Fréttablaðið - 30.03.2004, Blaðsíða 2

2 30. mars 2003 ÞRIÐJUDAGUR
„Já – ég get ekki sagt annað.“
Elías Einarsson veitingamaður fékk innbúið í
ráðstefnusölum ríkisins gefins um áramótin. Nú
hefur heilbrigðis- og tryggingaráðuneytið keypt til
baka muni fyrir um þrjár milljónir króna.
Spurningdagsins
Elías, er gott að eiga í viðskiptum við
ríkið?
Um 66% samþykktu
kjarasamninginn
Nær tveir af hverjum þremur aðildarmanna Starfsgreinasambandsins
og Flóabandalagsins samþykktu kjarasamningana. Tvö félög eru
samningslaus. Þátttaka í kosningunum var alls um 25%.
KJARASAMNINGAR Nýgerður kjara-
samningur milli Starfsgreinasam-
bandsins og Samtaka atvinnulífs-
ins var samþykktur með drjúgum
meirihluta í póstkosningu. Niður-
staða kjörsins var kynnt í gær og
samþykktu um sextíu og átta pró-
sent þeirra sem greiddu atkvæði
samninginn en tæp tuttugu og níu
prósent sögðu nei. Samningurinn
var einnig samþykktur með
drjúgum meirihluta hjá aðildar-
félögum Flóabandalagsins en þar
samþykktu sextíu og fjögur pró-
sent kjósenda samninginn. Séu
Flóabandalagið og Starfsgreina-
sambandið tekin saman var stuðn-
ingurinn 66 prósent.
Aðeins tæpur fimmtungur
félagsmanna hjá Flóabandalaginu
greiddi atkvæði í póstkosning-
unni. Þátttaka í kosningunni var
tæplega 32 prósent hjá Starfs-
greinasambandinu og segir Skúli
Thoroddsen, framkvæmdastjóri
sambandsins, það sé frekar gott
miðað við það sem gengur og ger-
ist.
„Niðurstaðan er mjög afger-
andi og bendir til þess að menn
hafi verið frekar sáttir við samn-
inginn,“ segir hann.
Tvö aðildarfélög Starfsgreina-
sambandsins; Vökull í Austur-
Skaftafellssýslu og sunnanverð-
um Austfjörðum, og Drífandi í
Vestmannaeyjum felldu samning-
ana – bæði með naumum meiri-
hluta.
Arnar Hjaltalín, formaður
Drífandi í Vestmannaeyjum, seg-
ist telja að ástæða þess að þar hafi
menn fellt samninginn sé að við-
auki sem Eyjamenn hafi samið
um árið 1988 hafi verið felldur út.
Hann segir að kaupaukning sem
um var samið hafi ekki verið
nægilega mikil til þess að það
réttlæti að aðildarmenn Drífandi
gæfu eftir þau réttindi sem fólust
í viðaukanum.
Hjördís Þóra Sigurþórsdóttir,
formaður Vökuls, segir að forysta
félagsins hafi hvorki mælt með
samningnum né gegn honum.
„Mitt mat er það að fólki hafi ekki
þótt hækkanirnar nógu miklar,“
segir hún. Að sögn Hjördísar Þóru
er einnig óánægja með að ekki
hafi verið tryggt að persónu-
afsláttur þróaðist í samræmi við
laun.
Þessi félög þurfa nú að hefja
vinnu við eigin samningsgerð þar
sem aðildarmenn þeirra eru án
kjarasamnings.
thkjart@frettabladid.is
Stjórnarflokkarnir biðu afhroð í héraðskosningum:
Óvissa um framtíð
forsætisráðherrans
FRAKKLAND Jacques Chirac Frakk-
landsforseti,hélt neyðarfund með
forsætisráðherranum Jean-Pierre
Raffarin eftir að stjórnarflokkarn-
ir biðu afhroð í seinni umferð hér-
aðskosninganna í Frakklandi.
Óvissa ríkir um framtíð Raffarins
í embætti forsætisráðherra.
Sósíalistar og bandamenn þeir-
ra fengu helming atkvæða í kosn-
ingunum og eru nú í meirihluta í 20
af 22 héraðsstjórnum í miðju
Frakklandi. Hægri flokkarnir, sem
styðja Chirac, fengu aðeins tæp
37% atkvæða.
