Tíminn - 22.11.1975, Blaðsíða 3
Laugardagur 22. nóvember 1975.
TÍMINN
3
Fiskiþingi lýkur í dag:
SUMIR SJAVARUTVEGS-
SJÓÐANNA LEIÐA TIL
ÓHAGSÝNI í ÚTGERÐINNI
segir í einni dlyktun þingsins
gébé Rvik — í ályktun fiskiþings
um sjóðakerfi sjávarútvegsins,
bendir þingið á, að sumir þeir
sjóðir, sem settir hafa verið á
stofn á undanförnum árum, hafa
beinlfnis leitt til þess að ekki er
gætt þeirrar hagsýni i rekstri út-
gerðar, sem nauðsynleg er, má
þar sérstaklega nefna trygginga-
sjóðinn og ollusjóðinn, sem skap-
að hafa herfilegt misrétti milli út-
gerðaraðila. Þá var þvi fagnað á
þinginu, að skipuð hefur verið
nefnd til þess að vinna að endur-
skoðun á sjóðakerfi sjávarút-
vegsins og leggur þingið áherzlu
á, að nefndin geti lokið störfum á
þessu ári.
t gær höfðu flestar nefndir lokið
störfum á fiskiþinginu, og voru
ályktanir og tillögurnefndanna til
umræðu á almennum þingfundi i
gær. Eftirtalin mál voru til um-
ræðu i gær: Sjávarútvegurinn og
óðaverðbólgan, hið margumtal-
aða sjóðakerfi, fiskmat, fiskileit
og rannsóknir og lánamál sjávar-
útvegsins. Marias b. Guðmunds-
son, varaþingforseti, sagði
i gærkvöld að búizt væri við að
þinginu yrði slitið seinni hluta
dags i dag, en sem kunnugt er
hefur þingið staðið siðan s.l.
mánudag.
t ályktun þingsins um fiskileit
og rannsóknir segir m ,a., að þing-
ið feli stjórn Fiskifélags tslands
og Fiskimálastjóra, að fylgjast
með allri fiskileit og rannsóknum,
sem hinar einstöku stofnanir
sjávarútvegsins framkvæma og
telur að þyrfti að gefa upplýsing-
ar og gera áætlanir um hvernig
hagkvæmt væri að standa að
vinnslu á hinum ýmsu tegundum
skeldýra eða fiska sem ennþá eru
ónýttir. Nefnd sú, sem fjallaði um
fiskileit og rannsóknir, hafði tal
af forstöðumanni Hafrannsókna-
stofnunar, dr. Jóni Jónssyni, og
sagðisthann m.a. gera sér miklar
vonir um, að með tilkomu þess
skips sem væri búið að kaupa til
fiskileitar og rannsókna, myndi
aðstaða til þeirra verkefna, sem
stofnuninni hefir verið falið, batn-
a mikið. bá taldi Jón að sendi-
geislar asdik-tækja gætu ekki haft
áhrif á hvarf Norðurlandssildar-
innar eða annarra fiskistofna á
hvaða aldursskeiði sem þeir
kynnu að vera.
r
Sambandsþing UMFI:
Bygging iðnskóla
hafin á Selfossi
gébé Rvik — Vilhjálmur
Hjálmarsson menntamálaráð-
herra tók á föstudag fyrstu
skóflustunguna að nýjum iðn-
skóla á Selfossi. Fyrirhugað er
að þar verði til húsa verknáms-
deild iðnskólans, og verði skól-
inn einnig liður i byggingu fjöl-
brautarskóla á Selfossi.
Við athöfnina á Selfossi i gær,
hélt Bjarni Pálsson, skólastjóri
iðnskólans á Selfossi ræðu, sið-
an tók ráðherra til máls og
sagði:
Við erum hér mætt til þess að
hefja byggingarframkvæmdir
við iðnskólann á Selfossi. bað
verður hlutverk þess húss er hér
skal risa, að vera miðstöð verk-
legrar menntar á Suðurlandi.
Hér verður og leitazt við að
treysta tengsl með grunnnámi
ungmenna og þeirri verkmennt
un, sem þjóðfélagið þarfnast.
Við biðjum blessunar þvi
verki, sem hér er að hefjast og
þeirri starfsemi, sem hér mun
fram fara um ókomin ár.
Ungmennabúðir með þátttak-
endum frá öllum Norðurlöndun-
um höfuðverkefni samtakanna
á næsta ári
8,23% aukning
kindakjötsframleiðslu
frá því í fyrra
Ekki liggur fyrir enn nákvæmt
yfirlit um fjölda fjár, sem slátrað
var á þessu hausti, en tekið hefur
verið saman yfirlit um fram-
leiðslu kindakjöts.
Af dilkakjöti fengust 13.003
smálestir, en i fyrra reyndist
magnið vera 11.966 smálestir.
Heildarmagn kindakjöts nú varð
14.577 smálestir, það er 8.23%
aukning frá árinu 1974.
1 flestum sláturhúsum landsins,
stendur nú yfir slátrun stórgripa.
