Atuagagdliutit - 08.06.1995, Blaðsíða 15
Nr. 44 ■ 1995
15
GRØNLANDSPOSTEN
Nalaatsomikkut
målmandinngorpunga
- Taama oqarpoq nunatsinni assammik isikkamillu arsaattartut målmandiisa
kakkanerit ilaat 28-nik ukiulik Karl Davidsen, Sisimiut
Karldak aamma nunatsinni isikkamik arsaattartut målman-
diisa kakkanerit ilagaat.
Når talen falder på fodbold, ja, så er Karl også en af Grøn-
lands bedste målmænd.
SISIMIUT(JJ) - Tallimaan-
narnik ukioqarluni arsameq
soqutigisarilerpaa.
Angutaa ateqarpoq Vittus
Davidsen, Sisimiuni S-68-
mik pilersitseqataasimasoq.
Vittup emi timersortarfissua-
liaqatigisarsimavaa arsamik
pinnguarniassammat.
Ernera tassaavoq Karl
Davidsen, ullumanna nunat-
sinni assammik isikkamillu
arsaattartut målmandiisa
kakkannerit ilaat.
Timersortartoq taanna
kakkalluinnartoq ilisarititsi-
assavarput. Aallarniutigissa-
varput S-68-mi saassussisar-
tutut arsaattaleqqaarnera.
- SAK-mut ajorsartuartar-
simavugut, 1983-milu 16-nik
ukioqarlunga ajorsartuamera
qatsutivikkakku SAK-mi
arsaqataasalerpunga, tassa-
niippummi ikinngutikka.
- SAK-mut nuunnera ataa-
tannut oqaatigissallugu omi-
givallaarsimanngilara. Taa-
mani ataatama pedeliuffigi-
saani skole Il-mi atuarpunga,
ilimagisattullu ataamama tu-
sakkani nuannarinngeqaa -
ilami nuannarinngitsorujus-
suuvaa, Karl Davidsen oqar-
poq.
- SAK-miilerama ajugaa-
qataajuaannalerpunga. Inuu-
suttuaqqat nunatsinni Sisimi-
uni pissartanngorniummata
ilaavugut, taamanilu ajugaa-
niutivinnermut anngukkatta
Kågssagssuk unammiavarput
2-0-millu ajugaaffigalugu.
Isertitarput siulleq niaqum-
millugu isertippara, Karl
Davidsen oqaluttuarpoq.
Sungiusaasoq
naammaginngilaat
1986-mi Karl S-68-mut uter-
poq tassaniipporli 89-ip tun-
gaanut. Taamaaliorpoq
SAK-mi arsaateqatimi siu-
lersuisullu ilai nuannariun-
naarsimagamigit.
- Unamminissamut unam-
misussanik toqqaasarneq
naammagisarsimanngilara,
sungiusaasumillu Hans John-
sen-imik isumaqataasanngin-
nerma kinguneraa S-68-mut
uternera. Ukiuni taakkunani
S-68 arsaattugissaarnerusi-
mammat nuunnera ajornar-
torsiutaasimanngilaq.
- Kisianni 1990-mi SAK-
mut uteqqippunga. Målman-
diusalerpunga 1987-mi S-68-
mi. Angutit pissartanngorni-
uttarneranni peqataaffigisar-
takkanni medaljeannanngisa-
annarsimavunga, assammilli
arsaannermi, Karl Davidsen
oqarpoq.
Ukiuni 16-nini
Karl Davidsen ukiorpassuan-
ngulersuni assammik arsaat-
tartunut målmandiusareer-
poq.
1979-mi Danmarkimiitil-
luni Folkeskole-mi Århus-ip
eqqaani Tilst-mi assammik
arsaattaleqqaarpoq. Taman-
nalu ingerlatiinnarsimallugu
Sisimiunut uteqqikkami.
1980-ikkut qiteqqunneran-
ni piffissaq sivikitsoq eqqa-
assanngikkaanni Karl SAK-
mi målmandiujuaannarsima-
voq, taamaattuassallunilumi.
