Fréttablaðið - 20.02.2003, Page 32

Grænmetið er að lækka í verði.Guðna sé lof. Og nú er hægt að
fá tvær gúrkur á sama verði og ein
kostaði í fyrra. Þetta eru góð tíðindi
fyrir þá sem elda og borða mat á Ís-
landi. Ekki það að ég búist við að
þetta valdi neinni byltingu, ekki í
dag. Stundum velti ég því samt fyrir
mér hvort daglegt líf okkar mann-
anna í vestræna neyslusamfélaginu
breytist ekki í raun meira dag frá
degi en við erum meðvituð um.
FLESTIR tækju líklega undir með
mér um það að þeir vildu borða
meira grænmeti en þeir gera. Við
þurfum hins vegar að horfa ótrúlega
stutt aftur til að sjá allt annað
neyslumynstur en það sem við búum
við í dag. Fyrir 15 til 20 árum voru
engin grænmetistorg í stórverslun-
um landsins. Nú er varla til svo aum
hverfiskjörbúð að hún hafi ekki að
minnsta kosti vísi að slíku torgi.
Varla væru þessi torg þarna ef eng-
inn keypti af þeim grænmetið. Og
ekki væru þau svona stór og með
svona mörgum tegundum ef sumir,
að minnsta kosti, keyptu ekki marg-
ar tegundir.
ÞAÐ hefur nefnilega mikið græn-
meti runnið í maga frá því að kart-
öflur voru eini maturinn af þeirri
sort sem borðaður var daglega, róf-
ur, hvítkál og gulrætur stundum. Og
allt saman soðið í mauk. Smám sam-
an hafa læðst að okkur fleiri tegund-
ir af grænmeti, tómatar og gúrkur,
salat (fyrst ein tegund og svo fleiri
og fleiri...). Sömuleiðis fórum við að
borða grænmetið á fjölbreyttari
hátt, ekki bara soðið og sem meðlæti
með kjöti og fiski. Sumum öldnum
höfðingjum þótti hráa grænmetið
skrýtið í upphafi og sögðust ekki
kæra sig um að éta gras. Einhvern
veginn held ég samt að meira að
segja allra hörðustu andstæðingar
grasáts borði nú endrum og sinnum
gúrkubita eða salatblað.
ÞRÁTT fyrir að klettasalat og furu-
hnetur séu kannski ekki á borðum
Péturs og Páls dag hvern þá sýna
kannanir á neysluvenjum að græn-
meti (og ávextir) skipa vaxandi hlut
í daglegri neyslu. Þessi breyting hef-
ur átt sér stað á ótrúlega fáum
árum. Og ekki veitir af á þeim kyrr-
setutímum sem við lifum á. Guðni
fær þess vegna prik fyrir tollaaf-
námið. Vonandi munum við sjá fleiri
aðgerðir sem þessar.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
Steinunnar Stefánsdóttur
Gúrkurnar
hans Guðna
Hollur íslenskur
þjóðarréttur
Í plokkfiskréttinum frá Þykkvabæjar sameinast fyrsta
flokks hráefni,nýjar kartöflur og ferskur fiskur.
Fljótlegt og einfalt er að elda plokkfiskinn, þú rífur
einfaldlega filmuna af og setur hann í pott á eldavélina
eða stráir rifnum osti yfir réttinn og bakar hann
í ofninum eða örbylgjunni.
Plokkfiskurinn frá Þykkvabæjar,
fyrir alla fjölskylduna!
Nýtt