Fréttablaðið - 15.07.2004, Blaðsíða 6
6 15. júlí 2004 FIMMTUDAGUR
Eimskipafélag Íslands:
Uppsagnir vegna skipulagsbreytinga
VIÐSKIPTI Eimskipafélag Íslands
hefur tilkynnt að í gær hafi verið
fækkað um fjörutíu til fimmtíu
stöðugildi hjá félaginu en nú
stendur yfir vinna við endur-
skipulagningu hjá félaginu. Ekki
er vitað hversu mörgum verður
sagt upp vegna breytinganna en
þær verða kynntar í lok mánaðar-
ins þegar sex mánaða uppgjör fé-
lagsins liggur fyrir.
„Við erum að vinna í endur-
skipulagningu á félaginu og þetta
er í raun afleiðing af nýju skipu-
lagi. Síðan erum við að endur-
skoða alla þætti starfseminnar.
Það er í raun það hlutverk okkar
sem við fengum frá nýjum eig-
endum og stjórn að auka arðsemi
og vöxt félagsins og eftir því
erum við að vinna,“ segir Baldur
Guðnason forstjóri Eimskips.
Hann segir að töluverður hóp-
ur starfsmanna hafi komið að end-
urskipulagningunni og samstarf
við fulltrúa starfsmanna hafi ver-
ið gott.
„Það er alltaf erfitt að standa í
svona breytingum, sérstaklega
þegar þær snúa að starfsfólki. Við
erum að reyna að aðstoða þá sem
missa vinnuna eins og við getum,“
segir hann. ■
Uppgangurinn dregur
ekki úr atvinnuleysinu
Þrátt fyrir aukinn hagvöxt dregur ekki úr atvinnuleysi. Vaxtahækkanir
vinna gegn minnkandi atvinnuleysi. ASÍ hefur áhyggjur og ítrekar að-
hald í ríkisfjármálum og aðgerðir í atvinnumálum.
VINNUMARKAÐUR Atvinnuleysi helst
enn hátt þrátt fyrir mikinn hag-
vöxt. Aukin umsvif í efnahagslíf-
inu skila ekki fleiri störfum. Á
sjöunda þúsund manns eru at-
vinnulausir.
Skráð atvinnuleysi Vinnumála-
stofnunar mælist 3,1 prósent í
júlí. Atvinnuleysi annars ársfjórð-
ungs samkvæmt vinnumálakönn-
un Hagstofunnar var fjögur prós-
ent eða 6.600 manns. Árstíðar-
sveiflur eru í atvinnuleysi og sé
leiðrétt fyrir þeim þá gefa tölur til
kynna að ekkert dragi úr atvinnu-
leysi.
„Við höfum áhyggjur af þess-
ari þróun,“ segir Gylfi Arnbjörns-
son, framkvæmdastjóri ASÍ.
Hann segir tölur um atvinnuleysi
benda til þess að framleiðniaukn-
ing sé í hagkerfinu. „Það er í
sjálfu sér gott, en ef Seðlabankinn
þarf að hækka vexti til að vinna
gegn þenslu og atvinnuleysi helst
hátt, þá veldur það áfram atvinnu-
leysi til langs tíma.“ Gylfi segir
því að þrýstingurinn sé því á
ríkisstjórnina að halda aftur af
ríkisútgjöldum. Hækkandi stýri-
vextir styrkja krónuna og draga
úr samkeppnishæfni mikilvægra
fyrirtækja. Til lengri tíma vinnur
það gegn hærra atvinnustigi. Að-
hald ríkisfjármála minnkar þörf
fyrir vaxtahækkun Seðlabankans.
„Það þurfa að koma til virkar
vinnumarkaðsaðgerðir og menn
þurfa að vera í það minnsta
íhaldssamir í útgáfu atvinnuleyfa
til þeirra sem koma utan Evr-
ópska efnahagssvæðisins. Það
þarf að sjá til þess að atvinnuleysi
sé sem minnst.“
Gylfi segir varasamt að horfa á
prósentutölurnar eingöngu. Þarna
séu fjölmargir einstaklingar á
ferð sem búi við það böl sem
atvinnuleysið sé.
Stefán Úlfarsson, hagfræðing-
ur hjá ASÍ, segir áhyggjur þar á
bæ einkum beinast að tvennu.
„Það er annars vegar að hlutfall
þeirra sem hafa verið atvinnu-
lausir í meira en sex mánuði hef-
ur verið að festast í sessi. Það hef-
ur vond áhrif á fólk og það þolir
slíkt ekki miðað við skuldbinding-
ar þess. Hitt er atvinnuleysi ungs
fólks. Það er full ástæða til þess
að hafa áhyggjur af þessu.“
haflidi@frettabladid.is
Breyting á myntkörfunni:
Vægi
evrunnar vex
KRÓNAN Seðlabankinn hefur end-
urskoðað myntkörfu krónunnar
með tilliti til vægis mynta í utan-
ríkisversluninni.
Helstu breytingarnar nú eru
að vægi evru eykst um þrjú pró-
sent á kostnað vægis bandaríkja-
dollars.
„Þetta er í samræmi við þá
þróun sem verið hefur,“ segir
Þórarinn G. Pétursson, stað-
gengill aðalhagfræðings Seðla-
banka Íslands.
