Fréttablaðið - 24.08.2004, Blaðsíða 34

AFMÆLI
Halldór Blöndal, for-
seti Alþingis, er 66 ára.
Elva Ósk Ólafsdóttir,
leikkona, er 40 ára.
Undanfarnar tvær vikur hefur
kammersveitin Ísafold ferðast
um landið og flutt tónlist eftir ís-
lensk sem erlend tónskáld.
„Við byrjuðum á Berjadögum í
Ólafsfirði og héldum þar ferna
tónleika,“ segir Helga Þóra
Björgvinsdóttir fiðluleikari. Síð-
an hafa þau haldið tónleika á Ak-
ureyri, Höfn í Hornafirði, Stykk-
ishólmi og Keflavík. Lokatónleik-
arnir þetta árið verða síðan í
Reykjavík í kvöld.
Kammersveitin Ísafold var
stofnuð síðastliðið sumar af ung-
um tónlistarnemum, sem allir
voru komnir í framhaldsnám er-
lendis. Þá fóru þau einnig í tón-
leikaferð umhverfis landið og
luku ferðinni einnig í Listasafni
Íslands.
„Við höfum þetta í ágúst því það
er eini tíminn sem við getum hist.
Eftir það fara allir hver í sína átt-
ina til að læra áfram. En við erum
staðráðin í því að halda þessu
áfram næstu árin og helst alltaf.“
Á efnisskránni í ár eru meðal
annars tvö japönsk verk og svo
splunkunýtt verk eftir Úlfar Inga
Haraldsson.
„Það er fyrsta verkið sem er
samið sérstaklega fyrir Ísafold.
Okkur finnst mjög gaman að flyt-
ja það, því þetta er einhvern veg-
inn verkið okkar.“
Stjórnandi Ísafoldar er Daníel
Bjarnason, sem er í framhalds-
námi í Freiburg í Þýskalandi.
Hljómsveitin hefur stækkað
nokkuð frá því í fyrra, því henni
hefur bæst liðsauki.
„Í fyrra vorum við sextán en
erum orðin átján núna. Hörpu-
leikari og slagverksleikari hafa
bæst í hópinn.“
Helga Þóra segir stemninguna
í hópnum vera einstaklega góða.
„Okkur hefur verið tekið rosa
vel alls staðar og þetta er búið að
vera algert ævintýri. Við sjáum
um okkur algerlega sjálf, keyrum
um á einni rútu og svo er sofið á
gólfinu í tónlistarskólum um allt
land. Og öll erum við bestu vinir
náttúrlega.“
Tónleikarnir í Listasafni Íslands
hefjast klukkan átta í kvöld. ■
18 24. ágúst 2004 ÞRIÐJUDAGUR
CLAUDIA SCHIFFER
Þýska ofurfyrirsætan er 33 ára í dag.
ANDLÁT
Thelma Gígja Kristjánsdóttir lést föstu-
daginn 20. ágúst.
JARÐARFARIR
13.30 Anna Pálína Jónsdóttir frá Sauð-
húsum, Ögurási 3, Garðabæ,
verður jarðsungin frá Vídalíns-
kirkju í Garðabæ.
13.30 Guðleif Jónsdóttir, Hjallaseli 41,
Reykjavík, verður jarðsungin frá
Bústaðakirkju.
13.30 Gunnar S. Þorleifsson bókbands-
meistari, Fögrubrekku 47, Kópa-
vogi, verður jarðsunginn frá
Hjallakirkju í Kópavogi.
13.30 María Þóra Sigurðardóttir,
Gnoðarvogi 20, Reykjavík, verður
jarðsungin frá Dómkirkjunni.
13.30 Þóra H. Jónsdóttir, Hrafnistu í
Reykjavík, verður jarðsungin frá
Grensáskirkju.
Rómversku borgirnar Pompei og
Herculaneum stóðu í miklum blóma
árið 79 eftir Krist, þegar eldfjallið
Vesúvíus tók skyndilega upp á því að
vakna af aldalöngum dvala á hádegi
24. ágúst.
Fjallstindurinn sprakk án fyrir-
vara og upp úr iðrum jarðar þeyttust
ósköpin öll af ösku og eimyrju. Vegna
þess að vindurinn var vestlægur
slapp Herculaneum í bili en spýjan úr
fjallinu helltist yfir Pompei.
Eftir hálfan sólarhring var komið
þykkt lag af þessum ófögnuði og
flestir íbúarnir höfðu notað tækifær-
ið og flúið eins og fætur toguðu. Um
það bil tvö þúsund manns biðu þó
þess sem verða vildi í Pompei, og
héldu sig einkum í kjöllurum og ann-
ars staðar þar sem skjól var að finna.
Þar kom að risastór mökkur af
heitri ösku og gasi þeyttist úr fjall-
inu og streymdi niður vesturhlíðar
þess, beint í áttina að Herculaneum.
Allir íbúar þar brunnu eða köfnuðu,
og borgin grófst fljótlega undir ösku
og vikri.
Þeir sem eftir voru í Pompei fór-
ust morguninn eftir þegar eiturgas
streymdi yfir borgina. Strax á eftir
fylgdi aska og vikur sem gróf hina
dauðu nánast í einu vetfangi.
