Fréttablaðið - 17.11.2003, Page 10

10 17. nóvember 2003 MÁNUDAGUR
■ Lögreglufréttir
KÍNVERSKUR BÚDDADANS
Dans búddagyðjunnar með þúsund hand-
leggina vakti mikla athygli gesta á Guan-
yin-menningarhátíðinni í Putuo-fjöllum í
austurhluta Kína um helgina.
Þýskur þingmaður neitaði að draga ummæli sín til baka:
Rekinn úr flokki kristi-
legra demókrata
BERLÍN, AP Þýskur þingmaður, sem
sætt hefur gagnrýni fyrir ummæli
sín um gyðinga, hefur verið rekinn
úr þingflokki kristilegra demókrata.
Martin Hohmann vakti reiði mar-
gra þegar hann líkti gyðingum í
rússnesku byltingunni við nasista í
síðari heimsstyrjöldinni í ræðu sem
hann flutti í byrjun október. Í síðustu
viku var þýskur herforingi rekinn
fyrir að skrifa bréf til Hohmanns
þar sem hann fór lofsamlegum orð-
um um hugrekki hans og hreinskilni.
Hohmann baðst opinberlega af-
sökunar á ummælum sínum en
neitaði að verða við kröfum flokks-
forystunnar um að draga þau til
baka. Kristilegir demókratar
ákváðu því að kjósa um það hvort
rétt væri að reka hann úr flokknum
og var það samþykkt með 195 at-
kvæðum gegn 28. Formaður
flokksins, Angela Merkel, ítrekaði
að þó niðurstaða atkvæðagreiðsl-
unnar hefði verið afgerandi væri
ljóst að margir flokksmenn hefðu
átt í innri togstreitu vegna málsins.
„En ég trúi því að þetta hafi verið
rétt út frá pólitísku sjónarhorni,“
sagði Merkel. ■
Hálsbrjóta sjálfa sig í fallinu
Landbúnaðarráðherra segir offramleiðslu og undirboð í hvítu kjötgreinunum valda erfiðri stöðu
í landbúnaði en vísar því á bug að vandinn tengist því íslenska landbúnaðarkerfinu. Dráttur á
samningum um viðskipti með landbúnaðarafurðir gefur betri aðlögunartíma fyrir bændur.
LANDBÚNAÐUR „Auðvitað trúi ég
því að í þeim búvörusamningi sem
ég gerði við bændur árið 2000 um
sauðfjárræktina liggi vörður að
framtíðarleið,“ segir Guðni
Ágústsson landbúnaðarráðherra.
Hann er þó reiðubúinn til við-
ræðna við sauðfjárbændur um
endurskoðun á samningnum, sem
á að gilda til 2007, og þess vegna
reiðubúinn að semja upp á nýtt ef
sauðfjárbændur óska þess. Hann
telur þó ekki að það sé búvöru-
samningurinn eða landbúnaðar-
kerfið sem eigi sök á vanda sauð-
fjárbænda og fleiri bænda heldur
offjárfesting í hvíta kjötinu. Hann
neitar því að túlka megi vandann
sem svo að landbúnaðarkerfið sé
að bregðast.
„Það er auðvitað mjög rangt.
Vandinn sem núna blasir við er
mjög einfaldur,“ segir Guðni.
„Menn hafa farið mjög offari í
fjárfestingum í hvítu kjötgreinun-
um, svíni og kjúklingum. Ég held
að það liggi alveg ljóst fyrir að
þar hafa margir aðilar komið að
með glannalegum hætti; peninga-
stofnanir, afurðastöðvar, Byggða-
stofnun og fleiri aðilar. Þeir hafa
ætlað að sigra heiminn í einum
bita en eru að hálsbrjóta sjálfa sig
í fallinu og valda því að þrír til
fjórir milljarðar eru að tapast út
úr landbúnaðinum. Að vísu njóta
neytendur þeirra eitthvað því kjöt
hefur lækkað í verði. Þeir eru
valdir að þessu sem hafa rekið
hvítu kjötgreinarnar, svín og
kjúklinga. Það er engin spurning í
mínum huga.“
Ekki sök ríkisins
Mikil lán til svína- og
kjúklingabænda, taprekstur og
gjaldþrot hafa orðið til þess að
bönkum og fleiri aðilum hefur
verið legið á hálsi fyrir að hvetja
til offjárfestingar. Sauðfjárbænd-
ur og kúabændur fá hins vegar
um sjö milljarða í beingreiðslur
og ár hvert og því spurning hvort
stjórnvöld hafi ekki gengið á und-
an með slæmu fordæmi.