Vægi evru í myntkörfunni er
komið yfir 42 prósent, en vægi
dollarans er tæplega 22 prósent.
Vægi mynta innan Evrópu er
tæp 74 prósent og nemur aukn-
ingin tæplega þremur prósent-
um. ■
■ ÍRAK
GENGI GJALDMIÐLA
Bandaríkjadalur 71,21 -0,03%
Sterlingspund 132,2 -0,10%
Dönsk króna 11,85 0,05%
Evra 88,11 0,02%
Gengisvísitala krónu 122,58 -0,03%
KAUPHÖLL ÍSLANDS
Fjöldi viðskipta 213
Velta 1.535 milljónir
ICEX-15 3.029 -0,28%
Mestu viðskiptin
Burðarás hf. 322.619
Marel hf. 52.703
Actavis Group hf. 44.358
Mesta hækkun
Landssími Íslands 19,23%
Vátryggingafélag Íslands 3,95%
Fjárfestingarfélagið Atorka hf. 1,32%
Mesta lækkun
Hampiðjan hf. -1,72%
Flugleiðir hf. -1,27%
Landsbanki Íslands hf. -1,16%
ERLENDAR VÍSITÖLUR
DJ 10.232,9 -0,1%
Nasdaq 1.922,9 -0,5%
FTSE 4.372,6 0,3%
DAX 3.898,8 -0,1%
Nikkei 11.356,6 -2,17%
S&P 1.114,6 -0,1%
*Bandarískar vísitölur kl. 17.00
VEISTU SVARIÐ?
1Hver er formaður Samtaka her-stöðvaandstæðinga?
2Hjá hvaða íslensku fyrirtækjum varuppgjöri frestað vegna sumarleyfa?
3Hvað heitir nýráðinn þjálfari Fram-ara?
Svörin eru á bls. 42
4. flokki 1992 – 43. útdráttur
4. flokki 1994 – 36. útdráttur
2. flokki 1995 – 34. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. september 2004.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is
BALDUR GUÐNASON
Forstjóri Eimskips segir að félagið veiti
þeim aðstoð sem missa vinnu sökum
skipulagsbreytinga hjá félaginu.
Byssa í buxnastreng:
Skaut
undan sér
ENGLAND Maður á þrítugsaldri var
dæmdur í fimm ára fangelsi fyrir
vörslu ólöglegrar haglabyssu í
Sheffield á Englandi í gær.
David Walker skaut sjálfan sig
í klofið eftir að hafa drukkið 15
lítra af bjór og troðið afsagaðri
haglabyssunni niður í buxurnar
hjá sér.
Walker sótti byssuna á heimili
sitt eftir rifrildi við æskuvin sinn
um hvor þeirra ætti að greiða
fyrir næsta bjór á barnum. Á leið-
inni til baka á barinn hljóp slysa-
skot úr byssunni. Vegna afleiðing-
anna hlaut Walker vægasta dóm
sem landslög leyfa. ■
Teknir eftir innbrot í
Austurbænum:
Síbrotabræð-
ur í haldi
lögreglu
LÖGREGLUMÁL Ungir bræður, 15
og 16 ára, voru handteknir í gær-
morgun eftir að hafa brotist inn
í íbúðarhús í Austurbæ Reykja-
víkur. Bræðurnir, sem búsettir
eru í Vesturbæ Reykjavíkur,
hafa komið við sögu í fjölda inn-
brota, að sögn lögreglunnar í
Reykjavík og verið marghand-
teknir fyrir.
Afbrotasaga bræðranna mun
vera löng. Yngri bróðirinn komst
meðal annars í fréttir undir árs-
lok 2002, þá 13 ára gamall, þegar
hann og 31 árs gamall maður af
erlendu bergi brotinn voru grun-
aðir um hasssölu á Sauðárkróki
og Blönduósi. Að sögn lögreglu
voru bræðurnir enn í haldi síð-
degis í gær. ■
KALLA HERLIÐIÐ HEIM Filippsey-
ingar hafa ákveðið að kalla heim
51 hermann sem er á þeirra veg-
um í Írak. Þar með létu stjórnvöld
undan þrýstingi mannránsmanna
sem hneppt höfðu filippseyskan
vöruflutningabílstjóra í gíslingu.
Bandamenn innrásarinnar í Írak
hafa lýst vonbrigðum sínum með
ákvörðun Filippseyinga.
UPPGANGUR OG ATVINNULEYSI
Hagkerfið er komið af stað en atvinnuleysið minnkar ekki. ASÍ hefur áhyggjur af ungu
fólki og þeim sem hafa verið án atvinnu lengur en sex mánuði.
ATVINNULEYSI SAMKVÆMT
KÖNNUN HAGSTOFUNNAR:
2003
Fyrsti ársfjórðungur 3,9%
Annar ársfjórðungur 4,1%
Þriðji ársfjórðungur 2,6%
Fjórði ársfjórðungur 2,9%
2004
Fyrsti ársfjórðungur 3,1%
Annar ársfjórðungur 4,0%
FR
ÉT
TA
B
LA
Ð
IÐ
/V
IL
H
EL
M