Fréttablaðið - 06.10.2004, Qupperneq 48

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Splunkunýjar
upplýsingar!
Aldrei þessu vant komu splunku-nýjar og stórmerkilegar upplýs-
ingar fram í eldhúsdagsumræðum á
Alþingi. Að vísu ekki í stefnuræðu
forsætisráðherra enda hafði hún
áður birst í fjölmiðlum, heldur í
hinni vel undirbúnu og vönduðu
ræðu sem hinn nýi utanríkisráð-
herra flutti á svo sannfærandi hátt
að allir hlutu að hrífast með. Þessar
splunkunýju upplýsingar sönnuðu
svo að ekki var um villast að engin
ástæða er til þess að biðjast afsök-
unar á því að taka þátt í stríðinu í
Írak – nema síður sé.
UTANRÍKISRÁÐHERRANN
upplýsti okkur um að í stað þess að
styrjaldarástand ríki enn í Írak er
nú friður og velsæld á 795 stöðum í
landinu; aðeins á 5 stöðum (því að
Írak samanstendur af samtals ná-
kvæmlega 800 stöðum eins og allir
vita) er einhver ókyrrð sem Banda-
ríkjaher er að bæla niður af mikilli
lipurð.
ÞETTA ERU sannarlega góðar
fréttir. Og þungu fargi létt af þeim
mörgu sem hafa haft áhyggjur af
því að um 20 mismunandi and-
spyrnuhreyfingar í Írak, Súnní-
múslimar, Sjítar, Kúrdar, Baath-
flokksmenn, kommúnistar, öfga-
sinnar og trúleysingjar standi allir
sem einn maður í blóðugu stríði við
innrásarherinn í Samarra, Tikrit,
Al-Dur og Mósúl; í fátækrahverf-
unum í Al-Sadr-borg, í Al-Shulah,
Al-Falluja, Ninwi, Divali, Arbil og
Karkuk; í Basra, Ramadi, Nasirija –
og í höfuðborginni Bagdad.
ÞAÐ ERU mikil gleðitíðindi að
friður skuli nú ríkja á nákvæmlega
795 af þeim 800 stöðum sem í Írak
er að finna, og ómetanlegt að ís-
lenski utanríkisráðherrann skuli
vera svona vel upplýstur um
ástandið þar eystra. Þeir sem gagn-
rýndu á sínum tíma innrásina í Írak
ættu því að sjá sóma sinn í að biðja
utanríkisráðherrann afsökunar um
leið og þessar splunkunýju upplýs-
ingar hans hafa verið staðfestar af
alþjóðasamfélaginu – sem verður
auðvitað á næstu dögum – því að
enginn pólitíkus getur verið svo vit-
laus eða hrokafullur að hann láti sér
detta í hug að skrökva að Alþingi og
þjóðinni – þá yrði hann óhjákvæmi-
lega að taka pokann sinn með
skömm. ■
BAKÞANKAR
ÞRÁINS BERTELSSONAR