Tíminn - 29.11.1974, Blaðsíða 15

Föstudagur 29. nóvember 1974.
TÍMINN
15
Dagbjört S. Höskuldsdóttir, Stykkishólmi:
AAegindherzla verði lögð d
mdlefni landsbyggðarinnar
Dagbjört S. Höskuldsdóttir frá
Stykkishólmi var nú i fyrsta sinn
meðal fulltrúa á flokksþingi
Framsóknarflokksins, þvi 16. I
röðinni. SUF-siðan spurði hana
fyrst um helztu hagsmunamái
hennar byggðarlags og um stefnu
flokksins I þeim málum.
— Uppbygging Stykkishólms
undanfarin ár hefur verið mikil,
en ýmislegt skortir þó á.
Húsnæðisvandamál eru mikil og
varanleg gatnagerð er mjög
skammt á veg komin. Er það I
rauninni algerlega ofviða litlum
sveitarfélögum á borð við
Stykkishólm, að standa straum af
verulegum framkvæmdum þar
aö lútandi. Okkur vantar einnig
sárlega skólahúsnæði og til
hótels, sem er nú I byggingu,
vantar mikið fjármagn.
Við finnum það, fólkið sem býr
úti á landsbyggðinni, hversu af-
drifarik byggðastefna Fram-
sóknarflokksins hefur verið og
hverju hún hefur til leiðar komið.
Flokkurinn hefur ávallt lagt meg-
ináherzlu á dreifbýlismálin og tel
ég aö svo eigi að vera áfram.
— Hvað finnst þér um myndun
núverandi rikisstjórnar?
— Þvi er ekki að neita að sú
stjórnarmyndun, sem nú er nýaf-
staöin, olli mér miklum vonbrigð-
um. Ég var og er mjög fylgjandi
vinstra samstarfi og þykir mér
miður að ekki náðist samstaða
um það.
— Hvað með önnur mál svo
sem efnahagsmálin, varnarmálin
og landhelgismálin?
— Ég tel það vera aðalverkefni
núverandi rikisstjórnar að leysa
efnahagsmálin á farsælan hátt og
ég treysti forystumönnum okkar
fyllilega til þess að sjá um að það
veröi gert i anda framsóknar-
stefnunnar.
Þróunin i varnarmálunum hef-
ur ekki verið nægilega hagstæð og
verður flokkurinn að taka gleggri
afstöðu til þeirra mála.
Miklu skiptir fyrir þorpin á
Snæfellsnesi þróunin i landhelgis-
og friðunarmálum. Ekki kemur
til greina að semja við V-Þjóð-
verja þannig að frystiskip komi
inn i þá mynd. Ég tel það mjög
umhugsunarvert, hvort við eigum
yfirleitt nokkuð við þá að tala.
— Hvað viltu segja um flokks-
þingið sem slikt og hvaða mál
voru þar efst á baugi að þinu
áliti?
— Ég hef það á tilfinningunni
aðstörfþingsins hafi gengið mjög
vel, en hef að visu engan saman-
burð, þar sem þetta er fyrsta
flokksþingið sem ég sit. Mörg
merk mál hafa verið rædd og af-
greidd, en mestar umræður held
ég að hafi orðið um úrslit
alþingiskosninganna, orsakir
þeirra og afleiðingar og hvernig
flokkurinn brást við þeim.
Ennfremur var mikið rætt um
lagabreytingar og varnarmálin
eru mjög ofarlega i hugum
manna, að ógleymdum byggða-
málunum. — hs —
Sigmar Hjelm, Eskifirði:
Orkumálin eru brýnasta
hagsmunamál Austfirðinga
SUF-siðan átti viðtal við Sigmar
Hjelm frá Eskifirði, meðan 16.
flokksþing Framsóknarflokksins
stóð yfir, en þar var hann einn
fulltrúa. Er þetta þriðja flokks-
þingið sem Sigmar tekur þátt I og
starfaði hann m.a. i atvinnu- og
samgöngumálanefnd.
— Hver eru brýnustu hags-
munamál þins byggðarlags, Sig-
mar, sem þú telur að Fram-
sóknarflokkurinn eigi að vinna
að?
— Meðal brýnustu hagsmuna-
mála mins byggðarlags og kjör-
dæmisins i heild tel ég vera
áframhald uppbyggingu sjávar-
útvegsins og stórbætt aðstaða
starfsfólks hans, og á ég þá einnig
við byggingu húsnæðis fyrir það
fólk, sem þennan atvinnuveg
stunda. Mjög áriðandi er enn-
fremur að tryggja atvinnutækj-
um útvegsins, svo sem loðnu-
bræðslum og hraðfrystihúsum,
næga raforku, sem og öðrum
iðnaði og er það raunar megin
vandamáliö i dag.
