Atuagagdliutit - 25.05.1995, Blaðsíða 23

Nr. 41 • 1995
23
/^€aajpqjp(/éfa.
GRØNLANDSPOSTEN
David isertitsivigiuminaatsoq
David Olsen arsamik isimmitsillaqqissuuvoq - aamma assammik arsarluni
målmandiugaangami
(JJ) - Assammik arsartartut
pissartanngorniun neran ni
perngaataasumik Atuagag-
dliulit/Grønlandsposten »As-
sammik arsallammak«-mik
nersornaasiivoq. Nersornaa-
sigaavoq Kagssagssup mål-
mandia David Olsen, maan-
na ilisaridtassarput.
David Olsen 25-nik ukio-
qarpoq Kangaamiunilu inun-
ngorsimalluni. 1978-mi 8-
nik ukioqarluni Kågssag-
ssuk-mi isikkamik arsartaler-
poq. Isikkamik arsarneq nu-
annariuaannarsimavaa. Uki-
ut arlallit qaangiummata
kakkannerni akuulerpoq.
Allami arsartalerpoq
Isikkamik arsaattartut 1989-
mi Qaqortumi pissartanngor-
niummata Kågssagssup K-33
3-1-mik ajugaaffigimmagu
David pissartanngoqataavoq.
1990-mi Kågssagssuk-mi
arsaattartut arlallit Aqigssi-
aq-mut nuupput. David arla-
lialuillut nooqataanngillat.
Pissartanngorniunnissamut
anngunniunnermi Aqigssiaq
ajugaaffiginngitsoorpaat.
Taamani pissartanngorniun-
neq Nuummi pivoq, Aqigssi-
aq pissartanngorniuteqataal-
luni Nuk-mulli 6-0-mik ajor-
sarluni.
David malinnaavoq
Taamaariarmat David Olsen
arsaateqatigisarsimasani ma-
linniarlugit aalajangerpoq,
1991-milu Aqigssiaq nunat-
sinni pissartanngorpoq. Taa-
mani pissartanngorniunneq
pivoq Ilulissani, pissartanng-
oramillu Siuteroq (Nanor-
talik) ajugaaffigerujussuar-
paat tassa 12-0-mik.
1992- mi Sisimiuni pissar-
tanngorniunnermi ajugaaniu-
tivinnermi Aqigssiaq K-33-
mut 1-2-mik aj'orsarpoq, taa-
maalu K-33 1989-mi ajor-
sarnini taamani akiniarlugu.
1993- mi Aqigssiaq pissar-
tanngorniunnernut anngutin-
ngitsoorpoq. Siorna 1994-mi
Nuummi Aqigssiaq ajugaa-
niutivinnermut annguppoq,
B-67-milli 2-0-mik ajugaaf-
figineqarluni.
Kinguarsimasutut
aallartippoq
Ukiuni kingullerni assammik
arsarneq Davip soqutigiartu-
innarsimav'aa. Sulili isikka-
mik arsaattarpoq, ukiuunera-
nili assammik arsarnerusar-
luni.
Timersortarfissuarmili i-
sikkamik arsaattarneq piffis-
saqarfigisarpaa. Aasaanerani
isikkamik arsaanneq, sap. a-
kunneranut 3-4-riarluni su-
ngiusartarluni.
- 1985-mi 15-nik ukioqar-
lunga assammik arsartarler-
punga, kinguarsimasuusarlu-
nga. Inuusuttut 1987-mi Sisi-
miuni pissartanngorniumma-
ta ilaavunga, taamanilu nr. 3-
ulluta bronzennappugut. Pis-
sartanngorniunnerilli sioqqu-
lugit anngunniummermi Nuk
ajugaaffigaarput. Aamma
taamani iluatsitsivallaartarsi-
manginnatta. Unamminerni
tallimani målimik ataasiin-
narmik ajorsartarsimavugut,
David Olsen oqarpoq.
Nalaatsornikkut
målmandiunngorpunga
Tassa David Olsen-ip nunat-
sinni pissartanngorniuteqa-
taanera siulleq, sulili ilaqar-
put.
- 1987-mi sungiusaasut i-
lagaat Josef Berthelsen.
Taassuma aperaanga mål-
mandiorusunnginnersunga.
Akuerisimavara tassalu taa-
manili målmandiusalerpu-
nga, David Olsen oqalualaar-
poq.
