Fréttablaðið - 19.01.2004, Blaðsíða 4

4 19. janúar 2004 MÁNUDAGUR
Varstu sátt/ur við úrslitin í Idol?
Spurning dagsins í dag:
Borðar þú þorramat?
Niðurstöður gærdagsins
á www.frett.is
22,9%
77,1%
Nei
Já
Kjörkassinn
Farðu inn á frett.is og segðu þína skoðun
frétt.is
SVISS, AP Svissnesk yfirvöld eru að
yfirheyra tvo meinta hryðjuverka-
menn sem grunaðir eru um að hafa
skipulagt fjórar sjálfsmorðsárásir
í Tyrklandi í nóvember.
Þann 15. nóvember voru tvö
bænahús gyðinga sprengd og
fimm dögum síðar var ráðist á
bresku ræðismannskrifstofuna og
breskan banka. Alls létust 62 í
árásunum og um 700 manns slös-
uðust. Hansjuerg Mark Wiedmer,
talsmaður saksóknara, vildi ekki
tjá sig um málið að öðru leyti en
því að mennirnir væru í haldi og
að þeir væru erlendir ríkisborgar-
ar.
Samkvæmt svissneskum blöð-
um eru mennirnir tyrkneskir rík-
isborgarar og meðlimir íslamskra
öfgasamtaka sem kalla sig „Hina
miklu íslömsku framvarðasveit
Austurlanda.“ Þau samtök ásamt
al-Kaída lýstu ábyrgð á árásunum.
Svissnesk stjórnvöld segjast
ekki hafa neinar sannanir fyrir
því að hryðjuverkamenn séu með
skipulagða starfsemi í Sviss. Þau
greindu samt frá því að Mo-
hammad Atta, annar flugmann-
anna sem flaug á tvíburaturnana í
New York, hafi átt einhver sam-
skipti við menn í Sviss. Einnig
greindu þau frá því að hátt settir
menn í al-Kaída hefðu notað sviss-
neska farsíma til að hafa sam-
skipti sín á milli í Afganistan og
Pakistan. ■
Reiddist ofsalega
og þeytti skúffunni
Ránstilraun var gerð í söluturninum Dalsnesti í Hafnarfirði rétt fyrir klukkan tíu í fyrrakvöld.
Hettuklæddur maður vopnaður hnífi réðst inn í söluturninn og heimtaði peninga en fældist við
þjófavarnarflautu og lagði á flótta.
LÖGREGLA Lögreglan handsamaði
manninn stuttu síðar í götu
skammt frá og játaði hann á sig
alla sök. Einnig játaði hann að
hafa rænt söluturninn Egyptann í
Hafnarfirði þann 9. janúar ásamt
öðrum manni. Hann hefur einnig
verið handtekinn og játaði á sig
sök. Mennirnir, sem eru liðlega
tvítugir, hafa báðir komið við
sögu hjá lögreglu.
Eigandinn Sigurður Lárusson
var einn að störfum þegar atvikið
átti sér stað. „Við lokum hér
klukkan tíu. Ég er með tvo sölu-
kassa, annan fyrir almenna sölu
en hinn fyrir símakortin. Hann er
innar í sjoppunni, nær inngöngu-
dyrunum,“ segir Sigurður. „Ég
stend við þann kassa, er með hann
opinn og er að gera upp símakort-
in. Ég heyri að einhver kemur inn
og þegar ég lít upp frá talningunni
sé ég framan í einhvern með
lambhúshettu.“
Sigurður hélt fyrst í stað að um
hrekk væri að ræða og hváði þeg-
ar maðurinn heimtaði peninga.
„Ég bara reiðist ofsalega á svip-
stundu, þeyti skúffunni aftur og
geng í áttina frá honum, fyrir smá
horn og að öryggishnapp sem þar
er. Ég ýti á hann og öryggiskerfið
fer í gang. Þá sé ég undir iljarnar
á honum,“ segir hann og segist
ekki hafa orðið skelkaður. „Ég var
fyrst og fremst reiður. Ég reiðist
ekki oft en ef ég geri það get ég
reiðst mjög illa. Það var eins gott
fyrir hann að koma ekki alltof ná-
lægt mér í þessari stöðu.“ Að sögn
Sigurðar hefur fjórum sinnum
verið brotist inn í söluturninn á
þeim fimmtán árum sem rekstur-
inn hefur staðið yfir. Þetta er hins
vegar í fyrsta sinn sem vopnuð
ránstilraun er gerð.
