Fréttablaðið - 13.10.2004, Page 30

22 13. október 2004 MIÐVIKUDAGUR
sport@frettabladid.is
HVAÐ? HVENÆR? HVAR?
10 11 12 13 14 15 16
Miðvikudagur
OKTÓBER
Næsti þjálfari Grindavíkur?
... samkvæmt heimildum íþróttadeildar bendir allt til þess að Guðjón Þórðarson taki við liði Grindavíkur í fótboltanum áður en vikan er
liðin. Þessi mynd af Guðjóni var tekin á Grindavíkurvelli í gær þar sem hann horfði á leik ungmennaliða Íslands og Svíþjóðar. Guðjón ku
hafa notað tækifærið til þess að ræða við Grindvíkinga, sem eru samkvæmt heimildum blaðsins bjartsýnir á að ná samningum við Guðjón.
Milan Stefán Jankovic er þegar genginn til liðs við Grindavík og hefur staðfest að hann muni aðstoða Guðjón taki hann við liðinu.
FÓTBOLTI Þetta er önnur þrenna
Hannesar í fyrstu fjórum leikjum
Íslands í undankeppni HM. Hann
skoraði líka þrennu gegn Búlgör-
um á dögunum. Hann var í leik-
banni á Möltu síðastliðinn föstu-
dag og sást þá berlega hversu
mikilvægur hann er þessu U-21
árs liði.
„Hannesar var sárt saknað á
Möltu og hann er endapunkturinn
í liðinu, maðurinn sem klárar
dæmið fyrir okkur,“ sagði kátur
þjálfari U-21 árs liðins, Eyjólfur
Gjafar Sverrisson. Hann segir að
þótt Hannes hafi verið heitur
megi ekki gleyma að hrósa hinum
strákunum. „Hinir strákarnir búa
til fyrir Hannes og fá að sjálf-
sögðu hrós fyrir það. Það var frá-
bær liðsheild á vellinum í dag og
ég er virkilega stoltur af strákun-
um.“
Það er óhætt að taka undir
þessi orð Eyjólfs því það var frá-
bært að fylgjast með strákunum
hans í gær. Þeir börðust hver
fyrir annan allan leikinn. Veitti
ekki af þar sem þeir hafa tapað
síðustu tveim leikjum á lokamín-
útu leiksins. Það var fyrst og
fremst þessi stórkostlega liðs-
heild sem skóp sigurinn. Allir
leikmenn liðsins áttu góðan leik
og hvergi var veikan hlekk að
finna. Þeir sem stóðu þó upp úr í
góðu liði Íslands fyrir utan Hann-
es voru miðjumennirnir Davíð
Þór Viðarsson og Ólafur Ingi
Skúlason sem áttu báðir stórleik.
Emil Hallfreðsson sýndi lipra
takta og Sverrir Garðarsson og
Jónas Guðni Sævarsson stigu vart
feilspor í vörninni. Frammistaða
Hennings Eyþórs Jónassonar
vakti einnig athygli en allt annað
var að sjá til hans núna en á Möltu
þar sem taugaspennan virtist
bera hann ofurliði.
Það var jafnræði með liðunum
framan af fyrri hálfleik enda
bauð veðrið fyrstu 20 mínútur
leiksins, úrhellisrigning og sterk-
ur vindur, ekki upp á mikla knatt-
spyrnu. Eftir að óveðrinu slotaði
fóru liðin að sýna fín tilþrif. Sókn-
araðgerðir íslenska liðsins voru
mun markvissari og Svíarnir voru
í verulegum vandræðum með að
brjóta niður sterka vörn Íslands.
Hannes kom Íslandi yfir á 24.
mínútu með öruggri vítaspyrnu.
Spyrnuna fiskaði hann sjálfur en
varnarmaður Svía braut klaufa-
lega á honum – ýtti á bak Hannes-
ar án nokkurrar ástæðu. Svíar
byrjuðu aftur á móti síðari hálf-
leik með miklum látum og upp-
skáru sanngjarnt jöfnunarmark á
54. mínútu er Alexander Farne-
rud skaut glæsilegu skoti fyrir
utan teig sem Bjarni Þórður
markvörður átti aldrei möguleika
á að verja.
