Tíminn - 03.09.1975, Side 9
Miðvikudagur 3. september 1975.
9
TIMINN HEIMSÆKIR HOFSOS
Texti og myndir: Áskell Þórisson
Það verður að ein-
falda KERFIÐ
— segir Þórður Kristjónsson, verkstjóri
Þórður Kristjánsson er verk-
stjóri frystihússins á Hofsósi. Við
spurðum hann fyrst, hvernig
reksturinn hefði gengið á siðasta
ári.
— Það var nokkur hallarekstur
á árinu, enda ekki nema von, þvi
þann grundvöll, sem átti fyrir
löngu að vera búið að finna og átti
aö gera kleift að reka frystihús —
hef ég ekki séð. Hafi það verið
slæmt á siðastliðnu ári aö reka
fiskverkunarstöðvar þá verður
það enn verra i ár eftir fiskverðs-
hækkun og kauphækkun. Ég er
ekki að mótmæla kauphækkun-
inni, hún var nauðsyn, en fyrir
nokkuð löngu áttu að vera komn-
ar i framkvæmd aðgerðir af hálfu
hins opinbera, sem áttu að hjálpa
fiskseljendum og kaupendum að
yfirstiga fyrirsjáanlega erfið-
leika — þær aðgerðir hafa ekki
séð dagsins ljós og ástandið hjá
okkur hér hefur til dæmis verið
þannig, að ekki hefur alltaf verið
möguleiki á þvi að greiða fólkinu
út kaupið.
Vantar að ríkisvaldið
taki ítaumana
— Hvað telur þú að sé helzt til
bragðs að taka?
tJr vinnslusal frystihússins.
— Það verður að einfalda kerf-
ið fyrir það fyrsta, því að það er
alltof þungt i vöfum, einhver stór
aðili til dæmis Seðlabankinn,
veröur að gera fiskkaupendum
kleift að geta greitt okkur undir
eins, svo allt stoppist ekki einn
góðan veðurdag. Það þarf vissu-
lega sæmilegt geð til þess að
standa i þvi að láta fyrirtæki rétt
rúlla áfram. Við erum svo sem
ekki að biðja um mikinn ágóða,
en þetta verður að ganga nokkurn
veginn hallalaust og er þá góð
fyrirgreiðsla nauðsynleg. Það má
lika bæta þvi við hér, að þetta
frystihús er ekki einkafyrirtæki
heldur hlutafélag fólksins sjálfs
og verkalýðshreyfingarinnar á
staðnum.
Frystihúsið gæti tekið
á móti meiri afla
— Berst nægjanlegur afli til
ykkar?
— Nei, við gætum tekið á móti
nokkru meiri afla, en núna fær
frystihúsið einn þriðja af afla tog-
aranna sem gerðir eru út frá
Sauðárkróki og eins fáum við afla
af einum dekkbáti, sem gerður er
út héðan. En það er ekki nægjan-
lega gott hráefni sem fæst frá
Sauðárkróki, sem sést bezt á þvi
að mikið fer I blokkir en litiö i
neytendapakkningar. Hins vegar
Söltum viö tiltölulega lítið, enda
er húsnæði til þess arna af skorn-
um skammti.
Að lokum spurði TÍMINN Þórö
Kristjánsson að þvi, hvort væru á
döfinni einhverjar framkvæmdir
hjá frystihúsinu. Þórður sagði, aö
lengi hefði staðið til að hefja
framkvæmdir við viðbyggingu
sunnan við húsið, en i henni á aö
vera nýr inngangur, snyrtingar,
búningsherbergi og kaffistofa. Þá
er einnig á áætlun að koma upp
betra húsnæði fyrir saltfiskverk-
un, einungis vantar fjármagn til
að hefja báðár þessar fram-
kvæmdir. Aðspurður um tæki og
vélar sagði Þórður að frystihúsið
vantaði tilfinnanlega flökunarvél
og lyftara, en eins og er þarf til
Þórður Kristjánsson
dæmis að nota handaflið við að
taka fiskkassana af vörubilun-
um....
Otibú K.S. á Hofsósi
Húsnæði Stuðlabergs hf.
Höfum líklega betur
í samkeppninni
ef eitthvaö er
BYGGÐASTEFNAN HEFUR
ORÐIÐ HOFSÓS TIL GÓÐS
Óli Þorsteinsson
Óli Þorsteinsson er útibússt jóri
Kaupfélags Skagfirðinga á
Hofsósi. Hann byrjar nú samt á
þvi að fræða okkur um félagsmál
á staðnum, en mikil og góð sam-
vinna hefur tekizt milli hrepp-
anna i skóla- og félagsmálum.
— Nú þegar hefur fyrsti áfangi
barnaskólans verið tekinn I notk-
un og annar áfangi i haust, segir
Óli. — Þessi skóli er sameign
þriggja hreppa, Hofsós-, Hofs-, og
Fellshrepps, en fyrrnefndir
hreppar stóðu einnig fyrir bygg-
ingu félagsheimilis, er tekið var I
notkun fyrir tveimur árum. Og
Óli Þorsteinson heldur áfram: —
Félagsheimilið hefur tvlmæla-
laust ýtt undir alla félagsstarf-
semi hér á Hofsósi og nágrenni.
