Atuagagdliutit - 01.08.1984, Blaðsíða 14

perndumik umiarssuaKNorthwindNungmut tikerårpoK, tamdnalopivdlu-
go arfiningormat piumassunut takuniartineKarpoK, ardlaligpagssuarnit-
dlume alutorssautigineKardlune.
Det er første gang at NORDVINDEN — NORTHWIND — har besøgt
Nuuk. I den anledning var der åbent hus lørdag eftermiddag, og mange
godthåbere benyttede lejligheden til at komme ombord i det amerikanske
kystskib. (Foto: Anne Bang)
NORDENVINDEN-
imik naapitsineq
Amerikamiut sinerissamik nakkutilliissutigalugulu
sikunik aserorterutaat NORDENVINDEN
Nuummiippoq piumasunillu pulaarsaalluni
Nuuk imaaniit tikeraarfigineqaq-
qammerpoq. Ippassigami aasap
unnuani alianaalleruttoraa vikingit
umiarsuaat Saga Siglar Nuummi
umiarsualivitoqqamut tikisartor-
poq tissiarsartorsuulluni. Ullullu
marlussunnguit qaangiummata
amerikamiut sikunik aserorteru-
taat NORDENVINDEN tikippoq
nukingit allariuinnaat ingerlatiga-
lugit: Motorersuit sisamat tamar-
mik immikkut 3.000-inik hestek-
raftillit.
Amerikamiut sinerissamik nak-
kutilliissutaat ukiormanna siuller-
meerluni Nuummiippoq. Uangalu
siullerpaameerlunga Kalaallit Nu-
naanniippunga, neriuppungalu
taanna aamma naggataarutigis-
sanngikkiga, umiarsuup naalagaa
William Caster oqarpoq arfinin-
ngormat ualikkut piumasunik
NORDENVINDEN-imut pulaar-
saanerminni.
— Umiarsuaq Thulemiissimavoq
amerikamiut umiarsuaat pilersuu-
tit amerikamiut Thulemi sakkutoo-
qarfiannukartut ingialloriartorlu-
git. Ukiormannali sikoqarpal-
laanngimmat suliassaqarpallaarsi-
manngilagut, umiarsuup naalagaa
oqaluttuarpoq. Taamaattumik pif-
fissaq atorluaannarnialersimavar-
put Kalaallit Nunaannilu illoqarfiit
ilaanni ulluinnarni inuuneq takuju-
mallersimallutigu. Sisimiuniissi-
mavugut Kangerlussuarmullu pula-
simalluta. Kiisalu maanna ulluni
marlussunni Nuummiissinnaasi-
malluta.
Illoqarfimmi malugineqarsin-
naasimavoq amerikamiunik
179-inik ullut tamaasa tikittoqar-
tanngitsoq.
— Immaqami inuttaasut illoqar-
fimmi susassaqarpallaarsimanngil-
lat, tikeraarumallutami aalajangi-
lertungaarsimagatta ataatsimoor-
luni qanoq iliuusaasinnaasunik pi-
lersaarusiorsinnaasimanngilagut.
Ilaatigut tupaallaatigisimavarput
illoqarfimmi taxaqarnera. Ameri-
kamiummi amerlanersaasa kalaal-
lit ulluinnarni qanoq inuusarnerat
ilisimasaqarfiginngilaat. Isuma-
qarsimagaluarpugut inuit suli illu-
ikkani najugaqarlutillu nannunik
illut akornanni angalaartoqartar-
toq, umiarsuup naalagaa Caster
oqarpoq.
Kiattumiit aggerput
NORDENVINDEN angerlartarfe-
qarpoq North Carolinami maan-
nakkorpiaq 32 gradinik kiassuse-
qartumi. Umiarsuaq 90 meterinik
takissuseqarpoq 21 meterinillu si-
lissuseqarluni sukkanerpaagaanga-
milu 15,6 knob-ertarluni, tassa na-
lunaaquttap akunneranut 28,8 ki-
lometerersinnaalluni.
Umiarsuup inuttaanit 179-iusunit
14-it aqumiuupput, angalanerallu
oktoberip qiteqqunnerani naas-
saaq. Illoqarfimminniit julip aal-
laqqaataani aallarsimapput.
NORDENVINDEN-ip siku me-
terinik pingasunik issussusilik ase-
rortersinnaavaa. Sikuli assigiigin-
narmik issussuseqartanngilaq. Si-
kutoqaq soorlu Tunumiittoq ukior-
manna sikumit nutaamit soorlu Ki-
taaniittumit aserorteruminaanne-
rujussuusarpoq, umiarsuup naala-
gaa nassuiaavoq.
NORDENVINDEN-ip motorer-
sui sakkotoqisut soqutiginarluin-
narput. Pulaartunullu tupinnarner-
saagunarlutik helikopterinut mar-
lunnut isertitsisarfissui. Taakku
atorluarneqartarput ilaatigut pissu-
tigalugu angalatillugit helikopterit
sikutigut aqqutissiuussillutik tim-
misinneqartuartarmata.
NORDENVINDEN amerikami-
ut sinerissamik nakkutilliineranni
atorneqalerpoq 1945-imi februarip
25-ianni aapaaguanilu Thulemi
timmisartunut mittarfiliornermi
atorneqartunut ilaalluni. Berings-
havimi eskimuut nunaqarfeerar-
passuini napparsimasunik ikiuissu-
taasarsimavoq piniartunillu saavi-
gussaasimasunik annaassissutaa-
sarsimalluni. Aammattaaq sikunik
ilisimatuunit angallatigineqartarsi-
mavoq — sikusiutimmi Amerikap
kangimut sineriaaniittut kisiarta-
raat.
Nuummeereerunik Kangilinngu-
it, Kulusuk, Island Spitsbergenilu
ornittussaavaat.
—Kalaallit Nunaaliaqqikku-
maarpugulli neriuppugullu illoqar-
fimmut maanga tikeqqikkumaarlu-
ta. Tullianilli tikilerutta ilisimatit-
seqqaarumaarpugut, umiarsuup
naalagaa naggasiivoq.
Kapisilinnut qassutit
tissukartittakkat
Kapisilinnut qassutinik nioqquteqarpugut. 67 M/M piareeriikkat
monofil 0,57 920 knuder nigartat 46.
Ikkussoreersimallutik takissusiat 30 meter.
BRANLACO ApS
Box 118.3900 Godthåb
Fartøj til salg
GR 15-96 M/K »Pujorkormioq« udbydes herved til salg. Fartøjet,
der er på 30 fod, er bygget af eg på eg i 1963 i Korsør. Motoren,
der er en 42 HK Hundested fra 1972, er defekt.
Fartøjet henligger på GTO's bedding i Umanaq.
Fartøjet udbydes til salg for højeste acceptable bud.
Der er ingen mulighed for erhvervsstøttelån til køb og istandsæt-
telse af fartøjet.
Tilbud bedes indsendt til Erhvervsstøtteudvalget, Box 1030, 3900
Godthåb senest den 15. august 1984.
Erhvervsstøtteudvalget
14 NR. 31
1984
ATUAGAGDUUT1T