Fréttablaðið - 04.09.2004, Blaðsíða 24

Nýi smábíllinn Renault Modus hefur hlotið fimm
stjörnur af fimm mögulegum í árekstrarprófunum
Euro NCAP en enginn bíll hefur áður náð þeim ár-
angri í flokki smábíla. Hlaut hann fjórar stjörnur
af fimm mögulegum fyrir öryggi barna sem er
einn besti árangur í flokki smábíla til þessa. At-
hygli vekur að smábíll nái þessum árangri þar sem
í hugum margra eru það frekar stórir bílar sem
þykja öruggir. Samkvæmt upplýsingum Euro
NCAP er það fyrst og fremst spurning um hönnun
viðkomandi bíls sem skiptir máli en ekki stærðin.
Modus er væntanlegur á markað hér á landi í mars
á næsta ári en um það leyti fer hann á markað á
öllum Norðurlöndunum. Í heimalandinu Frakk-
landi fer frumkynningin á honum fram núna í sept-
ember. ■
Sjö manna Mitsubishi Grandis er til kynningar hjá Heklu þessa
dagana. Grandis kemur með öflugri 2.4 lítra, 165 hestafla bens-
ínvél. Mitsubishi Grandis er þriðji nýi bíllinn frá Mitsubishi á
tveimur árum en áður komu á markað Mitsubishi Lancer og
Mitsubishi Outlander. Á árinu hefur sala á Mitsubishi rúmlega
tvöfaldast og er markaðshlutdeild Mitsubishi nú tæp 5%.
Öryggis-
hurðir
B Í L S K Ú R S
OG IÐNAÐAR H U RÐ I R
Smíðað
eftir máli
Hurðir til
á lager
Eldvarnar-
hurðir
ÁRMÚLA 42 - SÍMI 553 4236
Kia Cerato er fjölskyldubíll af
minni gerðinni eða smábíll af
stærri gerðinni eftir því hvernig
er á málin litið, bíll í svipuðum
stærðarflokki og til dæmis Toyota
Corolla og Volkswagen Golf. Bíll-
inn fæst í tveimur útfærslum,
fimm dyra og fjögurra dyra með
skotti. Báðir bílar fást bæði bein-
skiptir og sjálfskiptir og á næsta
ári er væntanlegur dísilbíll.
Bíllinn sem ekinn var til
reynslu var fimm dyra og sjálf-
skiptur. Það fyrsta sem vekur
athygli þegar sest er inn í bílinn
eru sætin. Þau eru stíf og halda
vel við en nánast ekkert löguð að
líkamanum eins og algengast er.
Þetta gerir að verkum að bíllinn
getur hentað vel stóru og sveru
fólki sem hreinlega passar ekki í
sæti á mörgum bílum. Sætin eru
engu að síður ágætlega þægileg,
að minnsta kosti á styttri vega-
lengdum.
Bíllinn er allur hinn þægileg-
asti í viðmóti, stýrið er lipurt og
beygjuradíusinn ágætur þannig
að að akstur innanbæjar var í
alla staði góður. Sömuleiðis var
gott að aka honum á malbikuðum
þjóðvegi og hann fór áreynslu-
laust upp í hámarkshraða á veg-
um og vel fór um alla á þeim
hraða. Þegar á mölina var komið
reyndist hann þó eilítið lausari í
rásinni en þægilegt má teljast.
Innréttingar eru einfaldar og
aðgengilegar. Þar er ekkert prjál
en allt sem mann vanhagar um.
Stýrið er þægilegt, hiti er í fram-
sætum sem einnig eru hæðar-
stillanleg og í honum er að finna
hólf og glasahaldara eins og
tíðkast. Í bílnum eru líka hlutir
sem ekki endilega eru staðalbún-
aður í bílum, eins og álfelgur og
rafmagnsinnstunga í farangurs-
rými. Kia Cerato er bíll með öllu
því sem til er ætlast, loftpúðum,
diskabremsum og spólvörn, svo
nefnd séu öryggisatriði. Þrátt
fyrir þetta verður verðið að vera
hagstætt.
Þetta er því bíll sem óhætt er
að mæla með fyrir borgarbúa,
allt upp í litlar fjölskyldur, sem
kjósa að verja ekki miklu fé í bif-
reiðir og ekki er ástæða til ann-
ars en að ætla að kaupin séu góð
miðað við reynsluna af þeim Kia-
bílum sem hafa verið lengur á
markaði en Kia Cerato.
steinunn@frettabladid.is
[ TRYLLITÆKI VIKUNNAR ]
Aprilia Tuonon Racing
Tryllitæki vikunnar er 2004 árgerðin af
Aprilia Tuonon Racing eða Kapp-
akstursþruman. Þessi hjól voru smíð-
uð í þeim tilgangi að gera þau lögleg
í keppni og því er þetta hjól með mun
meiri búnaði en hefðbundin hjól. Til
að hjólið sé löggilt í keppni þarf það
að vera framleitt fyrir almennan mark-
að. Hjólið er númer 38 í framleiðslu-
línunni en hjólin eru framleidd eftir
eftirspurn. Þetta hjól er töluvert dýrara
en Standard útgáfan og kostar
2.252.000 kr. Eigandinn, Unnar Már
Magnússon, flytur inn Apriliahjól á Ís-
landi og langaði að eiga sérstakt og
öðruvísi hjól svo hann fjárfesti í þessu.
Allt plast á hjólinu er úr koltrefjum
(carbon fiber) og því fylgir auka hlífa-
sett fyrir keppnir, auka pústkerfi og
tölvukubbur fyrir innspýtingu og ýmis-
legt annað til að gera það keppnis-
hæft. Aukahlífasettið er án ljósa svo
það er bara hægt að hafa það í
keppni og neðri hlífin er svo stór að
það er ekki pláss fyrir standara. Hjólið
er 130 hestöfl, 175 kg og 1000 cc. Það
er búið Öhlins fjöðrunarkerfi og felg-
urnar eru OZ racing. Það er ólíkt
öðrum hjólum að því að leyti það er
með motocross stýri svo ásetan er
mjög upprétt sem gerir það tilvalið í
allskonar áhættuakstur og sýningar.
Þessi hjól eiga heimsmetið í því að
vera bara á framdekkinu (öfugt
prjón), 255 metra. ■
Ekið á Kia Cerato:
Lipur borgarbíll
Kia Cerato
Beinskiptur 1.690.000 kr.
Sjálfskiptur 1.790.000 kr.
Renault Modus:
Öruggasti smábíllinn
Renault Modus er fyrsti fimm stjörnu smábíllinn.
Kia Cerato er góður kostur fyrir minni fjölskyldur í þéttbýli.
Skottið er rúmgott. Aðstaða fyrir aftursætisfarþega er góð.
Ljósin gefa bílnum nútímalegt útlit.
Þægilegt stýri og mælaborð.

Smáauglýsingasíminn er 550 5000

auglysingar@frettabladid.is
FR
ÉT
TA
B
LA
Ð
IÐ
/G
VA