Hér eru nú til dæmis starfandi
kvenfélag, Söngfélagið Harpan,
ungmennafélag og fleiri félög.
— Nú ert þú útibússtjóri hjá
Kaupfélagi Skagfirðinga, hvað
getur þú sagt okkur um starfsemi
útibúsins?
— Það þjónar fyrst og fremst
Hofsósi og nærliggjandi hrepp-
um, eða I stuttu máli . úthéraði
Skagafjarðar að austan. Hér
starfa sex fastráðnir starfsmenn,
og útibúið rekur enga aðra starf-
semi en verzlun með nauösynja-
varning — fyrir utan saumastofu
er starfar I samvinnu við Heklu á
Akureyri. Það má annars geta
þess til gamans að upphaf
saumastofunnar var það, að
framleiða þurfti Islenzka fánann.
A saumastofunni vinna nú niu
konur.
— Hver var heildarvelta úti-
búsins?
— A slðastliðnu ári var hún 35
milljónir, og er þá ekki meötalin
áburðarsala, en eðlilega er hún
stór liður.
— Finnst þér kaupmáttur al-
mennings hafa aukizt nú undan-
farið?
— Ég veit ekki hvort kaup-
máttur hefur aukizt almennt, en
hér á Hofsósi er það ólikt, hversu
fólk hefur nú miklu meiri peninga
milli handanna. Byggðastc,fna
vinstri stjórnarinnar — hvað
varðaði togaraútgerð varð okkur
tvimælalaust til góðs. Aöur var
atvinnuástand slæmt og atvinnu-
leysi alltitt, en eftir aö togarafisk-
urinn fór að berast hingað hefur
verið um stöðuga atvinnu að ræða
i frystihúsinu — sem svo aftur er
stærsti atvinnugjafinn.
— Hefur þá togarinn og frysti-
húsið komið i veg fyrir meiri
fólksfækkun en orðið var?
— Tvímælalaust hafa þessar
ráöstafanir orðið til þess, og ó-
hætt gr að segja, að við hér litum
nú björtúm augum á framtiðina.
EINN af þeim ungu mönnum er
hafa staöfestst á Hofsósi er Gunn-
laugur Steingrlmsson vélvirki, en
hann vinnur hjá STUÐLABERGI
h/f á Hofsósi.
TIMINN spurði Gunnlaug fyrst
að þvi,hvaða kosti hann sæi við
það, að búa úti á landi I litlum bæ.
Gunnlaugur sagði, að fyrir sig
væri það tvennt, sem aðallega
réði valinu á þvi^hvort hann byggi
i fjölmennum bæ eða i eins litlu
samfélagi og Hofsós er. I fyrsta
lagi hyrfi viðkomandi ekki inn I
fjöldann,heldur væri hann i mun
nánari snertingu við það sem
gerðist i umhverfinu.-Ekkert fer
framhjá manni, sagði Gunnlaug-
ur, og þú ert mun meiri þátttak-
andi I öllu þvi er skiptir einhverju
máli. Fyrir utan að ég held að það
sé manninum mun eðlilegra að
búa i litlu bæjarfélagi — heldur en
á staö eins og til dæmis Reykja-
vlk.
— Verður þú ekki var við að
ungt fólk leiti útfyrir staðinn,að
minnsta kosti um tima? —
— Jú, það fer alltaf einhver
fjöldi út á land til að vinna, til
dæmisað vetrinum, en yfirleitter
þar bara nýungagirni sem ræður.
Áður fór unga fólkið, og kom ekki
aftur. — Hins vegar hefur þróunin
nú snúizt við — um það bera hús-
byggingarnar á Hofsósi órækt
vitni.
— Hvernig er með samgöngur
við Hofsós?
— Þær eru ef til vill erfiðastar,
þvi að óneitanlega eru þær undir-
staða þess að dreifbýlið geti verið
samkeppnisfært við stærri bæi. I
samgöngurnar kom nokkur aftur-
kippur, er Siglufjörður hætti að
vera jafn þýðingarmikill bær og
var á slldarárunum. Þá var aðal-
leiðin til Siglufjarðar i gegnum
Gunnlaugur Steingrimsson
Hofsós og bærinn naut góðs af. En
samgöngur hingað koma til með
að batna mikið, þegar vegurinn
yfir eylendið til Sauðárkróks
kemst i gagnið. Nú verður til
dæmis unnið við að brúa eystri
kvisl Héraðsvatna næsta haust,
og þetta kemur svona smám
saman. I sambandi við flug, þá
verðum við að fara til Sauðár-
króks, og er áætlun til Króksins
hvern dag sem flugfært er.
Við spurðum Gunnlaug um
Stuðlaberg h/f og hvað það fyrir-
tæki framleiddi.
Gunnlaugur sagði, að Stuðla-
berg framleiddi m.a. hljóðkúta i
bifreiðar, og væri eini aðilinn hér
á landi er smíðaði nokkurt magn
af þeim. En fyrirtækið helgar sig
ekki eingöngu hljóðkútasmiði:
þar eru einnig gerðar kjötbrautir
og annað tilheyrandi fyrir slátur-
hús. Aðspurður um hvort væri
Framhald á 15. siðu.
Félagsheimilið