Atuagagdliutit - 10.08.1999, Side 27
GRØNLANDSPOSTEN
MARLUNNGORNEQ 10. AUGUST 1999 • 27
Seeqquminik ajutoomini
pillugu nipilersortalersoq
Malik Hegelund Olsen 19-inik ukiulik Norge-mi ilinniarnerminik
taamaatitsisoq, sisorartarninilu taamaatillugu. Ullumikkut nipilersorneq
pingaarnertut sammisalerilerpaa
(JJ) - Sangusaartartutta kak-
kannersaat ajutoortuaannar-
put.
Ilagaat Malik Hegelund
Olsen, 1996-imi Norge-mi
Lillehammer-imut nuuttoq,
Norge-mi skigymnasiat pit-
saanersaanni atuassalluni.
Lillehammer-imi atuarpoq,
Miki Brøns atuaqatigalugu.
Taamani tassani aamma
najugaqarput Katrine Hvid-
sten aamma Arne Harden-
berg kiisalu langrendertartoq
Henrik Skifte.
Malik 1995-imi sisoramer-
mik ingerlatsinngilluinnarsi-
mavoq, Sisimiuni GM-er-
nermi seqqumigut ajutoomi-
ni pissutigalugu.
- Eqqaamalluarpara 1995-
imi sangusaarluni GM-emer-
mi pisimasoq. Siullermeerlu-
ni sisunerup kingoma siuaq-
qalluarpunga, aappassaanilli
sisuninni ajoquserpunga.
- Tunummut nivingajallu-
nga sisuffiup avataanut pivu-
nga, apusinemullu sakkoor-
tuumik tukkama ingerlaan-
naq unillunga, taamalu seeq-
qunnik ajoquserlunga, Malik
Hegelund Olsen AG-mut
oqarpoq.
Ukiakkut 1995-imi Malik
pilatsippoq, qaammammilu
ataatsimi qerattaqquteqarlu-
ni. Ukioq taanna juullip na-
laani sungiusamini aallarteq-
qippaa.
Lillehammer-imut
nuuttoq
Feburar 1996-imi annertuu-
mik sungiusalerpoq, kisian-
nili GM-emermut ilaanngi-
laq.
Ukioq taanna augustimi
Lillehammer-imut nuuppoq,
Norsk Topidrætsgymnasi-
um-imi atuassalluni.
Tamatumunnga atatillugu
qallunaat nunanut allanut
unammisartuinut ilanngup-
poq, taamalu Østrig-imi su-
ngiusaqataalluni.
- Atuarnera ingerlalluar-
poq. Kisiannili norgemiut
atuaqatikka iluamik ilagineq
ajorpakka.
- Akerlianik qallunaat ka-
laallillu kammalaatikka ila-
gisaqaakka. Nunanut allanut
unammisartut Kalaallit Nu-
naanneersut Danmark-imeer-
sullu 12-14-inik amerlatigaa-
gut, sungiusaqatigiittuaanna-
ngajalluta.
- Norgemiut sungiusaqati-
giittarput, tassami norgemiu-
nut nunanut allanut unammi-
sartunut inuusuttuaqqanut
ilaagamik, soorlu uagut qal-
lunaanut nunanut allanut
unammisartunut inuusut-
tuaqqanut ilaasugut, Malik
nangilluni oqarpoq.
Pinnguameq pissutaasoq
Malik sungiusamermini pit-
sanngoraluttuinnarpoq, suul-
li tamarmik ajorluinnalerput.
Tamanna januar 1997-imi pi-
voq.
- Pisamertut sungiusame-
rup kingorna Miki Brøns
kammalaativullu marluk ila-
galugit sungiusameq ingerla-
teqqinniarparput, oqartamit-
situt »pinnguarluta sungiu-
sarluta«, akomusersuutit por-
tusiartortillugit pissittarlugit.
- Tassani ajutooqqippu-
nga. Seeqqora seqqortorujus-
suuvoq, taamalu ajoquseqqil-
luni. Anniarivallaanngilara,
nammineerlungalu angerlar-
sinnaavunga. Nalunngilarali
aj oquseqqillunga.
Ajoqusernerma kingorna
eqqarsaatiga siulleq tassa si-
sorameq immaqa taamaatit-
taliaraqalerlugu. Tamanna
uggomaqaaq, tassami pitsaa-
nermik angusaqarnissara
angomsukkaluarakku, Malik
Hegelund Olsen oqarpoq.
Malik inuusuttuaqqani u-
nammisartutut 15 FlS-punkt-
inik angusaqarpoq. Nunani
assigiinngitsormiut unammi-
samerannut ilaanissamut qal-
lunaat tungaannit piumasaa-
voq 80 FIS-punktit angu-
neqamissaat, tamannalu Ma-
liup angulluarsinnaagaluar-
paa.
- Sisoramermi siuariartor-
nerit unittoq paasigakku qa-
noq eqqarsarpit?
- Aallaqqaataani artoma-
qaaq. Amerlaqaallu aallar-
teqqinnissannik kajumissaa-
risut.
- Angajoqqaamma oqarfi-
gaannga isumaatsuliomerus-
sasoq aallarteqqissaguma,
taama inuusuttigalunga mar-
loriarlunga seeqqukkut ajo-
qusersimagama.
- Tamanna annertuumik
eqqarsaatigaara, aalajanger-
lungalu annertunerusumik
ajoqusertinnanga taamaatik-
kuma pitsaanemsoq.
