Fréttablaðið - 27.12.2004, Blaðsíða 21

5MÁNUDAGUR 27. desember 2004
Veitingastaður með stíl í
gömlu húsi við Laugaveg.
Nýr veitingastaður, Angelo,
hefur verið opnaður á Laugavegi
22a, en það er Hanna Sigríður
Magnúsdóttir sem veitir staðn-
um forstöðu og hannaði allar inn-
réttingar. „Staðurinn er hluti af
gömlu silfurversluninni sem afi
minn rak, en Angelo er einmitt
við hliðina á verslun Guðlaugs
Magnússonar sem hefur verið
fjölskyldufyrirtæki í áratugi.
Hér á þessum stað stóð afi og
smíðaði á sínum tíma,“ segir
Hanna sem er mjög ánægð með
útkomuna. „Barinn er til dæmis
forskalaður og mjög sérstakur
og svo lét ég hlaða hringvegginn
við stigann. Húsgögnin eru frá
Portúgal og áherslan er á að
halda andrúmslofti hússins
ásamt því að hafa staðinn bæði
kósí og smart.“
Angelo er opinn til miðnættis
og boðið er upp á létta rétti í há-
deginu og mat á kvöldin.
Matsalurinn tekur um 50 manns í sæti. Gestirnir rétt ókomnir.
Í anda gamla silfurverkstæðisins
Forskalaði barinn og hlaðni veggurinn setja glæsilegan svip á staðinn.