Fréttablaðið - 30.04.2003, Blaðsíða 16

16 30. apríl 2003 MIÐVIKUDAGUR
Á KOSNINGAFUNDI „Við eigum að
skapa tækifæri, en ekki glutra
þeim niður. Samt sjáum við að
eina tillagan sem stjórnarand-
stöðuflokkarnir geta sameinast
um er tillaga um að fyrna allar
aflaheimildir í sjávarútvegi,“
sagði Davíð Oddsson um sjávar-
útvegsmál, sem komu oft upp í
umræðunni á fundinum.
„Það er algjörlega ljóst að ef
menn fara í slíkar aðgerðir
verður algjört uppnám í megin-
atvinnugrein landsins. Veð-
hæfni greinarinnar hrynur.“
Forsætisráðherra sagðist
telja það tímabært að friður
skapaðist um sjávarútvegsmál.
Varð honum tíðrætt um niður-
stöður auðlindanefndarinnar
fyrir fjórum árum, sem skipuð
var fulltrúum allra flokka í því
augnamiði að ná sátt um sjávar-
útvegsmál. Hann sagði Sjálf-
stæðisflokkinn hafa fallist þar á
auðlindagjald og þar með gefið
eftir.
„Það vorum við sem gáfum
eftir,“ sagði Davíð. „Til þess að
ná samkomulagi. Mér finnst því
miður að menn rjúfi það sam-
komulag til þess að reyna að ná
stundarávinningi. Ég tel að þeg-
ar menn koma nú fram með til-
lögur um fyrningarleið, þá séu
þeir að segja við aðila í sjávarút-
vegi að það sé ekkert öruggt. Að
menn geti kippt undan þeim
teppinu á einu lifandi auga-
bragði.“ ■
Geir H. Haarde:
Lítil óánægja
Það sem mér finnst athyglisverter að það virðist vera lítil óá-
nægja fyrir þessar kosningar,“
sagði Geir H. Haarde í upphafi
ræðu sinnar.
„Menn sem eru
búnir að vera
lengi í þessum
bransa og háð
marga kosninga-
baráttu eru fljótir
að skynja það
hvort það er
óánægja undir-
liggjandi á kosn-
ingafundum eða
hvort það er
sæmileg sátt um
það sem verið hef-
ur í gangi og um
það sem boðið er
upp á. Það finnst
mér vera núna, á þessum stöðum
úti á landi sem við höfum heim-
sótt.“
Máli sínu til stuðnings nefndi
Geir vegamál og sagði fáa hafa
fundið að því við sig að lítið væri
gert í þeim málaflokki. „Allir vita
af hverju það er,“ sagði Geir. „Það
er vegna þess að það hefur aldei
verið meira í gangi í vegafram-
kvæmdum en núna.“
Geir sagði sjálfstæðismenn
horfa bjartsýna til kosninga. „Við
höfum góða samvisku,“ sagði
hann. „Við vitum hvaða árangur
hefur náðst. Menn geta kynnt sér
það sem alþjóðafyrirtæki og
stofnanir segja um okkar stöðu.
Allir þessir aðilar hafa kveðið upp
úr um það að hér hafi orðið ótrú-
legar breytingar á stuttum tíma,
og að staða lands og þjóðar sé
mjög góð.“ ■
Einar K. Guðfinnsson:
Vinstri
flokkar
klúðra
Vinstri flokkarnir hafa alltaf ver-ið ótrúlega fljótir að klúðra góð-
um málum,“ sagði Einar K. Guð-
finnsson í ræðu sinni. „Það tók þá
þrjú ár árið 1971 og þeir voru orðn-
ir vanir menn árið 1978. Þá tók það
vinstri flokkana ekki nema þrettán
mánuði að klúðra málum. Núna
koma þeir æfðir að þessari kosn-
ingabaráttu. Við vitum ekki hvað
þeir verða lengri að klúðra þeim ár-
angri sem náðst hefur undir forystu
Davíðs Oddssonar forsætisráð-
herra.“ ■
Á ferð okkar um landið erumvið búnir að keyra býsna
marga kílómetra,“ sagði Davíð
Oddsson, forsætisráðherra og for-
maður Sjálfstæðisflokksins, í inn-
gangsorðum ræðu sinnar á opnum
stjórnmálafundi
flokksins á
Akranesi í síð-
ustu viku. „Það
hefur verið fínt
veður, sól og
blíða, nema þeg-
ar við komum
upp á Fróðár-
heiðina, þá
ókum við beint
inn í stefnuskrá
Samfylkingarinnar. Þar var þétt
þoka og lítið skyggni.“
Fundurinn var liður í fundaröð
Davíðs og Geirs H. Haarde, vara-
formanns og fjármálaráðherra.
