Fréttablaðið - 30.03.2004, Blaðsíða 19
19ÞRIÐJUDAGUR 30. mars 2004
Ég starfa í apóteki og tek í bók-hald líka. Seturnar við skrif-
borðið hafa ekkert að segja. En
langar stöður við afgreiðslu reyna
mjög á hrygginn. Þetta stafar af
vöðvaspennu, einhvers konar gigt,
en vöðvarnir bólgna þá upp, herp-
ast og styttast og herða að
hryggsúlunni.“ Segir Guðný Guð-
mundsdóttir, sem hefur nýtt sér
meðferð kírópraktors undanfarin
ár með góðum árangri. „Ég sótti
sjúkraþjálfun, leitaði hjálpar
nuddara og nýtti heita bakstra.
Með slíkri meðferð tók þursabitið
heilan mánuð að jafna sig. Katrín
kom mér aftur á móti í lag á einni
viku.“ Guðný sækir tíma hjá
Katrínu einu sinni í mánuði og
segir að slík meðferð þjóni til-
gangi viðhalds. Þannig komi hún í
veg fyrir að óþægindi í baki taki
sig upp að nýju. „Auðvitað kemur
fyrir að ég fæ lítilsháttar baktak,
en þetta lagast alltaf við fyrstu
meðferð. Með þessu móti gengur
bataferlið miklu hraðar fyrir sig
en áður. Katrín kom mér algerlega
til bjargar á sínum tíma og mér
dettur ekki til hugar að leita ann-
að.“ Það sem Guðný segir sér hafa
komið hvað mest á óvart eru kald-
ir bakstrar, sem lagðir eru á bakið.
„Maður var alltaf að bjástra við
þessa heitu bakstra. Katrín sagði
mér hins vegar að leggja kaldra
bakstra á bakið og þannig fóru
bakverkirnir að minnka. Hér áður
fyrr lá maður fyrir í lengri tíma,
þegar þursabitið tók sig upp, en í
dag tekur þetta um það bil tvo
meðferðartíma.“ ■
Hvernig heldurðu þér í formi?:
Set mér sífellt ný markmið
Garðar Hilmarsson hefur ífimm ár hlaupið með skokk-
hóp undir leiðsögn Péturs Inga
Franzsonar, sem er á vegum
l íkamsræktars töðvar innar
Lauga.
„Ég hef hreyft mig mikið
gegnum tíðina en samt átt í basli
við þyngdina. Ég hjólaði mikið
áður og var í körfubolta en það
hafði ekki nein áhrif á þyngdina.
Ég var 110 kíló þegar ég byrjaði
hérna en er nú kominn í 85 kíló.
Þetta hefur verið að gerast jafnt
og þétt,“ segir Garðar.
„Hvað varðar þyngdarstjórn-
un er þetta er sú hreyfing sem
hefur virkað best fyrir mig. Mér
finnast hlaupin gefa mér mestu
stöðugu hreyfinguna allan tím-
ann sem ég er að og ég hef meira
verið að einbeita mér að
brennslu en að auka hraðann.
Mataræðið breytist aðeins líka
því það er erfitt að hlaupa þegar
maður er þungur.“
Garðar hleypur fimm til sjö
sinnum í viku. „Stundum hleyp
ég tvisvar á dag en ég reyni
alltaf að taka minnst einn frí-
dag.“ Hann segir félagsskapinn
hafa mikil áhrif. „Þarna hittist
hópur af fólki með svipuð áhuga-
mál og við kynnumst líka fólki í
öðrum hlaupahópum. Til dæmis
fóru margir frá Íslandi til Búda-
pest í maraþon síðasta haust. Þar
hitti ég fullt af nýju fólki,“ segir
Garðar. „Það gekk bara vel, en ég
var ekki mikið að hugsa um tíma.
Þetta var fimmta maraþonið mitt
á einu ári og ég var bara að njóta
þess að vera með.“
Garðar segist alls ekki hafa
byrjað með það að markmiði að
taka þátt í maraþoni. „Ég var
bara að hugsa um heilsuna og
var til dæmis mjög feginn þegar
ég komst tíu kílómetra. En síðan
leiddi eitt af öðru og maður setur
sér sífellt ný markmið. Þetta er
skemmtilegt og svo er allt annað
líf að vera svona nálægt kjör-
þyngd.“ ■
GARÐAR HILMARSSON
Hefur verið í skokkhóp í fimm ár og smám saman farið úr 110 í 85 kíló.
GUÐNÝ GUÐMUNDSDÓTTIR
Kaldir bakstrar kírópraktorsins komu mér einna helst á óvart.
Bakverkurinn burt í einni andrá:
Lagast alltaf við
fyrstu meðferð
Fræðslufundur:
Léleg sjálfsmynd
vegna fötlunar
Félag CP á Íslandi heldurfræðslufund í kvöld þar sem
fjallað verður um vanlíðan og lé-
lega sjálfsmynd vegna fötlunar og
hegðunarvandamála. Fyrirlesarar
verða sálfræðingarnir Inga
Hrefna Jónsdóttir, Reykjalundi,
Guðríður Haraldsdóttir, skóla-
skrifstofu Mosfellsbæjar, og
Katrín Einarsdóttir, Greiningar- og
ráðgjafarstöð ríkisins. Einnig mun
Hildur Bergsdóttir, nemi í félags-
ráðgjöf, kynna niðurstöður könn-
unar sem hún gerði í samstarfi við
Greiningarstöðina og CP-félagið.
Félagið CP á Íslandi var stofnað
í október 2001 og eru félagar rúm-
lega 200, fatlaðir, ættingjar þeirra,
fagfólk og aðrir sem láta sig málið
varða. CP er skammstöfun fyrir
cerebral palsy (einnig nefnt heila-
lömun) sem vísar til skaða sem
verður á heila á meðgöngu, í fæð-
ingu eða rétt eftir fæðingu.
Fundurinn verður í kvöld
klukkan 20 í húsi Styrktarfélags
lamaðra og fatlaðra, Háaleitis-
braut 11–13. ■