Fréttablaðið - 14.05.2003, Blaðsíða 9

10 14. maí 2003 MIÐVIKUDAGUR
MÓTMÆLI Fleiri hundruð manns
hafa ritað nafn sitt á undirskrifta-
lista á hvuttar.net. Þar er skorað á
nýja þingmenn að beita sér fyrir
breytingum á reglugerð um dýra-
hald í atvinnuskyni.
Vaxandi andstaða er við að á Ís-
landi skuli vera veitt leyfi til að
rækta hunda á svokölluðum
hundabúum. Víða um heim er
mikil andstaða við svokölluð
„Puppy Mill“ og víða eru þau al-
farið bönnuð. Hér er á landi er eitt
slíkt hundabú með um 200 hunda.
Tilgangurinn með undirskrifta-
listanum er að lögin verði endur-
skoðuð þannig að það verði ekki
starfrækt lengur. ■
FJÖLMIÐLAR „Ég hef gert athuga-
semdir við þetta og sent stjórn-
endum Sjónvarpsins,“ segir
Kristín Halldórsdóttir, sem situr
í útvarpsráði fyrir Vinstri græna.
Á fundi Útvarpsráðs skömmu
fyrir kosningar lét Kristín bóka
athugasemd við framgöngu Gísla
Marteins og tók Mörður Árnason
undir bókunina.
Kynningarþáttur Sjálfstæðis-
flokks í Sjónvarpinu hefur valdið
nokkrum usla en þar var Gísli
Marteinn sjónvarpsmaður í hlut-
verki spyrils í spjalli við Davíð
Oddsson forsætisráðherra.
Fréttablaðið hefur heimildir fyrir
því að innan Ríkisútvarpsins ríki
gremja meðal starfsfólks sem
árum saman hefur lagt sig í líma
við að gæta ítrasta hlutleysis.
„Nú vil ég taka skýrt fram að
ég vil ekki hneppa fréttamenn og
dagskrárgerðarmenn í fjötra.
Þeir mega hafa sínar skoðanir og
setja þær fram. En þetta ber vott
um dómgreindarskort og ósvífni
hjá Gísla Marteini að koma fram í
þessum kynningarþætti og vera
svo með þátt á kjördegi áður en
búið er að loka kjörkössum,“ seg-
ir Kristín. „Sjálfstæðisflokkurinn
er með þessu að misnota aðstöðu
sína og vinsældir Gísla.“
Árni Magnússon, fram-
kvæmdastjóri Framsóknarflokks-
ins, segir: „Meðan ég var starfs-
maður Ríkisútvarpsins hvarflaði
aldrei að mér að gefa upp mína
pólitísku skoðun. Mér fannst það
ekki fara saman og skoðun mín
hefur ekki breyst.“
Gísli Marteinn segir sitthvað
skemmtiþátt og fréttir. „Mér
fannst frábært að vera í fréttum
en langaði í pólitík. Þess vegna er
ég með þennan ágæta skemmtiþátt
og ég held að hinar frábæru við-
tökur sjónvarpsáhorfenda segi allt
sem segja þarf. Þetta virðist ekki
trufla þá – að ég sé sem varaborg-
arfulltrúi Reykjavíkur að gagn-
rýna vinstri menn fyrir að kunna
ekki með peninga að fara og
stjórna svo Laugardagskvöldi.“
Gísli bar ákvörðun sína undir
framkvæmdastjóra Sjónvarps,
Bjarna Guðmundsson, sem lagði
blessun sína yfir viðtalið við
Davíð.
Bjarni segir ekkert í reglum
Ríkisútvarpsins sem... „bannar
umsjónarmönnum skemmtiþátta
að koma fram í svona þáttum.
Hins vegar eru ítarlegar reglur í
gildi fyrir fréttamenn og umsjón-
armenn dægurmálaþátta.“ Og
Gísli Marteinn segir viðtalið í
kynningarþættinum í svipuðum
dúr og mörg viðtöl sem hann hef-
ur átt við Davíð meðan hann var í
Kastljósþætti Sjónvarpsins. Mun-
urinn sé hins vegar sá að hann
þáði ekki greiðslu fyrir að þessu
sinni.
jakob@frettabladid.is
SJÁVARÚTVEGUR „Ætla má að verð-
mæti varanlegra heimilda
Vinnslustöðvarinnar myndi við
upptöku fyrningar lækka úr tæp-
um 12 milljörðum króna í 6 til 9
milljarða króna,“ segir Þórólfur
Matthíasson, dósent við viðskipta-
og hagfræðideild Háskóla Íslands.