Með þeim í pallborði voru einnig
efstu frambjóðendur í Norðvest-
urkjördæmi, þeir Einar Oddur
Kristjánsson, Einar K. Guðfinns-
son, Guðjón Guðmundsson og
Sturla Böðvarsson. Fundurinn var
haldinn í Breiðinni og var þar set-
ið í hverju sæti. Davíð Oddsson
var fyrstur í pontu.
„Kosningarnar fram undan eru
afar mikilvægar og þýðingarmikl-
ar,“ sagði hann. „Þær snúast um
þrennt. Í fyrsta lagi tækifæri, í
annan stað tækifæri og í þriðja lagi
tækifæri. Við eigum að grípa þau
miklu tækifæri sem hafa skapast.
Við megum ekki glutra niður þeim
tækifærum sem við höfum
og í þriðja lagi eigum
við að skapa tækifæri
þar sem þau vantar.
Þetta er nákvæmlega
innihaldið í okkar
kosningabaráttu.“
Góð staða
efnahagsmála
Davíð lagði áherslu á það í ræðu
sinni að staða efnahagsmála væri
góð og að íslenska ríkið hefði borg-
að hratt niður skuldir á undanförn-
um árum. „En hvað þýðir það?“
spurði hann. „Þetta þýðir það, að á
hverju ári borgum við 6 milljörð-
um krónum minna í vaxtagreiðslur
en við gerðum áður. Það eru 24
milljarðar á kjörtímabili. Þetta
auðveldar okkur að gefa loforð inn
í framtíðina.“
Hann sagði Sjálfstæðisflokkinn
alltaf hafa verið sparsaman á kosn-
ingaloforð og lagði áherslu á að
kosningaloforð væru eins og
samningar milli kjósenda og
stjórnmálamanna. „Loforðin gef-
um við einmitt núna vegna þess að
efnahagsmálin hafa þróast þannig
að við getum lofað,“ sagði Davíð.
„Við lítum svo á að Ísland sé eins
og fyrirtæki. Hluthafarnir eru
landsmenn allir. Starfið hefur ver-
ið mikið og árangurinn góður. Og
hvað gera menn þá þegar þeir
stjórna fyrirtæki? Þeir greiða arð.
Og nákvæmlega með sama hætti
og fyrirtæki greiða ekki
út allan arðinn, þá höld-
um við hluta af honum
eftir til framtíðarupp-
byggingar, hvort sem
það er á sviði mennta-
mála, heilbrigðismála, fé-
lagsmála eða almennra ör-
yggismála.“
Auðvelt að glutra niður
„Með þeim hætti viljum við
gera öðrum fært að grípa tækifær-
in,“ hélt Davíð áfram. „Við viljum
lækka skatta vegna þess að við
teljum það raunhæft og þannig
viljum við gefa eigendunum, þjóð-
inni, kost á því að gera það sama og
fyrirtækið, ríkið, hefur gert: að
nota aukið svigrúm annað hvort til
fjárfestinga eða til þess að greiða
niður sínar skuldir.“
Davíð nefndi sem dæmi um
góðan árangur við stjórn efnahags-
mála að lánshæfni ríkisins væri
hin sama hjá alþjóðlegum lána-
stofnunum og Bandaríkin og
Þýskaland njóta. „Auðvitað geta
menn verið afar stoltir af þeirri
stöðu,“ sagði hann. „En við vitum
líka að það er firnaeinfalt að glutra
því niður á örskömmum tíma sem
tekið hefur langan tíma að byggja
upp. Við vitum það, að 1971 féll
Viðreisnarstjórnin og vinstri
stjórn tók við. Á örfáum misserum
fór verðbólgan upp um 50%. Það
tók 20 ár að ná henni niður aftur.
