Fréttablaðið - 23.03.2004, Síða 30

23. mars 2004 ÞRIÐJUDAGUR
Leeds United:
Þarf þrjú til fjögur ár
FÓTBOLTI „Þjáningunum er ekki lok-
ið,“ sagði Gerald Krasner, nýr
stjórnarformaður Leeds United.
„Við losnuðum úr gjörgæslu á föstu-
dag og erum nú í endurhæfingu. Við
þurfum þrjú til fjögur ár til að
vinna úr málum og lagfæra það sem
hefur verið eyðilagt.“
„Ég ætla ekki að gefa út yfirlýs-
ingar um einstaka leikmenn,“ sagði
Krasner þegar hann var spurður
um framtíð leikmanna á borð við
Alan Smith og Mark Viduka. „Við
þurfum að reikna með ákveðnum
tekjum af sölu leikmanna ef við
höldum sæti okkar í úrvalsdeildinni
og annarri tölu ef við föllum.“
Vandræði Leeds eru rakin til
stjórnarára Peters Ridsdale og
Davids O’Leary. Fyrir fáum árum
var félagið í fremstu röð á
Englandi og gekk vel í Evrópu-
keppnum en gæfan snerist því í
óhag á undraskömmum tíma. „Það
er ótrúlegt hversu fljótt félagið
varð að athlægi,“ sagði Krasner.
„Félagið hefur verið meðal þriggja
neðstu næstum alla leiktíðina,
næstum gjaldþrota og að mínu
mati fórnarlamb óstjórnar.“
Krasner sagði að Leeds hefði orðið
gjaldþrota ef nýir eigendur hefðu
ekki gripið inn í og þá hefði verið
skylda skiptastjóra að selja Elland
Road fyrir hæsta mögulega verð.
„Á föstudag leystist úr málum fé-
lagsins og Elland Road verður
heimili Leeds United svo lengi sem
ég verð stjórnarformaður.“ ■
Rio Ferdinand:
Áfrýjar ekki
FÓTBOLTI „Mín fyrstu viðbrögð
voru að halda áfram en mér finnst
það ekki þjóna nokkrum tilgangi
að draga þetta meira á langinn,“
sagði Rio Ferdinand, leikmaður
Manchester United. „Mér finnst
enn að bannið hafi verið strangt
og að ég hafi verið gerður að
blóraböggli. En ég hef ákveðið að
nú sé mál að linni.“
Ferdinand var sem kunnugt er
dæmdur í átta mánaða leikbann
fyrir að mæta ekki í lyfjapróf í
haust og hann var síðan dæmdur
af sérskipaðri aganefnd í desem-
ber. Hann áfrýjaði dómnum en í
síðustu viku komst önnur nefnd
að því að dómurinn skyldi standa.
Ferdinand hefur ekkert leikið
með United síðan í janúar og leik-
ur ekki með félaginu fyrr en upp
úr miðjum september.
„Ég þurfti nokkra daga til að
jafna mig og mér finnst að sumir
hafi brugðist mér,“ sagði Ferdin-
and. „Ég er yfirleitt brosandi en
þett skildi eftir beiskt bragð.“
Hann bendir á að lyfjaneysla
hafi ekki sannast á hann í mála-
ferlunum. „Allir eru sammála um
það og það er mér mikilvægt,“
sagði Ferdinand. „Mér finnst að
mér hafi tekist að hreinsa nafn
mitt af því.“
Ferdinand hefur sætt sig við
orðinn hlut og hefur heitið því að
snúa til leiks að nýju sterkari en
nokkru sinni fyrr. „Ég er staðráð-
inn í því. Ég efast ekki um að
þegar þessu lýkur verð ég sterk-
ari leikmaður og betri einstak-
lingur,“ sagði Ferdinand. „Ég
held áfram að æfa til loka leiktíð-
ar vegna þess að ég vil taka þátt í
þessu. Ég gefst aldrei upp. Ég hef
aldrei hætt við neitt og ég verð
að vera jákvæður,“ sagði Ferdin-
and. ■
Werder meistari
í fjórða sinn?