Sigurður hefur vakið athygli
fyrir að neita að taka við kredit-
kortum frá viðskiptavinum sínum.
Hann segist ekki hleypa gráðugum
milliliðum inn í verslunina sína.
„Ég er á varðbergi gagnvart
krimmum, hvort sem þeir eru
gangandi á götunni eða hvít-
flibbakrimmar. Þeir eru sýnu verri
þessi með hvítu flibbana.“ Að-
spurður hvort töluvert af lausafé
sé ekki í kassanum hjá sér segist
hann ekki vilja gefa upp neitt um
það. „Það eru peningar í kassan-
um, við skulum orða það þannig.“
freyr@frettabladid.is
SVARTI
KASSINN
Svarti kassinn
fannst á þús-
und metra
dýpi.
Rauðahafið:
Kassarnir
fundnir
KAÍRÓ, AP Franskur smákafbátur
náði í gær seinni svarta kassanum
sem var í egypsku flugvélinni sem
hrapaði í Rauðahafið með þeim
afleiðingum að 148 manns fórust.
Í kassanum eru hljóðritanir af
samskiptum flugmanna í flug-
stjórnarklefanum. Kassinn var á
þúsund metra dýpi og segja egypsk
stjórnvöld að hann sé illa farinn en
vonast sé eftir að innihaldið sé ekki
ónýtt. Kafbáturinn náði einnig
myndum af flakinu á hafsbotni.
Tveir svartir kassar voru í flug-
vélinni. Hinn fyrri fannst á laugar-
daginn. Rannsókn á tildrögum
slyssins stendur yfir en egypsk
stjórnvöld hafa útilokað að um
hryðjuverk hafi verið að ræða. ■
Kanadamaður féll
í loftárás:
Fjölskyldan
krefst bóta
TORONTO, AP Fjölskylda kanadísks
hermanns, sem féll í loftárás banda-
ríska hersins í Afganistan, ætlar að
fara fram á sem svarar um 130
milljónum íslenskra króna í bætur
frá bandarískum stjórnvöldum.
Richard Green var einn fjög-
urra kanadískra hermanna sem
létust þegar bandarískur
orustuflugmaður varpaði fyrir
mistök 225 kílógramma sprengju
á kanadískar þjálfunarbúðir hjá
Kandahar í apríl 2002. Flugmað-
urinn hefur verið ákærður fyrir
vanrækslu í starfi og á yfir höfði
sér allt að sex mánaða fangelsi
verði hann fundinn sekur. ■
BJÖRGUN Í gær voru 210 rollur flutt-
ar úr fjárhúsunum á Bakka, en þar
höfðu þær verið fastar frá því snjó-
flóð féll á bæinn síðastliðinn þriðju-
dag. Björgunarsveitin Tindur á
Ólafsfirði bjargaði rollunum, sem
voru fluttar yfir á Burstabrekku á
Ólafsfirði.
„Rollurnar voru fluttar í fjárhús
við Burstabrekku og einnig var út-
búin aðstaða fyrir þær í hlöðu við
bæinn. Þær voru vel á sig komnar,
enda hafði tekist að gefa þeim að
éta allan tímann. Þetta gekk allt
mjög vel, björgunarstörf hófust um
hádegið og var lokið um sexleytið.“
segir Sigurbjörn Þorgeirsson, lög-
reglumaður á Ólafsfirði.
Við sama tækifæri var ótömdum
stóðhesti við Bakka bjargað í hús.
Hesturinn var rólegur og ótrúlega
meðfærilegur, að sögn björgunar-
sveitarmanna. ■
Sjálfsmorðsárásirnar í Tyrklandi í nóvember:
Tveir menn í
haldi í Sviss
62 LÉTUST Í NÓVEMBER
Sprengjurnar voru mjög öflugar og ollu miklum skemmdum á bænahúsunum
sem voru full af fólki sem var við bænahald.
EIGANDI DALSNESTIS
Sigurður Lárusson varð bálreiður þegar maðurinn með lambhúshettuna heimtaði peningana.
Snjóflóðið á Ólafsfirði:
Rollum bjargað frá Bakka
BJÖRGUNARSVEITIN AÐ STÖRFUM
Moka þurfti ofan af fjárhúsunum til að bjarga rollunum, en björgunaraðgerðir tóku um
það bil sex klukkustundir.
FR
ÉT
TA
B
LA
Ð
IÐ
/T
EI
TU
R