- Assammik arsaattartunut
målmandiujuaannarsimavu-
nga. Tamatumunnga pissu-
taavoq AFG-ip målmandia
Ole Nørskov, qallunaat nu-
nanut allanut unammisartui-
nik nuanniilliortitsisimasoq
namminissarsiomerminik.
- Nammineq skooni atoru-
suttarsimavai, Danmarkimi
assammik arsaattartut kattuf-
fiata tapersersuisuata piuma-
sai atorusuttarsimannginna-
migit.
- Taanna taamani kakka-
qimmat nuannaartorisima-
qaara taannaarusuttarlunga,
taamalu målmandiunngorsi-
mallunga, Karl Davidsen o-
qarpoq.
Nunatta unammisartui
inuusuttut
Nunat avannarliit inuusuttaat
1986-mi Danmarkimi pissar-
tanngorniummata Karl Da-
vidsen nunatta unammisartu-
ini peqataavoq.
- Ilungersunalaanngitsoor-
simanngilaq. Nunatsinni i-
nuusuttut Qaqortumi pissar-
tanngorniunnerat peqataaffi-
geqqaarparput, tassanngaan-
nillu peqataasussatut toqqar-
neqartugut Danmarkiliarput
sungiusariartorluta, nunat
avannarliit inuusuttaasa pis-
sartanngorniunissaat sioq-
qullugu. Sakkortuumik su-
ngiusartinneqarpugut - ilami
sakkortuallaamik, unammi-
sussanngorattalu qasoqaluta.
- Taamani ajorsartinneqa-
ngaatsiartarpugut. Nuanner-
pallaarsimanngilaq ilit måli-
nik 10-nik 15-nik ajorsartu-
artartut peqataaffigalugit,
Karl Davidsen oqaluttuar-
poq.
Nammineq
sungiusartaqaaq
Karl Davidsen målmandiu-
voq målmandiunerminik ilu-
ngersuussisoq. Ukiut tamaa-
sa kakkasseriartarpoq. 1994-
mi assammik arsaattartut pis-
sartanngomiunneranni arsar-
luarnerpaatut nersornaaser-
neqarpoq, tassa målmandiul-
luarnerpaatut.
Ukioq taanna »Arsaatil-
lammak«-tut nersornaasiiso-
qarsimasuuppat Karldak a-
vaqqutiinnarneqarsimanavi-
anngikkaluarpoq.
- Sungiusaraangama nam-
mineernerusarpunga. SAK-
mi sap. akunneranut pingaso-
riarluta sungiusartarpugut,
taakkuali saniatigut nammi-
neq sungiusartarpunga.
- SAK-mi sungiusarnitsin-
nik ilungersuussisuuvugut.
Nunatsinni assammik arsaat-
teqatigiit akornanni ukior-
passuarni kakkannerpaat i-
laagaatigut.
- 1994-mi Nuummi pissar-
tanngorniunnermi ajugaaniu-
tivinnermi ajorsarpugut, uki-
oq manna ajugaaniutivinner-
mut anngutinngitsoorluta
K-33-lu naligiikkatta. Unam-
minerap annertunerpaartaani
siuaqqajuarsimagaluarluta,
unamminerup naajartomera-
ni angutikkata eqqaamane-
qarsimassaaq.
- Aappaagu sungiusarluar-
nerusimassaagut kakkanner-
paani akuuleqqikkusukkatta.
Arsartorissaaqigattami taak-
kua akornanniittariaqarpu-
Nunatta unammisartui inuusuttut 1986-mi Danmarkimi nunat avannarliit pissartanngorni-
ummata peqataapput. Aaku immiorfissuup Tuborg-ip, taamani tapersersuisuusimasup,
eqqaani.
Ynglingelandsholdet deltog i 1986 ved de nordiske mesterskaber i Danmark. Her ses lands-
holdet foran trappen på Tuborg, der også dengang var sponsor. Det er Karl i cirklen.
(Arkivfoto).
Karl »Karldak« Davidsen nunatsinni assammik arsartartut
målmandiisa kakkanerit ilaagaat.
