Fréttablaðið - 06.06.2003, Blaðsíða 25

manna sem komu gagngert frá
Bretlandi til að sinna því máli.
Innanhússrannsókn leiddi í ljós að
ekkert gruggugt hafði átt sér stað
þar. Athygli vakti að Sölunefndin
á Grensásvegi var á sama tíma
opin. Skúffubíllinn sem markaði
upphafið að málinu er í dag al-
gjört aukaatriði.
Rannsókn Ríkisendurendur-
skoðunar á bókhaldi Sölunefndar-
innar mun beinast að því hvað
gerðist á leiðinni frá Skemmu 866
að Sölunefndinni á Grensásvegi.
Samkvæmt bókhaldslögum á að
vera nákvæmt birgðabókhald hjá
Sölunefndinni yfir það hvaða vör-
ur nefndin tók út af Vellinum og
hvað varð um þær seinna. Finnist
það bókhald ekki blasir mikill
vandi við Alfreð Þorsteinssyni
forstjóra, sem er lögum sam-
kvæmt ábyrgur þar. Talið er víst
að Varnarliðið muni fúslega veita
aðgang að hárnákvæmu bókhaldi
sínu þar sem skráð er hver skrúfa
sem Sölunefndin fékk út af Vellin-
um. Áralöng saga innflutnings af
Keflavíkurflugvelli er nú til skoð-
unar og grunsemdir eru uppi um
að bókhaldið Íslandsmegin sé
gloppótt. Sigurður Þórðarson rík-
isendurskoðandi staðfesti að emb-
ætti hans myndi óska eftir öllum
þeim gögnum sem þyrfti til að
upplýsa um það hvort misferli eða
bókhaldsóreiða hefði átt sér stað.
Bent á Alfreð
Þessu mun Ríkisendurskoðun
svara þegar hún hefur lokið rann-
sókn sinni, sem beinist að því
hvort bókhald Varnarliðs og Sölu-
nefndar stemmi. Annar þáttur í
rannsókninni beinist að uppboð-
unum og því hvaða vörur fóru
framhjá þeim. Þar ber hátt ábend-
ingar um að Alfreð forstjóri hafi
keypt bíl með afslætti. Þá eru
fleiri bílar nefndir til sögunnar og
heimildir Fréttablaðsins herma að
innkaupastjórinn hafi við yfr-
heyrslur hjá sýslumanninum á
Keflavíkurflugvelli gefið upplýs-
ingar um á annan tug slíkra bíla
sem seldir hafi verið bakdyra-
megin. Sýslumannsembætti hefur
lagt til við Ríkissaksóknara að
innkaupastjórinn verði ákærður.
Embættið skrifaði jafnframt
minnisblað til utanríkisráðuneyt-
isins þar sem gerðar eru athuga-
semdir við ýmislegt sem viðkem-
ur Sölunefndinni og forstjóran-
um. Á grundvelli minnisblaðsins
vísaði ráðuneytið málinu til Ríkis-
endurskoðunar.
Komi á daginn að bókhaldið
hafi verið í ólagi liggja við því
alvarleg viðurlög. Sölunefnd
Varnarliðseigna var opinbert fyr-
irtæki og bókhaldsskyld sam-
kvæmt lögum. Öll vörukaup átti
að færa til bókar og þannig átti að
vera gegnsætt hvaða vörur hafi
komið inn í landið og hvað varð
um þær. Alfreð Þorsteinsson hef-
ur lýst því að hann sé hvergi
smeykur hvað rannsóknina varð-
ar og þess fullviss að sakleysi
hans verði undirstrikað. Eins og
staðan er í dag situr innkaupa-
stjórinn einn í súpunni. Hans bíð-
ur ákæra á næstu dögum fyrir
fjölmörg brot. Sá framburður
hans að hann hafi aðeins verið lít-
ið peð í taflinu á væntanlega eftir
að skýrast þegar Ríkisendurskoð-
un skilar niðurstöðu.
rt@frettabladid.is
25FÖSTUDAGUR 6. júní 2003
Svæðið opnar kl. 11.00
Tímatökur kl. 13.00
Keppni hefst kl. 14.00
KVARTMÍLUBRAUTIN
við Kapelluhraun
Miðaverð kr. 800-
Frítt fyrir félgasmenn
og12 ára og yngri
KVARTMÍLAN
FYRSTA KEPPNI ÁRSINS 2003 - LAUGARDAGINN 7. JÚNÍ
SÖLUNEFND VARNARLIÐSEIGNA
Vörurnar sem sóttar voru á Keflavíkurflugvöll skiluðu sér ekki allar á Grensásveginn.