Fyrirsjáanleg er stóraukin
upphitun ibúðarhúsa með raf-
orku, og verður að tryggja'að hún
sé tiltæk, en raforkuþörf okkar
Austfirðinga verður bezt leyst
með auknum vatnsvirkjunum.
Ljúka þarf virkjun Lagarfoss
sem allra fyrst með viðeigandi
vatnsmiðlun, þvi að án hennar
verður virkjunin trúlega að ann-
arri Laxárvirkjun, þ.e. með hálf-
um afköstum. Ráðast verðu I
virkjun Bessastaðaár hið allra
fyrsta og þegar þessar tvær
virkjanir, að viðbættri Grimsár
virkjun, verða orðnar að veru-
leika, verður að telja orkumál
Austfirðinga i sæmilegu horfi,
a.m.k. fyrst um sinn.
Sem brýn hagsmunamál
byggðanna á Austurlandi má auk
orkumálanna telja varanlega
gatnagerð, auknar byggingar
leiguhúsnæðis, bætta hafnarað-
stöðu o.fl o.fl. Verkefni sveitar-
félaganna eru svo til óþrjótandi
og mörg þeirra illleysanleg,
nema auknar tekjur komi til, —
ný eða breytt tekjustofnalög, auk-
in lán og aukin þátttaka rikis-
sjóðs.
— Hvað vilt þú segja um stjórn-
málaástandið I dag, t.d. myndun
rikisstjórnarinnar, varnarmálin
og landhelgismálin, svo eitthvað
sé nefnt?
— Það var áreiðanlega flestum
framsóknarmönnum töluvert
áfall, þegar ljóst var að ekki tókst
að mynda nýja vinstri stjórn und-
ir forystu Ölafs Jóhannessonar.
Einkanlega var það okkur dreif-
býlisfólkinu mikið áfall, þvi að
landsbyggðinni reyndist vinstri
stjórnin næstum ómetanleg. Þeg-
ar þessi mál eru hugleidd, skyldu
menn hins vegar minnast þess
hráskinnsleiks, sem Alþýðuflokk-
urinn og Alþýðubandalagið léku i
umræðunum um myndun nýrrar
vinstri stjórnar.
Varðandi þá endurskoðun, sem
fram hefur farið á hluta varnar-
samningsins, tel ég að of skammt
hafi verið gengið i breytingum á
stöðu varnarliðsins hér á landi, en
benda má á þau orð utanrikisráð-
herra, Einars Agústssonar, að
varnarsamningurinn sé I stöðugri
endurskoðun og vonandi má
vænta frekari breytinga á þessu
vandamáli innan skamms, en
bezt væri að losna algjörlega við
þetta þrætuepli.
Stefna ber að útfærslu fisk-
veiðilögsögunnar i 200 mílur strax
á næsta ári og að island ráði eitt
yfir þvi hafsvæði. Ég tel að stefna
Framsóknarflokksins I samn-
ingamálunum við V-Þjóðverja sé
rétt, og ekki beri að hleypa verk-
smiðju- eða frystitogurum inn
fyrir 50-milurnar.
— Hvað finnst þér um störf
flokksþingsins?
— Störf flokksþingsins tel ég
einkennast af þeirri staðreynd, að
kosningar hafa nýlega farið fram.
Samþykktir flokksþingsins eru
þvi fremur miðaðar við það að
vera leiðbeinandi fyrir ráðherra
og þingmenn flokksins i störfum
þeirra á kjörtlmabilinu, heldur en
að vera einhvers konar áróðurs-
plagg I kosningabaráttu.
Það er mjög athyglisvert og
ánægjulegt, hve kvenfólk og ungt
fólk tekur mikinn þátt I störfum
þessa þings og viröist það benda
til aukins áhuga þessara aðila á
þjóðmálum. Lofar þessi þróun
mjög góðu fyrir Framsóknar-
flokkinn og vil ég vona að fram-
hald verði á. —hs—
FYLGT ÚR HLAÐI
SUF-siðan kemur nú fyrir augu
lesenda Timans eftir nokkurt hlé.
Verða hér á siðunni rædd málefni
Sambands ungra framsóknar-
manna og aðildarfélaga þess út
um allt land. Sagt verður frá
starfi ungra framsóknarmanna
ogskoöunum þeirra á þjóðmálum
og flokksmáium, svo eitthvað sé
nefnt, en jafnframt reynt að setja
siðunni ekki of þröngar skorður.
Aðstandendur siðunnar vilja
hér með hvetja alla unga
framsóknarmenn til að senda
henni efni og láta óspart i ljósi
skoðanir sinar á t.d. félagsmálun-
um, hagsmunamálum sinna
byggöarlaga eða starfshópa, auk
þess sem ábendingar um efnisval
væru vel þegnar.