Litið er svo á að franskir kjós-
endur hafi verið að mótmæla efna-
hagsumbótum Chiracs og frönsku
ríkisstjórnarinnar. Stjórnmála-
skýrendur segja að búast megi við
því að Chirac geri miklar breyting-
ar á ríkisstjórninni og Raffarin
verði látinn víkja.
Enn eru þrjú ár til þing- og for-
setakosninga í Frakklandi en
stjórnarflokkarnir eru með traust-
an meirihluta á þinginu. ■
Kjarnorkuáætlun Írans:
Láta undan
þrýstingi
ÍRAN, AP Talsmenn Íransstjórnar segja
að þar hafi framleiðslu á skilvindum
til auðgunar á úrani verið hætt.
Ákvörðunin kemur í kjölfar heim-
sóknar eftirlitsmanna frá Alþjóða
kjarnorkumálastofnuninni. Auðgað
úran er notað til að framleiða kjarn-
orku.
Embættismenn í Íran segja
ákvörðunina vera tilkomna vegna
samninga við Evrópuríki og til þess
að auka traust alþjóðasamfélagsins
til Íran. Bandaríkjamenn hafa ásakað
Íran um að vinna að því að koma sér
upp kjarnorkuvopnum sem brýtur í
bága við alþjóðlega samninga. Íranir
hafa hafnað þessu. ■
Skattalagabrot:
Sektaður um
16 milljónir
DÓMSMÁL Tæplega sextugur mað-
ur var dæmdur í tveggja mán-
aða fangelsi, skilorðsbundið til
tveggja ára, í Héraðsdómi
Reykjavíkur í gær, fyrir brot
gegn lögum um virðisaukaskatt
og um staðgreiðslu opinberra
gjalda. Hann var einnig dæmd-
ur til að greiða sextán og hálfa
milljón krónur í sekt og átta
mánaða fangelsi til vara.
Maðurinn stóð ekki skil á
virðisaukaskatti að upphæð um
þremur og hálfri milljón króna
bæði í eigin nafni og í nafni fyr-
irtækis sem hann var fram-
kvæmdastjóri fyrir. Virðisauka-
skattinn hafði hann þó innheimt
í atvinnustarfsemi sinni. Þá stóð
hann ekki skil á opinberum
gjöldum starfsmanna sinna er
námu um fimm milljónum
króna. Maðurinn játaði sök. ■
Héraðsdómur Reykjavíkur:
Síbrotakona
í fangelsi
DÓMSMÁL Rúmlega tvítug kona
var dæmd í þriggja mánaða
fangelsi, í Héraðsdómi Reykja-
víkur í gær, fyrir þjófnað, til-
raunir til þjófnaðar og fíkni-
efnabrot. Alls hljóðaði dómur-
inn upp á 12 mánaða fangelsi en
níu mánuðir refsingarinnar eru
skilorðsbundnir til þriggja ára.
Konan var sakfelld fyrir
fimm þjófnaðarbrot en hún stal
matvöru, fatnaði og snyrtivör-
um að verðmæti um 175 þúsund
króna. Þá var hún sakfelld fyrir
tvær tilraunir til þjófnaðar og
eitt fíkniefnabrot.
Konan hefur áður hlotið
fimm dóma og eina ákærufrest-
un fyrir rán, þjófnað og fíkni-
efnabrot. ■
Dæmdur fyrir
hnífstungu:
Stakk konu
í brjósthol
DÓMSMÁL Maður á fimmtugs-
aldri var dæmdur í 18 mánaða
fangelsi fyrir að stinga konu
með hnífi í brjósthol á aðfanga-
dagskvöld árið 2002. Þá er hon-
um gert að greiða konunni sem
er á sextugsaldri 300 þúsund
krónur í miskabætur auk sakar-
kostnaðar.
Maðurinn og konan voru
bæði ölvuð og undir áhrifum
lyfja þegar atvikið átti sér stað.
Önnur kona var gestkomandi í
íbúðinni og hófust átökin upp-
haflega á milli kvennanna tveg-
gja. Konan sem varð fyrir
stungunni vissi ekki af sér fyrr
en hún lá á gólfinu.