Íslensku strákarnir létu mark-
ið ekki slá sig út af laginu og
Hannes kom Íslandi yfir aftur
fjórum mínútum síðar er hann
sýndi af sér mikið harðfylgi í
teignum, kastaði sér á boltann og
kom honum í netið. Hann full-
komnaði þrennuna þrem mínút-
um síðar er sænski markvörður-
inn skaut boltanum í Hannes og
þaðan fór hann í netið. Vafalítið
ekki fallegasta markið sem Hann-
es hefur skorað á ferlinum en það
telur jafn mikið og öll hin.
Það sem eftir lifði leiks hafði
íslenska liðið öll völd á vellinum
og var líklegra til að bæta við. Í
raun voru Íslendingar klaufar að
skora ekki fleiri mörk því þeir
fengu svo sannarlega fín færi til
þess. Niðurstaðan frábær sigur
sem var fullkomlega sanngjarn.
„Ég er ánægður með uppsker-
una í fyrstu fjórum leikjunum.
Þetta hafa verið mjög skemmti-
legir leikir og það hefur verið
fínn stígandi í okkar leik. Þessir
strákar eru tilbúnir að taka fram-
förum, ætla sér stóra hluti í fram-
tíðinni og það leynir sér ekki,“
sagði Eyjólfur að lokum.
henry@frettabladid.is
HREINLEGA ÓSTÖÐVANDI Hannes Sigurðsson fór hamförum á Grindavíkurvelli í gær
og skoraði þrjú mörk gegn Svíum í 3-1 sigri Íslands.
Hannes sökkti Svíum
Hannes Sigurðsson stal senunni í ungmennalandsleik Íslendinga og Svía í Grindavík í gær. Hann
skoraði þrjú mörk, sem var meira en Svíarnir réðu við.
■ ■ LEIKIR
 18.10 Ísland og Svíþjóð mætast á
Laugardalsvelli í 8. riðli
undankeppni HM 2006 í fótbolta.
 19.15 Keflavík og Haukar mætast
í Keflavík í 1. deild kvenna í körfu-
bolta.
 19.15 Njarðvík og Grindavík
mætast í Njarðvík í 1. deild kven-
na í körfubolta.
■ ■ SJÓNVARP
 15.05 Olíssport á Sýn.
 16.20 Landsleikur í fótbolta á
Sýn. Bein útsending frá leik
Aserbaídsjans og Englands í 6.
riðli undankeppni HM 2006 í fót-
bolta.
 17.55 Landsleikur í fótbolta á
RÚV. Bein útsending frá leik
Íslands og Svíþjóðar í 8. riðli
undankeppni HM 2006 í fótbolta.
 18.30 Gullleikir meistaradeildar
Evrópu á Sýn. Útsending frá leik
Deportivo La Coruna og AC
Milan í átta liða úrslitum meista-
radeildarinnar í fótbolta í fyrra.
 20.20 Landsleikur í fótbolta á Sýn.
Útsending frá leik Aserbaídsjans
og Englands í 6. riðli undankeppni
HM 2006 í fótbolta.
 22.00 Olíssport á Sýn.
 22.20 Handboltakvöld á RÚV.
 23.15 X-Games (Ofurhugaleikar)
á Sýn.
FÓTBOLTI „Það verður að
líta til þess styrkleika-
munar sem er á liðunum
tveimur en við erum á
heimavelli og þar höfum
við oft náð góðum úrslit-
um gegn sterkari lið-
um,“ segir Ásgeir Sigur-
vinsson, þjálfari ís-
lenska landsliðsins sem
mætir því sænska á
Laugardalsvellinum í
dag klukkan 18.10.
Meiri áhersla verður
lögð á varnarleik ís-
lenska liðsins en verið
hefur.
