Fréttablaðið - 11.12.2003, Blaðsíða 18

18 11. desember 2003 FIMMTUDAGUR
SNJÓSTORMUR Í KANADA
Vetur konungur er heldur betur farinn að
minna á sig í Norður-Ameríku þó hann
gangi ekki formlega í garð fyrr en eftir
tvær vikur samkvæmt almanakinu. Þessar
tvær stúlkur í bænum Hutchinson í
Kanada fengu snjóstorminn beint í fangið
á leið heim úr skólanum í gær.
Héraðsdómur Reykjavíkur:
Mátti skjóta á hundinn
DÓMSMÁL Héraðsdómur Reykja-
víkur hefur sýknað mann á fer-
tugsaldri fyrir að hafa skotið af
haglabyssu á hundinn Sám með
þeim afleiðingum að hundurinn
fékk mörg högl í höfuðið.
Maðurinn greindi frá því fyrir
dómi að hann hefði orðið var við
tvö stóra grænlenska sleðahunda
við heimili sitt í Skerjafirði
aðfaranótt 26. desember 2002.
Hann kvað hunda þessa áður hafa
komið á lóð við heimili sitt og
drepið kanínur sem voru þar í
búri. Í þetta sinn hafi hundarnir
verið komnir upp á kanínukofann
og hafi þeir verið að reyna að ná
kanínum. Hafi hann fælt hundana
á brott en þeir komið aftur. Þá
hafi hann sótt haglabyssu og skot-
ið á annan hundinn sem hann taldi
sér standa ógn af.
Maðurinn var ákærður fyrir
brot á dýraverndarlögum og
vopnalögum en krafðist sýknu.
Dómurinn taldi að þær aðstæð-
ur hefðu verið fyrir hendi er mað-
urinn skaut á hundinn að það hafi
verið honum refsilaust sam-
kvæmt undirstöðurökum 13.
greinar hegningarlaga um
neyðarrétt. Bæri samkvæmt því
að sýkna hann, bæði af broti á
dýraverndarlögum og vopnalög-
um. Einnig af kröfu ákæruvalds-
ins um að vopn í eigu hans, hagla-
byssa og tveir rifflar, yrðu gerð
upptæk.
Allur sakarkostnaður í málinu
var felldur á ríkissjóð, þar með
talin 100.000 króna málsvarnar-
laun verjanda mannsins. ■
Kaupmenn bjartsýnir
um aukna jólaverslun
Jólaverslunin er að ná hámarki. Bjartsýni ríkir meðal verslunareigenda. Íslendingar vilja halda í
bókhneigðina, skartið stendur enn fyrir sínu og afsakanir eftirlegukinda á aðfangadagsmorgun
eru að úreldast vegna lengri opnunartíma verslana.
VERSLUN Nú styttist í að jólaversl-
unin nái hámarki með tilheyrandi
ys og þys. Mikil bjartsýni ríkir
meðal verslunarmanna um góða
verslun sé miðað við upplýsingar
frá Samtökum verslunar og þjón-
ustu. Emil B. Karlsson, verkefna-
stjóri samtakanna, segir verslun-
areigendur búast við 10% aukn-
ingu á jólaverslun í ár miðað við
sama tíma í fyrra. „Við gerðum
könnun meðal aðildarfyrirtækja
og telja sumir veltu jólaverslun-
arinnar geta orðið meiri nú en í
fyrra. Samtökin hafa síðustu þrjú
árin gert mánaðarlega úttekt þar
sem fundin er út smásöluvísitala,
þá aðallega fyrir dagvöruversl-
unina. Alla mánuði þessa árs að
undanskildum einum, er sala
töluvert meiri en á síðasta ári. Af
því teljum við 10% ekki of háa
áætlun.“
Í könnun SVÞ kom fram að
mest bjartsýni ríki í fataverslun.
Ekki virðist vera gert ráð fyrir
eins miklum vexti í raftækja-
verslun en þar sé mikil sam-
keppni milli verslana allt árið.
Bókaþjóðin
Íslendingar hafa gjarnan stát-
að sig af því að vera bókhneigð
þjóð. Eitt er víst að sala bóka er
aldrei eins mikil og fyrir jólin.
Anna Einarsdóttir hjá Máli og
menningu hefur starfað á Lauga-
veginum í rúm fjörutíu ár. Hún
segir hina árlegu jólaös vissulega
byrjaða.
„Fólk heldur í hefðina og gefur
bækur til jólagjafa. Íslenskir höf-
undar seljast yfirleitt alltaf vel
fyrir jól. Þá hefur sala fræðibóka
aukist töluvert en mjög góðar
bækur eru í boði þeim flokki.“
Anna segir afþreyingarbækur
farið halloka fyrir sjónvarpinu.