Reiknað er með nokkurri aukn-
ingu á slátrun nautgripa. Sala á
nautakjöti hefur verið mjög
áþekk og undanfarin haust. Ekki
hefur orðið sú aukning i sölu
nautakjöts og gert hafði verið ráð
fyrir, þegar ákvörðun var tekin
um lækkun smásöluverðs þess.
Astæðurnar er að nokkru hægt að
rekja til nautakjöts-útsölunnar en
þá seldust á skömmum tima
rúmar 300 smálestir.
Margt fólk hefur eflaust ekki
ennþá áttað sig á að hægt er að
gera hagstæð matarkaup á
nautakjöti, þegar keypt er f 1/2 og
heilum skrokkum.
M.Ó. -Sveinsstöðum. —29. sam-
bandsþing Ungmennafélags ts-
lands var haldið að Varmalandi i
Borgarfirði um siðustu helgi..
Hafsteinn Þorvaldsson formaður
UMFÍ setti þingið, en þingforseti
var kjörinn Jón Guðbjörnsson.
Á þinginu var lögð fram itarleg
skýrsla um starfsemi sam-
takanna á liðnum tveimur árum
frá þvi siðasta sambandsþing var
haldið. Þar bar hæst landsmót
UMFt sem haldið var á Akranesi
i sumar sem leið. Einnig hefur
félagsmálafræðsla ungmenna-
félaganna sifellt aukizt og hafa nú
verið haldin rúmlega eitt hundrað
félagsmálanámskeið, sem allt að
2000 manns hafa sótt.
Þá eru sifellt að aukast erlend
samskipti á vegum samtakanna,
t.d. kom fjöldi erlendra gesta
hingað til lands á landsmótið i
sumar og um 100 manna hópur is-
lenzkra ungmennafélaga fór til
Danmerkur að loknu landsmóti.
Ýmsar aðrar ferðir voru farnar á
vegum UMFÍ og tekið var á móti
mörgum erlendum gestum.
Hómarksvinna húsfreyju
í sveit 1922 stundir
— en í verðlagsgrundvellinum er miðað við 600 stundir á ári
gébé—Rvik. — Hámarksvinnu-
framlag húsfreyju i sveit, var
Hinn árlegi basar Félags Fram-
sóknarkvenna í Reykjavík verður
að Hallveigarstöðum á sunnudag
og hefst kl. 14:00. Að vanda er
fjölbreytt úrval góðra og fallegra
niuna á hasarnum á mjög sann-
gjörnu verði. Myndin sýnir
nokkra munanna. Timamynd:
Gunnar
1922 klukkustundir á s.l. ári, eða
rúmlega 37 klst á viku og rúmlega
5 klst á dag. 1 verðlagsgrundvelli
landbúnaðarafurða, er reiknað
með að húsfreyja skili 600 vinnu-
stundum á ári við búreksturinn og
samkvæmt vinnuskýrslum
búreikninga hafa að meðaltali
veriö færðar 666,8 vinnustundir á
húsfreyju við búreksturinn, þar
af eru 444 klst. við mjólkurfram-
leiðsluna. Ef vinnustundir
húsfreyju eru rétt færðar i
búreikningum, þá má gera ráð
fyrir að áætlaðar vinnustundir
þeirra i verðlagsgrundvellinum
sé ekki fjarri þvi rétta, þar sem
búreikningsbúiö er 32% stærra en
grundvallarbúið. Vinna húsfreyju
á búreikningsbúum er mjög
breytileg, en á allmörgum búum
er engin vinna talin á húsfreyju
við búreksturinn. Einstaka sinn-
um hefur þvi verið haldið fram,
að það sé vegna þröngsýni þeirra
er semja fyrir hönd bænda-
stéttarinnar um verðlagningu
búvara, hvað vinna húsfreyju er
talin litil i verðlagsgrundvellin-
um.
Fyrrgreindar upplýsingar eru
frá Upplýsingaþjónustu land-
búnaðarins. Mikið hefur verið
rætt og ritað um jafnrétti kynj-
anna að undanförnu, og er þá oft
tekið sem dæmi vinnustundir
húsfreyju i verðlagsgrundvellin-
um, og þær konur sem vinna að
bústörfum séu vanmetnar.
Það er staðreynd, að margar
húsfreyjur vinna mun fleiri
vinnustundir en sex hundruð,
miðað við 400 ærgildabú, og það
er þvi ekki óeðlilegt að þær telji
sér misboöið, en aðrar skili færri
vinnustundum svo útkoman verð-
ur þessi þegar meðaltal er fundið.
A næsta ári verður stærsta
verkefni samtakanna á sviði er-
lendra samskipta, ungmenna-
búðir sem UMFÍ ætlar að standa
fyrir, en áætlað er að þar verði
hátt á annað hundrað þátttakend-
ur frá öllum Norðurlöndunum.
