Fréttablaðið - 11.01.2004, Page 21

22 11. janúar 2004 SUNNUDAGUR
Hasar í happ-
drættinu
Happdrættin í þjóðfélaginu auglýsa grimmt um þessar
mundir, enda ríkir ófremdarástand í buddum margra
landsmanna eftir jólavertíðina. Skjótfenginn gróði kæmi
sér vel. Lottó hefur greitt út átta hundruð milljónavinninga á
sautján árum og 167 manns unnu meira en milljón í
Happdrætti Háskóla Íslands á síðasta ári.
Við höfum ýmsar leiðir til aðreyna að fjölga krónunum
okkar. Bankabókin er ágæt til síns
brúks en sú leið til ríkidæmis
virðist jafnan seinfær og jafnvel
ófær. Önnur leið er að leggja und-
ir og treysta á Guð og lukkuna. Og
hún er æði vinsæl. Lottó, Víkinga-
lottó, spilakassarnir, Getraunir,
Lengjan, flokkahappdrættin –
þetta eru þau fjárhættuspil sem
leyfð eru í landinu og njóta gríðar-
legra vinsælda. Hvergi er vinn-
ingurinn auðsóttur en líkurnar
eru mismiklar – eða litlar. Og
hægt er að vinna frá nokkur hund-
ruð krónum, sem duga fyrir
næstu endurnýjun, upp í himin-
háar fjárhæðir sem breyta lífinu.
Og líkurnar haldast í hendur við
það sem lagt er undir.
Samkvæmt upplýsingum
Happdrættis Háskóla Íslands
unnu eitthundrað sextíu og sjö
manns milljón eða meira á síðasta
ári og var heildarfjárhæð vinn-
inganna um átta hundruð milljón-
ir króna. Skemmtileg tilviljun er
að átta hundruð milljónavinning-
ar hafa verið greiddir út hjá
Lottóinu í sautján ára sögu þess,
sá stærsti áttatíu milljónir króna.
Í Víkingalottóinu eru að jafnaði
hæstu vinningarnir í boði en ekki
hefur borið of vel í veiði hjá Ís-
lendingum í þeim leik. Fjörutíu og
fjórar milljónir eru það mesta
sem fengist hefur í einu en auðvit-
að hafa fjölmargir hlotið smærri
vinninga, og það reyndar enga
smá vininnga svosem, tíu, fimmt-
án milljónir eru náttúrlega alltaf
tíu, fimmtán milljónir. Fyrir
nokkrum árum var gerð opinber
úttekt á íslenska happdrættis-
markaðnum og leiddi hún í ljós að
samanlögð velta var fimm millj-
arðar króna og vinningarnir sam-
tals um tveir milljarðar. Í takt við
aðrar breytingar í samfélaginu
má gera ráð fyrir að sú fjárhæð
hafi hækkað talsvert síðan.
Miðar fyrir allt að 200
þúsund krónur
Segja má að flestir landsmenn
séu nokkuð rólegir í sinni happ-
drættisþáttöku, eigi miða hér og
miða þar og lotti reglulega, en um
leið hóflega. En í þessu eins og
öðru eru líka dugnaðarforkar.
Sumir eiga nokkra, jafnvel marga
miða í flokkahappdrættunum
þremur, eru áskrifendur að Lóttói
og Víkingalottói, tippa á úrslit
íþróttaleikja í Getraunum og á
Lengjunni og það samkvæmt
kerfi og skella nokkrum þúsund-
köllum í spilakassa þegar vel ligg-
ur á þeim. Og í þessum tilvikum
erum við að tala um fólk sem spil-
ar ánægjunnar vegna en stríðir
ekki við spilafíkn. Sé litið til
flokkahappdrættanna einna ku al-
gengt að fólk eigi tvo til fjóra
miða en fyrir kemur að þeir fari
allt upp í tuttugu og kostar þá
þátttakan um tvö hundruð þúsund
krónur á ári. Þá er talsvert um að
miðar og númer gangi í erfðir,
börn taka við af foreldrum sínum
þannig að sömu númerin hafa
jafnvel verið í eigu nokkurra ætt-
liða sömu fjölskyldu í áratugi.
