Fréttablaðið - 18.02.2004, Blaðsíða 6
6 18. febrúar 2004 MIÐVIKUDAGUR
■ Mið-Austurlönd
Veistusvarið?
1Hvað hyggst sjávarútvegsráðherraauka loðnukvótann mikið?
2Í hvaða landi hefur fólki verið boðiðað senda guði tölvupóst?
3Hvað heitir kylfingurinn sem sigraði ástórmóti í PGA-mótaröðinni í Banda-
ríkjunum á sunnudaginn?
Svörin eru á bls. 26
Forsetinn biður um alþjóðlega aðstoð:
Frakkar íhuga að senda
friðargæslulið til Haítí
HAÍTÍ, AP Frakkar eru að skoða
þann möguleika að senda friðar-
gæslulið til Haítí. Neyðarástand
ríkir í landinu vegna blóðugrar
uppreisnar sem hófst fyrir tólf
dögum. Jean-Bertrand Aristide,
forseti Haítí, hefur óskað eftir að-
stoð alþjóðasamfélagsins við að
binda enda á átökin.
Frakkar eru með bækistöðvar í
nágrenni Haítí og geta því brugð-
ist við með skömmum fyrirvara.
Franski utanríkisráðherrann
Dominique de Villepin segir að
Frakkar hafi rætt við bandamenn
sína hjá Sameinuðu þjóðunum og
skipað nefnd til að fara yfir málið.
Utanríkisráðherra Dóminíska
lýðveldisins, sem á landamæri að
Haítí, hefur beðið um aðstoð al-
þjóðasamfélagsins við að stilla til
friðar á svæðinu. Dóminíkar hafa
lokað landamærum sínum við
Haítí.
Uppreisnarmenn sem krefjast
afsagnar Aristides hafa náð flest-
um borgum í norðurhluta Haítí á
sitt vald. Lögreglumenn hafa flúið
suður á bóginn í leit að liðstyrk.
Að minnsta kosti 56 manns
hafa fallið síðan uppreisnin hófst
5. febrúar síðastliðinn. ■
Forseti með vini
á fréttastofunum
Ríkisreknu rússnesku fjölmiðlarnir hafa verið gagnrýndir fyrir að draga
upp svo jákvæða mynd af forsetanum að það líkist frekar áróðri en
fréttaflutningi. Á meðan brotni undan stoðum lýðræðisins.
RÚSSLAND „Ef það er engin augljós
stórfrétt byrjum við með fréttum
af forsetanum,“ sagði Mikhail Ant-
onov, aðalþulur fréttatíma ríkis-
reknu sjónvarpsstöðvarinnar
Rossiya, um fréttamat fréttastof-
unnar í viðtali við bandaríska dag-
blaðið The New York Times. Ríkis-
reknu rússnesku sjónvarpsstöðv-
unum hefur verið legið á hálsi að
vera afar hliðhollar Vladimír Pútín
forseta og halla mjög á aðra stjórn-
málamenn. „Það
er ekki okkar
starf að rökræða
eða dæma gjörð-
ir forseta okkar,“
sagði Antonov.
Steven Lee
Myers, blaða-
maður The New
York Times, tek-
ur nýlegan
fréttatíma Rossiya sem dæmi um
hvernig fjölmiðlarnir byggja upp
jákvæða ímynd af forsetanum. Eft-
ir upphafsstefið byrjar fréttatím-
inn á „ekki einni, heldur tveimur
fréttum, um það sem Pútín hefur
gert þann daginn: fund með stjórn-
arformanni Seðlabankans og annan
með utanríkisráðherra Ítalíu. Um-
mæli Pútíns birtast ekki í stuttum
bútum sem eru klipptir eftir þörf-
um heldur eins og langt ávarp,
óklippt og án spurninga frá frétta-
þulinum, andstæðingum Pútíns eða
nokkrum öðrum.“
Pútín, líkt og forveri hans Boris
Jeltsín, nýtur lítt gagnrýninnar
umfjöllunar ríkisfjölmiðla og
hefur því sterkari stöðu en keppi-
nautarnir. Þetta þýðir að Pútín gat
neitað að taka þátt í fyrirhuguðum
kappræðum forsetaframbjóðenda í
sjónvarpi. Við það varð ljóst að all-
ur kraftur yrði úr þeim og neituðu
aðrir frambjóðendur því að taka
þátt í þeim og líktu umstanginu í
kringum þær við skrípaleik.
„Þetta er allt áróður,“ sagði Irina
M. Khakamada, einn forsetafram-
bjóðendanna, við New York Times.
