Fréttablaðið - 14.05.2003, Blaðsíða 18
MIÐVIKUDAGUR 14. maí 2003
■ TÓNLIST
19
Undanfarin misseri hafakvennasönghópar af ýmsu tagi
sprottið upp hver af öðrum hér á
landi. Minna er hins vegar um að
stofnaðar séu söngsveitir karla,
kannski vegna þess að fyrir eru til
nokkrir karlakórar sem eiga sér
sterka hefð. Undantekningin er þó
Raddbandafélag Reykjavíkur.
„Ég veit ekki um neinn álíka
hóp sem er að syngja þessa teg-
und tónlistar,“ segir Sigrún Gren-
dal, píanóleikari og nýbakaður
varaþingmaður í norðanverðri
Reykjavík.
Raddbandafélag Reykjavíkur
er hópur ellefu vaskra karla sem í
vetur hefur þanið raddböndin af
mikilli list undir stjórn Sigrúnar. Í
kvöld gefst kostur á að heyra í
þeim á tónleikum í Laugarnes-
kirkju.
„Þessi hópur byrjaði að starfa
saman síðastliðið haust. Hann
varð til upp úr kvartett sem hafði
verið starfandi í eitt ár. Svo
ákváðum við að fjölga í hópnum
og úr varð Raddbandafélag
Reykjavíkur.“
Á tónleikunum í kvöld ætlar
Jónas Sen að leika með þeim á pí-
anóið. Á efnisskránni er fjölbreytt
úrval laga, bæði íslenskra og er-
lendra, í alls kyns útsetningum.
Meðal annars syngja þeir barber-
shop-lög og erlend dægurlög með
léttri sveiflu. Þetta eru fyrstu tón-
leikar sönghópsins þótt hann hafi
sungið á ýmsum samkomum og
við ýmis tækifæri í vetur.
„Við höfum verið á léttari nót-
unum í vetur en við stefnum á að
gera góða og stóra hluti í framtíð-
inni. Það verður að setja markið
hátt.“ ■
RADDBANDAFÉLAG REYKJAVÍKUR
Þessi vaski hópur ætlar að hefja upp raust sína klukkan átta í kvöld í Laugarneskirkju.
Ellefu karlaraddir þandar