„Nei,“ segir landbúnaðarráð-
herra og vísar því á bug að offjár-
festing sé í þessum greinum.
„Núna fara milli tvö og þrjú pró-
sent af fjárlögunum í stuðning við
landbúnað. Það eru fyrst og fremst
niðurgreiðslur á matvælum til
neytenda. Það hefur ekkert að
gera með fjárfestingar. Þetta er sú
leið sem hefur verið farin, og var
gert áður, með kjarasamningum,
að auka niðurgreiðslur. Núna hef-
ur þetta verið fært í þetta form til
að halda niðri matvælaverði og
vísitölu. Um leið er þetta stuðning-
ur til þessara greina, byggðastuðn-
ingur við búgreinarnar sem halda
uppi byggð í landinu, byggðum
sem eru að taka að sér fleiri og
fleiri verkefni. Offjárfestingarnar
liggja allar hjá hvítu kjötgreinun-
um. Þar hafa menn farið offari.“
Hagur beggja eða annars?
Þar sem Guðni segir bein-
greiðslurnar til þess að lækka
matvælaverð til neytenda liggur
beint við að spyrja hvort menn
séu ekki að eltast við sjálfa sig
þar sem innflutningstakmarkanir
á erlendum landbúnaðarafurðum
verða til þess að innlent matvæla-
verð er mun hærra en ella.
„Við erum náttúrlega í ákveðnum
WTO-viðræðum,“ segir Guðni og
vísar til viðræðna um alþjóðavið-
skipti með landbúnaðarafurðir og þá
vernd og stuðning sem hann nýtur.
„Íslenskur landbúnaður fær sinn að-
lögunartíma eins og aðrir. Hér vita
Íslendingar sem er að þeir hafa
reynt það að hér hafa verið fluttar
inn kjötvörur sem þeir hafa orðið
hræddir við. Þeir vita að þeir eiga
landbúnað sem þeir vilja standa
vörð um og að hann fái að þróast. Ég
held að það sé enginn að gagnrýna
það kerfi í sjálfu sér.“
Lítið hefur gengið að ná sam-
komulagi innan Alþjóðaviðskipta-
stofnunarinnar um hvaða reglur
skuli gilda um viðskipti með land-
búnaðarafurðir. Stefnt hefur ver-
ið að því að draga úr stuðningi við
landbúnað en ekkert samkomulag
náðst.
Langt í samkomulag
„Það er ljóst mál að menn
telja að nýi WTO-samningurinn
verði aldrei gerður fyrr en
2007,“ segir Guðni og bætir við:
„Það er samt enginn vafi að þeir
fara í gang og þá breytist um-
hverfi bænda eitthvað, hér og
annars staðar.“ Þar sem langt sé
þar til samkomulag liggur fyrir,
og erfitt að segja til um hvernig
það verður nákvæmlega, liggi
ekki fyrir hvaða áhrif það hafi á
íslenskan landbúnað og neytend-
ur. Þó er ljóst að áherslur í
samningaviðræðunum snúa að
framleiðslutengdum stuðningi
sem rætt hefur verið um að
draga mest úr. Það segir Guðni
ekki snúa svo mjög að sauðfjár-
ræktinni. Dráttur á samningum
hefur þó eitt í för með sér sem
kann að hjálpa bændum. „Menn
hafa lengri aðlögunartíma og
umhverfið verður óbreytt leng-
ur en menn ætluðu.“ ■
Áströlsk rannsókn:
Blóðprufa
gegn krabba
HEILSA Venjuleg blóðprufa getur
gefið vísbendingar um hvort fólk
þjáist af banvænu asbest-krabba-
meini.
