manns. 
Dæmdur í Geirfinnsmáli:
Skar sambýl-
iskonu á háls
DÓMSMÁL Ríkissaksóknari hefur
höfðað mál gegn 47 ára gömlum
karlmanni og er honum gert að
sök að hafa í tvígang misþyrmt
fyrrverandi sambýliskonu sinni. Í
seinni tilfellinu voru áverkar svo
miklir að maðurinn er ákærður
fyrir tilraun til manndráps.
Þann 28. júlí er honum gert að
sök að hafa brotið hægri upphand-
legg konunnar ofan við olnboga og
skorið hana með hníf á vinstri
augabrún og vinstra megin á
hálsi. Hlaut konan tæplega fimm
sentimetra langt sár og bláæðar
skárust í sundur.
Hinn atburðurinn gerðist fyrr
á árinu. Þá er honum gert að sök
að hafa slegið höfuði konunnar
utan í vegg og misþyrmt henni
þannig að hún hlaut m.a. nokkur
sár á höfði og í andliti sem sauma
þurfti saman með allt að 30-40
sporum.
Maðurinn hefur áður komið við
sögu í manndrápsmáli og var
dæmdur til fangelsisvistar á átt-
unda áratugnum. Var það í tengsl-
um við Geirfinnsmálið svokall-
aða. 
BYLGJAN
Lifir vel eftir 16 ár í loftinu.
DÆMI UM BREYTINGAR Á LÍFEYRISGREIÐSLUM
Dæmi um breytingu samkvæmt tillögu frá 2002-2004 fyrir einhleypan lífeyrisþega sem býr einn og hefur engar aðrar tekjur:
2002 2003 2004
Mánaðargr. Greitt á ári Mánaðargr. Greitt á ári Mánaðargr. Greitt á ári
án eingreiðslu m/eingreiðslu án eingreiðslu m/eingreiðslu m/eingreiðslu án eingreiðslu
Ellilífeyrir 19.990 239.880 20.630 247.560 20.630 247.560
Tekjutrygging 34.372 429.650 38.500 481.250 40.500 506.250
Tekjutr.auki 15.257 190.712 18.000 225.000 20.000 250.000
Heimilisuppbót 16.434 205.425 16.960 212.000 16.960 212.000
Samtals: 86.053 1.065.667 94.090 1.165.810 98.090 1.215.810
Miðað við hjón sem bæði eru ellilífeyrisþegar og hafa engar aðrar tekjur:
2002 2003 2004
Mánaðargr. Greitt á ári Mánaðargr. Greitt á ári Mánaðargr. Greitt á ári
án eingreiðslu m/eingreiðslu án eingreiðslu m/eingreiðslu með eingreiðslu án eingreiðslu
Ellilífeyrir 19.990 239.880 20.630 247.560 20.630 247.560
Tekjutrygging 34.372 429.650 38.500 481.250 40.500 506.250
Tekjutr.auki 11.445 143.063 14.066 175.825 16.066 200.825
Samtals: 65.807 812.593 73.196 904.635 77.196 954.635
BÚDAPEST
Áhugi á nýjum samskiptamöguleikum ríkis og einstaklinga frá Íslandi.
BÆTT KJÖR ALDRAÐRA
Mælt er með sveigjanlegum starfslokum. Lagt er til að lífeyrisþegi sem frestað hefur töku
ellilífeyris og tengdra bóta almannatrygginga fái álag á lífeyri sem svarar 0,5% fyrir hvern
mánuð sem töku lífeyris hefur verið frestað fram yfir 67 ára aldur. Þá liggur fyrir að
starfslokaaldur verði jafnvel hækkaður í 72 ár.
Ríkisstjórnin hækkar
tekjutryggingu aldraðra
Um 1,6 milljörðum króna verður varið úr ríkissjóð á næsta ári til hækkunar á lífeyri til aldraðra.
Öryrkjar njóta góðs af hækkuninni en tekjutryggingaauki hækkar um rúmar tvö þúsund krónur
auk þess sem skerðingarhlutfall tekna lækkar um 22%.
Vatnajökull:
Skjálftar
mældust 4,1
JARÐSKJÁLFTAR Snörp jarðskjálfta-
hrina varð í gærmorgun norðan
við Bárðarbungu.
Jarðskjálfti, 4,1 að Richter,
mældist klukkan 9.30 um morgun-
inn. Í kjölfarið fylgdu skjálftar á
bilinu 1,7 til 3,1 á Richter.
Bergþóra S. Þorbjarnardóttir á
jarðeðlisviði Veðurstofunnar seg-
ir skjálfta á þessu svæði yfirleitt
hafa verið staka. Stór skjálfti hafi
síðast mælst árið 1996 þegar gaus
í Gjálp. Hún segir að fylgst verði
grannt með gangi mála. 
KJÖRKASSINN
Farðu inn á frett.is og segðu
þína skoðun
frétt.is
Eiga stjórnvöld að selja hlut
ríkisins í Landssímanum?
Spurning dagsins í dag:
Hefur þú samúð með málstað heilsu-
gæslulækna í deilu þeirra við ríkið?
Niðurstöður gærdagsins
á www.frett.is
Já
Nei
VILJA EKKI SELJA
Um 60% gesta á
frett.is telja að ríkið
eigi ekki að selja hlut
sinn í Landssímanum.
40,7%
59,3%