Ajoqusemerminut atatillu-
gu Malik Hegelund Olsen-ip
Norge-mi atuamini taamaa-
tittariaqarpaa. Nuummut u-
terpoq, Ilinniamertuunngor-
niarfimmilu atualerluni.
- Aallaqqaataani eqqarsar-
punga meeqqat NS-84-imut
ilaasortat sungiusartarumal-
lugit, tamannali taamaatillu-
gu Ilinniarnertuunngorniar-
fimmi ilinniagassaqarpal-
laamera pissutigalugu.
- 1997-imili Maniitsumi
GM-emermi meeqqanut pi-
sortatut ilaavunga, tamanna-
lu nuannersumik pisortatut
misigisaqarfiuvoq.
- Ilinniamertuunngomiar-
fimmi ilinniamermi ukiuisa
pingajussaat aallartissavaa,
maannakkullu sunngiffimmi-
ni Pikkori Sport-imi sulisar-
luni.
Nipilersorneq
Sisorartameq tassaanngaan-
naq unimmat Malik allamik
sunngiffimmini sammisassa-
qamiartariaqarpoq.
- Nipilersorneq soquti-
giuaannarsimavara. 8-9-nik
ukioqarlunga guitaremiarta-
lerpunga. Pingaartumik Su-
me nuannarisaralugu.
- Nammineerlunga guita-
remeq ilinniarpara, siuller-
meerlungalunga 1996-imi
Café Rudolf-imi tusamaartit-
sillunga.
- Unnuk taanna kikkut ta-
marmik piumasut nipilersor-
sinnaapput, sapiiserlungalu
nipilersorpunga. Ajunngitsu-
mik ingerlavoq, isumaqar-
pungalu ajorpallaanngitsoq
tusamaarteqarluni nipilersor-
neq.
- Sumep atugai atorlugit
aamma Nuuk TV-mi tusar-
naartitsinikuuvunga. 1997-
imi Lillehammer-imut tike-
raarpaannga, taamalu nipi-
lersortunga erinarsortungalu
immiullunga.
Amaatitaartoq
Malik 10-11-nik ukioqarluni
Sisimiuni najugaqarnermini
nipilersoqatigiinni nipiler-
sortarpoq. Akuttunngitsumik
Amerlumi nipilersortarput.
Qititsisarpugut, amerlaner-
tigullu 50-t missaat isersima-
sarput. Nipilersorfigisartak-
kavut tassaanempput meeq-
qat ungdomsklub-imiittartut.
- Nammineerlutit erinar-
suusiortarpit taalliortarlutil-
lu?
- Naamik, kisianni aasaq
Nina aapparalugu erinnior-
punga. Tuluttuujuvoq, Ulo-
milu immiunneqarluni. CD-
mi Paarisamit ukiaru saq-
qummersinneqartussami i-
laasussaavoq.
- Allat erinnniorlutillu
taalliortarput. Akerlianik
nuannarineqartut sanaavi eri-
narsussallugit nuannaraakka.
- Arlaleriarlunga KNR-
TV-mi taamaaliortarpunga,
ilaatigut »Aliikkusiarfik«-
mi, arnaatiga aapparalugu
Malik Katuami tusamaartitsinermik ilaanni.
Malik under en af sine optrædener i Katuaq.
Rod Stewart-ip atugaanik
marlunnik kalaallisuumillu
ataatsimik atuilluta.
Ikinngutini Nuka V. Peter-
sen aqqutigalugu 1996-imi
poorskimi amaatini naapip-
paa.
Tassaavoq erinarsortartoq
Nina Kreutzmann Jørgensen,
nipilersoqatigiinni Qulleq-mi
erinarsortartoq.
- Taamanili poorskimi
1996-imili peerariippugut.
Arlaleriarluta nipilersoqati-
giittarpugut, Qulliullu saq-
qummersitaani kingullermi
aamma nipilersoqataavunga,
Malik Hegelund Olsen nag-
gasiivoq.
Taamaalilluni nipilersor-
neq Maliup ulluinnami inuu-
neranut attuumassuteqarpoq.
Ukiumi kingullermi arlale-
riarluni tusamaartitsisarpoq.
Ilaatigut eqqaaneqarsinnaa-
voq ICC-p ataatsimeersuar-
nera naggataarlugu Nuummi
1998-imi nipilersorneq.
Silamiut sanaavanni »Sar-
suasut«-mi aamma peqataa-
simavoq, arlalippassuariarlu-
nilu tusamaartitsisarluni.
Maannakkullu nipilersor-
nerup iluani siunissaqaler-
poq. Sangusaartamerlu pui-
gugassarinngilaa.
1999-imi Nuup illoqarfiani
sangusaarluni pissartanngor-
niunnermi peqataavoq, nuan-
nariinnarluguli.
Nipilersorluni isiginnaagassiamit »Sarsuasut«-mit, Katuami
takutinneqartumit. Saamerlemiit tassaapput Nina Kreutzmann Jørgensen,
Julie Berihelsen, Nuka V. Petersen aamma Malik Hegelund Olsen.
Fra musical'en «Sarsuasut«, der blev opført i Katuaq. Fra venstre
ses Nina Kreutzmann Jørgensen, Julie Berthelsen, Nuka V. Petersen
og Malik Hegelund Olsen.
ASS J FOTO: UL-FOTO