Fréttablaðið - 20.11.2002, Blaðsíða 23
MIÐVIKUDAGUR 20. nóvember 2002
FÓTBOLTI Alþjóða knattspyrnusam-
bandið, FIFA, ætlar að setja
Nicolas Anelka, leikmann
Manchester City, í leikbann til 26.
nóvember fyrir að neita að leika
með franska landsliðinu. Um er að
ræða vináttuleik gegn Júgóslavíu
sem fram fer í dag.
Ef City framfylgir ekki bann-
inu gæti það átt yfir höfði sér háa
sekt auk þess sem stig yrðu dreg-
in frá liðinu í úrvalsdeildinni.
Eric Carriere, leikmaður fran-
ska liðsins Lyon, lýsti í gær yfir
undrun á ákvörðun Anelka um að
vilja ekki leika með landsliðinu.
„Þessi ákvörðun á ekki eftir að
bæta þá slæmu ímynd sem hann
hefur nú þegar. Þetta hefði verið
gott tækifæri fyrir hann að snúa
aftur í franska landsliðið eftir frá-
bæra byrjun á Englandi. Ég skil
afstöðu hans þó svo að ég sé ekki
sammála honum.“
Anelka telur að Jacques Sant-
ini, þjálfari franska landsliðsins,
hafi í raun ekki viljað fá hann í
landsliðið heldur hafi hann verið
undir þrýstingi frá öðrum aðilum.
Anelka lék síðast með franska
landsliðinu í apríl á þessu ári.
Alþjóða knattspyrnusambandið:
Anelka dæmd-
ur í leikbann
SANTINI
Jacques Santini, landsliðsþjálfari Frakk-
lands, á æfingu fyrir utan París á mánudag.
Frakkar undirbúa sig nú af krafti fyrir leik-
inn gegn Júgóslavíu. AP
/M
YN
D
Atli Eðvaldsson landsliðsþjálfari:
Vonar að nýju mennirnir standi sig
FÓTBOLTI Íslenska karlalandsliðið í
knattspyrnu mætir því eistneska í
vináttuleik í Tallinn í Eistlandi
klukkan 16 í dag.
Leikurinn leggst vel í Atla Eð-
valdsson landsliðsþjálfara. „Það
eru allir ferskir og frískir og eng-
in meiðsli. Að vísu æfðum við á
gervigrasi í morgun [gærmorg-
un]. Það er mikil bleyta hérna og
búið að snjóa og rakinn er mikill.
Þeir treystu ekki vellinum en ég
vona að við fáum annað en gervi-
grasið á eftir,“ sagði Atli.
Atli segir að eistneska landslið-
ið hafi tekið rosalegt stökk á und-
anförnum árum. „Þeir gerðu jafn-
tefli við Króatíu í riðlinum í EM
en töpuðu að vísu 1:0 fyrir Belg-
um. Þeir eru með marga mjög
áhugaverða stráka í liðinu. Mart
Poom er í markinu sem við þekkj-
um frá Derby. Síðan eru þarna
aðrir strákar sem hafa vakið at-
hygli. Þarna eru líka nokkrir
reynslumiklir menn sem eru með
um 100 landsleiki að baki.“
Að sögn Atla er stefnan sett á
sigur. „Ég vona að það verði
gaman að fylgjast með strákun-
um sem eru að koma nýir inn í
hópinn eftir mismunandi langa
fjarveru. Ég vona bara að þeir
standi sig og sýni að það er kom-
inn nýr möguleiki með þeim.“
Leikurinn verður sýndur í
beinni útsendingu í Sjónvarpinu
og hefst útsendingin klukkan
16.
LANDSLIÐIÐ
Íslenska landsliðið þurfti að æfa á gervi-
grasi í gærmorgun vegna veðurs.