David 1989-mi inersima-
suni assammik arsaattaler-
poq. Ukioq siulleq timerso-
qatigiiffinnilu Aqigssiaq aju-
gaaniutivinnermut anngup-
poq. Taamani pissartanngor-
niunneq Maniitsumi inger-
lanneqarpoq, taamanili aju-
gaavoq pissartanngorlunilu
1-69.
1990-mi pissartanngorni-
unneq pivoq Ilulissani. Taa-
mani Aqigssiaq nr. 6-uvoq
kingullersaalluni. Taava uki-
ut ingerlallappul, arsaattartut
taarseraattuarlutik - Aqigssi-
aq-miissinnarlutik aappagua-
ni Kågssagssuk-mut nuullaa-
raat.
Aatsaat ukioq manna Kåg-
ssagssuk pissartanngorniun-
nermi, Maniitsumi ingerlan-
neqartumi, kingumut peqa-
taaqqippoq. Nr. 4-raavoq,
SAK-mut ajorsarami.
Pissartanngorniunneq
taanna David-mut nuannersi-
maqaaq, målmandiulluarner-
paagami. Pissartanngorniun-
nerlu naggataarnersiorneqar-
mat »Assammik arsaatillam-
mattut« nersornaaserneqar-
poq, nunatta unammisartui-
nut ilanngutitaalluni.
Aamma sungiusaasarpoq
Ukiut marluk matuma siorna
David Olsen David Berthel-
sen-ilu meeqqanik assammik
arsartartunik sungiusaasaler-
poq, siullermik niviarsiaqqat
sungiusartarsimallugit.
- Ukioq manna nukappiaq-
qanittaaq sungiusaasarpu-
nga. Inuusuttut Narsami pis-
sartanngorniummata angusa-
lunnersaalluta kingullersaa-
vugut. Taamaakkaluartorli
sungisartakkama ilai kak-
kaqaat, marluinnaallu inersi-
masunut nuuttussaammata
suliassaqaqaanga, David Ol-
sen naggasiilluni oqarpoq.
Aamma siulersuisuni sule-
qataasarsimavoq. Tassa as-
sammik arsaattartunut im-
mikkoortortaqarfimmi ukioq
ataaseq siulersueqataagami,
suliassaqarnanngippalaar-
ntalli soqutigivallaarsiman-
ngilaa. David 12. klassereer-
luni atuarunnaarnikuuvoq,
maannalu suliffeqarani.
Taaneqareersutulli nunatta
unammisartuinut ilaasussatut
toqqagaanikuuvoq, allat 18-it
peqatigalugit. Taakkuali ki-
ngorna 12-iinnanngortinne-
qartussaapput.
Lars Erik Gabrielsen rekordiliivoq: Kalaaleq kivil-
taarisartoq, Lars Erik Gabrielsen arfminngormat maj-
ip 20-iani nammineq rekordini angoqqippaa. Lars Eri-
up klubbi ilaasortaaffigisani sinnerlugu Sjælland-imi
Hillerød-ip eqqaani Aalholm-imi inaarutaasumik u-
namminernut peqataanermini rekordiliivoq.
Lars Erik siullermeerluni stød-imik kivitseriarner-
mini 100 kilo erngerluni kivippaa, taamaalillunilu ki-
vitami oqimaannerpaartaat 5 kilo-mik sinnerlugu.
Træk-imi 130 kilo kivippaa. Unamminermi angusa-
rineqartut katinnerini katillugit 230 kilo-nik kivitsisi-
malluni normu 3-nngorpoq. 83 kilo tikillugu oqimaas-
susilinni unammeqataavoq.
Junip aallaqqaataani Lars Erik Gabrielsen-ip sulias-
sami pingaarnersaat Aalborg-imi sungiusaasunngor-
niat ilinniarfiannut tunniuttussaavaa. Allaaserisaani
angusissutigissaguniuk Lars Erik kivittaarisartut su-
ngiusaasuattut naammassissaaq.
Junip 16-iani ilaquttani ilagalugit Ilulissiassaaq.
Qaammatini marlunni sulinngiffeqareeruni kivittaari-
sartut peqatigiiffiannik pilersitseriaraluassaaq. Tama-
tuma kingorna Lars Erik Danmarkimut utissaaq, pif-
fissamilu unammiffiusumi tullermi nutaanik rekordi-
leeriaraluassalluni.