Greiddi upp jeppalánið á
einu bretti
Af vinningshöfum eru sagðar
ýmsar sögur. Sumir hafa unnið
tugi milljóna en farið með það
eins og mannsmorð enda viðbúið
að blankir samferðamenn banki
oftar upp á en góðu hófi gegnir og
reyni að slá lán. Þannig hafa hand-
hafar stærstu lottópottanna og
helstu happdrættisvinninganna
yfirleitt farið leynt þrátt fyrir
umfangsmiklar tilraunir harðsnú-
inna rannsóknarblaðamanna til að
svipta hulunni af hinum heppnu.
Snjólfur Fanndal, eigandi Smur-
stöðvarinnar Stórahjalla, er þó
undantekning á þessu og viður-
kennir fúslega að hafa unnið tæp-
ar þrjár milljónir í lottói fyrir
nokkrum árum „enda ekkert
leyndarmál svosem“ segir hann.
„Ég var nýbúinn að kaupa mér
jeppa á láni en fór og greiddi það
upp eftir þann stóra.“
Um var að ræða Toyota 4runner
en nú ekur Snjólfur um á LandCru-
iser og þarf svosem ekki á
lottóvinningum að halda til að
leyfa sér slíkt enda hafa tekjurnar
batnað með árunum. En þetta er
ekki eini vinningur Snjólfs: „ég hef
unnið við og við síðan þetta var,
bónusinn einu sinni eða tvisvar og
svo alltaf eitthvað smærra. Ég
kaupi tvo miða þegar pottarnir eru
litlir en nota kerfi þegar þeir eru
vænlegri,“ segir Snjólfur, sem læt-
ur sér ekki lottóið duga „Nei, ég
spila líka í Háskólanum og svo á ég
miða í DAS síðan ég var til sjós í
gamla daga, jú og í SÍBS líka og ég
hef alltaf unnið eitthvað smotterí í
þessu.“ Snjólfur hefur ekki hug-
mynd um hvort hann er í plús eða
mínus þegar allt er saman talið og
lætur það sig litlu máli skipta.
Góð málefni
Flokkahappdrættin þrjú; DAS,
HHÍ og SÍBS, eru gömul í hettunni
og lifa enn ágætu lífi þrátt fyrir að
samkeppnin við annað lotterí hafi
harðnað. Samkeppnin þeirra á milli
hefur líka alltaf verið hörð og birtist
ekki síst í þeirri afstöðu forsvars-
manna DAS og SÍBS að leikurinn sé
ójafn. HHÍ starfar nefnilega í skjóli
einkaleyfis til reksturs peninga-
happdrættis en hin þurfa að fara
aðrar leiðir til að greiða út vinninga
sína. Pétur Bjarnason, fram-
kvæmdastjóri SÍBS, segir þátttök-
una fara heldur minnkandi ár frá
ári: „Þetta hefur samt gengið ágæt-
lega og við reynum að halda okkar
hlut,“ og Sigurður Ágúst Sigurðs-
son, framkvæmdastjóri DAS, tekur
í svipaðan streng: „Það þarf að hafa
mikið fyrir þessu,“ segir hann en
bætir við að DAS hafi tekist að ná til
unga fólksins. Báðir benda þeir á að
vinningslíkurnar í sínum happ-
drættum séu dágóðar og sama gera
aðrir enda vinningsvonin helsta að-
dráttaraflið. Og auðvitað skipta
vinningarnir sjálfir gríðarlegu
máli. En vinni fólk ekki er málefnið
ágætt skjól. Sem það auðvitað er;
HHÍ stendur undir byggingafram-
kvæmdum Háskóla Íslands sem og
tækjakaupum. DAS er bakhjarl
Hrafnistuheimilanna og raunar
fjölda dvalarheimila úti um land
allt, SÍBS er hornsteinn fram-
kvæmda á Reykjalundi og íþrótta-
hreyfingin nærist á Lottóinu.
bjorn@frettabladid.is
SÉRSTAKUR
Samferðamenn mannsins segja hann sér-
stakan karakter og nokkuð sérvitran.
