Fréttablaðið - 26.03.2003, Blaðsíða 2

2 26. mars 2003 MIÐVIKUDAGUR
“Ég vona það af heilum hug eins
og allir aðrir Íslendingar.“
Halldór Ásgrímsson utanríkisráðherra lýsti þeirri
skoðun sinni á dögunum að honum þætti stríðið
í Írak vera farið að dragast á langinn.
Spurningdagsins
Halldór, fer stríðinu ekki að ljúka?
■ Lögreglufréttir
MÓTMÆLI „Ég held þeir kunni ekki
að verja þennan málstað nema
með einhverjum klisjum. Og ein-
sýnt að Framsóknarflokkurinn er
að flysjast í sundur vegna þessa
máls,“ segir Þorvaldur Þorvalds-
son andófsmaður.
Fámennur hópur tók sér stöðu
fyrir framan Stjórnarráðið í
gærmorgun skömmu áður en rík-
isstjórnin hélt þar fund. Var
þessi samkoma á vegum samtak-
anna Átak gegn stríði þar sem
Þorvaldur fer fyrir mönnum.
Fyrirhugað er að hittast þarna
reglulega á þriðjudagsmorgnum
auk þess sem reglulega er þar
mótmælastaða á laugardögum
klukkan tvö.
„Við hugsum þetta ekki sem
fjölmenna aðgerð en við viljum
knýja ríkisstjórnina til að breyta
um stefnu í tengslum við innrás-
ina í Írak. Við reynum að varpa
fram spurningum til ráðherra
áður en þeir funda.“
Að sögn Þorvaldar gáfu ráð-
herrar sér ekki mikinn tíma til að
spjalla við fundarmenn. „Nei,
þeir strunsuðu framhjá og létu
einhverjar klisjur falla. Guðni
Ágústsson sagði eitthvað á þessa
leið: „Við styðjum lífið.“ Og Val-
gerður Sverrisdóttir hafði ein-
hver fáein orð um að Saddam
væri svo slæmur maður. Með
öðrum orðum, hvorki merk né
minnisstæð ummæli.“ ■
ÍRAK Sú staðreynd að Öryggisráð
Sameinuðu þjóðanna skyldi ekki
hafa gefið út ályktun þar sem
veitt er skýr heimild til þess að
beita öllum
mögulegum að-
gerðum gegn
Írak er mjög
óheppileg, að
mati Péturs
Leifssonar þjóð-
réttarfræðings.
„Þegar það er
ekki samstaða í
alþjóðastofnun-
um, þá er það
aldrei heppilegt,“ segir Pétur.
„Þetta er samt alltaf eitthvað sem
verður að gera ráð fyrir því al-
þjóðastofnanir ríkja eru þannig í
eðli sínu að það næst aldrei sam-
staða um alla hluti.“
Pétur segir að Írak sé nánast
sigrað ríki, ekkert ósvipað og
Þýskaland og Japan hafi verið í
lok síðari heimsstyrjaldar. Al-
þjóðasamfélagið hafi komið á
ákveðinni stofnanaumgjörð sem
lúti að vopnaeftirliti, viðskipta-
banni og skaðabótakröfum á
hendur Írökum. Vandamálin hafi
hins vegar komið upp á yfirborðið
þegar Írakar hafi gerst brotlegir.
Þá hafi myndast ágreiningur um
það í Öryggisráðinu hvernig
bregðast eigi við og klofningur
orðið í ráðinu.
Pétur segir hins vegar allt of
snemmt að segja nokkuð til um
það hvort atburðarás síðustu
vikna komi til með að hafa af-
drifaríkar afleiðingar á stöðu og
trúverðugleika Sameinuðu þjóð-
anna.
„Fljótt á litið virðist staða Sam-
einuðu þjóðanna vera veikari,“
segir Pétur. „Við skulum samt
hafa í huga að þegar Nató fór inn
í Kosovó gerðist svipaður hlutur.
Þá náðist ekki samkomulag í
Öryggisráðinu um að heimila að-
gerðir, því vitað var að Rússar
myndu beita neitunarvaldi. Í kjöl-
farið heyrðust svipaðar raddir og
nú heyrast um veika stöðu Sam-
einuðu þjóðanna, en síðan náðist
ákveðin lending í málinu og Sam-
einuðu þjóðirnar lögðu blessun
sína yfir aðgerðirnar.“
Pétur segist allt eins telja lík-
legt að það sama muni gerast
núna, þ.e. að Sameinuðu þjóðirnar
muni koma til með að leggja
blessun sína við aðgerðirnar eftir
einhvern tíma.
Samt sem áður verði að hafa
það í huga að aðgerðirnar gegn
Írak séu ekki fullkomlega sam-
bærilegar við aðgerðirnar í
Kosovó á sínum tíma.
„Í Kosovó voru það fyrst og
fremst mannúðarsjónarmið sem
réðu aðgerðum. Þetta er samt
sambærilegt í þeim skilningi að
það náðist ekki þetta æskilega
samkomulag í Öryggisráðinu um
aðgerðir.“
trausti@frettabladid.is
VIÐSKIPTI Jón Gerald Sullenberger,
framkvæmdastjóri Nordica á
Flórída, sem átti í viðskiptum við
Baug en kærði fyrirtækið á sínum
tíma til lögreglu, hefur undan-
farna daga verið í stífum yfir-
heyrslum hjá lögreglu. Ekki feng-
ust upplýsingar um það hvort Jón
Gerald væri þar með stöðu grun-
aðs manns eða sem vitni í rann-
sókn lögreglunnar á helstu stjórn-
endum Baugs og meintu misferli í
samvinnu við Nordica. Að auki
hefur Jón Gerald verið kærður
fyrir að hóta helstu stjórnendum
Baugs lífláti.