Efnið má annaðhvort senda
umsjónarmanni siðunnar, Her-
manni Sveinbjörnssyni, Vallar-
tröð 4, Kópavogi, eða á ritstjórn
Timans, merkt SUF-siðunni.
Auk Hermanns, sem s.l. ár
starfaði sem blaðamaður við
Timann, munu þeir Ingvar
Björnssonfrá Hafnarfiröi og Pét-
ur Einarsson, Kópavogi, sem
báðir eiga sæti i framkvæmda-
stjórn SUF, leggja siðunni til efni.
Slðast en ekki sizt er allt mögu-
legt efni, frá ungu framsóknar-
fólki um allt land, ákaflega vel
þegið, eins og áður sagði.
Reynt verður að koma siðunni
út að minnsta kosti hálfs-
mánaðarlega ef til vill oftar.
SUF-siðan tók nokkur stutt viðtöl
við fulltrúa Ungra framsóknar-
manna á 16. flokksþingi
Framsóknarflokksins sem nýlega
er afstaðið, og eru tvö þau fyrstu
hér að ofan.
Forysta í byggðamálum
Á nýafstöðnu flokksþingi Framsóknarflokks-
ins var áréttuð og itarlegar útfærð byggða-
stefna flokksins. Framsóknarflokkurinn hefur
haft forystu i byggðamálum og mun hafa hana
áfram. Það sannfærast allir um, sem kynnt
hafa sér samþykktir siðasta flokksþings um
byggðamál. Samband Ungra Framsóknar-
manna lagði mikla vinnu i gerð ályktunar um
byggðamál og sú ályktun hefur nú i öllum at-
riðum verið tekin upp i ályktun flokksþingsins.
Ágreiningsatriði hefur alltaf verið, hve hátt
framlag ætti að vera i byggðasjóð. Á þessu
flokksþingi var samþykkt að framlagið skyldi
vera — hið minnsta — 2% af útgjöldum rikis-
ins. Það er vissulega spor i framfaraátt.
Ánægjulegt er til þess að vita, að aðrir stjórn-
málaflokkar leggja nú nokkra áherzlu á
byggðastefnu og hefði mátt vera ivið fyrr.
Ekki eru mörg ár siðan að viðkvæðið var
,,Hafið þið komið á Hornstrandir” þegar rætt
var um nauðsyn þess að halda landinu öllu i
byggð. Nú vilja allir Lilju kveðið hafa.
Herseta
Það urðu ungum framsóknarmönnum mikil
vonbrigði að ekki var gengið frá hermálinu á
viðunandi hátt i tið vinstri stjórnarinnar. Ekki
verður gengið framhjá þeirri staðreynd að
þingstyrkur var ekki fyrir hendi til þess að
segja upp varnarsamningnum við Bandarikin.
Þar var um að ræða nokkra þingmenn Fram-
sóknarflokksins, sem réði þó ekki mestu,
heldur afstaða þingmann Samtaka Frjáls-
lyndra og Vinstrimanna, vingulsháttur
Alþýðuflokksins og siðast en ekki sizt viljaleysi
Alþýðubandalagsins. Nú er ljóst að um þing-
styrk er ekki að ræða til þess að framfylgja
stefnu Framsóknarflokksins.
Flokksþingið staðfesti að Framsóknarflokk-
urinn hefur i engu breytt um stefnu gagnvart
hersetu Bandarikjamannaoglagði áherzlu áað
dregið yrði á allan hátt úr áhrifum herliðsins
og það einangrað frá þjóðlifinu. Flokksþingið
varaði við þeirri hættu, sem hugarfari og þjóð-
erniskennd íslendinga stafar af dvöl hins er-
lenda hers. Undir þetta geta allir ungir fram-
sóknarmenn tekið. Samt verður að gæta þess
að sofna ekki á verðinum og hafa markmiðið i
huga, sem er herlaust Island.
Lokun hersjónvarpsins var gott mál, sem ber
að þakka. Varúðar verður hins vegar að gæta
við framkvæmd nýgerðra samninga við
Bandarikjamenn. Þessar framkvæmdir, sem
allt útlit er fyrir að verði geysimiklar, verða að
vera hægar og rugla sem minnst islenzkt
efnahagslif. Ungir framsóknarmenn eru ekki
ánægðir með framvindu hermálsins, en biða
átektar. PE
&
'r: t
fá
í
t,'
$
%
Tannlæknar
Óskunt að ráða til starfa 3-4 tannlækna við skóla-
tannlækningar borgarinnar, hálfan eöa allan daginn.
Upplýsingar um starfið veitir yfirskólatannlæknir.
Skriflegar umsóknir meö upplýsingum um menntun og
fyrri störf, skulu sendar til yfirskólatannlæknis eigi
siðar en 13. desember n.k. „
m
i\r'
Heilsuverndarstöð
Reykjavikur.