Fréttablaðið - 24.06.2005, Blaðsíða 12

12 24. júní 2005 FÖSTUDAGUR
LANDBÚNAÐUR Lambakjötsbirgðir í
landinu eru nægar til að anna
eftirspurn þangað til ferskt kjöt
kemur aftur á markaðinn í sept-
ember, að mati sérfræðinga hjá
Bændasamtökunum, og engin
ástæða til að óttast skort í sumar.
Vel yfir tvö þúsund tonn af
lambakjöti eru enn til í landinu og
þar sem nokkrir bændur eru
þegar farnir að huga að sumar-
slátrun á það magn að duga út
júlímánuð, þangað til nýslátrað
fæst aftur í verslunum í byrjun
ágúst.
Guðrún Sigurjónsdóttir hjá
Landssambandi sláturleyfishafa
segir að á sama tíma í fyrra hafi
birgðastaða lambakjöts verið um
þrjú þúsund tonn og talsvert hafi
verið eftir af því þegar nýslátrað
kom á markað. Þrátt fyrir að
magnið sé minna nú telur hún
ekki líkur á að skortur geri vart
við sig, heldur eigi allir að eiga
nóg kjöt á grillið fram á haust.
Verð mun þó að líkindum hækka
þegar nýslátrað kemur á markað-
inn aftur, enda eftirspurn ávallt
mikil eftir nýjum og ferskum
afurðum. -aöe
Mikil aðsókn í heilsugæslustöðvarnar í Reykjavík:
Skjólstæ›ingum sagt a› fara anna›
HEILBRIGÐISMÁL Það ætti enginn að
þurfa að vera án heimilislæknis
og heilsugæslustöðvar, að mati
Guðmundar Einarssonar, for-
stjóra Heilsugæslunnar í Reykja-
vík. Hann segir að reiknað sé með
að allir fái þjónustu í sínu hverfi
þótt ekki sé hægt að standa við
það alls staðar.
Einhverjir hafa kvartað yfir
því að vera sagt upp af hverfis-
heilsugæslustöð við flutning í
önnur hverfi og þeir standi þá
uppi án heimilislæknis. „Fólk þarf
að skrá sig á nýja heilsugæslustöð
þegar það flytur milli hverfa og
yfirleitt er fólki ekki sagt upp
nema það sé búið að fá pláss á nýj-
um stað,“ segir Guðmundur.
„Komi það hins vegar fyrir á fólk
að tala við gömlu stöðina sína og
fá frest þar til sú nýja getur tekið
við þeim.“
Heilsugæslustöðvarnar eru
með skipulagða móttöku fyrir
skynditilfelli en Guðmundur vill
einnig benda fólki á Upplýsinga-
miðstöð Heilsugæslunnar í síma-
númerinu 1700. Þar eru tveir
hjúkrunarfræðingar á vakt frá 8
til 17 og er ekkert aukagjald tekið
fyrir símtöl umfram venjulegt
gjald. - sk
Bandaríkjastjórn
óvinsælli en Kínastjórn
Eftir tveggja ára strí› í Írak hefur almenningur minna álit á stjórninni í Washington en kommúnistastjórn-
inni í Kína. fietta er ni›ursta›a alfljó›legrar sko›anakönnunar sem AP-fréttastofan ger›i á dögunum.
WASHINGTON, AP Ríkisstjórn Banda-
ríkjanna hefur beðið hnekki
undanfarin ár, sérstaklega í
augum Mið-Austurlandabúa.
Stríðsreksturinn í Írak er ástæða
þessarar andúðar.
Ímynd Bandaríkjastjórnar
virðist svo sködduð eftir tveggja
ára stríð í Írak að kommúnista-
stjórnin í Kína nýtur meiri hylli á
meðal margra þjóða. Í þeim hópi
eru gamlir bandamenn Bandaríkj-
anna, svo sem Bretar og Frakkar.
Ímyndin virðist ekki hafa batnað
þótt ríkisstjórn George W. Bush
hafi reynt að leggja áherslu á
frelsi og lýðræði í umræðum um
Mið-Austurlönd og tekið sig veru-
lega á í alþjóðlegri þróunarhjálp,
til dæmis með háum framlögum
til hjálparstarfs á flóðasvæðum í
Suðaustur-Asíu.
Í Bretlandi, þar sem stjórnvöld
leggja mikið upp úr góðum sam-
skiptum við Bandaríkjastjórn,
segjast 65 prósent vera jákvæð í
garð Kínastjórnar en 55 prósent í
garð Bandaríkjastjórnar. Svipaða
sögu er að segja af Frökkum, þar
sem 58 prósent hugsa vel til Kína
en ekki nema 43 bera hlýjan hug
til Bandaríkjanna. Niðurstöður á
Spáni og í Hollandi eru nær sam-
hljóða þeim í Frakklandi.