Karl Davidsen er helt klart en af Grønlands bedste
målmænd i håndbold. (Ass./Foto.Knud Josef sen).
gut, Karl Davidsen naggasii-
voq.
»T imersullammak«
Karl Davidsen maj-mi 1994-
mi Sisimiuni »Timersullam-
mak«-tut nersomaaserneqar-
poq, 1993-mi angusai kusa-
nartut pillugit.
Nersornaaserneqarneranut
tunngavilersuutigineqarluni
oqaatigineqarpoq Sisimior-
miuaqqat Karldak målman-
diullaqqissuunera pillugu
nuannaartorisarpaat nersorta-
qalugu. Aamma oqaatigine-
qarpoq Karldak assammik
isikkamillu arsarnermik su-
ngiusarnermini ilungersuus-
sisuunera.
Karldak marlunnik poka-
linnatsinneqarpoq, kiisalu
SISU Sport-imit 1.000 kroni-
nik tunissuteqarfigineqarlu-
ni.
Sisimiuni timersoqatigiif-
fiit sinnerlugit Kaaleeraq
Bech nersomaammik tunisi-
suuvoq.
Sulisilluni ajoqusemini
ajoqutigaa
Ukioq manna pissartanngor-
niunneq SAK-mut Karldam-
mullu pitsaavallaarsimann-
gilaq. Ukiomera malunnium-
mat Karldak suliffimmini
assammigut ajoqusingaatsi-
arpoq.
Tamanna sungiusameranut
malunnarsimaqaaq tassa ta-
makkiisumik sungiusarsin-
naasimannginnami. Aatsaalli
pissartanngorniunnissamut
qaammat ataasiinnanngortor-
lu tamakkiisumik sungiusar-
sinnaanngorsimalluni.
Pissartanngorniunnermi
aallartinnerlioreerluni unam-
minemi kingullerni Karldaap
pissusissani ateqqippaa.
Ajoraluartumilli kingoq-
qutsilluni. Ajugaaniutivin-
nermut anngunniunnermi
SAK K-33-mut ajorsarpoq,
taamalu ukioq manna bronze
naammagiinnartariaqarsi-
mallugu.
Tamannali Karldaap nikal-
luallaatiginngilaa. Unammi-
nissat nutaat tullinnguupput,
tamatumuuna isikkamik ar-
saannerit. Ilimanarporlu
SAK, Karl Davidsen mål-
manderalugu, ukiaru august-
usimi pissartanngomiunner-
ni, Sisimiuni ingerlanneqar-
tussani, ilaassaasoq.
Timersomermi ilisarititsineq
Ateq: Karl Davidsen. 1
Inuusoq: 22. marts 1967 Sisimiuni.
Suliffik: Sanasoq.
Massakkut sammisai: Isikkamik assammillu arsar-
neq.
Nunanut allanut unammiartornerit:Inuusuttuni
Danmark-imi nunat avannarliit assammik arsaanner-
mik unammersuarmata peqataasoq.
Ilaasortaaffii: SAK, siornatigullu S-68.
Pissartaaffii: 1983-imi inuusuttuaqqat Kalaallit
Nunaanni pissartanngorniummata Sisimiuni SAK-
mut pissartanngoqataavoq.
1984-imi Sisimiuni inuusuttut Kalaallit Nunaanni pis-
sartanngorniummata pissartaaqataavoq.
1992- imi Qaqortumi inersimasut Kalaallit Nunaanni
pissartanngorniummata pissartaaqataavoq.
1993- imi Sisimiuni inersimasut Kalaallit Nunaanni
pissartanngorniummata pissartaaqataavoq.
1993- imi Sisimiuni »Timersullammattut« toqqagaa-
voq.
Medalje-t allat: 1982-imi Paamiuni inuusuttut assam-
mik arsaallutik Kalaallit Nunaanni pissartanngorni-
ummata sølvinnappoq.
1994- imi Nuummi inersimasut assammik arsaallutik
Kalaallit Nunaanni pissartanngorniummata sølvin-
nappoq.
1995- imi inersimasut Maniitsumi assammik arsaallu-
tik Kalaallit Nunaanni pissartanngorniummata sølvin-
nappoq.