„Eftir sem áður yrði efnahagur fé-
lagsins í raun mun betri en ætla
mætti við lestur ársreiknings.“
Þórólfur lagði ársreikning
Vinnslustöðvarinnar fyrir árið
2002 til grundvallar mati á getu
fyrirtækisins til að greiða fyrir
leigukvóta, kæmi svokölluð fyrn-
ingarleið til framkvæmdar. Hann
gerir ráð fyrir að félagið leigi til
sín heimildir jafnóðum og þær eru
fyrndar. Að beiðni Tryggva Agn-
arssonar athugaði Þórólfur hvaða
áhrif það hefði á rekstur útgerðar-
hluta félagsins yrðu greiddar 20
krónur fyrir hvert þorskígildis-
kíló sem félagið þyrfti að leigja til
sín. ■
Hafnarfjörður:
Sjö innbrot
tilkynnt
LÖGREGLUMÁL Ungur piltur var
handtekinn á laugardag grunaður
um hnupl í verslun í miðbæ Hafn-
arfjarðar. Í kjölfar handtökunnar
fór fram húsleit heima hjá pilt-
inum þar sem fundust rafmagns-
verkfæri sem stolið hafði verið á
tveimur stöðum í Garðabæ að-
faranótt fimmtudagsins.
Óvenju mikið var um innbrot í
Hafnarfirði um helgina. Sjö inn-
brot voru tilkynnt til lögreglu, þar
af fimm í bíla, og ellefu þjófnaðir.
Málin eru öll í rannsókn. ■
Svíar enn mótfallnir evru:
Evrukosning
í september
SVÍÞJÓÐ, AP Utanríkisráðherra Sví-
þjóðar, Anna Lindh, segir að ef
Svíar samþykki ekki evruna sem
gjaldmiðil Svía í kosningum sem
fram fara þann 14. september
muni það minnka þau áhrif sem
Svíar geta haft á gang mála innan
sambandsins.
Svíar eru ásamt Bretum og
Dönum einu þjóðirnar innan ESB
sem ekki nota evruna sem gjald-
miðil og er talsverð mótstaða við
upptöku hennar í Svíþjóð.
Kannanir sýna að Svíar eru ekki
enn sannfærðir um ágæti þessa
nýja gjaldmiðils og fleiri eru á
móti en með. ■
HUNDAR ERU FÉLAGSVERUR
Talsmenn undirskriftalistans eru mótfallnir
því að hundar séu lokaðir í búri án
samvista við mannfólkið, en slíkt viðgengst
á svokölluðum hundabúum.
Skorað á nýja þingmenn:
Vilja ekki hvolpa-
framleiðslu
Vinnslustöðin:
Efnahagur þolir vel
fyrningarleiðina
GÍSLI MARTEINN BALDURSSON
Kynningarþáttur Sjálfstæðisflokks í Sjón-
varpinu hefur valdið nokkrum usla en þar
var Gísli Marteinn sjónvarpsmaður í hlut-
verki spyrils í spjalli við Davíð Oddsson for-
sætisráðherra.
Gísli Marteinn
á gráu svæði
Þátttaka Gísla Marteins Baldurssonar í kosn-
ingabaráttu Sjálfstæðisflokksins veldur gremju
og er af mörgum talin misnotkun á RÚV.
ERLENT Bandaríkjastjórn hefur rek-
ið úr landi sjö kúbverska erindreka
sem starfa fyrir Sameinuðu þjóð-
irnar, fyrir „athafnir sem geta
skaðað Bandaríkin,“ sem er orðatil-
tæki sem notað er yfir njósnir.
„Þeir stóðu í hlutum sem voru
langt utan við þeirra svið,“ sagði
talsmaður stjórnvalda, sem ekki
vildi láta nafn síns getið.
Samskipti ríkjanna hafa verið
stirð síðan George W. Bush tók við
embætti forseta Bandaríkjanna.
Áður hafði mildast talsvert á milli
en nú eru samskiptin að nálgast
sama stig og var í kalda stríðinu.
Stafar þetta að hluta til af því að
Fidel Castro, forseti Kúbu, setti um
daginn farbann á bandaríska emb-
ættismenn á Kúbu eftir að háttsett-
ur erindreki var grunaður um að
styðja samtök, sem vilja Castro á
braut, með peningastyrkjum.
Bandarísk yfirvöld svöruðu strax í
sömu mynt og má líklegt telja að
þessir síðustu atburðir séu hluti af
þessum leik. ■
KÚBA
Samskipti ríkjanna komin á alvarlegt stig
Samskipti Kúbu og Bandaríkjanna:
Sjö Kúbverjar sendir heim DÝRT SÆTI Dýrasta sætið á opn-unarhátíð Ólympíuleikanna í Aþ-
enu sem hefst á næsta ári kostar
80 þúsund krónur. Sala miða á
leikana er hafin.
Miðasalan gekk vel fyrsta daginn
og seldist talsvert meira af mið-
um en fyrir síðustu Ólympíuleika
sem haldnir voru í Sydney í Ástr-
alíu. Hægt er að nálgast miða
gegnum heimasíðu Aþenuleik-
anna og er meðalverðið í kring-
um 1.700 krónur fyrir flesta við-
burði.
Í Fréttablaðinu á mánudaginn var sagt í lok
fréttar um skoðanakannanir og úrslit kosn-
inga að Gallup hafi verið fjærst réttum úrslit-
um í spá sinni. Hið rétta er að IBM var fjærst
úrslitunum og Gallup næst þeim. Beðist er
velvirðingar á þessu.
■ Ólympíuleikar
■ Leiðrétting