Fréttablaðið - 06.06.2003, Blaðsíða 2

2 6. júní 2003 FÖSTUDAGUR
„Ég er með tvo góða sem ég treysti
fullkomlega.“
Guðjón Þórðarson hefur boðist til að þjálfa
landsliðið í knattspyrnu. Eggert Magnússon
er formaður KSÍ.
Spurningdagsins
Eggert, viltu Guðjón?
Eigum að horfast í augu við breyttar aðstæður, segir Steingrímur J:
Megum ekki leggjast á hnén
VARNARMÁL „Mitt mat er að við eig-
um einfaldlega að horfast í augu við
breyttar aðstæður og það að Banda-
ríkjamenn vilja draga úr sínum um-
svifum og kannski í aðalatriðum
fara héðan með mannafla og tækja-
kost,“ segir Steingrímur J. Sigfús-
son, formaður Vinstri grænna, um
væntanlegar viðræður um viðauka
við varnarsamninginn.
„Að sjálfsögðu eigum við að fara
í það með því hugarfari að verkefn-
ið sé að semja um þessar breytingar
en ekki að leggjast á hnén og reyna
að halda í erlendan her í landinu á
úreltari forsendu en nokkru sinni
fyrr,“ segir Steingrímur og bætir
við: „Ég held að þá fyrst yrði bætt
ömurlegum kafla við þessa sögu er-
lendrar hersetu.“
Fari varnarliðið eða dragi veru-
lega úr umsvifum sínum segir
Steingrímur að Íslendingar verði að
takast á við það í sameiningu að
tryggja atvinnuumhverfið á Suður-
nesjum. „Það er ekkert sem er okk-
ur ofvaxið að takast á við þessar
breytingar sem því yrðu samfara.
Að sjálfsögðu á ekki að skilja þau
byggðarlög sem háð hafa orðið her-
setunni eftir ein og óstudd. Það er
sameiginlegt verkefni landsmanna
allra að takast á við þær breytingar
sem verða.“ ■
VARNARMÁL Bandarísk stjórnvöld
tilkynntu forsætisráðherra og ut-
anríkisráðherra í gær að þau vildu
breyta rekstri varnarliðsins á Mið-
nesheiði. Eftir því sem Fréttablað-
ið kemst næst snúa hugmyndir
Bandaríkjamanna
að því að draga úr
umsvifum varnar-
liðsins. Ekki er ljóst
hvort það þýðir að
flugsveitin sem
hefur bækistöð í
Keflavík verði flutt
frá landinu. Hug-
myndir þess efnis munu ekki hafa
verið kveðnar niður að fullu vest-
anhafs.
Alvarlegt og viðkvæmt voru
orðin sem leiðtogar ríkisstjórnar-
innar notuðu eftir fundahöldin í
gær. Fram undan eru viðræður
sem kunnugir segja að gætu
reynst mjög erfiðar. Það gæti þó
gerst, eftir tveggja ára bið eftir
samningum, að samningaviðræður
gangi tiltölulega fljótt fyrir sig.
Á hálftíma löngum fundi Eliza-
beth Jones, aðstoðarutanríkisráð-
herra Bandaríkjanna, með Davíð
Oddssyni forsætisráðherra og
Halldóri Ásgrímssyni utanríkis-
ráðherra afhenti hún Davíð bréf
frá George W. Bush, forseta
Bandaríkjanna. Halldór greindi ut-
anríkismálanefnd Alþingis frá
innihaldi bréfsins í hádeginu en
vildi ekki segja blaðamönnum ná-
kvæmlega hvað stóð í því. Hann
sagði að bréfinu frá Bush yrði
svarað sem fyrst. Málið væri við-
kvæmt og alvarlegt.
„Við höfum talið það vera al-
gjörlega nauðsynlegt að hafa hér
loftvarnir,“ sagði Halldór. „Það
kemur ekkert fram í bréfi forset-
ans sem bendir til þess að þeir séu
á öðru máli. Það liggur fyrir að
þeir vilja fara nýjar leiðir, hvað
þeir eiga nákvæmlega við vil ég
ekkert segja um á þessu stigi. Við
verðum að bíða og sjá hvernig
þessum viðræðum lyktar.“
Halldór sagði að samningavið-
ræðurnar snerust ekki um peninga
á þessu stigi. Þær snerist um póli-
tísk samskipti landanna. Aðspurð-
ur sagði hann stuðning Íslands við
innrás Bandaríkjanna í Írak ekki
skipta máli í viðræðunum.
„Ég tel enga ástæðu til þess að
blanda þessum málum saman. Það
fylgir því að þegar menn eiga sam-
leið og hafa samvinnu að það sé
gagnkvæmur skilningur. Við höf-
um oft á tíðum sýnt Bandaríkja-
mönnum gagnkvæman skilning og
það er eitthvað sem við sjáum ekki
eftir. Það er að sjálfsögðu mikil-
vægt að Bandaríkjamenn sýni okk-
ur líka skilning.“
trausti@frettabladid.is
brynjolfur@frettabladid.is
Samfylkingin vill samráð um samninga við Bandaríkin:
Tryggja verður áfram varnir
VARNARMÁL „Það er aldrei gott að
vera samningslaus í viðræðum,“
segir Guðmundur Árni Stefáns-
son, fulltrúi Samfylkingar í utan-
ríkismálanefnd, og leggur mikla
áherslu á að tryggður verði ör-
uggur varnarviðbúnaður hér á
landi, svipaður því sem verið hef-
ur. Hann segir Samfylkinguna
reiðubúna að vinna með stjórn-
völdum að því að tryggja áfram-
haldandi varnir landsins. „Við
viljum að þeir í stjórnarandstöð-
unni sem vilja tryggja varnir fái
að fylgjast grannt með gangi
mála.“
„Við höfum gagnrýnt að menn
hafi ekki verið fljótari til verka,“
segir Guðmundur og vísar til þess
að viðaukinn við varnarsamning-
inn um varnir á Keflavíkurflug-
velli hafi runnið út 2001, tveimur
árum eftir að Samfylkingin lagði
áherslu á að hann yrði endurskoð-
aður og áframhaldandi varnir
tryggðar án þess að nokkuð væri
gert. „Við í Samfylkingunni lítum
svo á að það þurfi að tryggja lág-
marksviðbúnað í Keflavík, flug-
flotinn er mikill hluti í því.“
Guðmundur vill ekki tengja
saman afstöðu íslenskra stjórn-
valda til innrásar í Írak við við-
ræður um framtíð varnarliðsins.