Þetta kemur fram í rannsókn
sem gerð var við Sir Charles
Gairdner-sjúkrahúsið í Ástralíu.
Þeir sem þjást af krabba-
meininu, sem oftast myndast eftir
að fólk andar að sér asbesti, lifa
aðeins nokkur ár eftir að þeir
greinast með meinið. Með því að
taka blóðprufu til að láta athuga
prótein í líkamanum er hægt að sjá
í yfir 80% tilfella hvort krabba-
meinið sé að byrja að myndast í lík-
amanum. ■
Perfectil er einstök blanda 25 vítamína og steinefna sem
talin eru mikilvæg og jafnvel nauðsynleg til að fegra og
styrkja húð, hár og neglur.

Perfectil er söluhæsta bætiefnablandan í Bretlandi og
státar af sérstökum meðmælum frá Premier
umboðsskrifstofunni fyrir fyrirsætur.
Premier umboðsskrifstofan er m.a. með ofurfyrirsætur
eins og Naomi Campell og Claudiu Schiffer á sínum
snærum.
Perfectil inniheldur hvorki lyf né hormóna.
Fegurðin kemur
innan frá
Mest selda bætiefnablandan í Bretlandi fyrir
hár, húð og neglur loksins fáanleg á Íslandi.
Perfectil® vítamín- og steinefnablandan fegrar og
styrkir húð, hár og neglur á náttúrulegan hátt.
www.perfectil.com
Gleymdu öllum
fegrunaraðgerðum
- Perfectil® dregur
fram þína
náttúrulegu
fegurð! Fæst í öllum helstu apótekum og lyfjaverslunum.
REKINN
Umæli Martins Hohmanns um rússneska
gyðinga reyndust honum dýrkeypt.
GUÐNI ÁGÚSTSSON
Bændur í flestum greinum hafa átt við vanda að etja að undanförnu. Sökin liggur klárlega
hjá þeim sem hafa fjármagnað hvíta kjötið, segir landbúnaðarráðherra og telur landbún-
aðarkerfið með ágætum.
Fréttaviðtalið
BRYNJÓLFUR ÞÓR
GUÐMUNDSSON
■ ræðir við Guðna Ágústsson landbún-
aðarráðherra.
GSM OG STÖÐUMÆLIR
Bráðum geta borgarbúar borgað í stöðu-
mæla með gemsunum sínum.
Stöðumælagjöld:
Greidd með
farsímum
TÆKNI Borgarstjórn hefur sam-
þykkt tillögu um að gera fólki
kleift að greiða í stöðumæla með
GSM-símum eins og hefur tíðkast
um hríð í nágrannalöndum okkar.
Að sögn Kjartans Magnússon-
ar borgarfulltrúa virkar þjónust-
an þannig að þegar menn leggja
bíl sínum hringja menn í þjón-
ustunúmer og slá inn númerið á
stöðumælinum. Gjaldfærist þá
kostnaðurinn yfir á reikning.
„Ef það er eitthvað til þess
fallið að draga úr streitu og erg-
elsi í þjónustu stöðumælanna þá
er það þetta,“ segir Kjartan. Býst
hann við því að þjónustan verði
tekin í notkun í fyrsta lagi næsta
vor. ■
RÓLEGT Á HÖFUÐBORGARSVÆÐ-
INU Fremur rólegt var á höfuð-
borgarsvæðinu í fyrrinótt. Fáir
voru á ferli í Reykjavík að sögn
lögreglu en tilkynnt var um eitt
minniháttar innbrot. Kópavogs-
lögreglan tók einn mann sem var
ölvaður undir stýri en segir nótt-
ina hafa verið rólega að öðru
leyti. Sömu sögu var að segja í
Hafnarfirði, rólegt og fáir á ferli.
FR
ÉT
TA
B
LA
Ð
IÐ
/A
LD
A
LÓ
A
FR
ÉT
TA
B
LA
Ð
IÐ
/R
Ó
B
ER
T