Fréttablaðið - 10.05.2004, Blaðsíða 8
8 10. maí 2004 MÁNUDAGUR
ÍTALSKIR TÓNAR Í PANAMA
Rómanska Ameríka er hrifin af ítalska
hjartaknúsaranum Eros Ramazzotti. Hér
syngur hann á hljómleikum í Panama á
föstudaginn var, en nýlega hóf hann
hljómleikaferð um heiminn til að kynna
nýju plötuna sína sem kallast „9“.
Akureyri:
Vorboðinn
ljúfi
INNLENT Fyrsti gestur sumarsins
kom á tjaldstæðið við Þórunnar-
stræti á Akureyri í gær. Segja má að
hann hafi komið með vorið með sér
því hríðarhraglandi og kuldi síðustu
daga hafði varla kvatt þegar þessi
kærkomni vorboði birtist.
Fyrsti tjaldbúi sumarsins heitir
Dan Austin og kemur frá Utah í
Bandaríkjunum. Hann er sjálfstæð-
ur kvikmyndagerðarmaður sem
vinnur talsvert fyrir umboðsaðila
66 gráða norður í Bandaríkjunum
og er nú á hringferð um landið.
„Þetta er dásamlegt land og
fegurðin er alls staðar,“ segir
hann og kveðst hafa rekist á þetta
auða tjaldstæði og ákveðið að slá
upp tjaldi. Hann lætur það ekki á
sig fá að ekki er búið að opna
tjaldstæðið formlega, en hyggst
ljúka hringferð sinni um landið í
dag og aka sem leið liggur til
Reykjavíkur. ■
Segja héraðsdóm hafa
átt að vera fjölskipaðan
Mál tveggja lögreglumanna sem dæmdir voru í Héraðsdómi Reykjavíkur í fimm og tveggja mánaða
fangelsi, skilorðsbundið til tveggja ára, var flutt í Hæstarétti í gær. Verjendur gagnrýndu rannsókn
málsins og að héraðsdómur skuli ekki hafa verið fjölskipaður þegar málið var til meðferðar þar.
DÓMSMÁL Mál tveggja lögreglu-
manna, sem voru dæmdir í Hér-
aðsdómi Reykjavíkur í byrjun
desember í fimm og tveggja mán-
aða fangelsi, skilorðsbundið til
tveggja ára, var flutt fyrir Hæsta-
rétti í gær. Verjendur í málinu
gagnrýndu rannsókn málsins og
að héraðsdómur skuli ekki hafa
verið fjölskipaður þegar málið
var til meðferðar þar.
Krefst þyngri refsingar
Mennirnir, þeir Þórjón Pétur
Pétursson og Þórir Marinó Sig-
urðsson, voru báðir fundnir sekir
um ólöglegar
handtökur á síð-
asta ári auk
rangrar skýrslu-
gerðar vegna
þeirra. Þá var
annar þeirra ein-
nig dæmdur fyrir
að beita úðavopni
án tilefnis.
S a k s ó k n a r i
krafðist þyngri
refsingar fyrir
Hæstarétti í gær
og tók fram að
lögreglumennirn-
ir hafi reynt að
réttlæta gerðir
sínar með röng-
um skýrslum.
Verjendur mann-
anna fóru fram á sýknu og að
bótakrafa yrði felld niður. Til vara
var þess krafist að héraðsdómur-
inn yrði ómerktur og þrautar-
krafa var að refsing mannanna
yrði sú vægasta sem lög leyfðu.
Villimennska í miðborginni
um helgar
Þórunn Guðmundsdóttir,
verjandi Þórjóns, sagði villi-
mennsku ríkja í miðbæ Reykja-
víkur að næturlagi um helgar
og það væri skylda lögreglu-
manna að sjá til þess að mann-
lífið gengi sem best fyrir sig.