A þinginu voru ýmis mál rædd
og fjölmargar ályktanir
samþykktar, m .a. var samþykkt
ályktun um landhelgismálið, þar
sem þingið fagnaði útfærslu is-
lenzku fiskveiðilögsögunnar i 200
milur og lýsti yfir fullum
stuðningi við þá ákvörðun. Þingið
taldi, að hér væri um lifshags-
munamál þjóðarinnar að ræða,
sem beri 'að vernda eftir föngum
og telur að með tilliti til nýút-
kominnar skýrslu Hafrannsókna-
stofnunarinnar þurfi að leggja
meiri áherzlu á það en nokkru
sinni fyrr að koma i veg fyrir of-
veiði innan fiskveiðilögsögunnar.
Þá voru fjármál samtakanna
mjög til umræðu og var á það
bent, að á fjárlögum fyrir árið
1975 hefði framlag til UMFl að-
eins verið 15% af framlögum,
sem veitt voru til frjálsrar
iþróttastarfsemi i landinu. Væri
það i engu samræmi við starf
ungmennafélaganna, þvi sam-
kvæmt skýrslum iþróttanefndar
er hlutur þeirra i iþróttastarf-
seminni um 40%. Skoraði þingið
þvi á Alþingi að leiðrétta þetta
misræmi og gerir þá kröfu að
UMFl verði tryggður tekjustofn
sem brúi þetta bil.
Framundan eru merk tfmamót
i sögu ungmennafélags-
hreyfingarinnar og var á þinginu
hvatt til þess, að þessara tima-
móta væri minnzt með viðeigandi
hætti. Benti þingið á ýmis atriði,
i þvi sambandi, m.a. að haldinn
verði hátiðafundur á Akureyri i
tilefni af stofnun ungmennafélags
Akureyrar fyrir 70 árum. Þá
verði stefnt að útgáfu afmælisrits
á 70 ára afmæli UMFÍ og efnt
verði til veglegra iþróttahátiða
sem viðast um land árið 1977.
Þá var samþykkt að koma á
stað auglýsingaherferð i þeim
tilgangi að vekja athygli á og efla
islenzka framleiðslu. Var
samþykkt að auglýsa i útvarpi i
232 daga samfellt undir kjör-
orðinu „Islandi allt”. Stjórn
UMFl var falin umsjón þessa
verks.
Þá var ályktað um hin tiðu um-
ferðarslys og allir landsmenn
hvattir til að taka höndum saman
i baráttunni gegn þeim. Fjöl-
margar aðrar ályktanir voru
samþykktar, en i stjórn UMFl
voru kosnir Hafsteinn Þorvalds
son, formaður — meðstjórnendur
Þóroddur Jóhannsson, Guðjón
Ingimundarson, Jón Guðbjörns-
son, Ólafur Oddsson, Björn
Agústsson og Bergur Torfason.
íshúsfélag ísfirð-
inga styrkir
menningarlífið
í bænum
GS-lsafirði. Aðalfundur Ishús-
félags Isfirðinga var haldinn
fyrir skömmu. Við það tækifæri
gaf félagið 300.000 kr til
menntunarmála, sem skiptust i
þrjá staði. Sunnukórinn fékk
100.000 kr, Tónlistarfélag Is-
firðinga 100.000 kr. og Litli leik-
klúbburinn 100.000 kr. íshús-
félagið og Hraðfrystihúsið
Norðurtanginn hafa áður styrkt
starfsemi þessara aðila meö fjár-
framlögum.
Líklegt að Gullberg
hafi veitt síldina
við Islandsstrendur
gébé Rvik — Það bendir allt til
þe ss að sildin sem Gullberg VE
seldi i Hirtshais á dögunum, sé
veidd við tslandsstrendur, sagði
Jón B. Jónasson í sjávarútvegs-
ráðuneytinu í gær. Rannsóknir
liafa farið fram á sýnum af
Norðursjávarsíld og síld veiddri
við Bjarnarey, og sá Egill Jóns-
son hjá Rannsóknarstofnun fisk-
iðnaðarins um þær rannsóknir.
— Fitu- og vaxtarmælingar
voru gerðar á sildarsýnum, og
samanburður á sild úr Norðursjó
og sild veiddri hér við land benda
eindregið til þess, að sild sú sem
Gullberg VE seldi i Danmörku 11.
nóvember hafi verið veidd hér
sagði'Jón B. Jónasson. Búizt er
þvi við að forráðamenn skipsins
verði kærðir, og þvi málið sent til
bæjarfógetans i Vestmannaeyj-
um til frekari rannsóknar og sið-
an til saksóknara, sem tekur
ákvörðun um frekari meðhöndlun
málsins.
Eins og komið hefur fram i
fréttum hér i blaðinu, seldi Gull-
berg VE rúmlega 35 lestir /yrir
5.236.442.- kr. og reyndist meðal-
verð sildarinnar á kg vera 146,79
kr., sem er rúmlega tvöfalt meira
en islenzku sildveiðiskipin hafa
selt i Danmörku i ár. Gullberg er
enn við veiðar i Norðursjó, en þar
sem sildveiðum islenzku skip-
anna lýkur þar 25. nóvember, er
búizt við skipinu hingað til lands
um n.k. mánaðarmót og munu þá
fara fram yfirheyrslur yfir skips-
höfninni.