Kaupið hækkaði um 7.000% á
næstu 20 árum og kaupmáttur um
1%. Við viljum ekki fá þannig
stjórnvald í landinu aftur.“
Davíð tiltók efnahagsstjórn
Reykjavíkurborgar sem dæmi um
slælega stjórnarhætti að hans
mati. „Við viljum ekki að skuldir
ríkisins ellefufaldist eins og gerst
hefur í stærsta sveitarfélagi lands-
ins,“ sagði hann. „Þá myndi láns-
hæfi ríkisins hrapa. Þá sætum við
ekki á bekk með Bandaríkjunum
hvað varðar lánshæfni, heldur Mó-
sambík. Þess vegna skipta kosn-
ingarnar máli. Núna, frekar en oft
áður, stöndum við á brún tækifær-
anna. Við skulum grípa tækifærin,
ekki glutra þeim niður og við skul-
um gefa okkur tóm til að skapa ný
tækifæri.“
gs@frettabladid.is
DAVÍÐ ODDSSON Í RÆÐUSTÓL
„Við vitum að það er firnaeinfalt að glutra því niður á örskömmum tíma sem tekið hefur langan tíma að byggja upp,“
sagði Davíð í ræðu sinni.
Sagði formaður Sjálfstæðisflokksins á opnum stjórnmálafundi flokksins á Akranesi.
Hann lagði höfuðáherslu á góðan árangur í efnahagsmálum í framsögu sinni og
sagði auðvelt að glutra honum niður.
„Við lítum
svo á að Ís-
land sé eins
og fyrirtæki.
Hluthafarnir
eru lands-
menn allir.
SPURT UM
SJÁVARÚTVEGSMÁL
Jóhann Magnússon sjómaður
sagðist ekki verða var við mikla
sátt í sjávarútvegi og auglýsti eftir
frjálsari samkeppni í greininni.
Davíð Oddsson um fyrningarleið:
Sáttin rofin í sjávarútvegi
TVEIR KVIÐLINGAR
Tvær stökur voru látnar falla á fundinum á Akranesi af mismunandi tilefni. Geir H.
Haarde hafði eftirfarandi vísu eftir Halldóri Blöndal í tilefni þess að fleiri væru á ferð
um landið en sjálfstæðismenn:
Yfir kaldan eyðisand
örlagastjörnur skinu
Ingibjörg fór út á land
með Össur í farteskinu.
Í tengslum við umræðu um Framsóknarflokkinn bar Davíð Oddsson stjórnarsamstarf
undanfarinna ára saman við samstarfið við Alþýðuflokkinn, sem hann sagði að hefði
verið að mörgu leyti gott, en þó einum annmarka háð, sem var sá, að sögn Davíðs,
að þeir hafi ætíð „borið öll deilumál á torg.“ Í því sambandi fór Davíð með eftirfar-
andi vísu, eignaða óþekktu skáldi:
Þið kannist öll við krataflón
sem kom í valdsins hallir
þeir mega ekki sjá míkrafón
þá mígleka þeir allir.
KO
SNINGA
F U N D I R
GEIR H.
HAARDE
Sagði að staða
lands og þjóðar
væri góð og að
hann yrði var við
litla óánægju á
meðal fólks.
EINAR K. GUÐFINNSSON
Hefur ekki trú á stjórn vinstri manna.
Kosið um tækifæri
FR
ÉT
TA
B
LA
Ð
IÐ
/B
IL
LI