Það eru ekki aðeins stjórnmála-
menn á öndverðum meiði við
Pútín sem gagnrýna fjölmiðlaum-
fjöllunina. Það gerðu einnig kosn-
ingaeftirlitsmenn á vegum Örygg-
is- og samvinnustofnunar Evrópu
sem fylgdust með rússnesku þing-
kosningunum í desember. „Nær
ótakmarkaður aðgangur að fjöl-
miðlum ríkisins gaf stuðnings-
flokki Pútíns óeðlilegt forskot á
aðra flokka og frambjóðendur,“
sagði Bruce George, formaður
þingmannanefndar stofnunarinn-
ar, og sagði kosningabaráttuna
vera afturför frá lýðræðislegum
umbótum í Rússlandi. ■
Á GANGI Í BERLÍN
Evrópubúar vilja stjórnarskrá fyrir ESB en
vita ekki hvað er í henni.
Stjórnarskrá ESB:
Langflestir
fylgjandi
BRUSSEL, AP Nær fjórir af hverjum
fimm ríkisborgurum núverandi
ríkja Evrópusambandsins og þeirra
tíu ríkja sem verða aðilar innan
skamms eru fylgjandi því að ESB
verði sett stjórnarskrá samkvæmt
nýrri skoðanakönnun. Hins vegar
telur aðeins um fjórðungur sig vel
upplýstan um hvað verður að lík-
indum í henni eftir tveggja ára um-
ræður um stjórnarskrána.
Stuðningur við stjórnarskrá
Evrópusambandsins er mestur á
Ítalíu, þar sem hann mælist 92
prósent. Hann er hins vegar
minnstur í Bretlandi, aðeins 51
prósent.
Rúmur helmingur aðspurðra, 59
prósent, sá ekkert því til fyrirstöðu
að ríki sambandsins gengju misjafn-
lega langt í samrunaþróuninni. ■
NÍTJÁN KÍLÓ AF KÓKAÍNI Tollverð-
ir á flugvellinum í Damaskus í Sýr-
landi lögðu hald á nítján kíló-
grömm af kókaíni og handtóku
brasilíska konu og sýrlenskan karl-
mann. Áætlað söluverðmæti efnis-
ins er sem svarar rúmum 270 millj-
ónum íslenskra króna. Kókaínið
var falið í lítilli ferðatösku.
HERMENN Í RÚTUSLYSI 25 banda-
rískir hermenn slösuðust, þar af
fjórir alvarlega, þegar rúta valt
skammt frá herstöð í Kúvæt. Yfir-
völd í Kúvæt fara með rannsókn
slyssins.
Rússland:
Hanna nýtt
geimfar
MOSKVA, AP Rússneskir verkfræð-
ingar hafa hafist handa við að hanna
nýtt geimfar sem verður tvöfalt
stærra og þyngra en Soyuz-geim-
farið. Nýja geimfarið mun geta flutt
að minnsta kosti sex geimfara og
verður áhafnarrýmið endurnýtan-
legt. Þyngd farsins verður tólf til
fjórtán tonn í geimskoti.
Soyuz-geimfarið var hannað
seint á sjöunda áratugnum. Ekki
liggur fyrir hvenær smíði nýja
geimfarsins verður lokið. ■
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
NÝ SENDING
Toppar, blússur, bolir
NEYÐARÁSTAND
Uppreisnarmaður fylgdist með starfmönnum Alþjóða Rauða krossins þegar þeir komu
með sjúkragögn til Gonaives.
MAÐURINN MEÐ VÖLDIN
Líkt og af forvera hans Boris Jeltsín draga ríkisreknu sjónvarpsstöðvarnar upp afar
jákvæða mynd af Vladimír Pútín Rússlandsforseta.
„Það er ekki
okkar starf að
rökræða eða
dæma gjörðir
forseta okkar.
GENGI GJALDMIÐLA
Bandaríkjadalur 67,87 -0,22%
Sterlingspund 129,02 0,50%
Dönsk króna 11,70 0,49%
Evra 87,16 0,47%
Gengisvísitala krónu 119,54 0,00%
Kauphöll Íslands
Fjöldi viðskipta 432
Velta 15.783 milljónir
ICEX-15 2.441,53 0,70%
Mestu viðskiptin
Þorbjörn Fiskanes hf. 5.183.677
Landsbanki Íslands hf. 887.057
KB banki hf. 668.250
Mesta hækkun
Þorbjörn Fiskanes hf. 17,39%
Fjárfestingarfélagið Atorka hf. 3,96%
Tryggingamiðstöðin hf. 3,66%
Mesta lækkun
Hlutabréfamarkaðurinn hf. -3,11%
Eimskipafélag Íslands Hf. -0,55%
Austurbakki hf -0,22%
Erlendar vísitölur
DJ* 10.731,7 1,0%
Nasdaq* 2.083,5 1,5%
FTSE 4.461,5 1,2%
DAX 4.095,9 0,6%
NK50 1.357,7 0,1%
S&P* 1.158,7 1,1%
*Bandarískar vísitölur kl. 17.00