Fram kemur í dómnum að
maðurinn á langan sakaferil að
baki þar á meðal hefur hann
tvisvar hlotið dóm fyrir líkams-
árás. ■
Fyrrum framkvæmdastjóri Tryggingasjóðs lækna:
Ákærður fyrir 76 millj-
ón króna fjárdrátt
DÓMSMÁL Fyrrverandi fram-
kvæmdastjóri Tryggingasjóðs
lækna hefur verið ákærður af Rík-
islögreglustjóra fyrir fjárdrátt
samtals að upphæð tæplega 76
milljónir króna á árunum
1992–1999. Þá er hann einnig
ákærður fyrir bókhaldsbrot frá ár-
inu 1992–2001.
Tryggingasjóður lækna gerir þá
kröfu að framkvæmdastjórinn
verði dæmdur til að greiða sjóðnum
um 47,5 milljón króna. En hann
hafði endurgreitt hluta þess fé sem
hann hafði dregið sér. Þá er þess
krafist í ákærunni að framkvæmda-
stjórinn verði dæmdur til refsingar
og verði sviptur réttindum til að
starfa sem löggiltur endurskoðandi.
Þær 76 milljónir króna sem
framkvæmdastjórinn fyrrverandi
er ákærður fyrir að draga sér not-
aði hann heimildarlaust í eigin
þágu. Tæplega 67 milljónir af heild-
arupphæðinni millifærði ákærði, af
reikningi Tryggingasjóðsins, inn á
eigin reikning og inn á reikning
einkahlutafélags síns.
Í ákæru segir að framkvæmda-
stjórinn fyrrverandi hafi með
skipulögðum hætti rangfært bók-
hald sjóðsins og ársreikninga í þeim
tilgangi að leyna fjárdrætti sínum.
Ýmist með því að færa ranglega að
keypt hefðu verið verðbréf fyrir
sömu fjárhæð og hann dró sér
hverju sinni, skrá í bókhald að um
endurgreidd iðngjöld væri að ræða.
Þá er hann sagður hafa fært niður
skuldabréf í bókhaldi sjóðsins líkt
og greiðslur bærust í sjóðinn vegna
þeirra eða með því að skrá að
greiðslur frá Tryggingastofnun rík-
isins væru enn ógreiddar. ■
RAFFARIN OG CHIRAC
Jacques Chirac Frakklandsforseti fundaði í
gær með forsætisráðherranum
Jean-Pierre Raffarin um niðurstöður
héraðskosninganna.
VIÐ SAMNINGABORÐIÐ
Samningar tókust mili Samtaka atvinnulífsins og stærstu verkalýðsfélaga aðfaranótt 8.
mars síðastliðinn. Aðildarfélög – öll nema tvö – hafa nú samþykkt samninginn.
ROCKNES KOMIÐ Á RÉTTAN
KJÖL Björgunarmenn hafa
fundið lík annars skipverjanna
tveggja sem saknað var eftir að
flutningaskipið Rocknes fórst
undan ströndum Noregs 19. jan-
úar. Skipinu hefur verið komið
á réttan kjöl en verið er leita
leiða til að halda því stöðugu.
Átján menn fórust með Rock-
nes en lík eins þeirra er enn
ófundið.
Landsvirkjun og
landeigendur:
Ræða saman
um lausn
UMHVERFISMÁL Viðræður standa
yfir milli Landsvirkjunar og
Landeigandafélags Laxár og
Mývatns um sameiginlega ósk
um að umdeilt bráðabirgða-
ákvæði í lagafrumvarpi um
verndun Laxár og Mývatns
verði fellt út. Þetta kom fram í
fréttum RÚV í gær.
Bjarni Bjarnason, fram-
kvæmdastjóri orkusviðs hjá
Landsvirkjun, segir í samtali við
Fréttablaðið að viðræður standi
yfir. „Við erum að tala saman.
Það er ekki kominn botn í þetta.
Vonandi klárast það á næstu
dögum,“ segir hann. ■
■ Norðurlönd
LAXÁRVIRKJUN
Ósátt er um ákvæði í frumvarpi um Laxá.