Bæjarar eru úrkula vonar um að ná Werder Bremen
og segja það sitt verkefni að verja annað sætið.
FÓTBOLTI „Okkar verkefni er að
verja annað sætið,“ sagði Oliver
Kahn, markvörður og fyrirliði
Bayern München, eftir leiki helgar-
innar. Bayern gerði jafntefli við
Hertha í Berlín en Werder Bremen
vann enn og aftur og hefur nú ellefu
stiga forskot. Ottmar Hitzfeld,
þjálfari Bæjara, tók í sama streng.
„Áður var hlægilegt að tala um titil-
inn en núna er það hrein útópía,“
sagði Hitzfeld.
Bæjarar segjast úrkula vonar
um að verja titilinn sem þeir unnu
í 18. sinn í fyrra. Þeir eru ellefu
stigum á eftir Werder þegar níu
leikir eru eftir og þó að vonin sé
veik er enn möguleiki. Werder á
eftir að leika gegn toppliðunum,
Bayern, Stuttgart, Leverkusen og
Bochum, einnig Freiburg,
Hamburg og Rostock sem eru um
miðja deild og botnbaráttu-
liðunum Frankfurt og Hannover.
En haldi fram sem horfir gæti
Werder tryggt sér titilinn í heima-
leik gegn erkifjendunum í Ham-
borg 1. maí eða í útileik gegn
Bayern München viku síðar.
Werder náði forystu í
Búndeslígunni um miðjan desem-
ber en efsta sætið þegar mótið er
hálfnað hefur löngum vitað á
meistaratitil í Þýskalandi. Eftir
áramót hefur Werder bætt jafnt
og þétt við forystuna og fjórði tit-
illinn í sögu félagsins blasir við.
Leikmenn Werder eru fjölþjóð-
legur hópur eins og hjá öllum fé-
lögum í fremstu röð. Í markinu
stendur gamalreynd kempa,
Andreas Reinke. Hann hefur leik-
ið á Spáni og Grikklandi og með
fimm þýskum félögum. Í vörninni
eru Kanadamaðurinn Paul Stalt-
eri, Frakkinn Valérien Ismaël,
Serbinn Mladen Krstajic og
heimalningurinn Christian
Schulz.
Á miðjunni eru þýski landslisð-
maðurinn Frank Baumann, ung-
verski landsliðsmaðurinn Kriszti-
an Lisztes, sem kom frá Stuttgart,
og Þjóðverjinn Fabian Ernst.
Frakkinn Johan Micoud, sem áður
var á mála hjá Parma, Bordeaux
og Cannes, leikur milli miðju og
sóknar.
Fremstir eru Króatinn Ivan
Klasnic og Ailton sem er Brasilíu-
maður þrátt fyrir einlægan ásetn-
ing að gerast katarskur ríkisborg-
ari.
Aðrir sem hafa komið mest við
sögu eru Tim Borowski, Grikkinn
Angelos Charisteas, Paragvæinn
Nelson Valdez og Tyrkinn Ümit
Þjálfarinn Thomas Schaaf hefur
helgað Werder Bremen mestallt
sitt líf. Hann lék 262 leiki með
Werder á árunum 1978 til 1995 og
þjálfaði unglingalið og áhuga-
mannalið félagsins áður en hann
gerðist þjálfari aðalliðsins vorið
1999. ■
LEEDS UNITED
Þjáningunum er ekki lokið, sagði nýr
stjórnarformaður félagsins.
RIO FERDINAND
„Ég efast ekki um að þegar þessu lýkur
verð ég sterkari leikmaður og betri einstak-
lingur.“
AILTON
Brasilíumaðurinn Ailton hefur skorað 22 mörk í Búndeslígunni í vetur.