Hún gagnrýndi að myndir úr
öryggismyndavél, sem sak-
sóknari notaði máli sínu til
stuðnings, frá því að mennirnir
tveir handtóku par fyrir utan
Amsterdam í Tryggvagötu,
væru án hljóðs. Án hljóðsins
væri erfitt að leggja mat á
hversu eldfimt andrúmsloftið
hefði verið þegar handtökurnar
áttu sér stað. Auk þess væri
ekki hægt að sjá allt umhverfið
og því ekki hversu margir
hefðu verið á svæðinu en í
dómnum var gagnrýnt að
mennirnir hefðu notað orðið
múgæsingur í skýrslum. Þá
segir hún lögreglumennina
hafa þurft að ákveða gerðir sín-
ar á augabragði. Fólkið sem
handtekið var hafi brugðist illa
við afskiptum lögreglu og því
aldrei að vita hvað það hefði
gert ef vegfarandi
hefði spurt það
hvað klukkan
væri. Lögreglu-
mönnunum hafi
einfaldlega bor-
ið skylda til að
hafa afskipti af
fólkinu og þar
sem mað-
urinn hafi verið dónalegur og
æstur hafi þurft að taka hann
úr umferð þar til hann yrði ró-
legur. Einn dómara Hæstarétt-
ar spurði saksóknara af hverju
afskipti lögreglumannanna
hefðu ekki verið réttlætanleg
þar sem fólkið hafi brugðist illa
við fyrirmælum lögreglu þegar
það hafi verið beðið um að færa
sig af götunni og upp á gang-
stétt.
Horft fram hjá vitnisburði lög-
reglumanna
Stuttu eftir að maðurinn og
konan voru handtekin fyrir
framan veitingastaðinn Amster-
dam í Tryggvagötu beitti Þórjón
úðavopni á mann sem hafði af-
skipti af handtöku konunnar.
Saksóknari segir það hafa verið
gert í hefndarskyni því engin
ástæða hafi verið fyrir notkun
úðans. Þórjón segir manninn
hafa verið mjög ógnandi og
sjálfur hafi hann verið hræddur
um að meiðast. Þórunn gagnrýn-
ir að í héraðsdómnum sé einung-
is sé horft til framburðar vitna
sem ekki eru lögreglumenn,
vitna sem flest voru undir áhrif-
um áfengis. Ekki sé tekið mið af
öðrum lögreglumönnum sem
komu að málinu því orðum þeir-
ra beri saman um að ástandið
hafi verið nokkuð eða mjög eld-
fimt. Þá sagði Þórunn að heimilt
væri að nota úðavopn þegar
heimilt væri að nota kylfu og
heimilt væri að nota kylfu þegar
menn reyndu að koma í veg fyrir
handtöku. Maðurinn sem beittur
var úðanum hafi reynt að hindra
konuna sem handtekin var.
Ekki talað við starfsfólkið
Þórjón var einnig sakfelldur
fyrir handtöku á manni sem tók
mynd af honum inni á veitinga-
staðnum Nonnabita. Þórunn
gagnrýndi að ekki hefðu verið
teknar skýrslur af starfsfólki
Nonnabita fyrir dómi. Þar hefði
starfsmaður getað borið vitni
um að eftir að maðurinn sem tók
myndina losnaði úr haldi hafi
hann komið aftur á veitingastað-
inn. Hann hafi borið sig vel og
talað um að faðir hans væri
valdamikill og hann skyldi sjá til
þess að lögreglumennirnir mis-
stu vinnuna. Saksóknari segir
enga ástæðu hafa verið til að
handtaka manninn. Ef Þórjóni
hafi mislíkað
ágengni manns-
ins og að mynd
hafi verið tekin
af honum hefði
hann getað leitt
það hjá sér í stað
þess að skapa
vandræði. ■
Yfirheyrslur:
Pentagon leyfði
20 mismunandi
aðferðir
WASHINGTON, AP Bandaríska varn-
armálaráðuneytið setti og sam-
þykkti ákveðin viðmið um hversu
langt skyldi ganga í yfirheyrslum
yfir meintum hryðjuverkamönn-
um á Guantanamo og í Írak. Með-
al þess sem fangar voru látnir
gangast undir og féll undir sam-
þykktir Pentagon var svefnskerð-
ing á mismunandi tímum auk þess
sem fangarnir voru berskjaldaðir
fyrir kulda, hita, háværri tónlist
og björtum ljósum. Alls eru 20 að-
ferðir leyfðar samkvæmt lista
ráðuneytisins. ■
„Þórunn
gagnrýnir að
í héraðs-
dómnum sé
einungis sé
horft til
framburðar
vitna sem
ekki eru lög-
reglumenn,
vitna sem
flest voru
undir áhrif-
um áfengis.