„Það er af og frá. Samstarfið hef-
ur áratugum saman byggst á
gagnkvæmum hagsmunum og
samningum.“ ■
STEINGRÍMUR J. SIGFÚSSON
Eigum ekki að reyna að halda í varnarliðið.
FR
ÉT
TA
B
LA
Ð
IÐ
/B
IL
LI
GUÐMUNDUR ÁRNI STEFÁNSSON
Leggur áherslu á að varnir landsins verði tryggðar.
FR
ÉT
TA
B
LA
Ð
IÐ
/B
IL
LI
VARAÐ VIÐ OFÞENSLU
Moody’s telur að væntanleg álbræðsla og
orkuver henni tengd geti hugsanlega or-
sakað nýtt ofþensluskeið.
Matsfyrirtækið Moody’s:
Afgangi spáð
á árinu 2004
EFNAHAGSMÁL Aðhald í ríkisfjár-
málum er nauðsynlegt til að
reyna ekki um of á peningamála-
stefnuna og til að forðast við-
skiptahalla og víxlhækkanir
launa og verðlags, segir í nýrri
ársskýrslu matsfyrirtækisins
Moody’s.
Það er álit Moody’s að ef
stjórnvöld standi við fyrirheit um
bætta útgjaldastýringu á kom-
andi fjárfestingarskeiði séu líkur
til þess að afgangur geti orðið á
fjárlögum þegar á árinu 2004.
Fyrirtækið telur að væntanleg
álbræðsla og orkuver henni tengd
geti hugsanlega orsakað nýtt of-
þensluskeið. Erlendar skuldir
með ríkisábyrgð muni hækka og
þar með auka viðkvæmni hins
litla og opna hagkerfis fyrir ytri
áföllum. Moody’s telur hins vegar
að þessar framkvæmdir séu lykil-
þáttur í því langtímamarkmiði
stjórnvalda að auka fjölbreytni í
atvinnulífi og útflutningi. Þá er
það einnig talinn kostur að þær
muni hægja á flutningi fólks af
landsbyggðinni til höfuðborgar-
svæðisins.
Í skýrslunni segir að góð láns-
hæfiseinkunn Íslands byggi á að-
lögunarhæfni íslenska hagkerfis-
ins sem hafi ítrekað sýnt getu til
að takast á við verulegt ójafn-
vægi. Ísland fær lánshæfisein-
kunnina Aaa. ■
SÓLVEIG PÉTURSDÓTTIR
Staðan er viðkvæm.
Sólveig Pétursdóttir:
Alvarlegt
mál
VARNARMÁL „Það er ljóst að þetta
er alvarlegt mál og á viðkvæmu
stigi,“ sagði Sólveig Pétursdóttir,
formaður utanríkismálanefndar
Alþingis, eftir fund nefndarinnar
með utanríkisráðherra um fyrir-
hugaðar viðræður við Bandaríkja-
menn um varnir Íslands.
Sólveig lagði áherslu á að eng-
ar viðræður væru hafnar og því
lítið hægt að segja um hvernig
þær myndu þróast eða hversu
langan tíma þær tækju. Bréfi
Bandaríkjaforseta til Davíðs
Oddssonar forsætisráðherra
verði svarað og málin skýrist í
framhaldi af því. ■
Hæstiréttur þyngir dóm:
Síbrotamað-
ur dæmdur
REFSING Síbrotamaður var dæmd-
ur í átján mánaða fangelsi í
Hæstarétti. Hann var dæmdur
vegna þjófnaða, skjalafals,
fjársvika og tilrauna til þjófnaða.
Brotin voru mörg og hafði honum
tekist að komast yfir töluverðar
upphæðir. Héraðsdómur hafði
áður dæmt manninn í eins árs
fangelsi sem Hæstiréttur þyngdi
um hálft ár. ■
Umsvif varnarliðsins
munu dragast saman
Bandarísk stjórnvöld vilja breyta rekstri varnarliðsins á Miðnesheiði.
Íslensk stjórnvöld keppast við að halda óbreyttum loftvörnum. Búast
má við erfiðum samningaviðræðum um framtíð varnarliðsins.
ELIZABETH JONES
Aðstoðarutanríkisráðherra Bandaríkjanna mætti á fund í ráðherrabústaðnum við
Tjarnargötu.
■
„Við höfum oft
á tíðum sýnt
Bandaríkja-
mönnum gagn-
kvæman skiln-
ing.“
FR
ÉT
TA
B
LA
Ð
IÐ
/V
IL
H
EL
M