Verstu útreiðina fékk Banda-
ríkjastjórn í múslimaríkjum á
borð við Tyrkland, Pakistan og
Jórdaníu. Í þessum löndum sér
einungis um fimmtungur íbúa
Bandaríkjastjórn í jákvæðu ljósi á
meðan meira en helmingur að-
spurðra í þessum löndum hugsar
hlýlega til stjórnvalda í Kína. Ein-
ungis Indverjar og Pólverjar eru
jákvæðari í garð Bandaríkjanna
en Kína og næstu nágrannar
Bandaríkjanna í Kanada bera
svipaðan hug til beggja stjórna.
Viðhorf til Bandaríkjastjórnar
versnaði snarlega eftir innrásina í
Írak vorið 2003 og hefur ekki
batnað að neinu ráði síðan, nema í
Indónesíu þar sem Bandaríkja-
menn lögðu talsvert fé í aðstoð við
fórnarlömb flóðbylgjunnar í
desember. Meirihluti aðspurðra í
flestum löndum sagði í könnun-
inni að þeim þætti Bandaríkja-
stjórn ekki líta til hagsmuna ann-
arra landa við ákvarðanatöku í
utanríkismálum. Flestir þeir sem
lýstu neikvæðu viðhorfi í garð
Bandaríkjastjórnar sögðu að
líklega væri George W. Bush
Bandaríkjaforseti helsta ástæðan
fyrir óvinsældunum. ■
Starfsmenn fagna:
fiúsund slysa-
lausir dagar
GRUNDARTANGI Starfsmenn Ís-
lenska járnblendifélagsins á
Grundartanga fögnuðu þeim
áfanga í gær að þúsund dagar
höfðu liðið án alvarlegra vinnu-
slysa sem leiddu til fjarveru
starfsmanns úr vinnu. Markvisst
hefur verið unnið að auknu
starfsöryggi síðustu ár, til dæmis
með góðum merkingum, bættri
umgengni, notkun öryggisbúnað-
ar, stöðluðum vinnubrögðum og
skráningum á óhöppum, en minni
háttar óhöppum hefur jafnframt
fækkað töluvert á vinnustaðnum
síðustu árin.
- grs
Ökumaður í Vopnafirði:
Drap kind
og faldi
LÖGREGLUMÁL Ökumaður ók yfir
kind skammt frá bænum Eyvind-
arstöðum við Hellisheiði eystri
um klukkan
tíu í fyrra-
dagsmorg-
un. Í stað
þess að
borga sekt-
ina sem
þessu fylgir
fór hann
með kind-
ina fjög-
urra kílómetra leið og faldi hana
þar um tuttugu metra frá vegin-
um. Það voru hins vegar glöggir
vegavinnumenn sem komu auga á
kindina en þeir voru að störfum
þar skammt frá.
Ekki er vitað hver var að verki
en lögreglan á Vopnafirði segir
málið í rannsókn. -jse
RÚSSLAND
FANGAR SLEPPA Fjórir fangar
sluppu úr fangelsi í austurhluta
Rússlands í fyrradag. Um tvö
þúsund lögregluþjónar leita
þeirra, en þrír fanganna eru
dæmdir morðingjar og einn
eiturlyfjasali. Þetta er annar
fangaflóttinn í Rússlandi í mán-
uðium en þrír fangar sluppu 6.
júní úr öðru fangelsi en náðust
aftur.
SÝNDI RÍKISSTJÓRN ÍRAKS STUÐNING Um
hundrað brottfluttir Írakar, allir sjíar, komu
saman fyrir utan höfuðstöðvar Evrópusam-
bandsins í Brussel til að sýna ríkisstjórn
landsins stuðning og samhug. Hér sést
einn þeirra halda á íraska fánanum. Ráð-
stefna um uppbyggingu Íraks stendur nú
yfir í höfuðstöðvunum.
FR
ÉT
TA
B
LA
Ð
IÐ
/A
P
GUÐMUNDUR EINARSSON Þeir sem ekki
hafa tök á að komast að í heilsugæslu
síns hverfis geta skráð sig hjá Heilsugæsl-
unni í Salahverfi í Kópavogi en hún tekur
við skráningum fólks úr öðrum hverfum
höfuðborgarsvæðisins.
GEORGE W. BUSH Samkvæmt niðurstöðum skoðanakönnunnar AP-fréttastofunnar telja flestir Bush Bandaríkjaforseta helstu ástæðuna
fyrir óvinsældum Bandaríkjanna.
M
YN
D
/A
P
Talsvert eftir af lambakjöti í landinu:
Ástæ›ulaust a› óttast skort
SUMARSLÁTRUN AÐ HEFJAST Nokkrir
bændur freista þess að slátra fé strax í júlí
til að slá á spurn eftir nýju lambakjöti.
Bændur fá hærra verð fyrir það en ef þeir
slátra í september eins og venja er.
FR
ÉT
TA
B
LA
Ð
IÐ
/V
IL
H
EL
M