– hefur þú séð DV í dag?
Fýsilegustu
kvenkostir
bæjarins
EGILSSTAÐIR
Héraðsbúar kjósa um sameiningu Austur-
Héraðs, Fellahrepps, Fljótsdalshrepps og
Norður-Héraðs, samhliða forsetakosning-
um í sumar.
Sameining sveitarfélaga
á Austurlandi:
Kosið í sumar
SAMEINING Samstarfsnefnd um sam-
einingu Austur-Héraðs, Fella-
hrepps, Fljótsdalshrepps og Norð-
ur-Héraðs, í umdæmi sýslumanns-
ins á Seyðisfirði, hefur ákveðið að
atkvæðagreiðsla fari fram um sam-
einingu þessara sveitarfélaga í eitt
sveitarfélag. Sveitarstjórnir þess-
ara sveitarfélaga hafa fallist á til-
lögu nefndarinnar um að atkvæða-
greiðslan fari fram samhliða fyrir-
huguðum forsetakosningum 26. júní
2004. Ef sameining verður sam-
þykkt verður til rúmlega 3.000
manna sveitarfélag á Héraði.
Utankjörfundaratkvæðagreiðsla
um tillögu samstarfsnefndar er
þegar hafin og er unnt að greiða at-
kvæði utan kjörfundar hjá sýslu-
mönnum um land allt, sendiráðum,
fastanefndum hjá alþjóðastofnun-
um og ræðismönnum. ■
Ástralía:
Löggan í
skýjunum
ÁSTRALÍA, AP Ástralía og Bandaríkin
hafa skrifað undir samning þess
efnis að um borð í öllu áætlunar-
flugi milli landanna verði einn eða
fleiri vopnaðir lögregluþjónar.
Munu þeir hefja störf innan
tveggja vikna en vopnaðir lög-
gæslumenn af þessu tagi starfa nú
þegar í öllu innanlandsflugi og
einnig í vélum er fljúga milli Singa-
púr og Ástralíu. Viðræður eru uppi
um frekara samstarf af þessu tagi
við Breta og Kanadamenn. ■
DAN AUSTIN
Fyrsti tjaldbúinn á Akureyri kom hingað frá Utah í Bandaríkjunum.
ÞÓRJÓN PÉTUR PÉTURSSON
Verjandi Þórjóns segir myndir úr
öryggismyndavél sem saksókn-
ari notaði máli sínu til
stuðnings hafi verið án
hljóðs og því sé erf-
iðara að meta
hvernig ástandið
hafi verið þegar
handtökur og
notkun úða-
vopns áttu sér
stað.
ÞÓRIR MARINÓ
SIGURÐSSON
Helgi Jóhannesson,
verjandi Þóris, segir
lögreglumennina
verða að njóta
vafans því ekki sé
augljóst að þeir
hafi farið út fyrir
leyfilegan
ramma þegar
handtökur fyrir
utan Amster-
dam hafi átt
sér stað.
Fréttaskýring
HJÖRDÍS RUT
SIGURJÓNS-
DÓTTIR
■ skrifar um máls-
meðferð tveggja
lögreglumanna fyrir
Hæstarétti.