Hann sé þó ljúfur piltur, en með ákveðn-
ar skoðanir.
Traustur,
flughræddur
og sérvitur
Hann er traustur með ákveðnarskoðanir og liggur ekki á
þeim,“ segir Guðmundur Ingvars-
son, formaður HSÍ, um manninn
sem spurt er um að þessu sinni. Við-
komandi lætur vanalega lítið fyrir
sér fara í samfélaginu en skýtur
reglulega upp kollinum og er nafn
hans þá jafnan á flestra vörum.
„Hann er afskaplega ljúfur piltur og
þægilegur í allri umgengni,“ segir
Leifur Steinn Elísson, aðstoðar-
framkvæmdastjóri Vísa, sem lætur
fylgja að hann hafi eitt sinn heyrt að
okkar maður væri afskaplega flug-
hræddur og hafi um tíma haft fyrir
sið að hringja í Flugleiðir og spyrja
hver væri flugstjóri þegar lagt var í
langflug, svona til að róa sig. „Sam-
viskusamur, nákvæmur, þægileg-
ur,“ segir þriðji viðmælandi okkar,
Ingibjörg Ragnarsdóttir sjúkra-
nuddari, en lætur fylgja að algeng
setning af munni hans sé „ég hef
ekki tíma til að hugsa um þetta, ég
hef svo mikið að gera“. Guðmundur
formaður á svo lokaorðin: „Hann er
svolítið sérstakur karakter og nokk-
uð sérvitur“. Hver er maðurinn?
Svar er að finna á síðu 24. ■
LOTTÓSALA
Áttahundruð milljónavinningar hafa verið greiddir út af Lottó í sautján ára sögu þess.
Hæsti vinningurinn var áttatíu milljónir króna. Það er meira en Íslendingur hefur fengið í
hina stóra Víkingalottói.
HEPPINN VINNINGSHAFI
Snjólfur Fanndal, eigandi Smurstöðvarinnar Stórahjalla, er einn þeirra sem dottið hafa í lukkupottinn. Hann vann tæpar þrjár milljónir í
Lottói fyrir nokkrum árum. „Ég var nýbúinn að kaupa mér jeppa á láni en fór og greiddi það upp eftir þann stóra,“ segir Snjólfur. Um var
að ræða Toyota 4runner en nú ekur Snjólfur um á LandCruiser.
ENSKA ER OKKAR MÁL
Enskunámskeið að hefjast.
• Okkar vinsælu talnámskeið -7 vikur.
• Kennt á mismunandi stigum.
• Kennt: Kl. 9:00, 10:30, 17:20, 19:00 og 20:40.
• Frítt kunnáttumat og ráðgjöf.
Við bjóðum einnig upp á enskunámskeið víða um land.
Hringdu í síma
588 0303
Faxafeni 8
www.enskuskolinn.is
enskuskolinn@simnet.isJohn O´Neill Julie InghamSandra Eaton Robert WilliamsMaxwell Ditta
Hver er maðurinn?
FLUGVÖLLUR Í RÍÓ
Brasilíumenn taka nú fingraför af banda-
rískum ferðamönnum.
Alþjóðaflug:
Brasilíu-
menn svara
Ný lög hafa nú tekið gildi íBrasilíu, sem kveða á um að
allir bandarískir ferðamenn skuli
nú sæta sérstakri rannsókn þegar
þeir koma til landsins. Tekin skulu
af þeim fingraför og þeir myndað-
ir. Brasilíumenn vilja með þessu
svara nýjum lögum í Bandaríkj-
unum, sem kveða á um að allir
ferðalangar sem koma þangað
skuli fá þessa sömu meðferð. ■