Á síðustu öldum hafa fundist leif-
ar þeirra tvö þúsund karla, kvenna og
barna sem fórust í Pompei. Askan
harðnaði utan um lík þeirra sem gerði
það að verkum að býsna nákvæm mót
mynduðust utan um líkamsleifarnar,
sem smám saman rotnuðu.
Fornleifafræðingar fylltu þessi
mót með gifsi, og þá birtust ótrúlega
nákvæmar myndir af fólkinu eins og
það var á dánarstundu. ■
ÞETTA GERÐIST
VESÚVÍUS BYRJAR AÐ GJÓSA YFIR POMPEI OG HERCULANEUM
24. ágúst 79
„Ég hitti í raun ekki marga karlmenn. Ég held að það sé vegna þess að þeir
séu hræddir við að nálgast mig eða haldi að ég sé frá annarri plánetu.“
- Afmælisbarnið Claudia Schiffer þekkir af eigin raun þau vandamál sem
fylgja fegurðinni.
Grófust undir ösku og eimyrju
Ísafold á endasprettinum
TÍMAMÓT: Lokatónleikar Ísafoldar verða í Listasafni Íslands í kvöld.
Sigríður Munda Jónsdóttir verður
næsti prestur Ólafsfirðinga. Hún
var valin úr hópi sex umsækjenda
en athygli vakti að fimm konur og
einn karl sóttu um brauðið. „Ég er
mjög hamingjusöm og þetta
leggst mjög vel í mig,“ segir Sig-
ríður Munda en tæpt ár er liðið
frá því að hún lauk guðfræðiprófi
við HÍ. Spurð hversvegna hún
lagði guðfræðina fyrir sig segist
hún hafa fengið einhverja köllun.
„Þetta hitti bara beint í mark. Svo
er ég prestsdóttir og það hefur
sjálfsagt haft sitt að segja,“ en
faðir hennar var Jón E. Einarsson
prófastur og prestur í Saurbæ.
Sigríður Munda hefur komið
nokkrum sinnum til Ólafsfjarðar
og líst vel á staðinn og íbúana. „Ég
hlakka til að flytja norður, þarna
er mjög falleg kirkja og gott safn-
aðarheimili,“ segir hún og játar
aðspurð að prestsbústaðurinn í
bænum sé sömuleiðis álitlegur.
„Svo eru Ólafsfirðingar sagðir
taka vel á móti prestunum sínum,
þeir hafa oft tekið á móti nýút-
skrifuðum guðfræðingum og gert
þá að góðum prestum.“ Hún hefur
störf þann 1. nóvember og er skip-
uð til fimm ára. Sex manna val-
nefnd var einhuga um ráðningu
Sigríðar Mundu.
SIGRÍÐUR MUNDA JÓNSDÓTTIR: Tekur hamingjusöm við brauðinu í Ólafsfirði
Fékk einhverja köllun
Ástkær eiginmaður, faðir, tengdafaðir, afi,
sonur, tengdasonur og bróðir,
árni ragnar árnason
alþingismaður,
sem lést mánudaginn 16. ágúst, verður jarðsunginn frá
Keflavíkurkirkju miðvikudaginn 25. ágúst kl. 14.
Þeim sem vilja minnast hans er bent á Hjúkrunarþjónustuna Karitas,
líknardeild Landspítalans í Kópavogi og Krabbameinsfélag Íslands.
Guðlaug P. Eiríksdóttir
Guðrún Árnadóttir Brynjar Harðarson
Hildur Árnadóttir Ragnar Þ. Guðgeirsson
Björn Árnason Kristbjörg K. Sólmundsdóttir
Árni Árnason Kolbrún H. Pétursdóttir
og barnabörn
Ragnhildur Ólafsdóttir, Jófríður Helgadóttir
og systur hins látna.
Innilegar þakkir til allra fyrir auðsýnda samúð
vegna fráfalls elskulegs eiginmanns míns, föður,
sonar, bróður, tengdasonar og mágs,
Sveins sigurðssonar
Grasarima 1, Reykjavík.
Sérstakar þakkir til Sigurðar Björnssonar krabbameinslæknis,
starfsfólks Krabbameinsdeildar 11E, Hjúkrunarþjónustunnar
Karítas og Líknardeildar Landspítalans í Kópavogi.
Sigurbjörg Ágústsdóttir
Ágúst Sveinsson
Guðríður Sveinsdóttir Guðjón Böðvarsson
Böðvar Eggert Guðjónsson Hendrikka Waage
Jóhann Pétur Guðjónsson Berglind Rut Hilmarsdóttir
Ágúst Bergsson Stefanía Guðmundsdóttir
Bergur Elías Ágústsson Bryndís Sigurðardóttir
SIGRÍÐUR MUNDA JÓNSDÓTTIR:
Treystir Ólafsfirðingum til þess að gera sig
að góðum presti.
KAMMERSVEITIN ÍSAFOLD Lýkur tónleikaferð sinni um landið í kvöld með tónleikum í Listasafni Íslands.
Sími 550 5000
Hér getur þú komið á
framfæri tilkynningum
um andlát