Ny rekord af Lars Erik Gabrielsen: Den grønland-
ske vægtløfter Lars Erik Gabrielsen, satte i lørdags,
den 20. maj, endnu en ny rekord. Det skete i Aalholm
ved Hillerød på Sjælland, hvor Lars Erik med sin klub
deltog i denne sæson’s afsluttende stævne.
Lars Erik stødte for første gang 100 kilo i stød, hvil-
ket er en forbedring på 5 kilo. I træk blev det til 130
kilo. I tokampen, de to resultater lagt sammen, blev
det til en flot tredjeplads med et samlet løft på 230
kilo. Det skete i klassen op til 83 kilo.
Den 1. juni skal Lars Erik Gabrielsen aflevere sin
hovedopgave på Trænerskolen i Aalborg. Det er en
teoretisk opgave, og hvis den er god nok, så har Lars
Erik bestået eksamen soijt træner i vægtløftning.
Han tager sammen med sin familie på ferie i Ilulis-
sat den 16. juni. Den vil vare godt to måneder, og på
den tid vil han forsøge at starte en vægtløftningsklub
op. Lars Erik tager derefter tilbage til Danmark, hvor
der står nye rekorder for fald i den kommende sæson.
V______________________________________________________J
David Olsen assammik arsartalerami kinguarsimasuuvoq.
Ullumikkut nunatsinni målmandiullaqqissut ilagaat.
David Olsen startede som bagspiller i håndbold. I dag er
han en af Grønland's bedste målmænd.
- Niuutigaara aasaru Irland-imi nunarput sinnerlugu unani-
meqataajumaarlunga, David Olsen qungujulluni oqarpoq.
- Jeg håber virkelig på, at blive udtaget til sommeren ’s
landskampe i håndbold i Irland, siger en smilende David
Olsen.
Namminersornerullutik Oqartussat
Tamanut suliariumannittus-
sarsiuussineq
Ilulissani ilinniarfissaniik
Namminersornerullutik Oqartussani Kulturimut, Ilin-
niartitaanermut Ilageeqarnermullu Pisortaqarfimmiit
ilinniarfissaq, Ilulissani GTO-p inissiisarfigisimasaani,
B-669-imi, B-670-imi aamma B-671-imi inissisimasus-
saq tamanut suliariumannittussarsiuunneqarpoq.
Illuni pioreersuni 1708 nr-t missaanni annertussu-
seqartuni sanaartomermi allanngortiterisoqassaaq iluar-
saassisoqassalluni alliliisoqassallunilu.
Suliassat ima suliariumanittussarsiuunneqarput:
Suliassaq 1: Nunalerineq beton-imillu suliassat.
Suliassaq 2: Sanasut, pisatsiortut, qarmaasut
immikkullu natilersuisartut
suliassaat.
Suliassaq 3: Ruujorilerisut suliassaat.
Suliassaq 4: Qalipaasut suliassaat.
Suliassaq 5: Innaallagissersuineq.
Pappiaqqat neqerooruteqamissamut atortussat 26.
majimiit
TNT-ALUK A/S Arkitekter M.A.A. TSP,
Box 189, 3900 Nuuk-imut
inniminnerneqarsinnaapput, inniminniinermilu checki
crossigaq kr. 1.000 nalilik qulamaveeqqutitut uunga
nassiunneqassaaq: Namminersornerullutik Oqartussat,
Kulturimut, Ilinniartitaanermut Ilageeqarnermullu
Pisortaqarfik. Qularnaveeqqusiussaq neqerooruteqar-
nissamut atortut ilivitsuutillugit ajoqusersimatinnagillu
utertinnerini utertinneqassaaq.
Pappiaqqanik neqerooruteqamissamut atortussanik
amerlanerusunik pissarsisoqarusukkuni naqiterititsi-
nermi akiusup nalinganik akiliilluni pisisoqarsinnaa-
voq.
Neqerooruteqamissamut atortussat TNT. ALUK A/S-
imut aaneqarsinnaalerpata neqerooruteqarusuttut oqara-
suaatikkut nalunaarfigineqarumaarput.
Suliariumannittussarsiuussinissamut ulluliussaq pap-
piaqqani neqerooruteqamissamut atortussani allassi-
massaaq.
Inussiamersumik inuulluaqqusilluta
Namminersornerullutik Oqartussat
Kulturimut, llinniaritaanermut Ilageeqarnermullu
Pisortaqarfik