Jón Gerald Sullenberger varð
þjóðþekktur maður eftir að hann
kærði helstu eigendur Baugs. Þá
kom hann við sögu í tengslum við
frægan Lundúnafund Davíðs
Oddssonar forsætisráðherra og
Hreins Loftssonar, stjórnarfor-
manns Baugs og einkavæðinga-
nefndar, sem lýsti því að forsætis-
ráðherra hefði að fyrra bragði
nefnt Sullenberger og fyrirtæki
hans, Nordica.
Davíð hefur þrætt fyrir þetta
en lýsti því að Hreinn hefði í
London sagt sér að Jón Ásgeir
hefði haft hug á að kaupa vinfengi
forsætisráðherra fyrir 300 millj-
ónir króna. Ekki er vitað til þess
að það mál sé til rannsóknar en
Hreinn Loftsson sagði að þessi
orð hefðu fallið í hálfkæringi í
samhengi við orðróm um að Davíð
Oddsson hefði fengið að gjöf 300
milljónir króna frá Íslenskri
erfðagreiningu.
Jón Gerald Sullenberger hefur
í fjölmiðlum lýst því að Baugs-
feðgar hafi líka reynt að múta sér
en ekki tókst að fá staðfest hvort
sá framburður hans sé til rann-
sóknar samhliða líflátshótunar-
kærunni. ■
Morðingi Djindjics:
Skyttan
handtekin
BELGRAD, AP Serbneska lögreglan
hefur handtekið mann sem grun-
aður er um að hafa myrt fyrrum
forsætisráðherra landsins, Zoran
Djindjic. Hinn grunaði heitir
Zvezdan Jovanovic og var
næstæðsti yfirmaður sérsveitar
innan serbnesku lögreglunnar í
stjórnartíð Slobodan Milosevic.
Lögreglan hefur jafnframt lagt
hald á leyniskytturiffil sem talið
er að hafi verið notaður til þess að
taka Djindjic af lífi. Riffillinn
fannst grafinn í jörð í Belgrad. ■
Kona í lífstíðarfangelsi:
Myrti sjúk-
linga sína
HAAG, AP Hollensk hjúkrunarkona
hefur verið dæmd í lífstíðarfang-
elsi fyrir að myrða fjóra sjúk-
linga. Þetta er þyngsti dómur sem
hollenskt réttarkerfi hefur yfir að
ráða en afar sjaldgæft er að svo
þungri refsingu sé beitt í landinu.
Konan var fundin sek um að
hafa myrt þrjú dauðvona börn og
eldri konu á tveimur sjúkrahúsum
í Haag. Hún var hins vegar sýkn-
uð af ellefu öðrum ákærum um
morð og morðtilraunir.
Hjúkrunarkonan hélt ítrekað
fram sakleysi sínu fyrir rétti en
dómarar töldu sekt hennar hafna
yfir allan vafa. ■
BÍLVELTA Á HELLISHEIÐI Tveir
voru fluttir á slysadeild þegar
bílvelta varð á Hellisheiði um
þrjúleytið í gærdag. Talið er að
ökumaður hafi misst stjórn á
bílnum með þeim afleiðingum að
hann fór nokkrar veltur. Hálka
var á heiðinni. Ökumaður og far-
þegi voru flutt á slysadeild Land-
spítala – háskólasjúkrahúss. Þau
eru ekki talin mikið slösuð.
MÓTMÆLI VIÐ STJÓRNARRÁÐIÐ
Ráðherrar höfðu fátt eitt að segja utan að láta klisjur falla, að sögn mótmælenda.
Mótmælastaða við Stjórnarráðið:
Knúið á um stefnubreytingu
HREINN
LOFTSSON
Þrætti fyrir
mútuboð.
DAVÍÐ
ODDSSON
Þrætti fyrir
Sullen-
berger.
Meintar líflátshótanir, mútumál og misferli:
Sullenberger í
eldlínu kærumála
PÉTUR LEIFSSON
Pétur segir að Írak sé nánast sigrað ríki
ekkert ósvipað og Þýskaland og Japan hafi
verið í lok síðari heimsstyrjaldar.
Staða Sameinuðu
þjóðanna er óljós
Fljótt á litið virðast staða og trúverðugleiki SÞ vera veik eftir atburði síðustu vikna. Íslenskur
þjóðréttarfræðingur segir aðgerðirnar gegn Írak ekki fullkomlega sambærilegar við Kosovó.
„Í Kosovó
voru það fyrst
og fremst
mannúðar-
sjónarmið
réðu aðgerð-
um.
AÐALRITARI SAMEINUÐU ÞJÓÐANNA
Fimmtudaginn 20. mars, eftir að Bandaríkjamenn og Bretar hófu aðgerðir gegn Írak, lýsti
Kofi Annan, aðalritari Sameinuðu þjóðanna, yfir vonbrigðum með að samstaða skyldi ekki
hafa náðst innan Öryggisráðsins með aðgerðir.
AP
/M
YN
D