Fréttablaðið - 20.03.2005, Page 60

28 20. mars 2005 SUNNUDAGUR
Reykjavíkurborg auglýsir eftir umsóknum um 30 lóðir fyrir einbýlishús við nýja götu á milli
Klyfjasels og Lækjarsels í Breiðholti, sem hlotið hefur nafnið Lambasel. Lóðunum verður úthlutað
á föstu verði og er gatnagerðargjald innifalið í því. Um er að ræða lóðir fyrir einnar og tveggja hæða
hús af tveimur stærðum:
• 12 lóðir fyrir hús allt að 184 ferm. að stærð á einni hæð (kr. 3,5 millj.)
• 5 lóðir fyrir hús allt að 240 ferm. að stærð á einni hæð (kr. 4,6 millj.)
• 13 lóðir fyrir hús allt að 240 ferm. á 1 – 2 hæðum (kr. 4,6 millj.)
Umsóknareyðublöð, úthlutunarskilmálar og deiliskipulagsskilmálar fást á skrifstofu Fram-
kvæmdasviðs Reykjavíkurborgar, Skúlatúni 2, 3. hæð. Þessi gögn er einnig að finna á heimasíðu
Framkvæmdasviðs, www.rvk.is/fs undir málaflokknum „lóðir”. Frekari upplýsingar um lóðirnar
fást á heimasíðunni og á skrifstofu Framkvæmdasviðs í síma 563 2310.
Umsækjendur um lóðirnar þurfa m.a. að uppfylla eftirtalin skilyrði:
• Vera ekki í vanskilum með opinber gjöld.
• Standast greiðslumat fyrir 25 mkr. húsbyggingu.
• Hafa átt lögheimili í Reykjavík í a.m.k. eitt ár talið frá ársbyrjun 2000 og að hafa ekki á
sama tímabili fengið úthlutað lóð hjá Reykjavíkurborg.
Hver umsækjandi getur sótt um eina lóð. Hjón og sambýlisfólk teljast vera einn umsækjandi í
þessu sambandi.
Dregið verður úr innsendum umsóknum og verður haft samband við þá, sem þær umsóknir eiga,
um val á lóðum. Athugið, að aðeins þeir sem dregnir verða út þurfa að skila gögnum sem sýna að
þeir uppfylli framangreind skilyrði.
Umsóknum á þar til gerðum umsóknareyðublöðum, undirrituðum af umsækjanda eða umboðsmanni
hans, skal skila til skrifstofu Framkvæmdasviðs, Skúlatúni 2, 3. hæð, fyrir kl. 16:15
fimmtudaginn 7. apríl nk.
Reykjavíkurborg
LAMBASEL
lóðir til úthlutunar í grónu hverfi
HANDBOLTI Það var aðeins eitt lið á
vellinum þegar Haukar tóku á
móti ÍBV í hreinum úrslitaleik
um sigur í DHL-deild kvenna.
Haukastúlkur tóku frumkvæðið
strax í upphafi og gáfu það aldrei
eftir. Þegar upp var staðið unnu
Haukastúlkur stórsigur, 35-21, og
var sigurinn síst of stór.
Hanna Guðrún Stefánsdóttir
átti stórleik fyrir Hauka og
skoraði tíu mörk og Ramune
Pekarskyte var ekki mikið síðri
með níu mörk. Anastasia Patsiou
var ágæt hjá ÍBV sem og mark-
vörðurinn Florentina Grecu.
Aðrir leikmenn ÍBV áttu hreint
út sagt skelfilegan dag. Hrika-
legt var að sjá til Eyjaliðsins í
leiknum en liðsheildin er ná-
kvæmlega engin og leikur liðsins
byggist eingöngu á einstaklings-
framtaki.
„Við spiluðum mjög vel, vörn-
in small og eftirleikurinn var til-
tölulega auðveldur,“ sagði sigur-
reifur þjálfari Hauka, Guðmund-
ur Karlsson. „Þessi munur er
ekki marktækur á liðunum. Ég
tel að ÍBV sé með besta mann-
skapinn í deildinni og að við
séum með besta liðið og við sýnd-
um það svo sannarlega í dag.“
henry@frettabladid.is
Haukastelpur hófu handboltaveisluna á Ásvöllum:
Pökkuðu ÍBV saman
BIKARINN Á LOFT Harpa Melsted,
fyrirliði Hauka, sést hér með bikarinn.
FRÉTTABLAÐIÐ/PALLI
SAMEINAÐIR LYFTUM VÉR Haukamennirnir Vignir Svavarsson og Halldór Ingólfsson
sjást hér lyfta bikarnum í sameiningu á loft en Haukarnir tryggðu sér
deildarmeistaratitilinn með sigri á ÍR í gær. FRÉTTABLAÐIÐ/PALLI
Haukar meistarar
Íslandsmeistarar Hauka tryggðu sér heimavallar-
rétt út úrslitakeppnina í gær þegar þeir tryggðu
sér deildarmeistaratitilinn með góðum sigri á ný-
krýndum bikarmeisturum ÍR, 31-29.