Lið Svíþjóðar er auk
Króatíu það sterkasta í
riðli Íslands og leikmenn og þjálf-
arar gera sér fulla grein fyrir að
ekkert verður tekið af Svíum
nema með baráttu. Ásgeir viður-
kennir að sigur og þrjú stig sé
ekki ýkja raunsætt markmið en
bendir á að íslenska liðinu hafi
áður tekist að koma á óvart svo
um munar. „Úrslitin úr þessum
leik velta á því hvort íslenska lið-
ið á góðan dag eða ekki. Svo lengi
sem allir leikmenn spila vel og
eins og fyrir þá er lagt get ég ekki
farið fram á meira.“
Ásgeir og Logi hafa skoðað
sænska liðið vel og farið yfir eina
tapleik liðsins í riðlinum en Króat-
ar tóku öll þrjú stigin þegar þeir
sóttu Svía heim í byrjun septem-
ber. Þar fengu Svíar jafnframt á
sig eina markið hingað til í keppn-
inni en Möltumenn unnu þeir 0-7
og Ungverja 3-0. „Svíarnir voru
óheppnir gegn Króötum enda
voru þeir betri aðilinn í leiknum.
Króatar fengu fá tækifæri og
skoruðu mark sitt úr aukaspyrnu.
Af þeim leik má læra en stað-
reyndin er sú að hér erum við á
heimavelli og öðruvísi horfir við.
Við munum taka sérstaklega á
varnarleiknum og leggja áherslu
á hann og vonandi fáum við mögu-
leika fram á við líka.“
Jafnteflið gegn Möltu
varð þess valdandi að
þjálfarar landsliðsins
breyttu áætlunum sín-
um fram að leiknum í
dag. Logi Ólafsson segir
það hafa verið hluta af
því að bæta siðferðis-
þrekið hjá hópnum enda
komu úrslit leiksins
mikið á óvart. „Við byrj-
uðum á því strax eftir
leikinn á Möltu að setj-
ast niður og fara yfir
þann leik. Flestir innan
liðsins hafa lært það hjá
sínum liðum að taka
bæði sigrum og ósigrum
og þeir kunna að taka á svona lög-
uðu. Þess utan ákváðum við að
fækka æfingum þegar heim kom
aftur og gefa leikmönnum stutt
frí til að heimsækja vini og ætt-
ingja og komast aðeins frá um
tíma. Einnig notuðum við tímann
til að reifa þau mál sem brann á
en upp úr stendur að við tókum
því rólegar en fyrir fram var ætl-
unin.“
Leikur Íslands og Svíþjóðar í
dag mun verða í ellefta sinn sem
A-landslið þjóðanna mætast. Af
þeim tíu skiptum sem löndunum
hefur lent saman áður hafa Svíar
haft betur sex sinnum en Íslend-
ingar tvisvar. Fjögur ár eru liðin
frá síðasta leik en þá höfðu Íslend-
ingar nauman sigur 2-1 í spenn-
andi leik á Norðurlandamótinu
sem þá var og hét.
albert@frettabladid.is
FR
ÉT
TA
B
LA
Ð
IÐ
/E
.Ó
L.
ÁTTUNDI RIÐILL:
1. Króatía 3 2 1 0 6:2 7
2. Svíþjóð 3 2 0 1 10:1 6
3. Búlgaría 2 1 1 0 5:3 4
4. Ungverjaland 3 1 0 2 3:8 3
5. Ísland 3 0 1 2 3:6 1
6. Malta 2 0 1 1 0:7 1
SÍÐUSTU VIÐUREIGNIR:
2000 Ísland – Svíþjóð 2 – 1
1995 Svíþjóð – Ísland 1 – 1
1994 Ísland – Svíþjóð 0 – 1
Áhersla á varnarleik gegn Svíum
Íslenska landsliðið mætir sínum erfiðustu andstæðingum í áttunda riðli í
kvöld þegar liðið etur kappi við Svía. Galdurinn gegn þeim bláu og gulu
telur Ásgeir vera að draga liðið aftar á völlinn og beita skyndisóknum.
FRÁ BLAÐAMANNAFUNDI KSÍ Landsliðsþjálfararnir Ásgeir Sigurvins-
son og Logi Ólafsson voru íbyggnir á svip á fundinum.