Fréttablaðið - 14.05.2003, Blaðsíða 19
14. maí 2003 MIÐVIKUDAGUR
TÓNLEIKAFERÐ Gömlu jaxlarnir í
The Rolling Stones hófu heil-
mikla tónleikaferð í fyrra til
þess að fylgja eftir útgáfu safn-
plötunnar „40 Licks“, sem inni-
heldur 40 vinsælustu lög sveit-
arinnar frá upphafi. Túrinn kalla
þeir einfaldlega „Licks“ og und-
ir því merki eru þeir búnir að
gera það býsna gott í Bandaríkj-
unum og víðar og setja nú stefn-
una á Evrópu í sumar.
Lætin verða væntanlega litlu
minni þar, en miðar byrjuðu að
seljast upp strax í byrjun des-
ember þegar sveitin kynnti Evr-
ópudagskrá sína. Rollingarnir
munu troða upp í 22 stórborgum
í júní, júlí og ágúst og á einni
helgi í desember seldust 270.000
miðar í London, Rotterdam,
München og Svíþjóð. Handa-
gangurinn var ekki minni á Ír-
landi en sveitin hefur ekki spilað
þar síðan 1982. Tvennir tón-
leikar verða í Dublin í septem-
ber og seldist upp á þá báða á
sex mínútum en auk Írlandstón-
leikanna spila Stones níu sinnum
í heimalandinu Englandi. ■
THE ROLLING STONES
Það slá fáir gömlu brýnin út þegar kemur
að tónleikahaldi og síðasta ár var til dæm-
is algert metár hjá bæði The Rolling
Stones og gamla Bítlinum Paul McCartney
en Stones tóku inn 88 milljónir dollara á
flakki sínu um Bandaríkin.
The Rolling Stones:
Valta yfir
Evrópu í sumar
PAUL MCCARTNEY
Spilaði í tæpa þrjá klukkutíma fyrir um 500.000 manns fyrir framan Colosseum-hringleikahúsið í Róm á sunnudaginn. Gamli Bítillinn tók
klassísk Bítlalög eins og Back in the USSR, Hey Jude og Yesterday ásamt efni af löngum sólóferli sínum.
TÓNLEIKAFERÐ Gamli bítillinn Paul
McCartney hóf heimsreisu sína í
Kaliforníu í apríl árið 2002 og
stefnir að því að ljúka ferðinni
með risatónleikum í heimaborg
sinni, Liverpool. Lokatónleikarnir
fara fram þann 1. júní á risasviði
sem Bítillinn ætlar að láta setja
upp á auðu svæði við höfnina.
McCartney hefur ekki spilað í
Liverpool frá árinu 1990 og nú
treður hann upp undir berum
himni fyrir framan 30.000 aðdá-
endur sína.
McCartney gerði góða heim-
sókn til Rómar um helgina. Hann
spilaði fyrir 400 manns í Coloss-
eum-hringleikahúsinu á góðgerð-
artónleikum á laugardaginn. Leik-
húsið er nánast aldrei notað fyrir
sýningar og McCartney grínaðist
með það að þarna hefði ekkert
band troðið upp síðan kristnir
menn voru bornir á borð fyrir
ljón, Rómverjum til dægradvalar.
Tónleikaferðin hefur verið
gríðarlega vel heppnuð en
McCartney hefur aldrei trekkt að
sér meiri fjölda á tónleikum frá
því Bítlarnir voru og hétu. Hann
spilaði á 58 tónleikum í fyrra, fór í
gegnum Bandaríkin þver og endi-
löng og kom við í Kanada, Mexíkó
og Japan. Tónlistartímaritið Bill-
board útnefndi túrinn „Tónleika-
ferðalag ársins“ í fyrra, enda var
nánast uppselt á alla tónleikana.
McCartney er að vonum sáttur
við árangurinn: „Ég er búinn að
fara með þessa sýningu út um all-
an heim og hef skemmt mér rosa-
lega vel, en það verður mér mjög
mikilvægt að spila heima í Liver-
pool. Ég hef það á tilfinningunni
að þetta verði góður og hjartnæm-
ur endir á frábæru ári.“
Miðarnir á Liverpool-tónleik-
ana eru komnir í sölu og kosta 30,
40 og 50 pund. Þetta verða nítug-
ustu tónleikarnir á ferðinni en
áður en McCartney kemur heim í
júní verður hann búinn að spila í
Frakklandi, á Spáni, í Belgíu,
Hollandi, Þýskalandi, Danmörku,
Svíþjóð, Ítalíu, Ungverjalandi,
Austurríki, Rússlandi og Írlandi.
Hann spilar 36 lög á hverjum tón-
leikum og þegar hann stígur á
stokk í Liverpool verða tvær
milljónir manns búnar að kaupa
sig inn á tónleika í þessari mögn-
uðu ferð sem staðið hefur yfir í
rúmt ár. ■
Klárar á byrjunarreit
4. júní München
6. júní München
8. júní München
10. júní Mílanó
15. júní Berlín
18. júní Vín
27. júní Madrid
29. júní Barcelona
7. júlí París
9. júlí París
11. júlí París
13. júlí Kaupmannahöfn
16. júlí Helsinki
18. júlí Stokkhólmur
20. júlí Stokkhólmur
22. júlí Stokkhólmur
24. júlí Hamborg
27. júlí Prag
19. ágúst Amsterdam
20. ágúst Amsterdam
23. ágúst London
24. ágúst London
27. ágúst London
29. ágúst London
LOKASPRETTUR TÓNLEIKA-
FERÐAR PAUL MCCARTNEY
14. maí Vín
15. maí Búdapest
17. maí München
18. maí München
21. maí Hamborg
24. maí Moskva
27. maí Dublin
29. maí Sheffield
01. júní Liverpool
Paul McCartney hefur síðan í apríl verið á tónleikaferðalagi um allan
heim sem lýkur í heimaborg hans, Liverpool. Mikill áhugi er fyrir tón-
leikunum. Tónleikaferðalag ársins að mati Billboard.
NOKKRIR VIÐKOMUSTAÐIR ROLLING STONES Í EVRÓPU Í SUMAR