HANDBOLTI Haukar sátu á toppi
deildarinnar fyrir leikinn og
nægði því jafntefli til þess að
verða deildarmeistarar. Þeir
gerðu gott betur og unnu leikinn
eftir magnaða frammistöðu í síð-
ari hálfleik.
ÍR-ingar leiddu í leikhléi, 14-
17, en góð vörn og betri mark-
varsla lagði grunninn að forskoti
þeirra. Vörn ÍR-inga hélt ekki í
síðari hálfleik en vörn heima-
manna batnaði mikið og fyrir vik-
ið datt Birkir Ívar Guðmundsson í
mikið stuð og varði 23 skot í leikn-
um. Haukarnir byggðu upp ágæt-
is forskot og voru með vænlega
stöðu þegar tíu mínútur lifðu
leiks, 25-22. Það forskot létu þeir
aldrei af hendi. Þrátt fyrir fína
baráttu tókst ÍR aldrei að ógna
Haukum almennilega og heima-
menn fögnuðu vel í leikslok.
„Við vorum aldrei öruggir með
okkur enda ekki hægt þegar ÍR-
ingar eru annars vegar. Þeir gefast
aldrei upp,“ sagði Haukamaðurinn
Þórir Ólafsson, sem fór á kostum i
leiknum og skoraði 13 mörk í öll-
um regnbogans litum. „Það skiptir
gríðarlega miklu máli að hafa
heimavallarréttinn og það sýndi
sig í úrslitakeppninni í fyrra. Við
erum að styrkjast með hverjum
leik og það munar mikið um að fá
Ásgeir Örn aftur á fulla ferð.“
ÍR-ingar féllu úr öðru sæti í
það þriðja með tapinu þar sem
ÍBV lagði HK í Digranesi. „Við
erum ekki orðnir saddir þótt við
höfum unnið bikarinn. Þetta lið
vill vinna meira og við munum
mæta mjög grimmir til leiks í úr-
slitakeppninni,“ sagði Júlíus Jón-
asson, þjálfari ÍR.
henry@frettabladid.is
ÍS tryggði sér oddaleik gegn Keflavík í úrslitakeppni kvennakörfunnar:
Stúdínur ekki á leiðinni í sumarfrí
KÖRFUBOLTI Stúdínur tryggðu sér
oddaleik gegn Keflavík í undanúr-
slitum úrslitakeppni kvenna í
körfubolta með 21 stigs sigri, 75-
54, í öðrum leik liðanna í Kennara-
háskólanum í gær.
Það var ljóst frá byrjun að ÍS
var ekki á leiðinni í sumarfrí, liðið
vann fyrsta leikhluta með 18 stig-
um og hélt Íslandsmeisturunum í
aðeins þremur stigum fyrstu 10
mínúturnar. Keflavíkurliðið átti
nokkur áhlaup það sem eftir lifði
leiks en munurinn var aldrei
minni en níu stig og endaði
leikurinn með sannfærandi sigri.
Signý Hermannsdóttir hélt
áfram yfirburðum sínum inni í
teig hjá ÍS, skoraði 23 stig, tók 16
fráköst, varði 8 skot og gaf 6
stoðsendingar, en Signý hefur
meðal annars varið 19 skot í
fyrstu tveimur leikjum einvígis-
ins. Þórunn Bjarnadóttir átti líka
mjög góðan leik, skoraði 16 stig og
tók 10 fráköst, og Alda Leif Jóns-
dóttir var traust með 15 stig. Þá
áttu þær Erna Rún Magnúsdóttir,
Hafdís Helgadóttir og Stella Rún
Kristjándóttir allar góða spretti.
Angel Mason skoraði reyndar að-
eins 5 stig fyrir ÍS en hún hélt
Birnu Valgarðsdóttur stigalausri
og frákastalausri í leiknum.
Hjá Keflavík var Alex Stewart
yfirburðamanneskja með 24 stig,
11 fráköst og 5 stoðsendingar og
Anna María Sveinsdóttir var lík-
ust sjálfri sér með 12 stig og 9 frá-
köst en aðrar voru nánast óþekkj-
anlegar. Þetta var þvi erfiður dag-
ur fyrir Sverri Þór Sverrisson,
þjálfara liðsins, sem var nýkom-
inn úr Keflavík þar sem hann tap-
aði sem leikmaður fyrsta leik
undanúrslitanna gegn ÍR. ■
SVAKATÖLUR HJÁ SIGNÝ Signý Hermannsdóttir hefur skorað 19,5 stig, tekið 16,5 frá-
köst, varið 9,5 skot og gefið 5 stoðsendingar að meðaltali í fyrstu tveimur leikjunum gegn
Keflavík. FRÉTTABLAÐIÐ/STEFÁN