„Þá er ég að tala um þessar dæmi-
gerðu ástarsögur og strákabækur.
Þýddar góðar skáldsögur eftir
góða höfunda seljast alltaf vel en
það eru færri titlar í boði í ár en
oft áður.“
Handa honum/henni
Góðlátlegt grín hefur verið
gert að svokölluðum eftir-
legukindum sem sjást skjótast
milli verslana á aðfangadags-
morgun. Afsakanir þeirra fara
orðið inn um eitt eyrað og út um
hitt vegna lengri opnunartíma
verslana. Hinir sem vilja gefa sér
góðan tíma til að finna fallegar
gjafir hafa úr mörgu að velja.
Skartgripir eru klassísk gjöf og
þykja táknrænir sér í lagi milli
elskenda.
Skartgripaverslunin Or á
Laugavegi sérhæfir sig í hand-
smíðuðum skartgripum handa
körlum og konum. Kjartan Örn
Kjartansson, annar eigandi versl-
unarinnar, segir mikla breidd ráð-
Börnin á Barónsborg:
Guð á
afmæli
JÓLIN Börnin fara ekki varhluta
af því að jólin nálgast. Mikil til-
hlökkun ríkir hjá þeim og í kvöld
setja þau flest skóinn út í glugga
þegar fyrsti jólasveinninn,
Stekkjarstaur, kemur til byggða.
Sá næsti í röðinni er Giljagaur,
Stúfur, Þvörusleikir, Pottasleikir,
Faldafeykir, Hurðaskellir,
Skyrgámur, Bjúgnakrækir,
Gluggagægir, Gáttaþefur, Kjör-
krókur og loks Kertasníkir.
Krakkarnir á leikskólanum
Barónsborg eru á fullu í jólaund-
irbúningi. Fréttablaðið leit í
heimsókn og lagði fyrir þau
nokkrar spurningar sem þau
voru í engum vandræðum með
að svara.
Hugrún Britta
Kjartansdóttir:
Hvað gerðist á jól-
unum?
Guð á afmæli og Jesús
fæddist í Betlehem.
Jana Katrín
Magnúsdóttir:
Hvað eru jólasvein-
arnir margir? Þrettán.
Stúfur er í uppáhaldi,
hann er svo sætur.
Elísa Sif
Snorradóttir:
Hvaða jólasveinn kem-
ur fyrst í bæinn?
Stekkjarstaur. Uppá-
haldsjólasveinninn
minn er Kertasníkir. Ég
myndi ekki gefa honum kerti ef hann
kæmi. Jú annars, en bara eitt.
Óðinn Eldon
Ragnarsson:
Setur þú skóinn út í
glugga?
Já, ég set svartan
spariskó í gluggann.
Ég ætla að setja skó-
inn á hverju kvöldi í gluggann. Mig
langar í svona leik með gulum kúlum.
Það eru svona 30-40 kúlur í boxi. Svo
eru svona takkar til að ýta á sem opn-
ar munninn og gleypir kúlurnar. Svo er
svona annað gler fyrir.
Guðbrandur Óli
Helgason:
Hvað heitir mamma
jólasveinanna?
Grýla. Hún er ljót. Ég
yrði hræddur ef Grýla
kæmi og myndi hlaupa
í burtu. Fyrst myndi ég
snúa upp á nefið á henni.
Sara Dís Hildar-
dóttir:
Hvað langar þig í jóla-
gjöf?
Dúkku sem getur talað.
Ég á eina svoleiðis og
langar í aðra. Ég veit
ekki hvað ég myndi skíra hana en mér
finnst nöfnin Perla, Birta og Berglind fal-
leg. Mig langar líka í Barbie dúkku sem er
prinsessa, ég á líka eina svoleiðis.
HÉRAÐSDÓMUR REYKJAVÍKUR
Maðurinn greindi frá því fyrir dómi að tveir grænlenskir hundar hefðu verið komnir upp á
kanínukofann sinn.
FR
ÉT
TA
B
LA
Ð
IÐ
/V
IL
H
EL
M
ANNA EINARSDÓTTIR
Anna segir afþreyingarbækur hafa farið
halloka fyrir sjónvarpinu.
KJARTAN ÖRN KJARTANSSON
„Við höfum gaman að því sem við erum
að gera og það skilar sér til viðskiptavina.“
FR
ÉT
TA
B
LA
Ð
IÐ
/A
LD
A
LÓ
A
FR
ÉT
TA
B
LA
Ð
IÐ
/A
LD
A
LÓ
A